164 Gajutos

INSTABRIGHT e-GAZETTE
ISSN: 2704-3010
Volume II, Issue I
August 2020
Available online at www.instabrightgazette.strikingly.com
*********************************************************************************************************
K.I.P.A.P.: ESTRATEHIYA SA PAGPAPATAAS NG PERPORMANS
SA PAGTUKOY NG MGA SALITANG MAGKAPAREHO O
MAGKAKA-UGNAY ANG KAHULUGAN
JEFREY P. GAJUTOS
TEACHER III
Justice Eliezer Delos Santos National High School
sirjefgajutos@gmail.com
0950-786-7185
ABSTRAK
Ang pag-aaral na ito ay nauukol sa epekto ng K.I.P.A.P. (Kagamitang Interbensyon sa

Paglinang ng Araling Pampagkatuto) sa paglinang ng kasanayan sa salitang magkapareho o
magkaka-ugnay ang kahulugan ng mga mag-aaral sa baitang 10. Gumamit ng one shot
design sa pag-aaral ang mananaliksik. Ang mga kalahok sa pag-aaral ay mula sa baitang 10
ng Mataas na Paaralang Pambansa ng Justice Eliezer Delos Santos sa Taong Panuruan
2019-2020 na napili gamit ang purposive sampling. Ang stadistikang pamamarang ginamit ay
ang pretest, posttest at t-test. Nilayon din ng pag-aaral na ito kung papaano inilarawan ng mga
mag-aaral ang kanilang naging karanasan matapos ang paggamit ng K.I.P.A.P.
Batay sa isinagawang pag-aaral, natuklasan na nakapagtala ng mas mataas na mean

score ang posttest na 27.16 kumpara sa mean score ng pretest na 16.13. Ipinahihiwatig nito
na may kabuluhang pagkakaiba ang resulta ng pretest at posttest. Ang paggamit ng K.I.P.A.P.
ay may malaking epekto sa pag-unlad ng kanilang kasanayan at kaalaman. Higit na
naunawaan at lumawak ang kanilang kaalaman hinggil sa mga salitang magkapareho o
magka-ugnay ang kahulugan. Gayundin, mula sa panayam sa mga mag-aaral, lumabas na
may mabuti at positibong epekto ang paggamit ng K.I.P.A.P. Dahil dito iminumungkahi ng
mananaliksik na dapat na gamitin ito sa klase sa pagtuturo ng wika. Na ang bawat guro sa
asignaturang Filipino ay kinakailangang lumikha ng SIM na makapagpapa-unlad sa
mabababang kasanayan sa pagkatuto ng mga mag-aaral. At hinihikayat din ang iba pang
mananaliksik na magsasagawa pa ng ibang pag-aaral kaugnay nito.
Key words: K.I.P.A.P, salitang magkapareho at magkaka-unay ang kahulugan

