sbl2017 1 RW

Ibirimo
Ibyigisho bya Bibiliya mu

1. Guhamagarwa kwa Aburahamu / 5 Ishuri ryo ku Isabato, Ni poro-
garame y’ ibyigisho bya buri
2. Kwizera kwa Aburahamu/ 10 munsi.
Ibi byigisho by’ ishuri
3. Urubyaro Rwasezeranywe / 15 ryo ku Isabato bishingiye
kuri Bibiliya n’ umwuka
4. Abahungu Babiri ba Aburahamu / 20 w’ ubuhanuzi gusa. Kwi-
ga byimbitse muri iki gihe
bigomba gushishikariza buri
5. Abana Nyakuri ba Aburahamu / 26 wese witegura kugaruka k’
Umukiza wacu Yesu.
6. Isezerano ry’Iteka Ryose / 31
Ibi byigisho by’ Is-
7. Ubuntu Buhoraho Iteka Ryose / 36 huri ryo kw’Isabato bina-
boneka mu kinyarwanda
8. Kwizera Gufite Imirimo / 41 kuri iyi website:
www.sdarm.org/sbl
9. Umukiza w’Aburahamu / 46
10. Kwihangana kwa Aburahamu / 52
Byahinduwe mu
Kinyarwanda na
11. Gusabira Abanyabyaha / 57 „RWANDA MISSION”
y’Abadivantisite
12. Umurage wa Aburahamu / 62 b’Umunsi wa
Karindwi Bavugura
„WIBYIGISHO BYA BIBILIYA MU

ISHURI RYO KU ISABATO”
Bitegurwa n’inteko y’ubuyobozi bukuru
bw’itorero ry’abadivantisite b’Umunsi wa 7 Bavugurura
General Conference
5240. Hollins Road Roanoke - Virginia
24019
5048 USA
Internet: www.sdarm.org
E-mail: gc@sdarm.org
Ibyigisho bya Bibiliya mu Ishuri ryo ku Isabato, Vol. 93, No. 1
2
Ijambo ry’Ibanze
Iyo twitegereje ahantu hatuzengurutse mu isi uyu munsi, tuhabona ib-
intu bidasanzwe by’ubwoko bwinshi: urugomo, kumena amaraso, Ibiza
n’ibikorwa by’iyica rubozo. Ibi byose bitwibutsa ko kugaruka k’Umwami
wacu Yesu Kristo kuri hafi cyane. Kugira ngo tubashe guhangana n’ibi bintu
no kwitegura gusanganira Umwami wacu ku bicu byo mu ijuru, tugomba ku-
gira kwizera gushikamye nk’ukw’ Aburahamu.
“Abavuga bose ko bategereje kugaruka k’Umwami wacu kudatinze bago-
mba kugira kwizera kwa Aburahamu, kwizera gufite agaciro kuko hari icyo
kubasaba, kwizera gukorera mu rukundo kukeza umutima. Urugero rwa Abu-
rahamu rwandikiwe twebwe abasohoreweho n’imperuka y’ibihe. Tugomba
kwizera ko Imana izakorana natwe kandi ko itazadutererana. Ibyo yavuze irabi-
sohoza, natwe iradusaba kwizera kuzima no kumvira ku bushake. Ubwo nibwo
umucyo wayo uzaturasira impande zose kandi twese tuzaba umucyo wose mu
Uwiteka.” - The Signs of the Times, April 1, 1875.
Iki gihembwe tuziga imibereho ya Aburahamu. Uyu muntu w’Imana
yanyuze mu bigeragezo byinshi byo kwizera. Muri buri kigeragezo, Aburahamu
yahabwaga amahirwe yo kugaragaza kwiringira Imana no kwiringira amaseze-
rano yamuhaye—yo kuzaba ‘sekuruza w’amahanga.’ Hari ibihe kwizera kwe
kwatsindwaga mugihe yageragezaga gusohoza inama y’Imana mu gihe yihi-
tiyemo n’inzira yihitiyemo. Ariko nubwo bimeze bityo Imana yahamije kwizera
kwe, kandi mu gihe cyagenwe, umwana we w’imfura w’isezerano abyarwa na
Aburahamu. Nanone Imana yari izigamiye Aburahamu ikigeragezo cyanyuma
gikomeye, atari igihe yari akiri umusore kandi agifite imbaraga, ahubwo n’igihe
yagombaga kuba ageze mu zabukuru.
“Aburahamu ubwo yari ageze mu zabukuru yarageragejwe bikomeye.
Amagambo y’Uwiteka yari akomeye cyane kandi byasaga naho uwo musaza
adakwiriye guhamagarirwa ibyo ariko ntacyo yabajije kugira ngo yitsindishi-
rize cyangwa ngo ashidikanye kuyumvira. Yashoboraga kuvuga ati dore nda-
shaje kandi ndi umunyantege nke, kugira ngo umwana we wari umubereye
umunezero w’ubuzima bwe atamutangaho igitambo. Yashoboraga kwibutsa
Imana ko iri tegeko rije kurwanya amasezerano yatanze arebana n’umwana
we. Ariko Aburahamu yumviye atabanje kwivovota cyangwa gushidikanya.
Ibyiringiro bye byo mu Mana byari bishyitse.” - Ibihamya, vol. 4, p. 253.
“Imana yemerera ibigeragezo ko bigera ku bwoko bwayo, kugira ngo binyuze
mu gushikama no kumvira byabo babashe gukomera mu by’umwuka, kandi uru-
gero batanga ruhinduka isoko y’imbaraga ku bandi. Ibigeragezo byose biza byibasi-
ra kwizera kwacu kandi bishishana ndetse bikagaragara nk’aho Imana yadutere-
ranye, nibyo bituyobora kuri Kristo kugira ngo dushyire imitwaro yacu ku birenge
bye nawe atuguranire aduhe amahoro ye.” - Abakurambere n’ Abahanuzi p.129
Imana iduhe kwizera nk’ukwa Aburahamu. Uku kwizera kutuyobore
kubaho imibereho izatuma buri wese muri twe abwirwa nka Aburahamu
ko ari “inshuti y’Imana.”
Icyiciro cy’Ishuri ryo ku Isabato mu Nteko Nkuru Rusange
3
KU ISABATO, 7 MUTARAMA, 2017
Amaturo y’Isabato ya Mbere
azagenerwa Icyicaro gikuru
n’Urusengero byo muri Malawi.
Igihugu cya Malawi ni igihugu ki-
gizwe n’imisozi y’ibitare giherereye mu
burasirazuba bw’amajyepfo ya Afurika.
Mu bihe bya kera cyitwaga Nyasa-land,
gihana imbibi na Zambiya mu burenge-
razuba bw’amajyaruguru, Tanzania mu bu-
rasirazuba bw’amajyaruguru, Mozambike mu
burengerazuba bw’amajyepfo n’uburasirazuba
bw’amajyepfo. Icyo gihugu nanone gifite izina ry’irihimbano.
“Umutima wa Afurika.” Malawi ifite abaturage barenga miliyoni 16, 82%
ni Abakristo harimo: Abagaturika b’i Roma, Abaprosebuteriyeni, Abangi-
likani, Ababatisita n’Abadivantiste b’Umunsi wa Karindwi. Abayisiramu
bagizwe n’itsinda rito ringana na 13%. Umurimo muri Malawi watangiye
muri 2008, ubwo umuvugabutumwa umwe yasuraga iki gihugu. Umuryan-
go umwe wo mu itorero ry’Abaprotestanti waramwakiriye ndetse umufa-
sha kubona icumbi. Uwo muvugabutumwa yabahaye ibyigisho bya Bibiliya
kandi aganira nabo ku ngingo zimwe na zimwe z’Umwuka w’Ubuhanuzi.
Uwo muryango wanejejwe cyane n’ubutumwa bw’ukuri kw’iki gihe, maze
bamuha ahantu ho gusengera ndetse batangira no kurarika abandi kujya
baterana buri Sabato.
Igihe uwo muvugabutumwa yavaga muri Malawi, yahamagaye bene
data bizera bo muri Zambiya kugira ngo barebe niba hari umuntu waza muri
Malawi gufasha mu gukomezanya n’ayo mahirwe. Kubw’ubuntu bw’Imana
mwene data umwe yemeye uwo muhamagaro aravuga ati “Niteguye kujya
aho Imana izanyohereza hose.” Yageze muri Malawi muri 2009, uyu mwene
data yatangiye gutera umwete aba banyabwuzu babonetse, kandi akomeza no
kubwiriza ubutumwa inzu ku nzu. Uyu munsi hariho uturere twinshi turimo
abantu bakunda ubutumwa bwacu. Ubu Hari abizera 60 babatijwe n’abandi
900 biga Ibyigisho bya Bibiliya, kandi benshi muri bo bari kwiga amahame
bitegura kubatizwa. Kubw’ubuntu bw’Imana, Misiyoni muri iki gihugu ya-
shyizwe kuri gahunda mu 2013. Dukomeje gushima bene data bo muri Brasil
batanze amafaranga yo kugura ikibanza mu murwa mukuru wa Lilongwe.
Aha bene data barategura kuhubaka icyicaro gikuru n’urusengero. Nubwo
bimeze bityo icyo gihugu kirakennye cyane. Abizera bacu muri icyo gihugu
nta mafaranga bafite yo gusohoza uyu mushinga. Niyo mpamvu dutabaza
bene data, bashiki bacu bose ndetse n’inshuti zose kudushyigikira.
Icyiciro cy’Ishuri ryo ku Isabato mu Nteko Nkuru , mu mwanya wa Misiyoni ya Malawi

