Professional Documents
Culture Documents
2 5199567741605915505
2 5199567741605915505
թեմա3
6. Հավանականության տեսության տարրերը (փորձ, պատահար):
Հավանականությունների տեսության հիմնական հասկացություններից
է պատահարը: Պատահար ասելով հասկանում ենք ցանկացած փաստ,
որը կարող է տեղի ունենալ որևիցե փորձի արդյունքում: Օրինակ,
զինանշանի կրկնակի պատկերումը մետաղադրամը երեք անգամ
նետելու դեպքում: Նշված օրինակում փորձը զինանշանի եռակի
նետումն է, իսկ պատահարը՝ զինանշանի կրկնակի պատկերումը:
Պատահարները լինում են ստույգ կամ հավաստի, անհնարին և
պատահական:
Պատահարը կոչվում է հավաստի, եթե այն պարտադիր տեղի կունենա
տվյալ փորձի պայմանում: Հակառակ դեպքում պատահարը կոչվում է ոչ
հավաստի կամ անհնար պատահար:
Պատահարը կոչվում է հնարավոր կամ պատահական, եթե փորձի
արդյունքում այդ պատահարը կարող է տեղի ունենալ կամ չունենալ:
Հնարավոր պատահարի օրինակ է արտադրության ընթացքում
պատրաստի արտադրանքը ստուգելիս խոտանի հայտնաբերումը:
Տարբերում ենք նաև համատեղելի և ոչ համատեղելի պատահարներ:
Համատեղելի են կոչվում այն պատահարները, որոնցից մեկի տեղի
ունենալը չի բացառում մյուսի տեղի ունենալը: Հակառակ դեպքում
պատահարները կոչվում են անհամատեղելի: Համատեղելի
պատահարների օրինակ է երկու զառ նետելիս 3 և 4 միավորների
պատկերումը, իսկ մեկ զառ նետելիս 3 և 4 միավորների պատկերումը
անհամատեղելի պատահարներ են: Պատահարները լինում են նաև
տարրական և համատեղ: Տարրական է կոչվում այն պատահարը, որ
նկարագրվում է մեկ բնութագրիչով, իսկ երկու և ավելի բնութագրիչներ
ունեցող պատահարը կոչվում է համատեղ։
7. Հավանականության դասական սահմանումը:
Կոնկրետ փորձի արդյունքում պատահարի դրսևորման
հնարավորությունը կոչվում է պատահարի հավանականություն։
Ապրիորի կամ դասական մոտեցման շրջանակում պատահարի
հավանականությունը գնահատվում է ապրիորի տեղեկատվության
հիման վրա: Պարզագույն դեպքում, երբ փորձի բոլոր ելքերը
հավասարահնարավոր են, ապա դրանց հավանականությունը որոշվում
է հետևյալ բանաձևով. ,
P=X/T
որտեղ՝ X–ը դիտարկվող պատահարին նպաստող ելքերի քանակն է,
T–ն՝ ելքերի ընդհանուր քանակը: Օրինակ, 26 կարմիր և 26 սև
խաղաքարտերի խմբից կարմիր խաղաքարտ հանելու
հավանականությունը՝ P=26/26+26=0.5 ,կամ զառը նետելիս 5 բացվելու
հավանականությունը՝ : P =1/6
8. Հավանականության վիճակագրական սահմանումը:
Թեմա 4
11. Պատահական մեծություններ, դրանց տեսակները:
Պատահական մեծությունը կարելի է բնորոշել որպես պատահական
փորձի թվային արդյունք, լինում է երկու տեսակ դիսկրետ և անընդհատ
։Պատահական մեծությունը կոչվում է դիսկրետ, եթե կարելի է թվարկել
դիտարկումների (կամ փորձերի) արդյունքում դրա ստացած բոլոր
