SALVACION HEALTH CENTER

Salvacion, Libmanan, Camarines Sur

BUNTIS CLASS
November 23, 2023

TOPICS:
1. Ilang beses dapat nagpapa check-up ang buntis?
 ISANG BESES kada buwan hanggang pang-7 na buwan.
 DALAWANG BESES sa loob ng isang buwan mulang ika-pitong
buwan hanggang ikawalong buwan ng pagbubuntis
 ISANG BESES KADA LINGGO mula ika 37 weeks hanggang 39
weeks
 Kada TATLONG ARAW mula 39 weeks hanggang 41 weeks
 After 41 weeks – refer to OB/Hospital

2. Ano ang mga laboratory test na kailangan at dapat gawin sa unang tatlong
buwan ng pagbubuntis?
 Genetic testing
 CBC, Blood typing
 Urinalysis
 VDRL – transplacental migration
 HepBSag –
 HIV – napapasa sa gatas ng ina
3. Ilang beses dapat nagpapa ultrasound ang buntis?
 Tatlong beses (1st, 2nd, 3rd trimester)
4. Ano ang mga vitamins at supplement na dapat mainom ng buntis?
 1st trimester – Folic acid
 2nd trimester – multivitamins, calcium, ferrous sulfate, milk

5. Anong ang mga vaccine/bakuna na pwedeng iturok sa buntis?

 Anti-flu vaccine
 Anti COVID vaccine
 Tetanus Toxoid/tetanus Diphtheria
Ilang beses at ano ang schedule sa pagtuturok ng TT?
 1st dose – as soon as malaman na buntis (0% protection)
 2nd dose – after 1 month (3 years protection)
  3rd dose – atleast after 6 months (5 years protection)
 4th dose – atleast after 1 year (10 years protection)
 5th dose – atleast after 1 year (lifetime protection)

6. Anong mga vaccine o bakuna ang hindi pwedeng iturok sa buntis?

 MMR
 Anti- rabies/typhoid
 Hepa B/Hepa A
Common Problems:
 Nausea and Vomiting (Small frequent meals, ginger tea, ice chops)
 Heartburn (Avoid lying down or bending after meals)
 Headache (Check BP, paracetamol, rest in the dark or quiet room)
 Backache – squat not bend, don’t lift heavy objects, abdominal support,
refer if severe)
 Varicosities – rest and elevate legs, elastic stockings, it may rupture
during labor
 Hemorrhoids – high fiber, fluids
 Frequent urination
Weight monitoring during pregnancy
BMI WEIGHT
GAIN
Less than 28-40 lbs
18.5
18.5 – 24.9 25-35 lbs
25.0 – 29.9 15-25 lbs
30.0 above 11-20 lbs

HULING TATLONG BUWAN NG PAGBUBUNTIS, MGA

DAPAT MALAMAN
Ano ang False Labor at True Labor?
Brixton Hicks (False Labor)
 Irregular contraction na kakaunti at malayo sa pagitan
 Contractions na humihinto kapag naglalakad nagpapahinga, o nag-iiba ng
posisyon.
 Mahinang contractions
 Contractions sa harap ng iyong tiyan
 Contractions na hindi nagiging sanhi ng cervical dilation
 True labor
 Ang regular na contractions ay tumatagal ng kada 30 hanggang 90 na
segundo, mas umiiksi ang pagitan nito habang tumatagal ang oras.
 Nagpapatuloy ang contractions kahit na anong gawin mo at walang posisyon
na nagpapawala nito.
 Regular na contraction na mas tumitindi at lumalakas
 Ang contractions ay nagsisimula sa itaas na tiyan at mula sa gitnang likod
bago magtungo paharap.

Ano ang false labor at mga sanhi nito?

 Ang Braxton Hicks contractions o false labor ay kadalasang nangyayari sa
tuktok ng matagal na nakapapagod na araw, lalo na kung ikaw ay pisikal na
aktibo. Ang eksaktong rason bakit ito nangyayari ay hindi pa nalalaman
ngunit ito ay kadalasang iniuugnay sa mataas na pisikal na aktibidad, kung
ang bladder ay puno, matapos ang sekswal na aktibidad, at kung ang babae
ay dehydrated.
 Ang chronic stress ay nagiging sanhi ng mas matagal na pagbabago sa
vascular system ng katawan, hormones, at abilidad na makatiis sa infection.
Tulad nito, ang chronic stress ay maaari ring magdulot ng false labor, kahit
na ang sanggol ay hindi pa nakakaabot sa full term.

Bakit kailangan ng C-section sa ilang pagbubuntis?

May mga pagkakataong mas inirerekomenda ang C-section delivery kaysa sa
vaginal delivery. Maaaring dahil ito sa mga sumusunod na dahilan:

1. Prolonged labor
Nangangahulugang may malakas at sunod-sunod na contraction ang isang ina sa
loob ng hindi bababa sa 24-36 na oras, ngunit hindi pa rin bumubukas ang kanyang
cervix.
Para sa normal delivery, kinakailangang bumukas ang cervix ng hanggang 10 cm.
Ang prolonged o stalled labor ang pinakakaraniwang dahilan para sa operasyon ng
C-section.