4
Icyigisho cya 1 Ku Isabato, 7 Mutarama, 2017
Guhamagarwa Kwa Aburahamu

“Nzaguhindura ubwoko bukomeye, nzaguha umugisha, nzoge-
za izina ryawe, uzabe umugisha.” Itangiriro 12:2
“Aburahamu yakuriye hagati mu ishyanga ryasengaga ibigirwa-
mana kandi rya gipagani... Ariko kwizera nyakuri ntikwagombaga
kuba nkaho kutariho. Imana yakomeje kwizigamira abasigaye bayiko-
rera.”—Abakurambere n’Abahanuzi p.125
Igitabo Cyifashishijwe: Abakurambere n’Abahanuzi p.125-131
Kuwa Mbere 1 Mutarama
1. IMANA IHAMAGARA ABURAHAMU
a. Niki Imana yahamagariye Aburahamu gukora, kandi ni nde
wajyanye nawe? Itangiriro 12:1-4, Ibyakozwe 7:4
“Nyuma yo gutatana abantu bava i Babeli, gusenga ibigirwamana

byongeye gukwirakwira ku isi yose, maze bituma Uwiteka afata icyeme-
zo cyo kureka abanyabyaha binangiye gukurikira inzira zabo mbi, maze
itoranya Aburahamu, umuryango wa Shemu, imutoraniriza guhagararira
amategeko yayo mu bisekuru byajyaga kuzakurikiraho.” —Abakurambere
n’Abahanuzi p. 125
b. Ni kuki Imana itahise ibwira Aburahamu ahantu yari imuha-
magariye kujya? Abaheburayo 11:8 Ni uwuhe mwanzuro Abu-
rahamu yafashe kugira ngo yumvire umuhamagaro w’Imana?
Itangiriro 12:1, Matayo 10:34-38.
“Kumvira kwa Aburahamu atabanje kubaza ni kimwe mu ibihamya

bidakebakeba bigaragaza kwizera kuboneka muri Bibiliya yose…. Nta-
bwo cyari ikigeragezo cyoroshye Aburahamu yari ahawe, si n’igitambo
gito yari asabwe. Hari imigozi ikomeye yari imuhambiriye ku gihugu cye,
abavandimwe be n’urugo rwe. Ariko ntiyashidikanije kwitaba umuhama-
garo. Ntacyo yabajije kirebana n’igihugu cy’isezerano….Imana yaravuze,
maze umugaragu wayo arumvira; ahantu hanejeje ho mu isi kuri we niho
Imana yari imuhamagariye kuba.” —Ibid. p.126

5
Kuwa Kabiri 2 Mutarama
2. AMASEZERANO
a. Ni ayahe masezerano y’ibanze Imana yasezeraniye Abura-
hamu? Itangiriro 12:2,3
“Icyatumye Imana ihamagarira Aburahamu gutandukana n’imiryango

ye isenga ibigirwamana ikamutegeka kujya gutura mu gihugu cy’i Kanani,
kwari ukigira ngo izanire abatuye isi bose impano zihebuje zo mu ijuru.
Yaravuze ati:‘Nzaguhindura ubwoko bukomeye, nzaguha umugisha, nzo-
geza izina ryawe, uzabe umugisha.’(Itangiriro 12:2) Aburahamu yari aha-
magariwe icyubahiro gikomeye – kuba sekuruza w’abantu bari kuzabaho
mu binyejana byinshi ari abarinzi n’abahagarariye ukuri kw’Imana mu isi,
abantu amahanga yose yagombaga guhererwamo umugisha mu gihe cyo
kuza kwa Mesiya wasezeranywe. Abantu bari baratakaje kumenya Ima-
na y’ukuri. Intekerezo zabo zari zarijimishijwe no gusenga ibigirwamana.
Kuko Amategeko yo mu ijuru ’ni ayera, arakiranuka kandi ni meza,’ (Aba-
roma 7:12), abantu bashakaga kuyahindura bagendeye ku migambi yabo
y’ubugome n’imitima yabo yikunda. Ariko Imana kubw’imbabazi zayo
ntiyabakuyeho. Umugambi wayo kwari ukigira ngo ibahe amahirwe yo
kuzura nayo binyuze mu iterero ryayo. Yashakaga ko amahame azahis-
hurwa binyuze mu bwoko bwayo maze ibyo bigatuma ishusho y’Imana
igaruka mu muntu.” —Abahanuzi n’Abami pp. 15,16
b. Ni ikihe gihugu Imana yasezeranije Aburahamu n’urubyaro
rwe? Itangiriro 12:5-7; 13:14-18
c Gutura mu mahema kwa Aburahamu n’abana be byari bisoba-

nuye iki? Abaheburayo 11:9,10,13-16. Ni iyihe nyifato twebwe
duhamagarirwa kugira? 2 Petero 3:11-14.
“Nimureke duhatanire kuba Abakristo (gusa na Kristo) mu magambo

tuvuga, nimureke imyambarire yacu, ibiganiro n’ibikorwa byacu bihamye
ko Kristo yaremewe muri twe imbere, ibyiringiro by’agakiza, kandi ko
dutegereje ibyiringiro by’umugisha nibyo kuzaboneka kwa Yesu. Nimu-
reke tugaragarize abatuzengurutse ko iyi si atari iwacu, ko turi abagenzi
n’abasuhuke mu isi.” —The Review and Herald, June 10, 1852.

6
Kuwa Gatatu 3 Mutarama
3. IKOSA RIKOMEYE RYA LOTI
a. Ni ikihe kigeragezo Loti yaguyemo igihe yari aturanye na
Aburahamu mu Gihugu cy’Isezerano? Itangiriro 13:5-11; 1Yoh-
ana2:16,17.
“Akarere gatoshye cyane ku butaka bwose bwa Palestina cyari ikibaya

cya Yorodani, cyibutsaga ubwiza bwa Paradiso yanyazwe kandi ikanagere-
ranya ibibaya bya Nili by’ubwiza kandi birumbuka bari bamaze igihe kirekire
basize.... Ajijishijwe no kwerekwa inyungu z’iby’isi, Loti ntiyitaye ku bibi byo-
nona intekerezo n’iby’umwuka byari kumugota [byari byuzuye muri iyo migi
irimo ubutunzi n’ubwiza]. Abaturage bo muri icyo kibaya bari ‘abanyabyaha
imbere y’Imana mu buryo bukabije;’ ariko kutamenya ibi cyangwa se kubi-
menya, kuri we nta buremere byari bifite. ‘Nuko Loti yihitiramo ikibaya cyose
cyo kuri Yorodani, yimura ihema rye, agera i Sodomu.’ Itangiriro 13: 11-12
Mbega uburyo yihungije mbere y’igihe ingaruka ziteye ubwoba azabona bi-
tewe no guhitamo kwe ko kwikunda!”—Abakurambere n’Abahanuzi p.133
b. Ni ibihe bibi tugwamo bitewe no gukururwa n’irari ry’amaso?
Mariko 4:18,19; Matayo 4:8-10.
“Nitwemera ko ibyo turarikira kandi bidukurura byo mu isi byigaruri-

