Pagdiriwang ng Pista

Tradisyon na ng mga Pilipino ang pagdiriwang ng

kapistahan taon-taon. Ang lahat ay nananabik sa pagdating ng
araw na ito. Panahon ito ng pagkikita-kita ng mga magkakamag-
anak, magkakaibigan, magkakakilala at magkakapamilya.

Halos lahat ay nagiging abala sa pag-aayos ng sari-sariling

bahay. Ang iba naman ay nagbibigay ng oras sa pagkakabit ng
banderitas. Bawat pamilya, mahirap man o mayaman ay may
mga handang pagkain upang may maihain sa panauhing
darating.

Simple man o magarbong paghahanda tuwing kapistahan,

ang diwa ng pasasalamat sa Poong Maykapal sa mga biyaya sa
nagdaang taon ay hindi mawawala sa puso ng bawat Pilipino.

Marinang Mapalad

Si Marina ay isang batang ulila. Bata pa siya ay namatay na

ang kaniyang mga magulang sa isang aksidente. Kay nga’t siya
ay kinupkop ng kaniyang tiyahin na walang anak. Itinuring siya
na parang tunay na anak. Pinag-aral siya. Ibinili ng lahat ng
kaniyang pangangailangan. At higit sa lahat binigyan ng isang
pamilya na kaniyang matatawag. Tunay na mapalad si Marina.

Huwag Mawalan ng Pag-asa

ni Jenny-Lyn U. Trapane

Masayang nagkukuwentuhan ang mag-iina habang hinihintay si

Mang Lando na umuwi mula sa kaniyang pinagtatrabahuhan. Maya-
maya ay humahangos na dumating si mang Ador. Ibinalita niyang dinala
sa ospital si Mang Lando.
Agad-agad nagtungo ang mag-iina sa ospital kung nasaan si Mang
Lando. Nagpapahinga na siya nang dumating ang kaniyang pamilya.
“Salamat sa Diyos at ligtas na ako. Nag-alala ako dahil iniisip ko
kayo. Paano na tayo ngayon at di pa ako makapagtrabaho?” malungkot
na sabi ni Mang Lando.
 “Huwag kang magsalita ng ganya. Ang mahalaga ay ligtas ka na,”
nakangiting wika ni Aling Elena.
Halos magkakasunod nagsalita ang kanilang mga anak. “Opo nga,
itay. Hayaan po ninyo at lalo pa naming pagbubutihin ang pag-aaral.
Magtitipid rin po kami sa aming kagamitan.”
“Salamat mga anak. Hayaan ninyo, kapag malakas na ako ay
maghahanap agad ako ng bagong trabaho,” sambit ni Mang Lando.
“Alam kong hindi tayo pababayaan ng Diyos. Halina kayo. Sama-
sama tayong magdasal. Huwag tayong mawalan ng pag-asa,” yaya ni
Aling Elena.
Naniniwala ang Pamilya Reyes na malalampasan nila ang
pagsubok sa kanilang pamilya kapag sila ay sama-samang nannalig sa
Diyos.

Limang Tulog
ni Florenda B. Cardinoza

Limang tulog na lang. Nasasabik na ako. Mamamasyal

kami sa Maynila. Naisip ko tuloy ang mga naglalakihang gusali.
Ang maiingay na busina ng mga sasakyan at mga taong parang
langgam sa dami at sa bilis ng lakad.

Naisip ko rin ang mga bibilihin kong gamit sa paaralan.

Kailangan ko ang lapis, ruler, kuwaderno, bag, at sapatos. Hindi
ko namalayan na nakatulog na pala ako.

Kinabukasan maaga akong nagising. Ang sakit ng ulo ko.

Giniginaw rin ako. Paano na ako makasasama sa Maynila?
Pagpasok ni Nanay, may dala siyang isang basang bimpo at
gamot.