LINDSEY KATE SALODO ARALING PANLIPUNAN 2ND QUARTER

ARALIN 1

KONSEPTO NG GLOBALISASYON

 Ang globalisasyon ay proseso ng mabilisang pagdaloy o paggalaw ng mga

tao, bagay, impormasyon at produkto sa iba’t-ibang direksyon na nararanasan
sa iba’t ibang panig ng daigdig. (Ritzer,2011)
 Itinuturing din ito bilang proseso ng inter-aksyon at integrasyon sa mga
pagitan ng mga tao, kompanya, bansa o maging ng mga samahang
pandaigdig na pinabibilis ng kalakalang panlabas at pamumuhunan sa tulong
ng teknolohiya at impormasyon.
 Globalisasyon ang tawag sa malaya at malawakang pakikipag-ugnayan ng
mga bansa sa mga gawaing pampolitika, pang-ekonomiya, panlipunan, pan-
teknolohiya at pangkultural.

ARALIN 2

DIMENSYON NG GLOBALISASYON

Teknolohiya

Ang pag-unlad ng telekomunikasyon at information technology tulad ng

kompyuter,Internet at cellular phone ay lalong nagpabilis sa takbo ng kalakalan. Mas
maraming free trade agreements ang naisulat na nagpapaluwag ng kalakalan.

Media

Sa balita naman mayroon na tayong telebisyon, radio at iba pa para

maparating ang balita. May mga news network din na naghahatid ng mga balitang
pandaigdig tulad ng CNN, BCC at iba pa. Sila din ang nakatulong sa globalisasyon
dahil naiparating at naipalabas nila ang mga balita sa iba’t ibang dako sa mundo.
Politika

Sa politika mas madaling magpupulong-pulong ang mga pinuno sa mga

bansang kasapi sa organisasyon upang magtulungan para sa kapakanan ng
kanilang pangangailanagan.

Kultura

Dahil sa globalisasyon, ang panonood ng K drama o soap opera ay

kinahihiligan na rin ng mga Pilipino at iba pang bansa.

ARALIN 3

KONSEPTO NG UNEMPLOYMENT

Ang isyu ng unemployment o kawalan ng trabaho ay suliran ng kinakaharap

ng anumang bansa.

Unemployment Rate

Ang unemployment rate ay tumutukoy sa bahagdan ng mga taong ganap na

walang trabaho sa kabuuan ng lakas-paggawa

Ano kayang ang posibleng dahilan ng kawalan ng trabaho ng tao?

1. Edad - Ang edad 15 hanggang 24 taon ang ay naghahahanap ng trabaho at ilan

ay hinihingian ng natapos o credentials.
2. Paglaki ng Populasyon - Ang pagkakaroon ng maraming anak ay nakabawas
sa pagiging produktibo. Dahil ayon sa pamahalaan, kung mas kaunti ang
populasyon, mas kaunti ang kailangang trabaho.
3. Pamahalaan - Sa kabilang dako may nagsasabi na ang isa sa mga
pinakadahilan ng unemployment ay ang pamahalaan dahil sa walang
komprehensibo at pangmatagalang plano na makalilikha ng trabaho para sa mga
mamamayan.
 ANG GLOBALISASYON AT PAGGAWA?

Ilan sa maraming naidulot ng globalisasyon sa paggawa ay ang mga sumusunod:

1. Demand ng bansa para sa iba’t ibang kakayahan o kasanayan sa paggawa na

globally standard.
2. Mabibigyan ng pagkakataon ang mga lokal na produkto na makilala sa
pandaigidigan pamilihan.
3. Binago ng globalisasyon ang workplace at mga salik ng produksiyon tulad ng
pagpasok ng iba’t ibang gadget, computer/IT programs, complex machines at iba
pang makabagong kagamitan sa paggawa; at
4. Dahil sa mura at mababa ang labor o pasahod sa mga manggagawa kaya’t
madali lang sa mga namumuhunan na magpresyo ng mura o mababa laban sa
mga dayuhang produkto o mahal na serbisyo at pareho ang kalidad sa mga
produktong lokal.

Kalagayan ng mga Manggagawa sa Ibat-ibang Sektor

SEKTOR NG AGRIKULTURA

Lubusang naaapektuhan ang mga lokal na magsasaka dahil sa mas murang

naibebenta ang mga dayuhang produkto sa bansa.

Sektor ng Industriya

Lubusan ding naaapektuhan ng pagpasok ng mga dayuhang kompanya ang

sektor ng industriya bunsod ng mga naging kasunduan ng Pilipinas sa iba’t ibang
pandaigdigang institusyong pinansyal.