ra igihe cyacu n’intekerezo zacu, imbaraga zacu z’iby’umwuka zizacogora
kandi zipfe kuko zidakoreshwa.” —This Day With God, p. 87.
c. Ni gute ahantu duhitamo gutura habasha konona imibereho
y’iby’umwuka yacu n’iy’imiryango yacu? Itangiriro 13:12,13; 19:1,12-16.
“Benshi mu gutoranya aho batura, bita cyane ku nyungu z’igihe gito ba-
shobora kubona kuruta uko bita ku mbaraga izagota iby’umwuka n’isano
bazagirana n’ababazengurutse ndetse n’imiryango yabo. Bahitamo igihu-
gu cyiza kandi kirumbuka, maze bakava mu mudugudu urimo ubwiza
biringiye ko aribwo bazamererwa neza kurushaho; nyamara abana babo
bagotwa n’ibishuko, kandi inshuro nyinshi bakagirana amasano n’ingaga
mbi zizonona iterambere ry’ubutungane no kurema imico ikwiriye. Ikire-
re cyuzuyemo gusamara, kutizera, ubunenganenzi mu by’iyobokamana,
biza bigamije kuburizamo imbaraga za kibyeyi....Benshi bagirana ubu-
cuti n’inkozi z’ibibi n’abatizera, maze mu gihe gito bagahinduka abanzi
b’Imana.” —Abakurambere n’Abahanuzi p.168,169
7
Kuwa Kane 4 Mutarama
4. IBYAHA BITUGOSE
a. Ni iki twakwigira ku kamenyero k’umugore wa Loti? Itangiri-
ro 19:26; Luka 17:28-33.
“[Umugore wa Loti] yagomeye Imana kubera ko imanza zayo zarim-

buye imitungo ye n’abana be…. Amararika y’imbabazi arahabwa abantu
bose; kandi kubera ko inshuti zacu ziri gusuzugura urukundo rukuya-
kuya rw’Imana; mbese natwe tuziziba amatwi? Gucungurwa k’umutima
ni iby’igiciro. Kristo yishyuye ikiguzi kitagira akagero kugira ngo tubone
agakiza, kandi nta n’umwe mu baha agaciro icyo gitambo gikomeye cyan-
gwa se imitima uzasuzugura iryo turo ry’imbabazi ngo nuko n’abandi ba-
hisemo gukora batyo.” —Abakurambere n’Abahanuzi pp.161,162.
b. Nubwo abakobwa ba Loti barokotse kurimbuka kw’i Sodomo,
ni gute intekerezo zabo zononekaye? Itangiriro 19:30-38; Aba-
lewi 18:6,7.
“Loti yafashe urugendo yerekeza mu misozi maze aguma mu buvumo

yinjiranamo n’ibyo yari afite byose yashoboye kurokorana n’umuryango
we ahunga umugi ukiranirwa. Ariko umuvumo w’i Sodomo wara-
mukurikiranye. Imyifatire mibi y’abakobwa be yari ingaruka z’imibanire
yabo n’abantu baho babi bari bahatuye. Kononekara ko mu ntekerezo zabo
kwivangavanze mu mico yabo bigeza ubwo batagishobora gutandukanya
icyiza n’ikibi. Abakomotse kuri Loti gusa, Abamowabu n’Abamoni, bari
inkozi z’ibibi, amahanga asenga ibigirwamana, ibyigomeke birwanya Ima-
na.” —Ibid. pp.167,168.
c. Muri iyi minsi y’imperuka ni hehe hari umutekano twabamba
amahema yacu mu gihe tukiri murugendo rujya mu Gihugu
cy’Isezerano, kandi kubera iki? Itangiriro 2:7,8; Yuda 5-7.
“Mu gihe cyose Imana yabaga impaye Imbaraga ngo mvugane n’ubwoko
bwacu, nakomezaga guhamagarira ababyeyi kuva mu migi bakajya gutura mu
cyaro, aho bashobora guhinga ubutaka kandi bakahigira igitabo cy’ibyaremwe
ibyigisho byo kwera no kwicisha bugufi. Ibyaremwe ni abagabura bacecetse
b’Uwiteka twahawe kugira ngo batwigishe ukuri kw’iby’umwuka. Bitubwira
urukundo rw’Imana kandi bikatubwira iby’ubwenge bw’Umuremyi wabyo
ukomeye.”—Urugo rw’Umudivantiste.pp. 146,147.
8
Kuwa Gatanu 5 Mutarama
5. KUZIRIKANA GUHAMAGARWA KWACU
a. Nk’abahamagariwe kuragwa Igihugu cy’Isezerano
nk’uko Aburahamu yahamagawe, ni iki dukwiye kuziri-
kana mu bwenge bwacu? 2Petero 1:10,11; Matayo 22:14.
“Nta numwe ushaka kubura ubugingo buhoraho. Umuntu wese wifuza

kwigira ku Mwigisha wo mu ijuru buri munsi azazirikana guhamagarwa
kwe no gutoranywa kwe. Nimureke ducishe bugufi imitima yacu imbe-
re y’Imana kandi tuyikurikire kugira ngo tuyimenye kuko kuyimenya ari
ubugingo buhoraho…. Ntidukwiriye kwemera ko hagira icyo ari cyo cyose
cyadutandukanya n’Imana ndetse n’ijuru. Muri ubu buzima dukwiye kuba
abasangiye n’Imana kamere yayo. Bene data namwe bashiki banjye mufite
imibereho imwe musabwa kubaho. Nimureke tubeho imibereho myiza, imi-
bereho yo gihashanwa na Kristo mu Mana!” —In Heavenly Places, p. 29.
b. Mbese ni bande bazaragwa Igihugu cy’Isezerano? Ibyahis-
huwe 17:14, Abaheburayo 3:12-14.
“Umurimo wo kunesha ikibi ukwiye gukorwa binyuze mu kwizera.

Abajya kuri urwo rugamba bazabona ko bakwiye kwambara intwaro zose
z’Imana. Ingabo yo kwizera niyo izabakingira kandi izabashoboza kurusha-
ho kuba abaneshi Ntakindi cyagira akamaro keretse iki—Kwizera Umwami
wa bose, no kumvira amabwiriza ye. Intwaro nyinshi n’uburyo bwo kuziko-
resha bworoshye nta nakimwe bizamara mu ntambara ikomeye iheruka.
Hatariho kwizera, na malayika ukomeye kuruta abandi ntacyo ashobora ku-
gufasha. Kwizera kuzima konyine niko kuzatuma batagwa isari kandi kuka-
zabashoboza guhagarara badatsinzwe ku munsi mubi, bashikamye kandi
batanyeganyega, bagahagarara mu byiringiro byabo batangiranye bashi-
kamye kugeza ku iherezo.” —Counsels to Parents, Teachers, and Students, pp. 182, 183.
Kuwa Gatandatu 6 Mutarama
IBIBAZO BYO KUZIRAKANWA
1. Mbese gukunda imiryango kuruta uko dukunda Kristo bishatse kuvuga iki?
2. Nigute dukwiriye kuvuga niba turi abagenzi n’abimukira uyu munsi?
3. Sobanura ukuntu ahantu duhisemo gutura hashobora kuzazana in-
garuka ku hazaza hacu.
4. Ni akahe kaga ko gutura mu mpfunganwa z’imigi yuzuyemo ibyaha?
5. Kuki uwahamagawe wese bitavuze ko yatoranijwe?

