Gusto mo bang Mag-blog?

Marami pa ring bentahe ang pagba-blog, sa kabila ng katotohanan na ang

internet ay may limitadong naabot lamang sa Pilipinas. Ang katangian ng pagsasama-
sama ng iba't ibang media (print, radyo, at telebisyon) ay makikita sa mga blog bilang
bahagi ng tinatawag na new media. Ang nakikita natin sa print media, radyo, at
telebisyon ay makikita na rin natin ito sa isang blog post, lalo na iyong mga taong
babad sa pagbabasa ng mga blog. Ang streaming audio at video ay mga anyo din ng
pampublikong komunikasyon na hindi lamang limitado sa mga salita.
Sa isang punto de bista ng isang web author, sabi niya na ang blog ay isang
porma ng website na gumagamit ng isang content management system (CMS) na sa
esensiya ay masasabing database program. Kaya nga kumpara sa paggawa ng isang
"ordinaryong" website, hindi na kailangan ang kaalaman sa hypertext markup
language (HTML) o web programming.
Madali lang para sa isang blogger na iorganisa ang kaniyang mga artikulo (o
post) ayon sa nais na kategorya at tag. At dahil nakabatay sa nilalaman ang isang blog
at palaging naa-access ang pinakabagong piraso, maaaring mabilis na matukoy ng
isang mambabasa kung may bagong post ang blog na binibisita nila.
Ang mga post mula sa blog ay madali ring maproseso bilang really simple
syndication (RSS) feeds na maaaring basahin kahit na hindi aktuwal na bisitahin ang
isang blog. Sa katunayan, ang isang web-enabled na cellphone ay maaari na ngayong
gamitin upang basahin ang nilalaman ng isang blog.
Bukod dito, mayroong madaming pagpipilian na mga widget at plug-ins na
magagamit kung nais mong mapaganda ang parehong porma at ang nilalaman ng
iyong blog. Malulula ka rin sa pagpili ng mga themes na magagamit kung pipiliin mo
ang WordPress bilang iyong platform sa pag-blog.
Alam mo bang ang themes, widgets at plug-ins ay open source? Ibig sabihin,
kung may sapat kang kaalaman sa web programming, puwede mong baguhin ang mga
ito ayon sa iyong pangangailangan.
Tungkol naman sa feedback mula sa mambabasa, madali lang magsulat ng
komento dahil kailangan lang magsulat sa comment fields na nasa katapusan ng isang
post. Mapapansin kaagad ng mambabasa na nai-publish na ng blogger ang kanyang
gawa kung hindi sinusubaybayan ng blogger ang mga komento. Madali rin para sa
isang blogger na maglagay ng isang shoutbox sa kaniyang blog kung saan ang mga
mambabasa ay malayang magpahayag ng kanilang mga opinyon at saloobin, at
makipag-usap sa blogger at iba pang mga online na mambabasa.
Nahihikayat ka bang sumali sa tinatawag na blogosphere ngayong pamilyar
ka sa mga pangunahing kaalaman sa isang blog? Sana naman, bago ka mag-blog,
tandaan ang katotohanan na kahit sino ay maaaring mag-blog at ito ay maaaring
isaalang-alang bilang isang bentahe at isang disbentahe.
May kapangyarihang nararamdaman sa blogging ang isang indibidwal o
institusyong nais magpalaganap ng makabuluhang impormasyon sa sinumang
interesadong mambabasa. Gayunpaman, ang isang tao o isang grupo na gustong
makapinsala o manira sa ibang tao ay maaari ding magsimula ng isang blog.
Ang iyong opinyon ay napakahalaga lalo na sa isang bansang naghihikahos, at
maaari mong gamitin ang blog para ipalaganap ang iyong mga diskurso hindi lang sa
Pilipinas kundi sa buong mundo.
Tulad ng maraming kalye sa Maynila, na barado ng basura, ang tinatawag na
information superhighway ay sadlak sa dumi ng maling impormasyon at
iresponsableng pagsusulat. Pero kung gusto mong mag-blog, maaari kang tumulong
sa paglilinis nito sa pamamagitan ng pagiging modelo ng responsableng pagsusulat.
Mayroon kang pasensya na kinakailangan upang basahin at maunawaan ang
maikling artikulong ito hanggang sa huling talatang ito. Kung sakaling magpasya
kang magsimulang mag-blog, sana ay sundin mo ang disiplinang ito.