BAYANIHAN TUNGO SA KAUNLARAN

Isinumite ni Janina P. Ariola, 9-SS1

Tanyag ang Pilipinas bilang isang bansang mayaman sa kultura at

kasaysayan. Nakatatak sa isipan ng maraming Pilipino ang mga pagsubok na

ikinaharap ng bayan, kasama na rito ang korapsyon at pagbaba ng bilang ng mga

empleyado o trabahador na nagbunga ng pagbaba ng ekonomiya at pagkalunod ng

bansa sa utang. Ngunit, marami ang naging patunay na sa kabila ng hinaharap na

hamon, naging sandata nating mga anak ng bayan ang diwa ng pagkakaisa sa

minimithing mapayapa at maunlad na Pilipinas.

Sa panahon ng mga dayuhang mananakop, naging yugto ng pagkakaisa ang

pagkabuo ng mga Katipunero na naging tulay sa pagwakas ng pang-aalipusta ng

mga Kastila sa ating mga kababayan. Sa pag-usbong ng ating demokrasya ay hindi

rin naiwasan ang mga klase ng hidwaan sa loob ng ating bansa. Ang EDSA People

Power Revolution sa pagtatapos ng dekada 1980 ay nagbukas ng pinto sa mga Pilipino na

magkaisa laban sa diktadurya ng gobyerno. Ang pangunahing motibasyon para sa People

Power ay ang pagnanais ng mga tao para sa isang bansang Malaya sa karahasan at

katiwalian. Nagtulungan sina Corazon Aquino at Cardinal Jaime Sin, kapwa prominenteng

personalidad, upang isulong ang mapayapang pagbabago. Ipinakita nito ang

kapangyarihan ng pagkakaisa at kung paano ito maaaring magbigay daan para sa isang

mas makatarungan at malayang Pilipinas. Isang halimbawa rin ng anyo ng pagkakaisa ay

ang pagtutulungan sa pagsapit ng kalamidad sa anumang sulok ng bansa. Sa tuwing

rumerehistro ang malalakas na bagyo, pinapanatili natin ang kabutihang pagbibigay pag-

asa sa ating kapwa sa pag-aabot ng tulong na bukal sa ating mga puso, maliit man ito o

malaki, na sumasalamin sa kabayanihang paglago na nagiging mas malakas kaysa sa

anumang bagyo. Ang lahat, mula sa mga residente hanggang sa mga pinuno ng

gobyerno, ay boluntaryong protektahan ang kaligtasan ng lahat. Sa gitna ng mga ito ay

hindi natin hinayaan na maubos ang pag-asang maipamalas ang esensya ng

pagmamahalan at paggalang sa bawat isa.

Sa aspeto ng edukasyon, mahalagang bigyang pansin ang pagpapalaganap

at pagpapalawak ng kaalaman ng mga mamamayan tungkol sa kasaysayan at

kultura ng bansa. Sa akda ng ating Pambansang Bayani na si Dr. Jose Rizal, isang

halimbawa ng kanyang nobela na pinamagatang “El Filibusterismo” na nagbigay-diin

sa kahalagaan ng pagkakaisa ng mga Pilipino upang makamit ang kalayaan at

kaunlaran ng bansa. Nakikita rin ang diwa ng pagkakaisa ng mga guro, magulang, at

mga komunidad na nagtutulungan para sa magandang kinabukasan ng mga

kabataan. Mula sa kataga ni Dr. Jose Rizal, “Kabataan Ang Pag-asa ng Bayan”

nagiging susi ang edukasyon sa pagbukas ng pinto tungo sa malawak na kaalamang

nagpapalaya ng mga pakpak ng bawat mamamayang Pilipino na makarating sa

minimithing tagumpay Sa larangan ng sining at kultura, malinaw ang diwa ng

pagkakaisa. Ang iba’t ibang tradisyon na pinagmulan sa iba’t ibang panig ng bansa

ay ang nagpipinta ng kulay sa ating pagkakakilanlan. Sa mga festival tulad ng Ati-

Atihan sa Aklan, Pahiyas sa Lucban, at Pintados-Kasadyaan sa Leyte at Samar na

bumubuo ng ligaya na nagmumula sa ating pagkakaiba. Sa pulitika, sa kaalaman na

ating nakuha ay kinakailangang maging mahusay sa pagkilala sa ating kandidato at

sa kanilang mga plataporma sapagkat ang bawat boto ng mamamayan ay

nagpapahayag ng pangarap sa bayan. Sa eleksyon ay nabibigyan tayo ng isang

pagkakataon na magbigay-boses at magkaisa nang masolusyunan ang bawat

suliranin na ating kakaharapin.

 Sa huli, ang pagkakaisa ng mga Pilipino ay nagpapakita ng kanilang

determinasyon na maging bahagi ng pag-usbong at pag-unlad ng bansa. Hindi ito

nagmumula lamang sa mga kilalang lider o personalidad, kundi mula sa bawat isa sa

atin. Ang bawat hakbang tungo sa isang masaganang Pilipinas ay nag-uumpisa sa

ating sarili bilang mga mamamayan na may pagmamahal sa bayan. Sa

pamamagitan ng diwa ng pagkakaisa, maaabot natin ang ating mga pangarap para

sa bansa. Ang magandang kinabukasan ng Pilipinas ay nasa kamay ng bawat

Pilipino. Kapag tayo ay nagkakaisa at nagtutulungan, walang pagsubok na hindi

natin kayang lampasan. Nawa'y maipagpatuloy na ipamalas ang pagkakaisa tungo

sa isang mapayapang at masaganang Pilipinas para sa kasalukuyan at mga

susunod pang henerasyon.