2. Stress sa sanggol
Tulad ng kung paano nilalagay ng panganganak sa matinding stress ang ina,
nilalagay din nito ang sanggol sa parehong sitwasyon.
Kung gaano kadesperado ang ina na mailabas ang sanggol, ganito rin ang
nararamdaman ng sanggol.
Dahil dito, minsan dahil sa panganganak, tumataas o bumabagal kumpara sa
karaniwan ang tibok ng puso ng sanggol. Ang operasyon ng C-section lamang ang
tanging solusyon sa mga panahong gaya nito, para maipanganak ang sanggol sa
lalong madaling panahon.

3. Posisyon ng sanggol
Maaaring nasa breech na posisyon ang sanggol, na naglalagay sa kanya sa
panganib. Nangangahulugang sa halip na ulo ang mauna, ang puwit o mga binti ng
sanggol ang naka-umang sa kwelyo ng matris, at maaring maunang mailabas.
Kung hindi gumagana ang manu-manong pagpoposisyon (gamit ang mga kamay),
kakailanganin ang C-section.

4. Posibilidad ng placenta previa

Tumutukoy ito sa inunan na tumatakip sa cervix. Dahil dito, hindi makalabas ang
sanggol sa cervix, at samakatuwid kailangan isagawa ang C-section.

5. Mga problema sa umbilical cord

May dalawang pangunahing problema na maaaring lumabas. Nagsisilbi ang
umbilical cord bilang lifeline ng sanggol, na kung minsa’y pumupulupot sa leeg ng
sanggol. Isa itong mapanganib na sitwasyon at nangangailangan ng agarang
atensyon.
Isa pa–ang paglabas ng umbilical cord sa birth canal bago ang sanggol at isa sa
mga problema na maaaring mangyari. Mapanganib din ito dahil posible itong
maging banta sa buhay ng sanggol.

6. Masyadong malaki ang sanggol

Kilala rin bilang Cephalopelvic disproportion (CPD), nangangahulugan na
masyadong malaki ang ulo ng sanggol para dumaan sa pelvis ng ina sa vaginal
delivery.

7. History ng C-section delivery

Kahit na madalas ginagamit sa C-section ang LSCS, may mga pagkakataon pa rin
na ginagawa ang iba pang hiwa depende sa kalagayan ng pagbubuntis. Posibleng
nangangahulugang hindi na maaaring sumailalim sa vaginal delivery ang isang ina.

8. Fibroids
Napakakaraniwan ng fibroids dahil sa mga pagbabago ng lifestyle. Maaari ito
magsanhi ng mechanical obstruction, kung saan maaaring maharangan ng laki nito
ang birth canal. Kaya kinakailangan ang C-section sa mga pangyayaring gaya nito.
 9. Kasalukuyang kalagayan sa kalusugan
Kung may hypertension ang ina, problema sa puso, o kahit mayroong gestational
diabetes, ang C-section lamang ang natatangi nilang pagpipilian. Gayundin kung
may problema sa pamumuo ng dugo ang ina, hindi rin ibinibigay bilang
pagpipilian ang mga vaginal delivery sa kanila.

10. Maramihang pagbubuntis

Sa maramihang pagbubuntis, mataas ang posibilidad na nasa abnormal na posisyon
ang isa o dalawang sanggol. Dahil dito, ginagawa ang operasyon ng C-section para
sa panganganak.

KOMPLIKASYON SA LABOR

Rapid labor
Isa sa mga dapat bantayang komplikasyon sa labor ay kung ito ay masyadong
mabilis. Karaniwan, ang panganganak ay tumatagal sa pagitan ng 6 hanggang 18
oras, depende sa kalagayan ng ina. Kung ito ay mas maikli, ibig sabihin 3-5 oras,
ito ay itinuturing na rapid labor.
Ito ay maaaring dahil sa laki ng sanggol, contractions ng matris, pagiging flexible
ng birth canal, mabilis na pagtaas ng diameter ng cervix ng ina at dumaan ka na sa
mabilis na panganganak sa iyong huling pagbubuntis. Ang isang pangunahing
problema sa panahon ng rapid labor ay maaaring ang sanggol ay ipanganak sa
hindi na-sterilize at hindi nalinis na kapaligiran.
Ang ina ay maaaring nasa panganib din dahil ang matinding contractions at
pagmamadali ng panganganak ay maaaring maging sanhi ng pagkapunit sa ari o
postpartum shock.

Fetal distress
Gaya ng tawag dito, ang fetal distress ay maaaring dahil sa hindi maganda ang
lagay ng sanggol at mahina ang tibok ng puso, mga isyu sa paggalaw, hindi
nagsimulang umiyak o huminga, o mababang antas ng amniotic fluid. Maaari itong
mga dahilan, tulad ng hypertension ng pagbubuntis, anemia ng ina, at hindi sapat
na oxygen levels.
Ang fetal distress ay nangyayari sa mga ina na nasa late labor. Halimbawa 41
hanggang 42 na linggo, ang Meconium Aspiration, kung saan ang dumi ng sanggol
ay nilulunok/na-aspirate niya, ay maaaring mangyari. Ang ilang mga paraan upang
labanan ito ay sa pamamagitan ng paglipat ng posisyon ng ina, pag-regulate ng
oxygen levels ng ina, at pagtaas ng hydration. Hindi maaaring opsyon ang vaginal
deliveries sa fetal distress at ang C-section ang tanging paraan para dito. Ang
pinakamahalagang bagay na dapat gawin ay ang maghanda ng life-saving
equipment bago manganak.Ito ay magagamit ng Pediatrician at nurse sakaling
magkaroon ng fetal distress.