*********************************************************************************************************
Editorial Team
Editor-in-Chief: Alvin B. Punongbayan Associate Editor: Andro M. Bautista
Managing Editor: Raymart O. Basco Web Editor: Nikko C. Panotes
Manuscript Editors / Reviewers:
Chin Wen Cong, Christopher DC. Francisco, Camille P. Alicaway, Pinky Jane A. Perez,
Mary Jane B. Custodio, Irene H. Custodio, Mark-Jhon R. Prestoza, Keive O. Casimiro,
Rjay C. Calaguas, Mario A. Cudiamat, Jesson L. Hero, Albert Bulawat, Cris T. Zita, Allan M. Manaloto
*********************************************************************************************************
ISSN: 2704-3010
Volume II, Issue I
August 2020
*********************************************************************************************************
Kabanata I
Introduksyon
Konteksto at Rasyonale
Ang pagbasa ay isang proseso ng paghihimay-himay ng mga salitang nakalimbag. Ito
rin ay isang pamamaraan ng pag-unawa sa mga nakalimbag na titik na bumubuo sa mga
salita. Sa makatuwid sa pagbasa kinakailangang maunawaan ng isang nagbabasa ang
tumpak na kahulugan o mensahe na nais nitong iparating sa mga mambabasa. Mahalagang
mapa-unlad ng mga mambabasa ang kasanayang ito upang mas maging makabuluhan ang
kanyang buhay. Ayon kay Mangahis (2011), ang epektibong pagpapahayag ng kaisipan,
saloobin, naisin at damdamin ay isang mahalagang proseso sa pakikipagtalastasan. Ang
pangunahing kasangkapan upang maisakatuparan ang matagumpay na pakikipagtalastasan
ay ang paggamit ng wika.
Sa kasalukuyang sitwasyon ng Sistemang Pangedukasyon sa Pilipinas, na kung saan
mayroong kakulangan ng klasrum sa buong bansa, gayundin ang kakulangan ng pondo upang
makapaglaan ng mga kagamitang pampagtuturo na magagamit ng mga mag-aaral,
kinakailangan na ang mga guro ay maging inobatibo at malikhain sa mga kagamitang
pampagtuturo na magagamit sa loob ng klasrum.
Ang pagtukoy sa mga salitang magkakapareho o magkakaugnay ang kahulugan ay
ang isa sa mga kasanayang idinidebelop sa mga mag-aaral sa Baitang Sampu (Gabay
Pangkurikulum sa Filipino, 2016). Batay sa mga naging karanasan ng mananaliksik sa
pagtuturo ng asignaturang Filipino, gayundin ang mga obserbasyon bilang gurong tagapag-
ugnay ng nasabing asignatura at ang panayam sa mga guro ng baitang sampu sa
kasalukuyan ay napansin na sadyang nahihirapan ang mga mag-aaral na matamo ang
kasanayang ito. Sa resulta ng Mastery Level sa Filipino sa Baitang Sampu sa per Question
sa Unang Markahan sa taong panuruan 2018-2019 ay nakakalap ng 24.00. Samantalang ang
resulta ng Mastery Level sa Filipino sa Ikalawang markahan ay 53.00, ang ikatlo at ika-apat
na markahan ay kapwa nakakuha ng 36.00 na mastery level. Ang mga nabanggit na matery
level ay hindi umabot sa pamantayan na 75.00 sa Regional Mastery Level. Ito ay nagsasaad
na mababa o katamtaman ang kanilang iskor sa nabanggit na kasanayan. Ang kasanayang
ito ay napakahalagang matutunan nang may pang-unawa ng mga mag-aaral sapagkat
*********************************************************************************************************
Editorial Team
*********************************************************************************************************
ISSN: 2704-3010
Volume II, Issue I
August 2020
*********************************************************************************************************
magagamit nila ito sa pang-araw-araw na pamumuhay. Kung kaya’t ito ang naging dahilan
upang mapagtuunan ito ng pag-aaral ng mananaliksik na kung saan ang kasanayan ito ay
binigyan ng oras na malinang sa pamamagitan ng inihandang inobasyon ng mananaliksik.
Sa pag-aaral ng mga akdang pampanitikan ay nililinang sa mga mag-aaral ang
pagtukoy sa mga salitang magkakapareho o magkaka-ugnay ang kahulugan. Sa
pamamagitan nito napapaunlad ang “critical thinking” ng mga mag-aaral. Nabanggit ni
Ramirez (2015), na ayon sa pag-aaral ni Adan, sinasabi na ang guro ay may napakahalagang
papel sa paghubog ng ating kabataan at paglinang sa kanilang kakayahan. Hinihikayat nila
ang mga mag-aaral na abutin ang kanilang mga pangarap, magkaroon ng sariling disiplina sa
kanilang sarili at sa anumang gawain, magkaroon ng malikhain at malalim o mataas na lebel
na pag-iisip at nagbibigay halaga sa edukasyon.
INOBASYON, INTERBENSYON AT ESTRATEHIYA