9
Kwizera Kwa Aburahamu

“[Aburahamu] yizera Uwiteka, abimuhwaniriza no gukira-
nuka.” Itangiriro 15:6.
“Imitima yacu ishobora gutozwa kwizera, ikigishwa kwishingiki-
riza ku Ijambo ry’Imana.” —Our High Calling, p. 119.
Igitabo Cyifashishijwe: Ibihamya, vol.6,pp.91-99.
1. ICYO ABURAHAMU YASEZERANIWE GIKOMEYE
a. Ni iki Aburahamu yasezeraniwe gikomeye cyane ku bijyanye
n’amasezerano y’Imana? Itangiriro 12:7; 15:1-3.
“Kubera ko Aburahamu atari afite umwana, muri we yibwiraga ko

umugaragu we yiringiraga, Eliezeri, ariwe azatoranya nk’umwana we,
akamuraga ibye. Ariko Imana yamenyesheje Aburahamu ko Umugaragu
we atazaba umwana we kandi ngo amurage ibye, ahubwo ko yagombaga
guhabwa umwana we bwite.” —Amateka yo Gucungurwa, p. 77.
b. Ni gute Imana yahamirije Aburahamu ko Itibagiwe isezerano
ryayo? Itangiriro 15:4,5; Yesaya 55:10,11.]
“Imana iratwifuriza kwakira imigisha ikomeye. Amasezerano yayo

arasobanutse neza ku buryo nta mpamvu yo kujijwa. Irashaka ko tuyaki-
rira mu Ijambo ryayo. Inshuro nyinshi tuzaba turi mu rujijo rwinshi kandi
tutazi icyo twakora. Ariko muri ibyo bihe, ni amahirwe yacu gufata Bibiliya
zacu maze tugasoma ubutumwa yaduhaye; noneho tubone gupfukama
n’amavi yacu tuyisabe kugira ngo idufashe. Ibihe byose yasezeranye kuza-
duha ibihamya by’uko ari Imana yumva amasengesho kandi ikanayasubi-
za. Isohoza amasezerano yayo ku rugero rungana nuko twiteguye ubufa-
sha bwayo….Aho turi hose, twe nk’abigishwa b’Umwami n’Umwigisha,
turasabwa kubakira kwizera kwacu ku masezerano y’Imana.” —The Watch-
man, May 1, 1914.

10
2. YEMEWE MU BURYO BWUZUYE
a. Ni kuki Aburahamu yiyemeje kwizera isezerano ry’Imana ko
azabona umwana?Itangiriro 15:6 (ahabanza); Abaroma 4:20,21.
“Kwizera gukorera mu rukundo kandi kukeza umutima si ibyiyum-

viro by’akanya gato. Kwishingikiriza ku masezerano y’Imana, kukizera
kudashidikanya ko ibyo yavuze, izanabisohoza.” —Our High Calling, p. 119.
“[Abafilipi 4:4-7] Isezerano ubwaryo ntacyo rivuze keretse nizeye mu
buryo bwuzuye ko iyasezeranije ifite ubushobozi buhagije bwo kubisoho-
za, kandi ko iheranije mu mbaraga mu gusohoza ibyo yasezeranye.” —This
Day With God, p. 156.
b. Ni iyihe ngororano y’abizera isezerano ry’Imana? Itangiri-
ro15:6 (ahaheruka); Abaroma 4:22.
“Igihe cyose umunyabyaha yizeye Kristo, ahagarara imbere y’Imana

adaciriweho iteka; kuko gukiranuka kwa Kristo kuba ukwe: kumvi-
ra kuzuye kwa Kristo akubarwaho. Ariko agomba gushyira hamwe
n’imbaraga zo mu ijuru, agakoresha imihati ye ya ki muntu mu kurwanya
icyaha no guhagarara yuzuriye muri Kristo.” —Fundamentals of Christian Edu-
cation, pp. 429, 430.
“Dukwiye kuruhukira mu Mana, atari uko twitezeho amakiriro
ahubwo twishingikirije ku gukiranuka kwa Kristo tubarwaho. Tugomba
kuzibukira inarijye yacu ahubwo tugahanga amaso ku Mwana w’Intama
w’Imana utagira inenge, utigeze gukora icyaha; kandi kubwo kumuhanga
amaso mu kwizera tuzahinduka duse nawe.” —Gospel Workers (1892), p. 427.
c. Ni ryari kwizera nyakuri kugaragara? Abaheburayo 11:1; Ha-
bakuki 2:3.
“Kuguma mu kwizera ni ugushyira iruhande ibyiyumviro n’ibyifuzo

by’inarijye, ukagendana n’Imana wicishije bugufi, guha agaciro amasezerano
yayo, no kuyishingikirizaho ibihe byose, kwizera ko Imana izasohoreza muri
twe imigambi yayo bwite na gahunda zayo mu mutima wawe n’ubugingo
binyuze mu kwezwa kw’imico yawe; ni ukuyishingikirizaho mu buryo
bwuzuye, kuyiringira bya nyabyo kuko Imana ari iyo kwizerwa. Iyi nzira
niyitonderwa, abandi bazabona imbuto z’Umwuka zidasanzwe zigaragarira
mu mibereho n’imico byacu.” —Fundamentals of Christian Education, pp. 341, 342.
11
3. IMANA ITSINDISHIRIZA ABAKIRANIRWA
a. Ni iki kitwereka yuko Aburahamu yari umunyabyaha uke-
neye gutsindishirizwa? Abaroma 3:9-12,23; Itangiriro 12:11-20.
“Igihe Aburahamu yari muri Egiputa yagaragaje ko ataratsinda intege

nke za kimuntu kandi ko adatunganye. Kubwo guhakana ko Sara atari
umugore we, yari agaragaje kutiringira uburinzi bwo mu ijuru, kutagira
kwizera kuzuye n’ubutwari kwakagombye guhora kugaragarira mu mi-
bereho ye y’intangarugero.” — Abakurambere n’Abahanuzi p. 130.
b. Ni iki Bibiliya ivuga ku byerekeye gutsindishizwa kwa Abu-
rahamu imbere y’Imana? Abaroma 4:1-8; 3:28.
“Dushobora kwemerwa imbere y’Imana gusa binyuze mu Mwana

wayo ikunda, kandi imirimo myiza ikaba ingaruka yo gukora k’urukundo
rwe rubabarira ibyaha.Ntaruhare twashyiraho ubwacu kandi nta mirimo
myiza twakora yatuma tugira uruhare mu gakiza k’imitima yacu bwi-
te. Agakiza ni impano y’Imana iha uyizera ku buntu, ayihabwa binyuze
muri Kristo wenyine. Umutima uremerewe ushobora kubona amahoro
binyuze mu kwizera Kristo wenyine, kandi amahoro ye azaba angana
n’uburyo tumwizeye kandi tumwiringiye. Ntashobora gutanga imirimo
ye myiza nk’ikiguzi cy’agakiza k’umutima we.” —Ubusobanuro bwa Bibiliya
bw’Abadivantisiti b’Umunsi wa Karindwi [E. G. White Comments], vol. 5, p. 1122.
“Mwibuke ko Kristo yaje mu isi gukiza abanyabyaha. Ntakintu du-
shobora gutegeka Imana; gutakamba kwacu k’uyu munsi kandi gukwiriye
kuba ukwa buri gihe ni imibereho yacu yo kutagira kivurira, ari nacyo cya-
tumye akoresha imbaraga ze zo kuducungura. Nitureka kuba ibyigenge
kwacu kose, dukwiriye guhita duhanga amaso ku musaraba w’i Kalvari.”
—The Ministry of Healing, p. 65.
c. Mbese bigendekera bite umunyabyaha uhisemo kwizera Ima-
na n’umutima we wose? Abaroma 6:17,18; 10:9,10; 1:17.
“Iyo twiyeguriye Imana, binyuze mu kwizera Yesu, duhabwa guki-

ranuka kwa Kristo. Tumenya ko twacunguwe tukavanwa mu byaha kan-
di tugaha agaciro igitambo cye cyatambwe kugira ngo ducungurwe tube
ab’umudendezo.”—Manuscript Releases, vol. 5, p. 34.
12
4. IKIMENYETSO CYO KWIHANA
a. Ni kihe gikorwa kigaragara inyuma Aburahamu yakoze
cyerekanaga guhinduka kw’imbere mu mutima? Itangiriro
17:10,11; Abaroma 4:11.
“Umuhango wo gukebwa…wubahirijwe n’uwo mukurambere (Abu-

