CHAPAB

In kaajale’ u k’aaba’e’ Ch’apab, lela’ jump’éel kaajal ma’ jach nojochi’ ba’ale’

ma’ jach chichan xani’. Yaan ka’ap’éel u kóomisariiyas, jump’éel áagwada

yéetel jump’éel ts’ono’ot. Yaan kex 2500 máako’obi’. Le kaajala’ jejeláas

meyajo’ob ku meentik le máako’ob kajakbalo’oba’, yane’ ku bino’ob ich kool,

yaane’ ku meentiko’ob xanab, ku chuuyo’ob, ku wa’ak’áano’ob, ku

konjanalo’ob. Ba’ale’ Le jach meyaj ku meentiko’obo’ ti’ le lu’umo’, ku

meentiko’ob u parseelas, ti’elo’, puru siitrikos ku koniko’ob. Le janal suuka’an

u beeta’al te’ chan kaaja’, yaan óonsikili’, yaan chimoole, bu’ulil k’éek’en,

píibil k’éek’en, tuláakal lelo’ jach suuka’an u jaanta’al yéetel pak’achbil waaj.

Beyxan ku meenta’al bakeriiyas, tu wi’inalil nobyeembre tak disyeembre,

karnabal tu wi’inalil febreero yéetel yaan k’iino’obe’ tu wi’inalil maarso. U

máakilo’obe’ jach utso’ob, jach ki’imak u yóol u k’amikecho’ob wa táanxel

tu’ux a taal.