Ang mananaliksik ay nagsagawa ng ganitong pag-aaral na sa pamamagitan ng
paggamit K.I.P.A.P (Kagamitang Interbensyon sa Paglinang ng Araling Pampagkatuto)
na isang SIM (Strategic Intervention Material), naniniwala ang mananaliksik na malaki ang
maitutulong nito upang mapataas ang perpormans ng mga mag-aaral sa kasanayang
nabanggit na suliranin. Makatutulong din ito sa pagkatuto ng mga mag-aaral at sa mga guro
upang lubusang maihatid ang proseso ng pagkatuto sa mga mag-aaral.
Sa panahon ngayon, kailangang makasabay ang mga mag-aaral sa mga
pagbabagong nagaganap sa lipunan. At ang paggamit ng makabagong pamamaraan o
istratehiya sa pagtuturo ay lubhang napakahalaga sa matagumpay na pagkatuto ng bawat
indibiwal.
Ayon kay Escoreal (2012), na sa paggamit ng Strategic Intervention Material ng mga
mag-aaral ay nagkaroon ng malaking epekto sa pagbaba ng bilang ng mga mabababang
kasanayan matapos ang implimentasyon ng SIM. Ang SIM ay nakapagpapataas at
nakapagpapalalim ng kaalaman, pag-iisip, pang-unawa at kakayahanan ng mga mag-aaral.
Ang mga mag-aaral na gumamit ng SIM ay nagpakita ng mataas na perpormans na kung
saan ito ay nagresulta ng mas mataas na kinalabasan ng pagkatuto ng mga mag-aaral
(Togonon, 2011).
*********************************************************************************************************
Editorial Team
*********************************************************************************************************
ISSN: 2704-3010
Volume II, Issue I
August 2020
*********************************************************************************************************
Sa pag-aaral ni Alcantara (2018), ang paggamit ng SIM (Strategic Intervention
Material) bilang pantulong na kagamitan sa pagtuturo ay maituturing na pangangailangan sa
pagtuturo upang higit na maging kawili-wili, magaan at makabuluhan ang pagkatuto ng mga
mag-aaral. Ito rin ang magiging kaparaanan upang ang mga salitang ginamit sa akda ay lubos
nilang matutunan at maunawaan.
Ang mga nabanggit na pag-aaral, ang naging saligan ng mananaliksik na ang
paggamit ng SIM (Strategic Intervention Material) ay nakapagpapataas sa proseso ng
pagkatuto ng mga mag-aaral.
Layunin ng pag-aaral na ito na mapatunayan ang kabisaan ng SIM sa paglinang ng
kasanayan ng mga mag-aaral sa salitang magkapareho o magkaka-ugnay ang kahulugan
upang makatulong sa mga guro na magamit nila ito bilang kagamitang pampagtuturo at
gayundin upang mapukaw ang isipan ng mga mag-aaral nang sa ganoon ay maging mabisa
ang paggamit nila ng mga salitang magkakapareho o magkaka-ugnay ang kahulugan.
MGA TANONG SA AKSYON RISERT
1. Ano ang mean score sa pretest ng mga mag-aaral sa mga salitang magkapareho o
magkaka-ugnay ang kahulugan?
2. Ano ang mean score sa posttest ng mga mag-aaral sa mga salitang magkapareho o
3. Mayroon bang makabuluhang pagkakaiba ang Pretest at Posttest ng mga mag-aaral bago
at matapos ang implementasyon SIM (Strategic Intervention Material) sa mga salitang
magkakapareho o magkaka-ugnay ang kahulugan ng mga mag-aaral?
4. Paano inilarawan ang naging karanasan ng mga mag-aaral matapos ang paggamit ng
Strategic Intervention Material sa pagtukoy ng mga salitang magkapareho o magkaka-
ugnay ang kahulugan?
*********************************************************************************************************
Editorial Team
*********************************************************************************************************
ISSN: 2704-3010
Volume II, Issue I
August 2020
*********************************************************************************************************
Kabanata II
Metodolohiya
Mga Kalahok at Pagkukuhanan ng mga Datos

Ang mga kalahok sa pag-aaral ay 45 mga mag-aaral mula sa Baitang Sampu ng
pangkat-Sapphire sa Mataas na Paaralang Pambansa ng Justice Eliezer Delos Santos sa
Taong Panuruan 2019-2020. Sa pagpili ng mga mga-aaral, ang mananaliksik ay gumamit ng
purposive sampling. Ang mga kalahok na ito ay may mababang marka sa isinagawang
pagsusulit ng guro. At batay rin sa panayam sa kasalukuyang guro ng baitang sampu, ang
mga kalahok na ito ang nahihirapang umunawa sa mga salitang magkapareho o magkaka-
ugnay ang kahulugan. Na kung saan ito ay kanilang ginagamit sa pagbuo ng mga
magkakaugnay na pangungusap tungo sa isang makabuluhang teksto.
Pangangalap ng mga Datos at Instrumento

Ang pag-aaral na ito ay gumamit ng one shot design na uri ng pananaliksik. Ang mga
kagamitan at instrumentong ginamit sa pananaliksik sa pag-aaral ay ang sariling gawang
pretest at post test, K.I.P.A.P at semi-structured na panayam.
Ang sariling gawang pagsusulit ay binubuo ng 40 na pung aytem na may pagpipilian
upang matukoy ang kabisaan ng K.I.P.A.P. sa kanilang konseptong pang-unawa. Ang mga
katanungan na nakapaloob sa pagsusulit ay ibinatay sa kasanayang hinahasa sa Filipino
Curriculum Guide at gayundin sa pinagkunang datos mula sa aklat. Ang nabuong pagsusulit
ay binalideyt ng mga dalubhasa sa nasabing asignatura.
Gumamit ng K.I.P.A.P (Kagamitang Interbensyon sa Paglinang ng Araling
Pampagkatuto) o SIM (Strategic Intervention Material) ang mananaliksik bilang kagamitang
inobasyon sa pagtuturo. Ang K.I.P.A.P ay binubuo ng Kard ng Patnubay, Kard ng Gawain,
Kard ng Pagtataya, Kard ng Pagpapayaman, Kard ng Sanggunian at Kard ng Kasagutan. Ang
mga bahaging ito ay susubok sa kasanayang idinidelop sa pag-aaral ng mananaliksik. Ang
ginawang K.I.P.A.P ay ipinabalideyt sa dalubguro, puno ng kagawaran ng Filipino gayundin
sa punungguro ng paaralan. Ang pidbak mula sa mga nagbalideyt ay isinaalang-alang ng
mananaliksik.
*********************************************************************************************************
Editorial Team
*********************************************************************************************************
ISSN: 2704-3010
Volume II, Issue I
August 2020
*********************************************************************************************************
Bilang karagdagan, nagsagawa rin ng semi-structured na panayam sa mga mag-aaral
ang mananaliksik upang malaman ang kanilang pang-unawa sa epekto ng K.I.P.A.P sa
pagtukoy ng mga salitang magkakapareho o magkaka-ugnay ang kahulugan bilang isang
interbensyon sa pagkatuto.
Ang mga datos ay nakalap sa mga sumusunod na bahagi ng pag-aaral:
Unang Bahagi: Pagpaplano at Pagtukoy sa Kalahok sa Pag-aaral ng Aksyong Pananaliksik