rahamu) n’urubyaro rwe wari ikimenyetso cy’uko biyeguriye gukora
umurimo w’Imana kandi kikabatandukanya n’abasenga ibigirwamana
kandi ko Imana ibemera nk’umutungo wayo wihariye. Binyuze muri uyu
muhango, kurwabo ruhande, bagombaga gusohoza amabwiriza arebana
n’isezerano Imana yagiranye n’Aburahamu. Ntibagombaga gushyingi-
ranwa n’abanyamahanga; kuko kubwo gukora batyo bagombaga gutaka-
za kubaha bagirira Imana n’amategeko yayo yera; bagombaga kugwa mu
bishuko byo gukora ibyaha nk’iby’andi mahanga kandi bakayoberezwa
mu gusenga ibigirwamana.” —Abakurambere n’Abahanuzi p. 138.
b. Ni kuki ari ingenzi cyane gusobanukirwa ko Aburahamu yabazwe
nk’ umukiranutsi mbere yuko akebwa? Abaroma 4:8-12; 2:28,29
“Gukiranuka ni ukumvira amategeko y’Imana. Amategeko asaba guki-

ranuka; kandi uyu niwo mwenda w’umunyabyaha ku mategeko; ariko uyu
mwenda ntiyashobora kuwishyura. Inzira imwe rukumbi yatuma agera ku
gukiranuka ni ukwizera. Kwizera niko kutwunga n’Imana kubw’amaraso ya
Kristo, maze Imana igafata kumvira k’Umwana wayo ikakubara ku munyabya-
ha. Gukiranuka kwa Kristo gushyirwa mu cyimbo cy’intege nke z’umuntu,
maze Imana ikemera umutima wihana kandi wizera, ikawubabarira, ikawut-
sindishiriza, kandi ikareba uwo muntu nk’aho ari umukiranutsi, kandi
ikamukunda nk’uko ikunda umwana wayo….Benshi bayoba inzira y’ukuri,
bitewe no gutekereza ko bashobora kujya mu ijuru, ko bashobora kugira ikintu
bakora kugira ngo babone imbabazi zayo. Bashaka uko bigira beza bakoresheje
imihati yabo bwite itagira gifasha. Ibi ntibashobora kubigeraho. Kristo yaduci-
riye inzira binyuze mu kudupfira aba Igitambo cyacu, mu kubaho ngo atubere
Ikitegererezo no kutubera Umutambyi Mukuru ukomeye. Aravuga ati: ’Ni njye
nzira n’ukuri n’ubugingo’ Yohana 14:6. Iyaba byashoboka ko twatera intambwe
imwe ku mbaraga zacu twurira ku rwego rujya mu ijuru, amagambo ya Kristo
ntiyaba ari ukuri. Ariko iyo twemeye Kristo, imirimo myiza izaba imbuto ziga-
ragaza ko turi mu nzira y’ubugingo, kandi ko Kristo ariwe nzira yacu, kandi ko
turikugenda mu nzira y’ukuri ijya mu ijuru.” —Kwizera n’Imirimo, pp. 101, 102.

13
5. ABAKEBWE MU MITIMA
a. Mbere yuko tubatizwa mu mazi (igikorwa cyo mu Isezerano
Rishya cyasimbuye gukebwa) ni iki kigomba kubanza guko-
rerwa imbere mu mutima? Yohana 3:5-8;Abakolosayi2:10-13.
“Abinjira mu mibereho mishya bagomba gusobanukirwa mbere

y’umubatizo ko, Uwiteka abasaba urukundo rutagabanije….Kwera imbu-
to nibyo bigaragaza imiterere y’igiti. Igiti cyiza ntigishobora kwera imbuto
mbi…Hakenewe guhinduka binyuze mu kuri.” —Evangelism, p. 308.
“Buri muntu wese womatanye na Kristo azaba umuvugabutumwa
nyakuri ku bamuzengurutse bose.” - Ibid.p.319
b. Bigendekera bite Abakristo biyemeje gukorerwa umuhango
wo kubatizwa kugira ngo bakizwe, nk’uko Abayuda bahitaga-
mo gukebwa? Abaroma 10:1-3; Matayo23:25-28.
“Kwihuza n’itorero mu buryo bugaragarira bene so, ntacyo bizaba bi-

maze igihe cyose utizeye Kristo. Ntibihagije kwizera ibirebana na Kristo;
ahubwo tugomba kumwizera. Tugomba kwishingikiriza byuzuye ku bun-
tu bwe bukiza.” —Ibihamya, vol. 5, p. 49.
“Uwiteka adufitiye umurimo twese tugomba gukora. Kandi ukuri ni-
kudashora imizi yako mu mutima, imico yacu ya kamere nidahindurwa
n’Umwuka Wera, ntidushobora kuba abakozi bakorana na Yesu Kristo.
Inarijye izajya ihora yigaragaza, kandi imico ya Kristo ntizagaragarira mu
mibereho yacu.” —Ubusobanuro bwa Bibiliya bw’Abadivantisiti b’Umunsi wa Krindwi
[E. G. White Comments], vol. 7, p. 969.

IBIBAZO BYO KUZIRIKANWA
1. Nigute dushobora kwiringira amasezerano y’Imana?
2. Mbese kwemerwa kuvugwa mu ijambo ry’Imana gushatse kuvuga
iki?
3. Ni uwuhe mugisha duhabwa iyo twiyeguriye Imana?
4. Mbese umuhango wo gukebwa washushanyaga iki?
5. Mbese ni uwuhe mumaro w’ingenzi w’umubatizo wo mu mutima
n’uw’amazi?
14
Urubyaro Rwasezeranywe
“Nuko rero ibyasezeranijwe byasezeranijwe Aburahamu
n’urubyaro rwe, nyamara Imana ntirakavuga iti “Imbyaro” nko ku-
vuga benshi, ahubwo iti “Ni urubyaro rwawe” nko kuvuga umwe,
ari we Kristo.”(Abagalatiya 3:16).
“Impano yahawe Aburahamu n’urubyaro rwe ntiyari umura-
ge w’igihugu cy’i Kanani gusa ahubwo yari isi yose.” —Abakurambere
n’Abahanuzi p.170.
Igitabo Cyifashishijwe: Abakurambere n’Abahanuzi p.145-155.
1. URUBYARO RW’ISEZERANO
a. Nubwo Aburahamu yasabye Imana kumuha umwana umwe,
Imana yamusezeranije kumuha umugisha w’abana bangahe?
Itangiriro 13:15,16; 15:2-5.
b. Ni gute intumwa Pawulo yahishuye ko amasezerano Imana

yagiranye n’Aburahamu yagombaga gusohora binyuze mu ru-
byaro rumwe rwihariye arirwo Yesu Kristo? Itangiriro 17:1-8;
Abagalatiya 3:16; Abaheburayo 2:14-16.
“Ubuhanuzi busobanutse kandi bwihariye bwatanzwe bugamije gute-

gurira kuboneka k’Uwasezeranywe. Adamu yari yarahawe isezerano ryo
kuza k’Umucunguzi. Ijambo ryabwiwe Satani ngo ‘Nzashyira urwango
hagati yawe n’uyu mugore, no hagati y’ urubyaro rwawe n’ urwe, ruza-
gukomeretsa umutwe nawe uzarukomeretsa agatsinsino.’Itangiriro 3:15,
ryari isezerano ryo gucungurwa ry’ababyeyi bacu ba mbere ryagombaga
gusohozwa binyuze muri Kristo.
“Aburahamu we yahawe isezerano ko Umukiza w’isi azaturuka mu
muryango we: ’Kandi mu rubyaro rwawe ni mo amahanga yose yo mu isi
azaherwa umugisha kuko wanyumviye.’Nuko rero ibyasezeranijwe bya-
sezeranijwe Aburahamu n’urubyaro rwe, nyamara Imana ntirakavuga iti
“Imbyaro” nko kuvuga benshi, ahubwo iti “Ni urubyaro rwawe” nko ku-
vuga umwe, ari we Kristo.’ (Itangiriro 22:18; Abagalatiya 3:16).”—Ibyakozwe
n’Intumwa p.222.

