KAGAWARAN NG EDUKASYON

Pampaaralang Sangay ng Bulacan

Capitol Compound, Guinhawa St., Malolos City

Araling Panlipunan
Grade 10

Sariling Linangan Kit

 Paunang Salita

Maihahambing ang nakaraan at ang makabagong

gawain at makapagbibigay ng malalim na pag-unawa sa
mga pagbabagong dala ng globalisasyon.

Sa paglipas ng panahon ay patuloy nating

nararanasan ang mga pagbabago. Ang mga
pagbabagong nagpadali sa paraan ng ating mga
pamumuhay at integrasyon ng iba’t ibang gawi ng mga
tao sa mundo.

Ang babasahing ito ay naglalayong makatulong sa iyo

bilang mag-aaral upang higit mong maunawaan ang iba’t
ibang pagbabagong nagaganap sa ating kapaligiran at
lipunan. Mapalalawak din ng araling ito ang ating
kaalaman sa mga bagay na naihahambing sa nakaraan at
magpapabilis pa ng gawain sa hinaharap.

Halina’t suriin at unawain ang mga kaugnay na

konsepto sa paksang globalisasyon.

2
 LAYUNIN:

 Nauunawaan ang konsepto ng globalisasyon.

 Natutukoy ang mga dahilan at epekto ng
globalisasyon.
 Naipaliliwanag ang dimensyon ng globalisasyon bilang
isa sa mga isyung panlipunan.
 Natutukoy ang mga perspektibo at pananaw sa
pagsisimula ng globalisasyon.

KASANAYAN SA PAGKATUTO

1. AP10GKA-IIa-1

Nasusuri ang konsepto at dimensyon ng globalisasyon

bilang isa sa mga isyung panlipunan.

2. AP10GKA-IIa-2

Naiuugnay ang iba’t ibang perspektibo at pananaw ng

globalisasyon bilang suliraning panlipunan.

I. ANO ANG NANGYARI?

Lagyan ng tsek ( ) ang mga aytem na iyong

nararanasan sa kasalukuyan.
_____1. Nakagagamit ng iba’t ibang electronic gadget
tulad ng cellphone.
_____ 2. Nakababalita sa mga pangyayari sa ibang
bansa sa tulong ng media.

3
 _____3. Nakakakain ng mga produktong nagmula sa
ibang bansa tulad ng imported chocolates.
_____4. Nakapaglakbay na sa mga pook pasyalan sa
ibang bansa.
_____5. Pagkain sa labas at pamamasyal sa mall bilang
bahagi ng pagdiriwang ng pamilya.

II. ANO ANG DAPAT MALAMAN?

Paksa: Globalisasyon: Konsepto at Perspektibo

Globalisasyon
 Proseso ng mabilisang pagdaloy o pag-ikot ng
mga tao, bagay, impormasyon at produkto sa
iba’t ibang bansa
 Ito ay higit na makikita sa sitwasyong nararanasan
natin sa kasalukuyan tulad ng mga Pilipinong
nagtatrabaho sa mga dayuhang kompanya ng di
lumalabas ng bansa at ang mga produkto at
pagkaing banyaga na mabibili sa lokal mna
pamilihan. Pakikipagkalakalan ng hindi
bumibiyahe palabas ng bansa at gamit lamang
ang makabagong teknolohiya gaya ng telepono,
internet at computer.

Dahilan ng Globalisasyon
1.Pagbubukas ng Pandaigdigang Kalakalan
Nagkaroon ng kasunduan sa pagitan ng mga bansa
sa kanilang pag-aangkat at pagluluwas ng mga produkto.

4
2.Pangingibang-bayan ng mga manggagawa
Ang mga manggagawa ay naghahanap ng higit na
mabuting kabuhayan sa ibang bansa. Kalakip nito ay
natututunan nila ang ugali at gawi sa bansang
pinuntahan.
3.Pananaig ng malakas na bansa
Mabilis na tinangkilik ng mga mamamayan sa
developing countries ang pagggamit ng cellular phones o
mobile phone na nagsimula sa mauunlad na bansa.