Ang unang hakbang na ginawa ng mananaliksik ay tinukoy ang mababang kasanayan
mula sa naging resulta ng Mastery Level ng baitang 10. Matapos matukoy, ang pag-aaral ng
mananalisik ay sininimulan sa pamamagitan ng pagsangguni at paghingi ng pahintulot sa
punungguro ng paaralan para maisagawa ang pag-aaral gayundin ang paghingi ng mungkahi
sa pamagat ng aksyon riserts. Matapos ito, lumikha ng sariling gawang pagsusulit (Pretest at
Post test) ang mananaliksik. Ang ginawang pagsusulit ay ipinabalideyt sa dalubguro, puno ng
kagawaran ng Filipino gayundin sa punungguro ng paaralan. Ang pidbak mula sa mga
nagbalideyt ay isinaalang-alang ng mananaliksik.
Ang mga datos ay nakalap mula sa iskor ng pretest at posttest na may apatnapung
(40) aytem. Ito ang ginamit na basehan upang matukoy ang lebel ng pagkatuto ng mga mag-
aaral bago at matapos ang isinagawang pag-aaral. Ginamit ang mean upang malaman ang
kabuuang iskor sa mga pagsusulit. Ginamit din ang t-test para malaman ang kabuluhang
pagkakaiba sa pagitan ng pretest at post test.
Ikalawang Bahagi: Implementasyon, Eksperimentasyon gamit ang K.I.P.A.P

Matapos ang pagsasagawa ng pretest, gumamit ng K.I.P.A.P (Kagamitang
Interbensyon sa Paglinang ng Araling Pampagkatuto) o SIM (Strategic Intervention
Material) ang mananaliksik bilang kagamitang inobasyon sa pagtuturo. Sa proseso ng
pagtuturo, tinalakay ng mananaliksik ang kasanayan ng mga salitang magkapareho o
magkaka-ugnay ang kahulugan. Ang mga inihandang gawain na nakapaloob sa K.I.P.A.P ay
hinimay-himay at pinasagutan sa mga kalahok sa pag-aaral. Ipinangkat ng mananaliksik sa
tatlong mag-aaral ang bawat grupo upang may katuwang ang bawat isa sa pagsagot sa mga
gawain.
*********************************************************************************************************
Editorial Team
*********************************************************************************************************
ISSN: 2704-3010
Volume II, Issue I
August 2020
*********************************************************************************************************
Ikatlong Bahagi: Ebalwasyon ng Pag-aaral
Sa prosesong ito, pinangasiwaan ang pagpapasagot ng binalideyt na posttest sa mga
kalahok sa pag-aaral. Gumamit ng berbal na interpretasyon ang mananaliksik sa pagtukoy ng
perpormans ng mga mag-aaral sa Pretest at Posttest.
Mastery Level Deskripsyon

96.00-100.00 Mastered
86.00-95.55 Closely Approximating Mastery
66.00-85.55 Moving Towards Mastery
35.00-65.99 Average Mastery
15.00-34.99 Low Mastery
5.00-14.99 Very Low Mastery
0.00-4.99 Absolutely No Mastery
Para matiyak ang katumpakan ng kinalabasan, nagsagawa rin ng panayam sa mga
mag-aaral ang mananaliksik upang malaman ang kanilang pang-unawa sa epekto ng
K.I.P.A.P sa pagtukoy ng mga salitang magkakapareho o magkaka-ugnay ang kahulugan.
Pag-aanalisa ng mga Datos

