Pribilehiyo Talumpati ni Konsehal Marcelo Eric O. Manglo
Magandang Umaga po sa lahat ng naririto. Hayaan niyo pong aking kilalanin at bigyang karangalan ang ating kababayan sa katauhan ni DAVE ANDREW R. BALBA, sa kanyang pagtatapos ng may karangalan (with honors). Si Mr. Balba ay tubong Brgy. Ambulong, butihing anak ni Mr. Aris at Mrs. Mary Ann Balba, nagtapos ng Bachelor of Science in Industrial Engineering sa Lyceum of the Philippines University-Laguna noong November 3, 2023. Batid natin ang hirap ng kursong Engineering. Madaming taon ang bubunuin bago ito matapos. Ngunit si Dave ay nagsikap at nagsakripisyo upang makamit ang kanyang pangarap na makapagtapos. Dahil din sa kanyang pagpupursige, nakapagtapos pa siya ng may karangalan (with honors) na siguradong ikinatuwa at ipinagmamalaki ng kanyang mga mahal sa buhay. Ito ay umpisa lamang ng kanyang malayong tatahakin sa buhay at nawa ay magamit niya ito para sa mas lalong ikauunlad ng kanyang sarili. Sa puntong ito, punong taga Pangulo, ako po ay nagmumungkahi sa kapulungan na ito na magpasa ng resolusyon ng pagkilala at pagpuri kay Mr. DAVE ANDREW R. BALBA sa kanyang pagtatapos ng may karangalan (with honors). Maraming Salamat po!