Epekto ng Globalisasyon
1.Pag-unlad ng Teknolohiya
Malawakang paggamit ng mobile phone, smart
phone, computer at internet ang nagdala ng malawak at
mabilis na pagbabago sa buhay ng mga tao sa mundo sa
iba’t ibang larangan gaya ng sa impormasyon, kalakalan,
pakikipagtalastasan, libangan at hanapbuhay.
2. Kalakalan ng mga produkto at serbisyo
Ang malalaking korporasyon ay kinakitaan ng pag-
usbong ng operasyon na nakatuon hindi lang sa
bansang pinagmulan kundi maging sa ibang bansa. Ito
ay mamamalas sa paglawak ng TNC at MNC sa iba’t
ibang panig ng mundo.
3. Pagbabago ng Kulturang Nakagisnan
Unti-unting nababago ang kulturang nakagisnan dahil
sa impluwensiya ng mga dayuhang bansa sa
pamamagitan ng kanilang mga produkto at serbisyo.
Idagdag pa natin ang pagbabago ng pamumuhay ng
tao sa iba’t ibang panig ng mundo dahil sa paggamit
ng social media tulad ng facebook, instagram, youtube
at iba pa kung saan nakikita kung paano namumuhay
ang tao at kaagad namang naisasalin o nagagaya ng
ibang tao sa ibang mga bansa.

5
 Bakit itinuturing na isyung panlipunan ang
globalisasyon?
 Ang mga perennial na institusyon na matagal
nang naitatag ay tuwiran nitong binago,
binabago at hinahamon.
 Perennial institutions ang pamilya, simbahan,
pamahalaan at paaralan sapagkat ang mga ito
ay matatandang institusyong nananatili pa rin sa
kasalukuyan dahil sa mahahalagang gampanin
nito.

Perspektibo at Pananaw
May limang perspektibo o pananaw tungkol sa
kasaysayan at simula ng globalisasyon.
1. Ang globalisasyon ay taal o likas sa bawat isa.
Likas sa mga tao ang maghangad ng
maginhawang pamumuhay. Ito ang nagtulak sa
kanila upang makipagsapalaran, manakop at
humanap ng kanilang ikayayaman.
2. Ang globalisasyon ay isang mahabang siklo (cycle) ng
pagbabago.
Maraming ‘globalisasyon’ na ang dumaan sa
mga nakalipas na panahon at ang kasalukuyang
globalisasyon ay makabago at higit na mataas na
anyo na maaaring magtapos sa hinaharap
(Scholte, 2005).
3. Ang globalisasyon ay naniniwalang may anim na
‘wave’ o epoch o panahon

6
 PANAHON
Ika-4 hanggang ika-5 siglo
(4th-5th Century)
Huling bahagi ng ika-15 siglo
(late 15th Century)
Huling bahagi ng ika-18 siglo
hanggang unang bahagi ng
ika-19 na siglo (late 18th-ealy
19th century)
Gitnang bahagi ng ika-19 na
siglo hanggang 1918
Post-World War II
Post-Cold War
KATANGIAN
Pagkalat ng Relihiyon
(Islam at Kristiyanismo)
Pananakop ng mga bansa
sa Europa
Digmaan ng mga
Europeong bansa
Pananaig ng Imperyalismong
Kanluranin
Nahati ang mundo sa
dalawang pwersang
ideolohikal, ang komunismo
at kapitalismo
Nanaig ang sistemang pang-
ekonomiya na kapitalismo.
Sa pangunguna ng Estados
Unidos ay nagkaroon ng
mabilis na pagdaloy ng
teknolohiya, produkto,
serbisyo at ideya.

4. May tiyak na pangyayaring naganap sa kasaysayan

na nagpasimula ng globalisasyon. Ilan dito ang
sumusunod:
 Pananakop ng mga Romano bago man
maipanganak si Kristo (Gibbon 1998)
 Pag-usbong at paglaganap ng Kristyanismo
matapos ang pagbagsak ng Imperyong Roman
 Paglaganap ng Islam noong ikapitong siglo

7
  Paglalakbay ng mga Vikings mula Europe
patungong Iceland, Greenland at Hilagang
Amerika
 Kalakalan sa Mediterranean noong Gitnang
Panahon
 Pagsisimula ng pagbabangko sa mga siyudad-
estado sa Italya noong ika-12 siglo.
5. Ang globalisasyon ay kamangha-mangha na
nagsimula sa kalagitnaan ng ika-20 siglo.
Ito ay ang:
 Pag-usbong ng Estados Unidos bilang global
power matapos ang Ikalawang Digmaang
Pandaigdig
 Paglitaw ng mga multinational at transnational
corporations (MNcs and TNCs)
 Pagbagsak ng Soviet Union at ang pagtatapos ng
Cold War

III. ANO ANG NATUTUNAN?

Basahin at unawain ang mga sumusunod na pahayag.