Sektor ng Serbisyo

Saklaw ng sektor na ito ang sektor ng pananalapi, komersiyo, insurance,

kalakalang pakyawan at pagtitingi, transportasyon, pag-iimbak, komunikasyon,
libangan, medikal, turismo, (BPO), at edukasyon.

ISKEMANG SUBCONTRACTING
Labor-Only Contracting – ang subcontractor ay walang sapat na puhunan upang
gawin ang trabaho o serbisyo at ang pinasok niyang manggagawa ay may direktang
kinalaman sa mga gawain ng kompaya.

Job-Contracting

 Ang subcontrator ay may sapat na puhunan para maisagawa ang trabaho

at mga gawain ng mga manggagawang ipinasok ng subcontractor.
 Wala silang direktang kinalaman sa mga gawain ng kompanya.
 Hindi pinapayagan sa batas ang job-contracting dahil naaapektuhan nito
ang seguridad ng mga manggagawa sa trabaho.

UNEMPLOYMENT: UNDEREMPLOYMENT

Mura at Flexible Labor

Ito ay isang paraan ng mga kapitalista o mamumuhunan upang palakihin ang

kanilang kinikita at tinutubo sa pamamagitan ng pagpapatupad ng mababang
pagpapasahod at paglimita sa panahon ng paggawa ng mga manggagawa.

Kontraktuwalisasyon

 Hindi naging maganda ang nagiging kalagayan ng mga manggagawang

kontraktuwal/kaswal.
 Hindi sila binabayaran ng karampatang sahod at mga benepisyong ayon
sa batas na tinatamasa ng mga manggagawang regular.
 Naiiwasan ng mga kapitalista maging ang pagbabayad ng separation pay,
SSS, PhilHealth at iba pa.

MGA TUGON SA HAMON SA PAGGAWA

Upang matugunan ang mga isyu at suliranin sa paggawa, ang iba’t ibang
ahensiya ng pamahalaan na may kinalaman sa paggawa ay nagpatupad ng mga
batas at polisiya na makatutulong na maitaas ang kalidad ng pamumuhay ng mga
manggawa sa ating bansa.

Presidential Decree (PD) 442 o Labor Code

 Ang batas na ito ay nagtatakda ng mga alituntunin na naglalayong ingatan
ang mga mangagawa at mabigyan ng batayan ang mga karapatang pang
manggagawa sa Pilipinas.

Department Order 18-A ng DOLE

Ang Department Order 18-A ng DOLE taong 2011 ay naghayag ng patakaran

ng pamahalaan laban sa pagpapakontrata. Hinigpitan ang probisyon ng
pagpapakontrata, pinatingkad (highlighted) ang usapin ng karapatan ng mga
manggagawang kontraktuwal (partikular na ang seguridad sa trabaho o pagka-
regular), at iba pang karapatang tinatamasa ng mga regular na manggagawa.

Department Order 10 ng DOLE sa ilalim ng Department Order 18-02

Naging malaking usapin ito kaya’t binalasa ang probisyon ng Department

Order 10 ng DOLE sa ilalim ng Department Order 18-02, isinasaad dito ang
pagbabawal ng pagpapakontrata ng mga trabaho at gawaing makakaapekto sa mga
manggagawang regular na magreresulta sa pagbabawas sa kanila at ng kanilang
oras o araw ng paggawa; o kung ang pagpapakontrata ay makakaapekto sa unyon
gaya ng pagbabawas ng kasapi, pagpapahina ng bargaining leverage o pagkahati
ng bargaining unit.

ARALIN 4

Dahilan at Epekto ng Migrasyon dulot ng Globalisasyon

Ayon sa Commision on Filipino Overseas, may tinatayang 8.6 milyong Pilipino

ang noong 2009 ang naninirahan sa iba’t ibang bansa kasama ang nagtratrabaho
bilang seaman.

- Ito ay patunay na parami ng parami ang mga umaalis sa bansa upang

makapagbigay ng masaganang pamumuhay sa kani-kanilang pamilya na
naiiwan na ang kapalit ay ang pagtitiis na malayo sa mga mahal sa buhay.

Ngunit hindi lamang sa ibang bansa may naganap na migrasyon, maging sa loob din
ng bansa. Madami din sa mga tao na nagmimigrasyon lalo na sa malaking bayan o
lungsod tulad ng Maynila kaya lumalaki ang populasyon dito.
Ano nga ba ang Migrasyon?

Ang migrasyon ay tumutukoy sa proseso ng pag-alis o paglipat ng tao mula

sa isang pook patungo sa ibang pook upang doon manirahan ito man ay
pansamantala o ‘di kaya’y pangmatagalan.

