Awit ng Isang Alagad

Communion

Panginoon ko, ang buhay Mong bigay

Ay minsan lang nagdaraan sa akin
Kaya bilang isang pag-aalay
Ang buhay ko'y ihahandog sa'Yo

Chorus:
Katulad ko, marami ang tinawag Mo
Upang humayo't maglingkod sa Ngalan Mo
Tanging hiling at laging nang dasal
Maging mapalad sanang tanggapin

Turuan Mong maging bukas-palad

At matutong mabuhay ng banal
Kaya't bilang isang pag-aalay
Ang buhay ko'y ihahandog sa'Yo

(Chorus)

Verse:
Tanging pangarap ko, sana'y bigyang daan
Sa landas ko'y hawiin ang buhawi ng gulo
Ang ulap na nagsisilbing dilim sa langit ko
Tunawin at gawing ulan, laan sa buhay kong tigang
Mula sa pagkakasala, ako'y muling ibangon Mo
At umasa Kang maglilingkod sa'Yo

(Verse)

At umasa Ka, at umasa Ka, at umasa Kang maglilingkod sa'Yo

Halina’t Magsiawit
Entrance

Halina’t magsiawit at magbigay papuri

Sa Diyos na ating Hari

Halina at lumapit, maggalak ang bawat isa.

Narito ang pag-ibig Niya

Ang pag-ibig na tunay at walang kapantay

Sa atin Kanya’y ibinigay

Halina’t magsiawit at magbigay papuri

Sa Diyos na ating Hari

Halina at lumapit, sa Diyos na ating Hari

Halina’t lumapit (Bayang nagpuri)

Sa dalisay ng pag-ibig