15
2. KUVUKA K’UMWANA WASEZERANYWE
a. Ni gute dushobora kumenya ko Aburahamu yari asobanukiwe
ko amasezerano azasohora binyuze mu rubyaro rwihariye
arirwo Yesu Kristo? Yohana 8:56.
“[Aburahamu] yahawe kurabukwa igitambo cyo mu ijuru gikuraho

ibyaha. Ibyamubayeho ubwe byamubereye ikimenyetso cy’icyo gitam-
bo… Ku gicaniro cy’ibitambo yatambye umwana w’isezerano, umwana
wari wiringiwe ko ariwe amasezerano azasohorezwamo…
“Aburahamu yigishijwe n’Imana icyigisho gikomeye cyane umwana
w’umuntu wese upfa ashobora kwigishwa. Isengesho yasabye kugira ngo aza-
bone Kristo mbere yuko apfa ryarasubujwe. Yabonye Kristo; yabonye ibintu
byose abantu bapfa bashobora kubona, kandi bakabaho. Binyuze mu kwitanga
kuzuye, yashoboye gusobanukirwa n’iyerekwa rya Kristo yahawe. ”Yeretswe
ko mu gutanga Umwana wayo w’ikinege ngo akize abanyabyaha ibakuye mu
kurimbuka kw’iteka, Imana yari itanze igitambo gikomeye kandi gitangaje ki-
tari cyarigeze gusabwa umuntu n’umwe” —Uwifuzwa Ibihe Byose, pp.468,469.
b. Bamaze kubona ko Sara amaze gucura ku buryo atabyara, ni
iki Aburahamu na Sara bifuje gukora mbere y’uko babona
umwana? Itangiriro 17:15-19; 18:8-14; Mariko 10:27.
“Ndararikira bose ko bakoresha ubushobozi bwabo bwose n’ububasha

bafite mu kugira Kristo nyambere muri byose n’ ibyiringiro byabo byose.
Ubugingo buhishanywe na Kristo mu Mana buba bufite ubuhungiro; uwo
muntu ashobora kuvuga ati: ‘Nshobozwa byose na Kristo umpa imbara-
ga’. (Abafilipi 4:13).”—Country Living p. 28
c. Ni muzihe nzira igitangaza cyo kuvuka kwa Isaka cya-
shushanyaga igitangaza cyo kuvuka k’urubyaro rwaseze-
ranywe, Yesu Kristo? Yesaya7:14; Matayo 1:18-23.
“Kuvuka k’umuhungu wa Zakariya, kimwe no kuvuka k’umuhungu

wa Aburahamu, n’uwa Mariya, cyari icyigisho gikomeye cy’iby’umwuka,
ukuri twiga gake kandi tukaba twiteguye kukwibagirwa. Muri twe
ubwacu, nta cyiza nakimwe dushobora gukora; ariko nanone ibyo tu-
dashobora gukora imbaraga ikomeye y’Imana izabisohoza mu mutima
wiyoroheje kandi wizera. Uwo mwana w’isezerano yatanzwe binyuze mu
kwizera. Ubugingo bw’iby’umwuka buboneka binyuze mu kwizera, kan-
di dushobozwa gukora imirimo yo gukiranuka.” —Uwifuzwa Ibihe Byose p. 98.
16
3. URUPFU RW’URUBYARO RWASEZERANYWE
a. Vuga uko Imana yari yaravuze iby’urupfu rw’urubyaro
rw’isezerano, Yesu Kristo, binyuze mu gitambo cya Isaka. Itan-
giriro 22:1-3, 9-13; Abaroma 8:31,32; Yesaya 53:4-7.
“Imfizi y’intama yatambwe mu cyimbo cya Isaka igereranya Umwana

w’Imana, wagombaga kudupfira. Igihe umuntu yagombaga gupfa binyu-
ze mu kwica amategeko y’Imana, Data yitegereje Umwana we, maze abwi-
ra umunyabyaha ati ‘Baho: kuko habonetse inshungu.’
“Byari ugucengeza mu bwenge bw’Aburahamu ukuri k’ubutumwa bwi-
za, hamwe no kugerageza kwizera kwe, igihe Imana yamusabaga gutamba
umwana we. Umubabaro wamushenguye mu minsi y’umwijima y’icyo ki-
geragezo giteye ubwoba, yatumye asobanukirwa ko muri ubwo bunarari-
bonye bwe agomba kwigiramo icyigisho cy’igitambo gikomeye cyatanzwe
n’Imana ihoraho kubwo gucungurwa k’umuntu. Nta kindi kigeragezo cya-
gombaga kubuza amahoro umutima w’Aburahamu nko gutamba umwana
we. Imana yatanze umwana wayo maze apfa urupfu ruteye ubwoba kandi
rukojeje isoni. Abamalayika bahamije kwicisha bugufi n’umubabaro ushen-
gura umutima by’Umwana w’Imana, ntibemerewe kumutabara, nk’uko
Isaka yatabawe. Nta jwi ryigeze ryumvikana rigira riti, ‘Birahagije.’ Kugira
ngo akize ubwoko muntu bwaguye, Umwami w’icyubahiro yemeye gutan-
ga ubugingo bwe. Mbese ni ikihe gihamya kirenze icyo gishobora gutangwa
kuri izo mpuhwe n’urukundo by’Imana?” —Abakurambere n’Abahanuzi p.154.
b. Ni ubuhe busobanuro bw’iri jambo ‘umwana wawe w’ikinege
nk’uko Imana yaribwiye Aburahamu? Itangiriro 22:2; Mariko
1:11; 1Yohana 4:9.
“Data wa twese wo mu ijuru yagotesheje Umwana we akunda imiba-

baro yo ku musaraba…Umwana w’Imana ukundwa, Umucunguzi w’isi,
yaratutswe, yahinduwe urwamenyo, ahindurwa igishungero, arashinya-
gurirwa, kugeza igihe acurikiye umutwe arapfa. Mbese ni ikihe gihamya
gikomeye kirenze icyo twahawe kigaragaza urukundo n’impuhwe
by’Imana?[Abaroma 8:32].” —That I May Know Him, p. 20.
“Nimureke natwe rero tugire icyo twigomwa kubwa Kristo, tubamba
inarijye buri munsi, kandi dusangira na Kristo imibabaro hano ku isi, kugira
ngo tuzabone uko dusangira nawe ubwiza bwe, kandi tuzambikwe ikamba
ry’ubwiza, icyubahiro, kudapfa, n’ubugingo buhoraho.” —Inyandiko za Kera p.114.

17
KuwaKane 18 Mutarama
4. KUZUKA K’URUBYARO RWASEZERANYWE
a. Ni gute Imana yeretse Aburahamu ko urubyaro rwaseze-
ranywe, Yesu Kristo, yagombaga kuba Umucunguzi w’isi?
Itangiriro 22:7,8,11-13; Abaheburayo 11:17-19.
“Igihe Aburahamu yasabwaga gutamba umwana we Isaka, amahirwe

y’ibiremwa byose by’ijuru yari abonetse. Bakurikiraniraga hafi buri ntam-
bwe yose iterwa kugira ngo iryo tegeko risohozwe. Igihe Isaka yabazaga
ati ‘umwana w’intama w’igitambo uri he?’ Aburahamu yarashubije ati
’Imana iri bwibonere umwana w’intama’ (Itangiriro 22:7, 8); kandi ubwo
Se yari yiteguye gusogota umwana we, intama yari yateguwe n’Imana
yagiye mu cyimbo cya Isaka—umucyo wahishuye ubwiru bwo gucun-
gurwa, ndetse n’abamalayika basobanukirwa neza agateganyo gatangaje
Imana yashyiriyeho agakiza k’umuntu.” —Abakurambere n’Abahanuzi p. 155.
b. Ni ukuhe kuri gutangaje Aburahamu yasobanukuwe igihe ya-
habwaga isezerano ngo ‘Kuri Isaka niho urubyaro ruzakwiti-
rirwa.’ (Itangiriro 21:12)? Itangiriro22:5; Abaheburayo 11:18,19.
“[Aburahamu] yashikamishije umutima we kuguma ku bihamya bi-