Dalawang Uri Ng Migrasyon

Migrasyong Panloob

Ito ay ang paglipat ng tao sa loob lamang ng bansa, maaring ito ay sa

lalawigan, bayan o rehiyon.

Migrasyong panlabas

Ito ay kapag lumilipat ang mga tao upang manirahan sa ibang bansa, pag alis
o paglabas ng tao sa bansa.

Sa pag-aaral ng migrasyon partikular ng international migration ay mahalagang

maunawaan ang ilang termino o salitang madalas gamitin sa disiplinang ito.

1. Flow
 Ang flow ay tumutukoy sa dami o bilang ng mga nandarayuhang
pumapasok sa isang bansa sa isang takdang panahon na kadalasan ay
kada taon.
 Madalas ditong gamitin ang mga salitang inflow, entries o immigration.
 Kasama din dito ang bilang ng mga taong umaalis o lumalabas ng bansa
na madalas tukuyin bilang emigration, departures o outflows.
 Kapag ibinawas ang bilang ng umalis sa bilang ng pumasok nakukuha ang
tinatawag na net migration.

2. Stok
 Ang stock ay ang bilang ng nandayuhan na naninirahan o nananatili sa
bansang nilipatan.
  Mahalaga ang flow sa pag-unawa sa trend o daloy ng paglipat o mobility
ng mga tao habang ang stock naman ay makatutulong sa pagsusuri sa
matagalang epekto ng migrasyon sa isang populasyon.

Globalisasyon At Migrasyon

 Tumataas ang bilang ng mga bansang nakararanas at naaapektuhan ng

migrasyon.
 Ang mga bansang madalas dayuhin ay Australia, New Zealand, Canada at
United States patuloy pa ring dinadagsa at sa katunayan ay
nadadagdagan pa ang bilang ng mga bansang pinagmumulan nito.
 Malaking bilang ng mga migrante ay mula sa mga bansa sa Asya, Latin
America at Africa.

Mga Sanhi ng Migrasyon

1. Paghahanap-Buhay (Ekonomikal)

Malaking porsiyento ng mga migranteng nangingibang-bansa ay tinatawag na

economic migrants o iyong naghahanap ng mas magandang pagkakataon upang
mapaunlad ang kanilang kabuhayan.

2. Ligtas Na Tirahan (Politikal)

Ang tao ay gusto ng kapayapaan kaya naman kung magulo ang kanilang lugar
nililisan nila ang kanilang lugar at lumipat sa isang lugar na tahimik at mapayapa.

3. Paghihikayat Ng Pamilya (Sosyal)

Ang tao ay naninirahan sa isang lugar kapag siya ay nakaramdam ng pagiging

komportable sa buhay.

4. Klima at Panahon (Heograpikal)

Ang mga kalagayang pangkapaligiran ay isa din sa dahilan kung bakit may
nagaganap na migrasyon.
ARALIN 5

Mga Hamon sa Epekto ng Globalisasyon

 Epekto ng Pagkakaroon sa Pagkakasundo

Matatandaan na sa pamamagitan ng globalisasyon, nagkakaroon ng

pagkakasundo ang mga bansa ukol sa kalagayan ng kalikasan. Subalit hindi
maiiwasan na hindi sumandig ang mga bansa sa paggamit ng kalikasan para sa
kanilang kapakanan.

 Epekto ng Oportunidad sa Sektor ng Paggawa

Sinasabi na dahil sa globalisasyon, maraming trabaho at oportunidad ang

nalilikha na nagiging dahilan ng pag-unlad ng ekonomiya ng iba’t ibang mga bansa.
Subalit hindi rin maikakaila na dahil sa mga mayayamang bansa na nangangasiwa
ng mga kompanyang pinagtatrabahuhan ng mga táong mula sa mas mahihirap na
bansa, maaaring ma-exploit o maabuso ang mga manggagawa nang hindi patas na
pagtrato sa kanila.

 Epekto ng Pag-unlad ng Teknolohiya

Dahil sa globalisasyon, nagiging mabilis ang paglago ng teknolohiya na malaki

ang naitutulong sa pagunlad ng lipunan sa iba’t ibang bansa. Subalit ang may
seguridad lamang sa pagkakaroon ng mga makabagong teknolohiya ay ang mga
bansang mayayaman. Hindi lahat ng bansa ay kayang makipagsabayan sa ganitong
larangan.

 Epekto ng Pag-unlad ng Ekonomiya

Dahil sa globalisasyon na nagdudulot ng magkakaibang estado ng pambansang

ekonomiya, nagkakaroon din ng malaking agwat sa buhay at pamumuhay ng tao, sa
pagitan ng mahihirap at mayayaman. Ang mayayaman ay lalong yumayaman at ang
mahihirap ay nananatiling mahirap.