antaa kon e ndadatu sa Hijaz sako dapen makaoma so Ottoman?

Sako dapen ma-ped sa teritoryo a Ottoman Empire a Hijaz, na giya a Makkah na makokontrol o pamilya
o Banu Ja'far ago Hawashim pagpoon ka sa 967 C.E. taman sa 1200 C.E. Sako makasoled so ragon a 1201
C.E. na minitransfer sa pamilya o Banu Hashim or pamilya o Nabi Muhammad (SAW) a sii makapopoon
ko mga descendant o Hassan Ibn Ali (R.A.) so control ago authority sa Makkah ago Madina taman sako
20th century. Sa pagelitan a 13th-20th centuries na madakel a Islamic dynasties a miyag-pledge ron sa
allegiance (bay'ah) so Sharif sa Makkah for military protection, lagedo Ayyubid ago Mamluk. Sako soldan
a Portuguese a Red Sea ago makala a presence iran roo sako early 16th century na miya-threatened so
Sharif sa Makkah a si Barakat II ibn Muhammad na inipakawit iyan so wata iyan a si Muhammad (Abu
Numay) sa Egypt (miyaula-ula aya sako 1517 C.E.) para mag-pledge sa allegiance sa Ottoman Empire
taros a minibgay iran so gunsi sa Makkah. Sa gyoto a time na miya-absorb a Ottoman Empire so teritoryo
mambo a Mamluk dynasty a pedon a kalaan sa Hijaz. Mimbaloy a under sa protection a Ottoman Empire
a Makkah ago giyaden a entiro a Hijaz a andang a teritoryo a Mamluk dynasty. Pitaro e Sultan Selim I ko
Sharif sa Makkah a tarosen niran den a kandadatu-i iran sa Makkah asar ka ibgay iran so loyalty iran sa
Ottoman Empire. Na mininggolalan anan. Minibgay mambo so title a "Custodian of the Two Holy
Mosques" ki Ottoman Sultan Selim I.
Madidi ka miyasambot a kiyapakaoma a Ottoman Empire sa Hijaz ka aya ultimate goal a mga Portuguese
oto na makontrol iran a Makkah ago giyaden a Arabian Peninsula. Da a kaato a Sharif sa Makkah o
mikiptidawa siran sa Portuguese ka mas mabager so sandata ago sundaro o mga Portuguese. Giya e
mala a rason a kiyapakaoma a Ottoman Empire sa Hijaz para kapanabangan so Sharif sa Makkah. Sako
under sa protection a Ottoman Empire a Sharif sa Makkah, na miyakaulad mambo so teritoryo a sakop o
Sharif sa Makkah, miyaped sa control iran a Madina ago Asir. Ipagpoon sa gyoto a ragon a mag-pledge sa
allegiance a Sharif sa Makkah sa Ottoman Empire na da kiran den kowaa a Ottoman Empire so control
ago autonomy a Makkah ago Madina siiko mga Sharif. Ago pinaka-importante na daden tagompiya a
Portugal sa kasakopa iran sa Arabian Peninsula sabap sa miyasambot a kiyapakaoma a Ottoman Empire
sa Hijaz. Kay di kakowa a mga Portuguese a Arabian Peninsula na saya siran minibember sa pagingedan
o mga Malay sa Southeast Asia.
Giya a Hijaz na under sa proteksiyon a Ottoman Empire for more than 400 years. Unfortunately, masakit
a ditaroon na isa so mga Sharif sa Makkah ko miyag-revolt against sa Ottoman Empire sako 1916 ka
kabaya iran na misibay a Hijaz. Sa giya a panahon na miyakalubay den mambo a Ottoman Empire.
Normal den ko mga empire or dynasty a kapkatumba niyan. Miyaaloy aya e Ibn Khaldun, a aya
kiyatarowa niyanon na, English o ka margen m'ranawen: "Each dynasty has within itself the seeds of its
own downfall." In short na, dabo a pagtay sa kadatu, langon na aden a kapasadan iyan. Na gyoto e
miyasowa mambo a Ottoman Empire.
Aya isa a miyaakal a British Empire para mag-revolt sa Ottoman Empire na so Sharif sa Makkah a si
Hussein bin Ali Al-Hashimi. Miyakasaki-sakit a pamakinegen piro giyae e miyaula-ula. Miyakowa niyan
mambo so kabaya iyan a misibay a Hijaz. Sako 1916 na dineklara e Hussein ibn Ali a ginawa niyan a King
sa Hijaz. Sekaniyan e King a Hijaz from 1916-1924. Pindatuan mambo o mga Hashemites a Transjordan
ago Iraq.
Giya a pamilya o Sharif ago Al-Rashid (kumukontrol sa Riyadh ago lugar a ipsoled sa Makkah) na andang
den a ridowa iran a pamilya o Al-Saud a ndadatu sa Nejd. Pakagaan ta so estorya na tiyaban a pamilya o
Al-Saud so King sa Hijaz ago so pamilya o Al-Rashid. Piyakaawa o Al-Saud so pamilya o Banu Hashim para
di siran den makakasoy sa Hijaz. Sako maula-ula ini na daden pangakol a British Empire ka mas
miyabaya-baya siran pen a aya di tidawa na mga Muslim bo. Imanto na so pamilya o Banu Hashim a
pamilya o Nabi Muhammad (SAW) na siran imanto giya a ndadatu sa Jordan a pagolowan e King
Abdullah II.