CPD o Cephalopelvic Disproportion

Nasa listahan ng komplikasyon sa labor ang CPD. Ito ay kapag ang ulo ng sanggol
ay masyadong malaki para dumaan sa pelvis ng ina. Maaaring ito ay dahil sa iba’t
ibang dahilan tulad ng kung ang ina ay nagkaroon ng gestational diabetes, o ang
pelvis ng ina ay maliit para sa ulo ng sanggol, o kung ang sanggol ay nasa ibang
posisyon kaysa karaniwan.
Isa sa mga remedyo para dito ay pag-iingat sa pagtaas ng timbang sa panahon ng
pagbubuntis. Ang isa pa ay ang regular na pag-eehersisyo. Makakatulong ang prenatal
yoga para sa ganitong pagbubuntis. C-section ang karaniwang ginagawa sa
ganitong kaso.

Placenta previa
Ito ay isang kondisyon kung saan natatakpan ng inunan ang bukana ng cervix.
Kilala rin ito na mababang inunan. Ito ay maaaring dahil sa iba’t ibang dahilan
tulad ng kung ang ina ay higit sa edad na 35 kung ang ina ay may history ng tatlo o
higit pang pagbubuntis, mga nakaraang C-section, at kung ang ina ay may
fibroids.
Gayunpaman, isa itong bihirang pangyayari ngunit dapat kaagad na alagaan o
maaari itong humantong sa matinding blood loss.

Nuchal cord
Ibig sabihin nito na ang pusod ng sanggol ay nakapulupot sa leeg ng sanggol.
Bagamat hindi ito laging mapanganib na sitwasyon, kung ang tibok ng puso ng
sanggol ay hindi tumaas kasama ng mga contraction ng ina, maaaring kailanganin
ang isang agarang panganganak.
Maaaring makaranas ng stress ang sanggol dahil dito. Ang vaginal delivery at C-
section ay mga angkop na opsyon dito, ngunit ito ay ganap na nakadepende sa
kung gaano ka-dilated ang ina o kung ang sanggol ay nasa reachable stage.

Mababang Timbang
Isa pa sa komplikasyon sa labor ang mababang timbang sa kapanganakan.
Hypertension ang isa sa karaniwang dahilan ng low birth weight. Maaari rin itong
mangyari kapag ang ina ay alcoholic, hindi wasto ang pagkain habang
nagbubuntis, gumagamit ng droga, o naninigarilyo. Dahil ang sanggol ay
napapakain ng kung ano ang kinakain ng ina, siya ay maaaring kulang sa timbang
sa panahon ng panganganak.
Ang mga sanggol na low birth weight ay lantad sa maraming kondisyon sa
pagtagal. Ito ay tulad ng respiratory problems, mga impeksyon sa puso,
pagkabulag, at mga depekto sa pag-aaral.

Mahabang labor
Kung ang panganganak ay naantala nang lampas sa normal na 6-18 oras hanggang
20-22 oras, ito ay kilala bilang prolonged labor. Dahil ito sa iba’t ibang isyu na
maaaring magdulot ng mga pagkaantala, tulad ng kung ang ulo ng sanggol ay
masyadong malaki para sa pelvis, mabagal na dilation, multiple babies, at
emosyonal na pag-trigger tulad ng takot sa panganganak.

Umbilical cord prolapse

Ang pusod ang paraan ng sanggol para makakuha ng kanyang oxygen, suplay ng
nutrisyon, at suplay ng dugo. Minsan, lumalabas ang cord sa birth canal at
makikita mo itong nakausli sa ari.
Nangangailangan ito ng agarang atensyon dahil ang supply ng sanggol ng oxygen
at nutrients sa pamamagitan ng supply ng dugo ay nasa panganib na maputol.
Susubukan ng doktor na ayusin ito sa lalong madaling panahon.

Malposition
Ang isa sa mga karaniwang komplikasyon sa labor ay malposition. Ito ay maaaring
mangyari dahil sa breech positions, tulad ng kung ang puwitan o paa ng sanggol ay
unang lumabas kaysa sa ulo, o kung ang sanggol ay nasa gilid ng matris sa halip na
nasa vertical position.
Kasama rin sa malposition ang mga nabanggit na kundisyon. Ito ay tulad ng kung
ang pusod ay bumabalot sa leeg ng sanggol, o lumabas mula sa birth canal, o na-
compress. Upang matugunan ang malposition, C-section, forceps delivery, o
maging ang manu-manong pagbabago sa posisyon ng doktor ay maaaring
imungkahi.