Matapos pangasiwaan ng mananaliksik ang pagpapasagot sa posttest, ang iskor o
resulta sa isinagawang pagsusulit ay nilapatan ng kaakibat na estadistika. Gumamit ng
estadistikang Mean at T-Test ang mananaliksik para matukoy ang kahalagang estadistika sa
resulta ng pretest at posttest ng mga mag-aaral.
Sa kabilang banda, sa pamamagitang ng pakikipanayam, inalam din sa pag-aaral ang
naging epekto sa damdamin ng mga mag-aaral sa kanilang naging karanasan nang isinagawa
ang pag-aaral gamit ang K.I.P.A.P. Ang mga datos na nakalap ay inorganisa upang matukoy
ang mga temang nangingibabaw dito.
*********************************************************************************************************
Editorial Team
*********************************************************************************************************
ISSN: 2704-3010
Volume II, Issue I
August 2020
*********************************************************************************************************
Kabanata III
Resulta at Diskusyon sa Pag=aaral
Sa pahinang ito, inilahad ang naging resulta ng pag-aaral gamit ang K.I.P.A.P
(Kagamitang Interbensyon sa Paglinang ng Araling Pampagtuturo) sa pagtukoy ng mga
salitang magkakapareho o magkaka-ugnay ang kahulugan na nagmula sa lahat ng datos na
nakalap mula sa ginamit na mga instrumento. Ang mga mga nakalap na datos ay masusing
hinimay-himay gamit ang estadistikang pamamaraan. Ang mga katanungan sa kabanata I ay
binigyang kasagutan sa pamamagitan ng mga sumusunod na kinalabasan:
1. Ano ang mean score sa pretest ng mga mag-aaral sa mga salitang magkapareho o
Talahanayan 3.1:
Mean Score sa Pretest ng mga Mag-aaral
Mean Score Mastery Level Deskripsyon
16.13 40.33 Average Mastery
Leyenda

96.00-100.00 Mastered
*********************************************************************************************************
Editorial Team
*********************************************************************************************************
ISSN: 2704-3010
Volume II, Issue I
August 2020
*********************************************************************************************************
Makikita sa talahanayan 3.1 na ang kabuuang mean score sa pretest ng mga mag-
aaral ay 16.13 na nagpapahiwatig ng deskripsyong berbal na average mastery sa mastery
level nitong 40.33
Ipinahihiwatig ng resulta ng pagsusulit sa pretest na mababa ang kasanayan ng mga

mag-aaral sa pagtukoy ng mga salitang magkapareho o magkaka-ugnay ang kahulugan kung
kaya’t nangangailangan ito ng gabay at tulong mula sa mga guro. At sa pamamagitan ng
pagbibigay ng angkop na interbensyon ay higit na mapapa-unlad at mapapataas ang nasabing
kasanayan.
2. Ano ang mean score sa posttest ng mga mag-aaral sa mga salitang magkakapareho o
Talahanayan 3.2:
Mean Score sa Posttest ng mga Mag-aaral
Mean Score Mastery Level Deskripsyon
27.16 67.9 Moving Towards Mastery
Leyenda:

96.00-100.00 Mastered
Makikita sa talahanayan 3.2 na ang kabuuang mean score sa posttest ng mga mag-
aaral ay 27.16 na nagpapahiwatig ng deskripsyong berbal na moving towards mastery sa
mastery level nitong 67.9.
*********************************************************************************************************
Editorial Team
*********************************************************************************************************
ISSN: 2704-3010
Volume II, Issue I
August 2020
*********************************************************************************************************
Ipinahihiwatig ng resulta ng pagsusulit sa post test na mataas ang kasanayan ng mga
mag-aaral sa pagtukoy ng mga salitang magkapareho o magkaka-ugnay ang kahulugan.
3. Mayroon bang makabuluhang pagkakaiba sa pagitan ng pretest at posttest sa pagtukoy ng

mga salitang magkapareho o magkaka-ugnay ang kahulugan ng mga mag-aaral?
Talahanayan 3.3
Makabuluhang Pagkakaiba sa Pagitan ng Pretest at Posttest sa Pagtukoy ng mga Salitang
Magkapareho o Magkaka-ugnay ang Kahulugan
Mean Computed Tabular t

Test Decision Interpretation
Score t- Value @ 0.05
Pre Test 16.13

-42.53 ± 2.015 Reject Ho Significant
Post Test 27.16
Makikita sa talahanayan 3.3 ang paghahambing ng mean iskor ng mga mag-aaral sa

pretest at post test. Makikita rin sa talahanayan ang computed t value ay 42.53 na mas mataas
sa t-computed value at 0.05 level of significance na 2.015. Nangangahulugang ito na may
makabuluhang pagkakaiba ang iskor ng pretest at post test ng mga mag-aaral. Inilalahad nito
na mas mataas ang naging perpormans ng mga mag-aaral sa posttest na kung saan tapos
na ang pagtuturo gamit ang K.I.P.A.P.
4. Paano inilarawan ang naging karanasan ng mga mag-aaral matapos ang paggamit ng
Strategic Intervention Material sa pagtukoy ng mga salitang magkapareho o magkaka-ugnay
ang kahulugan?
Sa pamamagitan ng semi-structured na panayam sa mga kalahok sa pag-aaral, may
dalawang temang nangingibabaw ang lumitaw matapos maisagawa ang paggamit ng
K.I.P.A.P.. Ito ay ang pangkaisipan at pandamdamin.
*********************************************************************************************************
Editorial Team
*********************************************************************************************************
ISSN: 2704-3010
Volume II, Issue I
August 2020
*********************************************************************************************************
Pangkaisipan
Nang ang mga mag-aaral ay kinapanayam tungkol sa kanilang naging karanasan