garagaza ubugwaneza no kwizerwa k’Umwami. Uwo mwana yatanzwe
atari yitezwe; none uwo yahawe nk’impano y’igiciro ni gute yagombaga
kongera kumwita uwe bwite? Noneho kwizera kumugaruramo iri sezera-
no ngo ‘Kuri Isaka niho urubyaro ruzakwitirirwa’—urubyaro rwe rwago-
mba kungana n’umusenyi wo ku nyanja. Isaka yari umwana wabonetse
mu buryo bw’igitangaza, none imbaraga zatumye abaho ntizagombaga
kongera kumugarurira ubuzima? Kubwo kureba hirya y’ibitagaragara,
Aburahamu yibutse aya magambo y’Imana ngo, ‘Kuko yibwiye yuko Ima-
na ibasha ndetse kuzura n’ abapfuye, ni cyo cyatumye amugarurirwa nk’
uzutse’ (Abaheburayo 11:19)” —Ibid. pp.151,152.
c. Ni gute uku kuri gushushanya urubyaro rwasezeranywe
by’ukuri, Yesu Kristo? Ibyakozwe 3:25,26; 1Petero 1:18-21.
“[Umwana w’Imana] yarazutse asohoka mu gituro maze avuga ibi-

renze kunesha igituro cya Yosefu ati, ‘Nijye kuzuka n’ubugingo’ Yohana
11:25. Uwari uhwanye n’Imana yanyuze mu rupfu ku bwacu. Yasogonge-
reye urupfu buri muntu wese, kugira ngo binyuze muri we, buri muntu
wese asangire nawe ubugingo buhoraho.”—In Heavenly Places, p. 13.
18
5. UMURAGE W’URUBYARO RWASEZERANYWE
a. Ni uwuhe murage Imana yasezeraniye Aburahamu n’urubyaro
rwe? Itangiriro 17:7,8; Zaburi 105:6-11. Ni gute ibi bishushanya
umurage wa Kristo? Daniel 7:13,14,18; Matayo 25:31-34.
“Ururimi ntirwashobora gusobanura agaciro k’umurage wo ku-

dapfa. Ubwiza, ubukire n’icyubahiro byatanzwe n’Umwana w’Imana
byuzuyemo ako gaciro katarondoreka karenze imbaraga z’abantu cyan-
gwa iz’abamalayika mu gusobanura agaciro, n’icyubahiro cyabo n’ubwiza
bwabo.”—Ibihamya vol.p. 40.
b. Ni gute twabona ubwishingizi bw’uko Imana izasohoza ama-
sezerano yayo maze igaha abana bayo igihugu cy’isezerano?
Abaheburayo 6:13-18; Yohana 14:1-3.
“Tumaze igihe kirekire dutegereje kugaruka k’Umwami wacu. Ariko

iryo sezerano ntiriragajuka. Bidatinze tugiye kuba mu rugo rwacu twase-
zeraniwe. Aho niho Yesu azatuyobora iruhande rw’isoko ibeshaho itemba
ituruka ku ntebe y’Imana kandi azadusobanurira iby’ibyiringiro bicuze
umwijima twanyuzemo hano ku isi kugira ngo tugere kuri iyi mico ye-
jejwe. Aho ngaho tuzitegereza ubwiza butagereranywa bwa Edeni tuzaga-
rurirwa. Tuzajugunya amakamba ari ku mitwe yacu ku birenge bya Yesu,
maze ducurange inanga zacu z’izahabu, ijuru ryose tuzaryuzuza ama-
shimwe y’Iyicaye kuri ya ntebe.” —Ibid. p.254.
1. Ni gute Imana yahishuriye Aburahamu Ubutumwa bwiza?
2. Ni ikihe gitangaza kigaragaza ko Kristo yaturutse mu ijuru?
3. Ni gute ubunararibonye bwa Aburahamu na Isaka bugaragaza mu buryo
bwimbitse igitambo gikomeye Imana yatambiye ikiremwamuntu?
4. Ni kuki umuzuko ari ingenzi cyane ku mwizera?
5. Ni iki tudashobora kwibagirwa mu gihe dutegereje igihugu
cy’isezerano?

19
Icyigisho Cya 4 Ku Isabato, 28 Mutarama, 2017
Abahungu Babiri Ba Aburahamu

“Byanditswe yuko Aburahamu yari afite abahungu babiri, umwe
ari uw’ inshoreke undi ari uw’ umugeni.” (Abagalatia 4:22)
“Kwizera si ibyiyumviro by’umunezero byiruka mu muntu, ni uku-
gundirira Imana mu ijambo ryayo – kwiringira yuko izasohoza amaseze-
rano yayo kuko yavuze ko bizabaho.” —Our High Calling, p. 119
Ibitabo Byifashishijwe: Our High Calling, p. 119-122,
Abakurambere n’Abahanuzi pp.370-373.
Kuwa Mbere Mutarama 22
1.UMWANA W’ISEZERANO
a. Kuki Isaka yiswe umwana w’isezerano? Itangiriro
15:2,3;17:15,16;18:9-14 (gereranya n’Abagalatiya 4:22,23,27,28)
b. Ni gute Aburahamu na Sara bagerageje gufasha Imana

mu gusohoza isezerano ryayo ry’umwana? Itangiriro
16:1-4.
“Aburahamu yemeye atabanje kuzirikana isezerano ry’umwana, ariko

ntiyategereje ko Imana isohoza ijambo ryayo mu gihe cyayo bwite n’inzira
zayo. Uko gutinda kwari kugamije gusuzuma kwizera imbaraga z’Imana
kwe; ariko yananiwe kwihanganira ikigeragezo. Kubwo gutekereza ko bi-
dashoboka kubona umwana ageze mu za bukuru, Sara yatekereje ko, kugi-
rango umugambi w’ijuru ushobore gusohozwa, Aburahamu yagombaga
gufata umuja we akamugira umugore wa kabiri. Guharika byaje gukwi-
rakwira gutyo kugeza ubwo bitagifatwa nk’icyaha, ariko byakomeje kuba
kwica itegeko ry’Imana, kandi byari bigamije kwangiza ukwera n’amahoro
by’isano y’abagize umuryango. Kurongora Hagari kw’Aburahamu bya-
zanye ingaruka mbi, atari ku rugo rwe gusa, ahubwo no ku bisekuru byose
byajyaga gukurikiraho.” —Abakurambere n’Abahanuzi p. 145

20
2. UMWANA W’UBUBATA
a. Ni gute Imana yakoze igihe Aburahamu yazanaga Ishimayeli
nk’umwana w’isezerano? Itangiriro 17:15-21.
“Igihe Aburahamu yari yegereje kugira imyaka ijana y’ubukuru, yon-

geye gusubirirwamo isezerano ryo kubona umwana, kandi imuhamiriza
ko uwo mwana uzavuka azakomoka kuri Sara. Ariko Aburahamu ntiyana-
sobanukiwe iryo sezerano. Ibitekerezo bye yabyerekezaga kuri Ishimayeli,
yiringiye ko imigambi y’Imana y’agaciro yagombaga gusohorezwa muri
we. Kubera urukundo yakundaga umwana we yaravuze ati ” “Icyampa Is-
himayeli akabaho, ari imbere yawe!” Imana iramusubiza iti “Ahubwo Sara
umugore wawe ni we uzabyaraho umuhungu, uzamwite Isaka. Nanjye
nzakomeza isezerano ryanjye na we, ngo ribere urubyaro ruzakurikiraho
isezerano ridashira (Itangiriro 17:18,19).”—Abakurambere n’Abahanuzi p. 146.
b. Ni kuki Imana yanze Ishimaeli nk’urubyaro rwasezeranywe?
Abagalatiya 4:22,23,30; Abaroma 14:23 (ahaheruka)
“Kutizera kw’Aburahamu na Sara kwagaragariye mu ivuka rya Ishi-

