Professional Documents
Culture Documents
Catechismus Pont Max (Parte 4)
Catechismus Pont Max (Parte 4)
52 Deus, « lucem habitans inaccessibilem » (1Tm 6,16), vitam Suam divinam hominibus
a Se libere creatis communicare vult, ut eos in unico Filio Suo filios efficiat adoptivos (cf.
Ep 1,4-5) . Deus Seipsum revelans homines facere vult capaces Illi respondendi, Illum
cognoscendi Illumque amandi ultra totum id cuius capaces essent ex se ipsis.
55 Haec Revelatio peccato nostrorum protoparentum interrupta non est. Deus enim «
post eorum (...) lapsum eos, Redemptione promissa, in spem salutis erexit et sine
intermissione generis humani curam egit, ut omnibus qui secundum patientiam boni
operis salutem quaerunt, vitam aeternam daret »(33).
« Et cum amicitiam Tuam, non oboediens amisisset, non eum dereliquisti in mortis
imperio. (...) Sed et Foedera pluries hominibus obtulisti »(34).
(33) Concilium Vaticanum II, Const. dogm. Dei Verbum, DV 3: AAS 58 (1966) 818.
(34) Prex eucharistica IV: Missale Romanum, editio typica (Typis Polyglottis Vaticanis
1970) p. 467.
57 Hic ordo pluralitatis nationum, simul cosmicus, socialis et religiosus (cf. Ac 17,26-27),
destinatur ad generis humani lapsi limitandam superbiam, quod in sua perversitate
unanime (cf. Sg 10,5), per se ipsum ad modum Babelis suam efficere vellet unitatem (cf.
Gn 11,4-6). Sed, propter peccatum (cf. Rm 1,18-25), polytheismus, sicut etiam nationis
eiusque ducis idololatria huic provisoriae Oeconomiae indesinenter paganam minantur
perversionem.
58 Foedus cum Noe initum viget donec perdurant tempora nationum (cf. Lc 21,24),
usque ad universalem Evangelii proclamationem. Scriptura magnos quosdam «
nationum » veneratur homines, sicut « iustum Abel », regem et sacerdotem
Melchisedech (cf. Gn 14,18) , qui Christi est figura,37 vel iustos « Noe, Danel et Job » (Ez
14,14). Sic Scriptura exprimit quam sanctitatis altitudinem illi attingere possunt, qui
secundum Foedus initum cum Noe vivunt, exspectantes Christum, qui « filios Dei, qui
erant dispersi, congregaret in unum » (Jn 11,52).