matapos maisagawa ang paggamit ng K.I.P.A.P, ang mga mag-aaral ay sumang-ayon na
malaki ang naitulong nito sa kanilang pagkatuto hinggil sa mga salitang magkapareho o
magkaka-ugnay ang kahulugan. Ipinahihiwatig nito na may mabuti at positibong epekto ang
paggamit ng K.I.P.A.P sa proseso ng pagkatuto ng mga mag-aaral.
Nakatala sa ibaba ang ilan sa naging kasagutan nila matapos maisagawa ang
paggamit ng K.I.P.A.P..
“Masaya pong mag-aral gamit ito kasi mas naintindihan po namin ang pagtalakay kaysa sa
karaniwang pagtuturo sa klasrum.”
“Malaki po ang naitulong sa aking kaalaman sapagkat natuto po kami habang sabik po kaming
buklatin ang susunod na gawain.”
“May salita po na napakahirap bigyan ng kahulugan ngunit sa pag-analisa kung paano ito
ginamit ay naintindihan na po rin namin.”
Pandamdamin
Batay sa mga nakalap na kasagutan sa pakikipanayam, ang mga mag-aaral ay

nagbigay ng positibong pananaw hinggil sa paggamit ng K.I.P.A.P. Malaki ang naitulong nito
na maganyak ang mga mag-aaral na matuto sa kasanayang hinahasa sa aralin. Nakatala sa
ibaba ang ilan sa naging kasagutan ng mga mag-aaral sa pakikipanayam.
“Sa umpisa ako po ay kinabahan sapagkat hindi po ako sanay sa kagamitang SIM na ituturo
ng guro.”
“Akala ko po ay mahirap maintindihan o gamitin ang SIM pero ng tumagal ay nakatutuwa pala
itong gamitin.
“Nakakakaba ngunit nakatutuwa sapagkat may kasama akong kapwa mag-aaral na natututo
gamit ang kagamitang ito.”
*********************************************************************************************************
Editorial Team
*********************************************************************************************************
ISSN: 2704-3010
Volume II, Issue I
August 2020
*********************************************************************************************************
“Nang gamitin na namin ito, nag-enjoy po kami sapagkat may mga ginamit na pinasagutan po
sa amin na kinuha mula sa mga laro na nakikita namin sa internet o mga aplikasyon sa
cellphone.”
Kabanata IV
Konklusyon at Repleksyon
KINALABASAN
Nilayon ng pag-aaral na ito na mapatunayan ang kabisaan ng SIM sa pagpapataas ng

perpormans sa kasanayan ng mga mag-aaral sa salitang magkapareho o magkaka-ugnay
ang kahulugan ng Baitang Sampu sa Mataas na Paaralang Pambansa ng Justice Eliezer
Delos Santos. Malaki ang maitutulong nito sa mga guro bilang kagamitang pampagtuturo at
gayundin upang mapukaw ang isipan ng mga mag-aaral nang sa ganoon ay maging mabisa
ang paggamit nila ng mga salitang magkakapareho o magkaka-ugnay ang kahulugan.
Ang mga sumusunod ay ang kinalabasan ng pananaliksik:
 Mas mataas ang mean iskor ng posttest kaysa sa pretest.

 May kabuluhang pagkakaiba ang resulta ng pretest at posttest ng mga mga-aaral.
 May mabuti at positibong epekto ang paggamit ng SIM sa mga mag-aaral.
 May dalawang tema ang lumitaw na nangingibabaw mula sa panayam na isinagawa
ng mananaliksik sa mga mag-aaral- pangkaisipan at pandamdamin.
KONKLUSYON
Ang paggamit ng K.I.P.A.P. sa mga salitang magkapareho o magkaka-ugnay ang

kahulugan ng mga mag-aaral sa Baitang 10 pangkat- Sapphire ay may malaking epekto sa
pag-unlad ng kasanayan sapagkat mas naging mataas ang kanilang mean score sa posttest
kaysa sa pretest. Ang kanilang kaalaman hinggil sa mga salitang magkapareho o magka-
ugnay ang kahulugan ay higit na naunawaan at lumawak ang kanilang kaalaman dito.
*********************************************************************************************************
Editorial Team
*********************************************************************************************************
ISSN: 2704-3010
Volume II, Issue I
August 2020
*********************************************************************************************************
Ang kanilang naging karanasan sa paggamit nito ay nagdulot ng positibong pananaw
na mababanaag sa kanilang mga reaksyon batay rito. Naging makabuluhan ang pagkatuto
ng mga mag-aaral sapagkat ang inobasyong ginamit ay akma sa kanilang hilig at paraan ng
pagkatuto.
IMPLIKASYON AT REPLEKYON
Ang proseso ng pagkatuto ng mga mag-aaral ay nakasalalay sa kagamitang

pagtuturo na akma sa kanilang pang-unawa. Ang ugnayan ng guro at ng mga mag-aaral ay
napakahalagang aspeto upang ang mga kasanayan na dapat malinang ay tunay na
matutunan ng mga mag-aaral. Sa proseso ng pagkatuto napapa-unlad ang kakayahanag
komunikatibo, kooperasyon at pagtitiwala sa sarili.
Ang paggamit ng kagamitang pampagtuturo tulad ng K.I.P.A.P (Kagamitang