Isulat sa patlang ang salitang GLOBAL kung nagpapakita
ito ng pagkakaroon ng globalisasyon at salitang NASYON
naman kung hindi.
________1.Pag-angkat ng mga produkto mula sa ibang
bansa.
________2.Pakikipag-usap sa kapamilya sa ibang bansa
gamit ang video call.
________3.Pagbebenta ng mga prutas at gulay sa
kabayanan mula sa kabundukan.
_______ 4. Pag-order ng mga gamit sa bahay online.

8
_______ 5.Pag-aaral ng mga eksperto sa DOH sa mga
gamot sa COVID19 na ginamit ng mga Tsino.
_______6.Pagluluwas ng Pilipinas ng mga produktong
agrikultura sa pandaigdigang pamilihan.
_______7.Pagpunta sa Maynila galing Cagayan upang
magtrabaho.
_______8.Pananakop ng mga Espanyol sa Pilipinas.
_______9.Pagkakaroon ng mga sangay ng Jollibee sa Italy
at UK.
_______10.Pagbibigay ng mga makabagong kaalaman ng
World Health Organization (WHO) sa DOH Philippines.

GAWAIN BILANG 1

Ano ang mga bagay na ating napakikinabangan

bunga ng globalisasyon lalo na nating mga Pilipino? Iguhit
ang mga ito sa kahon sa ibaba. Gawan ng paglalahat sa
pamamagitan ng pagsagot sa katanungan sa ibaba.

EDUKASYON PALAKASAN

KALAKALAN PAKIKIPAGTALASTASAN/
KOMUNIKASYON

HANAPBUHAY LIBANGAN

9
Paano mababakas ang globalisasyon sa mga sumusunod
na larawan?

GAWAIN BILANG 2

Batay sa iyong sariling obserbasyon, itala ang mga

mabuti at di mabuting epekto ng globalisasyon sa ating
lipunan. Bigyan ng maikling paliwanag ang iyong sagot.

Mabuting Epekto Di-Mabuting Epekto

1. _______________________ 1. _______________________
Paliwanag:______________ Paliwanag:______________
________________________ _________________________
________________________ _________________________
2. ______________________ 2._______________________
Paliwanag:______________ Paliwanag:______________
________________________ _________________________
________________________ _________________________
3._______________________ 3. _______________________
Paliwanag:______________ Paliwanag:______________
________________________ ________________________
________________________ ________________________
4.______________________ 4._______________________
Paliwanag:______________ Paliwanag:______________
________________________ _________________________
________________________ __________________________
5.______________________ 5._______________________
Paliwanag:______________ Paliwanag:______________
________________________ _________________________
________________________ _________________________

10
 GAWAIN BILANG 3

Nakararanas ng ilang suliranin si Lola Tala. Paano

makatutulong ang globalisasyon upang matugunan ang
kanyang mga pangangailangan? Halina’t ating tulungan si
Starla sa pagbibigay ng ideya sa kanyang lola.

1: Ngayon ay kaarawan ng aking kapatid at

magpupuntahan pala ang iba pa naming mga
kamag-anak. Kulang na ako sa oras upang siya’y
ipaghanda, ano ang dapat kong gawin?

1: _______________________________________________
______________________________________________

2: Nangungulila ako sa aking mga anak at mga

apo na nakatira na ngayon sa Amerika. Paano ko
sila makakausap at makikita?
2:____________________________________________
______________________________________________

3: Nagustuhan ko ang kape na pinasalubong ng

aking anak mula sa Amerika ngunit ito ay paubos
na. Makabibili kaya ako ng tulad na produkto dito
sa Pilipinas? Bakit?
3:_____________________________________________
________________________________________________

4: Magpapalit na ako ng mga kobre kama at

comforters ngunit nahihirapan ako sa mano-
manong paglalaba ng mga ito dahil tunay na
malalaki at mabibigat. Paano ang dapat kong

11
 gawin upang magawa ito ng hindi ako
mahihirapan?
4: __________________________________________
____________________________________________

GAWAIN BILANG 4

Gumuhit ng isang editorial cartoon patungkol sa

epekto ng globalisasyon sa ating lipunan o kapaligiran.

Sumulat ng 3 pangungusap lamang upang ito ay

ipaliwanag.