հնարավոր արժեքները, ընդ որում արժեքները պետք է լինեն վերջավոր
կամ հաշվելի: Պատահական մեծությունը կոչվում է անընդհատ, եթե այն
որոշակի միջակայքում կարող է ընդունել ցանկացած արժեք:
թեմա5
17. Ընտրանքային հետազոտություն: Ընտրանքի
տեսակները:
Ընտրանքը վերլուծության համար գլխավոր
համակցությունից դուրս բերվող օբյեկտների մասն է:
Գլխավոր համակցությունը դիտարկվող համակցությունը
կազմող բոլոր օբյեկտների ամբողջությունն է:
Ընտրանքային հետազոտության կարևորությունը
կայանում է նրանում, որ
▪ Ընտրանքային հետազոտությունը պահանջում է ավելի քիչ
ժամանակ, քան ամբողջ գլխավոր համակցության
ուսումնասիրությունը,
▪ Ընտրանքային հետազոտությունն ավելի էժան է, քան
ամբողջ գլխավոր համակցության ուսումնասիրությունը,
▪ Ընտրանքային հետազոտությունն ավելի պարզ է և
շահավետ, քան ամբողջ գլխավոր համակցության
ուսումնասիրությունը:
Գոյություն ունի ընտրանքների երկու տեսակ`
դետերմինացված( ոչ հավանական) և հավանական:
Դետերմինացված ընտրանքը բաղկացած է տարրերից,
որոնք ընտրանքում ներառվել են առանց այնտեղ
հայտնվելու հավանականությունը հաշվի առնելու:
Դետերմինացված ընտրանքի տիպիկ օրինակ է ոչ
ներկայացուցչական ընտրանքը: Օբյեկտները ներառվում են
այդպիսի ընտրանքներում ընտրության պարզության,
էժանության և հարմարության նկատառումների հիման
վրա: Դետերմինացված ընտրանքները ունեն որոշ
առավելություններ, մասնավորապես` դրանք ստեղծվում են
հեշտ և արագ, առանց մեծ ծախսեր կատարելու: Մյուս
կողմից, դրանք ունեն երկու կարևոր թերություն` ցածր
ճշգրտություն և արդյունքների սահմանափակվածություն,
այսինքն` դետերմինացված ընտրանքի առավելությունները
չեն փոխհատուցում դրա թերությունները: Հետևաբար`
դետերմինացված ընտրանքը հարկավոր է կիրառել կոպիտ
և ոչ թանկ գնահատումների ժամանակ, որոնք
նախատեսված են հետաքրքրությունը բավարարելու, կամ
որպես ուսումնական կամ պիլոտային նախագիծ մշակելու
համար:
Հավանական ընտրանքը բաղկացած է տարրերից, որոնց
ընտրանքում հայտնվելու հավանականությունը հայտնի է
նախորոք: Գոյություն ունի հավանական ընտրանքի չորս
տեսակ` բուն պատահական, սիստեմատիկ,
ստրատիֆիկացված և կլաստերային:
Բուն պատահական ընտրանք
Միավորներն ընտրվում են պատահական կարգով որորնք
կախված չեն ոչ համակցությունում միավորների
դասավորությոնից ոչ էլ դրանց հատկանիշների
արժեքներից։
Հիմքի յուրաքանչյուր տարր ունի ընտրվելու հավասար
հնարավորություն ։
Հիմքից միավորների ընտրությունը կատարվում է 2
եղանակով ՝վերադարձային և առանց վերադարձային։
Վերադարձային ընտրանքը նշանակում է, որ դուրս բերված
տարրը վերադարձվում է հիմք, ընդ որում դրա նորից
ընտրվելու հավանականությունը մնում է հաստատուն:
Առանց վերադարձման ընտրանքը նշանակում է, որ դուրս
բերվող տարրը չի վերադարձվում հիմք, հետևաբար` այն չի
կարող նորից ընտրվել:
Պարզ պատահական ընտրման շրջանակներում n-ով,
սովորաբար, նշանակում են ընտրանքի ծավալը, իսկ N-ով`
հիմքի (գլխավոր համակցության) ծավալը: Գործընթացը
շարունակվում է մինչև ընտրանքի ցանկալի ծավալը (n)
նվաճելու պահը:
Սիստեմատիկ որոշվում է ընտրանքի ծավալը (n),
Հիմքի N միավորները բաժանվում են k միավորներից
բաղկացած խմբերի՝K=N/n
Պատահականորեն ընտրվում է մեկ միավոր1-ին խմբից
Այնուհետև ընտրվում է յուրաքանչյուր K-րդ միավորը
Ստրատիֆիկացված ընտրանքի ձևավորման ժամանակ
գլխավոր համակցության կամ հիմքի N տարրերը
ստորաբաժանվում են ընդհանուր հատկանիշներով
օժտված առանձին ենթաբազմությունների կամ
ստրատաների: Այնուհետև, յուրաքանչյուր ստրատայից
պատահական սկզբունքով դուրս բերվող տարրերի
արդյունքները միավորվում են ընդհանուր համակարգի մեջ:
Ընտրման այս մեթոդը պատահական կամ սիստեմատիկ
մեթոդներից արդյունավետ է, քանի որ ապահովում է
ընտրանքի ավելի բարձր ներկայացուցչություն:
Կլաստերային ընտրանքի ձևավորման համար N տարրերից
բաղկացած հիմքը բաժանվում է կլաստերների այնպես,
որպեսզի յուրաքանչյուր կլաստեր արտահայտի ամբողջ
գլխավոր համակցության հատկությունները: Այնուհետև
կլաստերներն ընտրվում են բուն պատահական սկզբունքով,
իսկ դրանցում գտնվող բոլոր տարրերը ուսումնասիրվում են:
Կլաստերները ստացվում են տարածաշրջանների,
ընտրատեղամասերի, քաղաքների, թաղամասերի կամ
ընտանիքների վիճակագրական վերլուծության ժամանակ:
Կլաստերային ընտրման մեթոդը կարող է ավելի թանկ լինել
բուն պատահական ընտրման մեթոդից, հատկապես, եթե
գլխավոր համակցությունը բաշխված է ըստ լայն
աշխարհագրական տարածաշրջանի:
18. Միջին արժեքների ընտրանքային բաշխումներ: Միջին
թվաբանականի անշեղելիություն: Միջինի ստանդարտ
սխալ:
Թվաբանական միջինը կոչվում է անշեղելի, քանի որ բոլոր
ընտրանքային միջինների միջին արժեքը (ընտրանքի n
ծավալի դեպքում) հավասար է գլխավոր համակցության
միջին արժեքին:
Ընտրանքային միջինների փոփոխության միջակայքը
նկարագրվում է դրանց ստանդարտ շեղմամբ, որը կոչվում է
միջինի ստանդարտ սխալ (𝜎𝑥 ):
Միջինի ստանդարտ սխալը( ) հավասար է գլխավոր
համակցության ստանդարտ շեղման ( σ ) և ընտրանքի
ծավալի (n) քառակուսային արմատի հարաբերությանը.𝜎{𝑋 =
𝜎
√𝑛
թեմա7
27. Ռեգրեսիոն մոդելների տեսակները:
Ռեգրեսիոն վերլուծության գլխավոր խնդիրը
փոփոխականների փոխկապակցությունը բնութագրող
մեդելի կառուցումն է,որը թույլ կտա կանխատեսել կախյալ
փոփոխականի կամ արդյունքի արժեքներն ըստ անկախ
կամ բացատրող փոփոխականի արժեքների։ ռեգրեսիայի
ֆունկցիան կարելի է ներկայացնել հետևյալ տեսքով՝𝑌 =
𝑓(𝑋1 , 𝑋2 , … . . 𝑋𝑘 )