Interbensyon sa Paglinang ng Araling Pampagkatuto) ay isang paraan na magpapayaman
sa isipan ng mananaliksik. Isa ito sa pamamaraang nakapagbigay impormasyon sa
mananaliksik kung anong istratehiya ang ang nababagay sa pagkatutuo ng mga mag-aaral
na makapaglalaan ng epekto sa kanilang pagkatuto.
Sa kabilang banda, sa pagsasagawa ng inobasyong ito, napagtanto ng mananaliksik

na napakahalaga ng tiyak at wastong pamamaraan ng pagbibigay ng kaalaman sa mga mag-
aaral sa pamamagitan ng wastong istratehiyang gagamitin. Gayundin ang oras sa
pagsasagawa nito ay napakahalaga sapagkat hindi magkakapareho ang kakayahan ng bawat
mag-aaral. Kinakailangan ang pagkakasundo at pagkakaunawaan ng mga mag-aaral upang
maisakatuparan ito nang matiwasay.
Sa kabuuan, ang paggamit ng K.I.P.A.P. ay isang pangangailangan sa paghasa at

pag-unlad ng pagkatuto ng mga mag-aaral. Gayundin, kasabay ng pagkatuto ay ang
pagkakaroon ng kabuluhan, katiwasayan, kawilihan, kasabikan sa pang-unawa ng mga mag-
aaral.
*********************************************************************************************************
Editorial Team
*********************************************************************************************************
ISSN: 2704-3010
Volume II, Issue I
August 2020
*********************************************************************************************************
REKOMENDASYON
Batay sa mga nakalap na impormasyon sa pag-aaral, ang mga sumusunod ay

inirerekomenda:
1. Napatunayan na ang paggamit ng SIM (Strategic Intervention Material) ay

nakapagpataas sa pagkatuto ng mga mag-aaral, ang mga guro ay dapat na gamitin
ito sa klase sa pagtuturo ng wika lalong lalo na sa pagtukoy ng mga salitang
magkapareho at magka-ugnay ang kahulugan.
2. Ang bawat guro sa asignaturang Filipino ay kinakailangang lumikha ng SIM na
makapagpapa-unlad sa mabababang kasanayan sa pagkatuto ng mga mag-aaral.
3. Magsagawa ng kaparehong pag-aaral na may kaugnayan sa pagpapataas ng
perpormas ng mga bata gamit ang SIM.
4. Maglaan ng mga palihan at pagsasanay para sa mga guro na may kaugnayan sa
pagbuo o paglikha ng SIM.
PLANO NG AKSYON
Sa proseso ng pagkatuto mahalagang maunawaan ng mga mag-aaral ang mga aralin

na tinatalakay sa loob ng klasrum. Sa kadahilanang ito, ang mga guro ay nagsusumikap na
maipabatid sa mga mag-aaral ang mga aralin na kanilang magiging gabay sa pang araw-araw
na pamumuhay. Ang mga guro ay gumagamit ng iba’t ibang kaparaanan o kagamitang
pampagtuturo upang ang mga aralin ay madaling matutunan ng mga mag-aaral nang may
kahusayan. Sa pag-aaral na ito, ang mananaliksik ay nagdebelop ng K.I.P.A.P. na magagamit
ng mga mag-aaral bilang isang kagamitang interbensyon sa mga salitang magkapareho o
magkaka-ugnay ang kahulugan.
Ang kinalabasan ng pag-aaral ng mananaliksik ay pinaniniwalaan na makatutulong

hindi lamang sa mga mag-aaral bagkus sa kapwa mga guro ng asignatura. Kung kaya’t nais
ng mananaliksik na maibahagi ito sa oras ng Deparment Learning Action Cell sa taong
panuruan 2019-2020.
*********************************************************************************************************
Editorial Team
*********************************************************************************************************
ISSN: 2704-3010
Volume II, Issue I
August 2020
*********************************************************************************************************
Nais din ng mananaliksik na maibahagi ang kinalabasan ng pag-aaral sa darating na
INSET sa Oktubre 2019. Ito ay upang maibahagi ang mga naging karanasan ng mananaliksik
sa pagsasagawa ng pananaliksik sa kapwa guro. Ito rin ay upang mahikayat ang mga guro
sa iba’t ibang asignatura na magsagawa ng pananaliksik na may kinalaman sa kanilang
pagtuturo.
Gayundin, ang kinalabasan ng pag-aaral ay ninanais na maibahagi at matalakay sa

