- Indar-lerroak eta gainazal ekipotentzialak, masa puntual (edo
esferiko) batek eratutako eremu grabitatorioan.
-Eremu grabitatorioa irudikatzea.
-Eremu-lerroak (masa bakar baten eta masa-bikote baten kasuak irudikatzea). Haien esanahia adieraztea. -Gainazal ekipotentzialak (masa puntual baten kasua irudikatzea). Haien esanahia adieraztea, eta eremu-lerroekin zer lotura duten esatea. Gainazal ekipotentzial bereko bi punturen artean eremu grabitatorioak egindako lana nulua dela adieraztea.
Eremu grabitatorioaren gisako edozein indar-eremu irudikatzeko bi modu erabiltzen
dira: bere eremu-lerro edo indar-lerro izenekoen bidez eta baita bere gainazal ekipotentzialen bidez ere.
Eremu-lerroak:
Eremuko edozein puntutan askatutako masa unitateak jarraituko lituzkeen
bideak adierazten dituzte. Puntu bakoitzean, eremu-lerroak eremuaren intentsitatearekiko tangenteak dira, eta euren dentsitatea eremu grabitatorioaren intentsitatearen moduluaren proportzionala da. Beraz, eremu grabitatorioa zenbat eta intentsoagoa izan, lerroak bilduagoak egongo dira.
Gainazal ekipotentzialak:
Potentzial bera duten puntu guztiak biltzen dituzten gainazalei gainazal
ekipotentzial esaten zaie.
Gainazal ekipotentzialak eremu-lerroen perpendikularrak dira edozein puntutan.
Masa bat gainazal ekipotentzial bereko puntu batetik bestera eramatean eremu grabitatorioak burutzen duen lana nulua da. (gainazal ekipotentzial batean, )