Paliwanag:

__________________________________________________________
__________________________________________________________
______________________________________________________

12
Sanggunian:

Modyul sa Araling Panlipunan 10, pahina 153-165

13
 This material was contextualized by the Department of
Educaion Schools Division of Bulacan
Learning Resource Management and Development Section
Marilao North District
Prenza National High School

EVELYN L. MAGTALAS
Writer

JOHN JERWIN V. JACINTO

Illustrator

ERNESTO P. DIZON, Ed.D

School Principal IV

VIRGILIO L. LAGGUI, Ph.D

Education Program Supervisor-Araling Panlipunan

AGNES R. BERNARDO, Ph.D

Education Program Supervisor-Alternative Delivery Mode of
Education

GLENDA S. CONSTANTINO JOAANNARIE C. GARCIA

Project Development Officer II Librarian II

RAINELDA M. BLANCO, Ph.D

Education Program Supervisor-LRMDS

GREGORIO QUINTO, JR., Ed.D

Chief, Curriculum Implementation Division

ZENIA G. MOSTOLES, Ed. D. CESO V

School Division Superintendent
 Sinopsis

Ang mga pagbabago sa ating lipunan ay patuloy

nating mararanasan. Ang pag-angkop sa mga
pagbabagong ito ay higit na magiging madali dahil sa
globalisasyon. Natututo tayo ng mga bagong kaalaman
sa tulong ng mga makabagong teknolohiya, higit na
kumbinyente na nagagampanan ang maraming gawain
dahil sa iba’t ibang kagamitan at napagagaan ang
ating kalooban sa mabilis na pakikipag-ugnayan sa
kapwa. Ilan lamang ito sa mga kapakinabangang
naidudulot sa atin ng globalisasyon at mayroon din
naman na hindi maganda. Makatutulong na maging
mapanuri tayo sa mga epekto nito at huwag pa rin
nating kalimutan at isaalang-alang ang higit na
makabubuti para sa lahat.
Hangad ko na ikaw ay may natutunan sa
babasahing ito na magagamit mo sa pagharap sa tunay
na buhay.

Manunulat

Pangalan: Evelyn Lucio Magtalas

Guro sa: Araling Panlipunan (Contemporary Issues)
Paaralan: Prenza National High School
Susi sa Pagwawasto:

Gawain 1:
EDUKASYON
 pagsasaliksik/research
 tipid sa oras sa paggawa ng mga paperworks/ naka
save na ito sa computers at laptop, maaaring i-edit na
lang.
PALAKASAN
 nakapag-eehersisyo sa tulong ng napapanood sa
youtube
 napauunlad ang sariling kalakasan at kaalaman kahit
nasa bahay o walang trainor na umaalalay
KALAKALAN
 mabilis na transaksyon sa negosyo (online selling)
 madaling naipapakilala ang produkto sa tulong ng
social media
KOMUNIKASYON
 mabilis at murang paraan ng pakikipag-ugnayan
gamit ang cellphone, computer at internet
HANAPBUHAY
 maaaring kumita kahit nasa bahay lang (online selling
at online tutorial)
 madaling nakakapagpasa ng mga reports sa trabaho
sa tulong ng makapagong teknolohiya
LIBANGAN
 madaling natututuhan ang iba’t ibang bagay sa
tulong ng impormasyon sa youtube at web
Gawain 2:
MABUTING EPEKTO
1. mabilis na komunikasyon
2. malago ang kaalaman
3. napadadali ang kalakalan
4. pagkakaroon ng mga bagong libangan
5. mabilis na serbisyo (hal. Sa tanggapan ng
pamahalaan)
DI-MABUTING EPEKTO
1. nakalilimot na sa kulturang Pilipino
2. pagkakalayo ng miyembro ng pamilya dahil sa
paghahanapbuhay sa ibayong-dagat
3. madaling naipapakalat ang mga maling
impormasyon (fake news) gamit ang social media
4. mas natatangkilik na ang produkto ng ibang bansa
(MNc at TNC)
5. nagdudulot ng pagkalugi sa mga lokal na
negosyante

Gawain 3:
1. Maaaring umorder ng pagkain gamit ang telepono at
ipa-deliver ito.
2. Gamit ang smart phone, computer o laptop ay
pwedeng magkausap at magkita (video chat/ video
call)
3. Oo, makabibili na ng imported products sa Pilipinas. Ito
ay nasa atin ng pamilihan.
 4. Maaaring labhan ito sa washing machine lalo na at
may mga automatic na. Maaari din na dalhin sa
laundry shop.

Gawain 4:
Epekto ng Globalisasyon sa Lipunan o Kapaligiran
 Napabibilis at napadadali ang paghahatid ng
impormasyon sa mga nagaganap sa ating lipunan at
kapaligiran
 Sa pagkakaroon ng pag-unlad sa industriya,
napababayaan o hindi nabibigyan ng wastong
pagpapahalaga ang kapaligiran (polusyon)