MINGGU III DUNG TRINITATIS

25 JUNI 2023
Evangelium: Mateus 10 : 32 – 39
Mangihuthon Jesus Mamorsan Silang

I. Patujolo
Turpuk on ima masa ni pamilliton si sampulu dua ni sisean ni Tuhan Jesus. Di taringoti Jesus ragam ni
abatabat nang angka parmaraan na naeng di adopi angka siseanna hatihai. Didok Tuhan Jesus molo naeng
mangihuthon Ibana boi do masa parbolatan, jala boi do manginona sahat tu keluarga sandiri. On ma angka
tantangan na ingkon diadopi sisean ni Tuhan Jesus, jala ragam dope na naeng masa di ngolu nasida paboahon
ndang mura laho gabe siihuthon Jesus. Ingkon manaon na hancit, dilelei, dihasogohon, lumobi di palao nang
dipapulik sian keluarga nang kelompok.
Disurat si Mateus turpuk on laho paboahon taringot tu huaso ni Tuhan Jesus na mangalehon hangoluan
tu ganup halak na porsea di Ibana, dohot uhum tu halak na manulak Ibana sian rohana. Jala sian turpuk on muse
lam taboto dang pintor langsung ditongos Tuhan Jesus angka sisean-Na tu ulaon panghobasion taringot tu
pararathon barita na uli, alai ingkon do parjolo adong do proses pembentukan karakter nang partondion na
ingkon di dalani nasida ima proses pembentukan iman umbaen na barani nasida manghatindangkon barita nauli
tu ganup halak.
II. Hatorangan Ni Turpuk
1. Ayat 32 – 33
Di ayat on dipasahat Tuhan Jesus ima soso soso asa tongtong ganup jolma manghatindangkon Ibana di
jolo ni ganup jolma. Molo disoadahon jolma i Ibana, ndang na mandok halna metmet hasalaan na i, alai Jesus
mandok adong hubungan na erat Damang dohot Jesus. Manang ise jolma na patupahon hasalaan tu Jesus,
tongtong sala di jolo ni Damang.
2. Ayat 34 – 36
Hata “podang” di ayat 34 on dipatudos tu Haroro ni Tuhan Jesus tu portibion, ima manirang jolma
naporsea dohot na so porsea di ganup jolma diportibion. Didok di Heber 4:12 “Ai mangolu do hata ni Debata
jala mahuaso. Umtajom do i sian podang sidua baba. Boi do i manusuk jala manirang hosa sian daging, sumsum
sian holiholi. Jala boi patuduhon na adong di roha dohot na adong di pingkiranta”. Pandohan di ayat 35,
digurithon di Mikha 7:6 ”Ai anak i paotootohon amana, boru i hehe dompak inana, parumaen dompak
simatuana boru, musu ni baoa i ima angka halak donganna sajabu”. Ayat 35 mandok Tuhan Jesus dibaritahon tu
sada kelompok dohot keluarga, adong do na porsea dohot na so porsea di Ibana. Siala parjumpaan dohot Ibana,
jolma manisia ingkon mamillit mangihuthon Ibana manang na ndang mangihuthon Ibana.
Adong 2 horong ni jolma, ma mangihuthon Ibana dohot ndang mangihuthon Ibana. Boasa adong na
pabadahon anak tu amana? Siala nasida porsea tu Jesus, siala anak boru i manjalo Jesus, jala inana ndang
manjalo Jesus. Boasa disirang parumaen tu simatuana boru? Sialaparumaen na manjalo Kristus, jala simatuana
boru ndang manjalo Kristus. Di Lukas 12 : 51didok “Na dirimpu rohamuna do, na laho mangalehon dame Ahu
tu atas tano on, umbahen na ro? Nda tung, hudok ma di hamu: Panirangon do tahe”. Ido umbahen didok di ayat
36 “Jala tung donganna sajabu gabe musu ni jolma i”.
3. Ayat 37
Molo adong sasahalak nanaeng mangihuthon Kristus, ingkon parjolo do Ibana sian na asing manang na
ise pe i. Siala hubungan dohot Ibana ingkon lebih erat dohot “intim” sian hubungan dohot donganna sa jabu.
4. Ayat 38
Mamorsan Silang ima gombaran sitaonon na ingkon disirang sian jolma na asing. Manang aha pe na
masa dibagasan ngolunta ingkon boi hita manahan huhut mangulahon lomo ni rohaNa. Ayat 38 on na
marlapatan sasahalak na tama gabe siseanNa ima na olo mamorsan silang i di bagasan ngoluna, jala olo disirang
sian na asing.
5. Ayat 39
Na marlapatan di bagasan ngolunta on ingkon parjolo Ibana sa dapotan hangoluan salelenglelengna hita
saluhutna. Adong do jolma siala ala ni hasangapon jabatan dohot angka lan na asing di portibi gabe “digadis”
haporseaonna gabe marbalik tu ugamo na asing. Taingot do si Munson-Lyman dohot Apostel ni halak Batak si
Nommensen na sumeahon ngoluna ala ni Ibana, laho marbarita nauli, gabe mate martir nasida. Ringkot do satia
dibagasan Ibana.

III. Sipahusorhusoron
Jotjot na gabe mangambati hita mangihunton Jesus ima zona nyaman. Ngolu na serba instan, ekspres,
sonang, on do na maol dikorbanhon halak laho mangihuthon Ibana. Mangihuthon Jesus ingkon berani keluar
sian zona nyaman. Tutu do ingkon lam godang angka tantangan na naeng ta adopi, jala disi ma hataridaan ni na
satia mamorsan silang i. Arga situtu do di Debata angka na olo mangihuthon Ibana jala mamorsan silang i (40-
42). Dipaingot do hita di hata na nidok sahalak missionaris na margoar Jim Eliot : “Orang yang meninggalkan
apa yang tidak bisa dia pertahankan untuk memperoleh apa yang tidak akan hilang, dia bukan orang bodoh”.
Songon siihuthon Jesus, tarjou do hita asa setia bertahan songon saksi iman, songon saksi Kristus. Tung pe
adong parsorion ni ngolu, pangarupaon, biar dohot holso ni roha, tung na so jadi angka i mambahen sumurut
hasatiaonta laho mangihuthon Tuhan Jesus. Pos rohanta di hasatiaonta i, di hasolhotanta di Tuhan i dohot di
ngolu na sai tongtong marsigantung tu Ibana, disi do hita margogo, marhamonangan jala tarpasupasu di
ngolunta. Amen