School Research Committee (SRC) at sa School Division Research Committee (SDRC).
Nais din ng mananaliksik na maibahagi ang kinalabasan ng pag-aaral sa mga kilalang

National and International Research Journal na maging motibasyon at makatulong sa kanilang
pagtuturo sa loob ng klasrum.
Talasanggunian
Alcantara, A. R. (2018). Epekto ng strategic intervention sa pagbibigay ng kahulugan sa

mga patalinghagang salita
Escoreal, A. (2012). Strategic Intervention Material A tool to Reduce Least Mastered

Skills in Grade Four Science
http://www.academia.edu/33952258/FINAL_THESIS
K to 12 Gabay Pangkurikulum (2016). Nakuha noong Hunyo 6, 2019 mula sa

www.deped.gov.ph/sites/default/files/page 2016/Filipino%20CG.pdf.
Togonon, I. (2011). Development and Evaluation of Project- Based SIM (PB SIM) in
Teaching High School Chemistry. Unpublished Masters Thesis. Technological
University of the Philippines
*********************************************************************************************************
Editorial Team
*********************************************************************************************************

164 Gajutos

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

164 Gajutos

Uploaded by

Copyright:

Available Formats

INSTABRIGHT e-GAZETTE

Ang pag-aaral na ito ay nauukol sa epekto ng K.I.P.A.P. (Kagamitang Interbensyon sa

Batay sa isinagawang pag-aaral, natuklasan na nakapagtala ng mas mataas na mean

Key words: K.I.P.A.P, salitang magkapareho at magkaka-unay ang kahulugan

INOBASYON, INTERBENSYON AT ESTRATEHIYA

MGA TANONG SA AKSYON RISERT

Mga Kalahok at Pagkukuhanan ng mga Datos

Pangangalap ng mga Datos at Instrumento

Unang Bahagi: Pagpaplano at Pagtukoy sa Kalahok sa Pag-aaral ng Aksyong Pananaliksik

Ikalawang Bahagi: Implementasyon, Eksperimentasyon gamit ang K.I.P.A.P

Mastery Level Deskripsyon

Pag-aanalisa ng mga Datos

Mean Score Mastery Level Deskripsyon

16.13 40.33 Average Mastery

Mastery Level Deskripsyon

Ipinahihiwatig ng resulta ng pagsusulit sa pretest na mababa ang kasanayan ng mga

Mean Score Mastery Level Deskripsyon

27.16 67.9 Moving Towards Mastery

Mastery Level Deskripsyon

3. Mayroon bang makabuluhang pagkakaiba sa pagitan ng pretest at posttest sa pagtukoy ng

Mean Computed Tabular t

Pre Test 16.13

Makikita sa talahanayan 3.3 ang paghahambing ng mean iskor ng mga mag-aaral sa

Nang ang mga mag-aaral ay kinapanayam tungkol sa kanilang naging karanasan

Batay sa mga nakalap na kasagutan sa pakikipanayam, ang mga mag-aaral ay

Nilayon ng pag-aaral na ito na mapatunayan ang kabisaan ng SIM sa pagpapataas ng

Ang mga sumusunod ay ang kinalabasan ng pananaliksik:

 Mas mataas ang mean iskor ng posttest kaysa sa pretest.

Ang paggamit ng K.I.P.A.P. sa mga salitang magkapareho o magkaka-ugnay ang

Ang proseso ng pagkatuto ng mga mag-aaral ay nakasalalay sa kagamitang

Ang paggamit ng kagamitang pampagtuturo tulad ng K.I.P.A.P (Kagamitang

Sa kabilang banda, sa pagsasagawa ng inobasyong ito, napagtanto ng mananaliksik

Sa kabuuan, ang paggamit ng K.I.P.A.P. ay isang pangangailangan sa paghasa at

Batay sa mga nakalap na impormasyon sa pag-aaral, ang mga sumusunod ay

1. Napatunayan na ang paggamit ng SIM (Strategic Intervention Material) ay

Sa proseso ng pagkatuto mahalagang maunawaan ng mga mag-aaral ang mga aralin

Ang kinalabasan ng pag-aaral ng mananaliksik ay pinaniniwalaan na makatutulong

Gayundin, ang kinalabasan ng pag-aaral ay ninanais na maibahagi at matalakay sa

Nais din ng mananaliksik na maibahagi ang kinalabasan ng pag-aaral sa mga kilalang

Alcantara, A. R. (2018). Epekto ng strategic intervention sa pagbibigay ng kahulugan sa

Escoreal, A. (2012). Strategic Intervention Material A tool to Reduce Least Mastered

K to 12 Gabay Pangkurikulum (2016). Nakuha noong Hunyo 6, 2019 mula sa

You might also like