mayeli, kuvanga urubyaro rukiranuka n’urusenga ibigirwamana. Imbara-
ga ya Aburahamu ku mwana we yakomwe mu nkokora n’isano Ishimayeli
yari afitanye na nyina wasengaga ibigirwamana ndetse n’abandi bagore
b’abanyamahanga.” —Ibid, p.174
c. Ni ukuhe kuri kw’ingenzi Aburahamu yagombaga kubura iyo
Imana iza kwemera Ishimayeli nk’urubyaro rwasezeranywe?
Abaroma 4:1-5,21,22.
“Ingororano ntituruka ku mirimo, kugirango umuntu atagira icyo yi-

rata; ahubwo byose ni kubw’ubuntu.” —Imigani ya Kristo, p. 401.
“Iyo twishingikirije kuri Kristo umuntu ku giti cye, dufite kwizera
gushyitse, twiringiye amaraso ye yonyine ko ariyo afite imbaraga zo kutweza-
ho ibyaha byose, tuzabona amahoro binyuze mu kwizera ko icy’Imana yase-
zeranye no kugisohoza izagisohoza.” —Ubutumwa Bwatoranijwe, bk. 3, p. 181.
“[Abafilipi 4:4-7] Isezerano ubwaryo nta bubasha ryifitemo keretse
ndamutse nizeye byuzuye ko utanga amasezerano afite ubushobozi bwose
bwo gusohoza ibyo yasezeranije, kandi ko afite imbaraga zose zo gukora
ibyo yavuze byose.” —This Day With God, p. 156.
21
3. ABANA BO MU BUBATA
a. Sobanura itsinda ry’abantu bahagarariwe na Ishimaeli na Ha-
gari mu by’umwuka uvuge n’impamvu. Itangiriro 16:4-6; Aba-
galatia 4:22,23.
b. Kubera iki Pawulo avuga ko Abayuda babaga muri

Yerusalemu mu gihe cye bari abagaragu b’imbata nka
Hagari na Ishimaeli? Yohana 8:31-36; Abaroma 9:6-8.
“Umuntu wese wanga kwiyegurira Imana aba ari munsi y’indi mbaraga.
Ntabwo aba ari uwayo. Ashobora kuvuga iby’umudendezo, ariko ari imba-
ta y’akahebwe. Ntashobora kwitegereza ngo abone ubwiza bw’ukuri, kuko
intekerezo ze ziba zigengwa na Satani. Nubwo we ubwe ashobora kwihumu-
riza avuga ko agendera ku ntekerezo umutima we umuyoboyemo, nyamara
aba yumvira ubushake bw’umutware w’umwijima. Kristo yaje guca ingoyi
z’ububata bw’icyaha ziboshye umutima.” —Uwifuzwa Ibihe Byose p. 466.
“Imana yakoze ibishoboka byose kugira ngo tube ab’umudendezo
muri Kristo, tuve mu bubata bw’akamenyero kabi n’ibyifuzo bibi. Basore
nshuti nkunda, mbese ntimuzaharanira kuba ab’umudendezo muri Kris-
to?” —Our High Calling p. 29.
c. Ni muri nde kandi ni mu biki Abayuda ku mubiri (abakomo-
ka kuri Aburahamu ku mubiri) bashiragamo ibyiringiro byabo
mu kwakira imigisha y’Imana? Yohana 8:37-40; Abafilipi 3:3-9;
Abagalatia 6:12,13.
“Abayuda bavugaga ko bakomoka kuri Aburahamu; ariko kubwo ku-

nanirwa gukora imirimo nk’iy’Aburahamu, bari bahamije ko atari abana be
by’ukuri. Abagaragarisha isano bafitanye n’Aburahamu mu by’umwuka
binyuze mu kumvira ijwi ry’Imana, nibo bahamya ko ari abe by’ukuri.”
—Imigani ya Kristo p.268.
“Pawulo aravuga ‘kubw’imirimo itegetswe n’amategeko’ – imirimo
igaragara inyuma – yari ‘inyangamugayo’ (Abafilipi 3:6); ariko igihe imico
y’iby’umwuka y’amategeko yasesengurwaga, yisanze ari umunyabyaha.
Ushingiye ku rwandiko rw’amategeko nk’uko abantu barupimisha imi-
bereho y’ibigaragara inyuma, nta cyaha yari afite; ariko igihe yitegerezaga
yimbitse mu mategeko yayo yera, yibonye nk’uko Imana imubona, maze
apfukama yicishije bugufi yatura ibyaha bye.”—Kugana Yesu p.29,30.
22
4. NI UMUGANI
a. Mu gihe twiringiye ko imirimo yacu bwite izatuma twemerwa
n’Imana, aho kwiringira Kristo, ni irihe sezerano tuba turi munsi
y’ububata bwaryo? Abagalatiya 4:21-25; 3:10; 2Abakorinto 3:14,15.
“Ubwo bwoko ntibwigeze bwimenyaho ububi bw’imitima yabo bwite,

kandi badafashijwe na Kristo, ntibyari kubashobokera kumvira amategeko
y’Imana; bari biteguye kugirana isezerano n’Imana. Kubera kwiyumvamo ko
bari bashoboye kwihangira gukiranuka kwabo ubwabo, baravuze bati, “Ibyo
Uwiteka yavuze byose tuzabikora, kandi tuzamwumvira.”Kuva24:7;….
ariko hashize ibyumweru bike gusa batangira kwica isezerano bagiranye
n’Imana, maze batangira gusenga igishushanyo biremeye. Nta byiringi-
ro by’imbabazi z’Imana bagombaga kugira binyuze mu isezerano bishe;
ariko bamaze kubona uburyo ari abanyabyaha kandi bakeneye imbabazi,
berekejwe ku kwiyumvisha ubukene bwabo bwo gukenera Umukiza wa-
hishuriwe mu isezerano ryahawe Aburahamu kandi rikaba ryaranyujijwe
mu gutamba ibitambo mu buryo bw’igicucu. Ubu rero binyuze mu kwizera
n’urukundo, bagombaga kwibohera ku Mana maze ikababatura ku bubata
bw’icyaha. Ubu bari biteguye guha agaciro imigisha y’isezerano rishya….
“Isezerano Rishya’ rishingiye ku ‘masezerano meza’—amasezerano
y’imbabazi z’ibyaha n’ubuntu bw’Imana mu guhindura imitima mishya
no kuyiyobora ikagirana ubumwe n’amahame y’amategeko y’Imana…
Ayo mategeko yaharatuwe ku bisate by’amabuye, Umwuka Wera ayandi-
ka ku bisate by’umutima. Mu cyimbo cyo kwihangira gukiranuka kwacu
ubwacu, twakira gukiranuka kwa Kristo. Amaraso ye aduhongerera ibya-
ha. Kumvira kwe kwemerwa nk’ukwacu. Ubwo nibwo umutima wamaze
kugirwa mushya n’Umwuka Wera uzera imbuto z’Umwuka. Binyuze mu
buntu bwa Kristo, tuzabaho twumvira amategeko y’Imana yanditswe mu
mitima yacu. Nitugira Umwuka wa Kristo, tuzagenda nk’uko Kristo ya-
gendaga.” —Abakurambere n’Abahanuzi p. 371,372.
b. Ni mpamvu ki bidashoboka ko umuntu ashobora kwihindura
umukiranutsi imbere y’Imana akoresheje kumvira amategeko?
Abagalatiya 2:21; 3:11,12.
“Iyo hatabaho igitambo cya Kristo, nta kindi kintu cyo muri twe cyagomba-
ga gutuma Imana itwemera. Imico myiza yose iboneka muri kamere muntu ni
ubusa mu maso y’Imana. Ntishobora kunezerwa mu gihe cyose umuntu agun-
diriye kamere ye ya kera, adahinduwe mushya binyuze mu kuyimenya no mu
buntu nk’uko biboneka mu muntu uri muri Kristo.” —God’s Amazing Grace, p. 66.

23
5. KURENGANYWA N’UMUVANDIMWE
a. Ni ubuhe buryo Pawulo yakoresheje kugira ngo yerekane aka-
rengane Abayuda barenganyije itorero rya Gikristo? Abagala-
tiya 4:28,29; Itangiriro 21:6-10.
b. Ni kuki abana b’umwuka iteka bahora barenganywa n’abana ba

kamere? Yohana 15:17-22; Yohana 3:19,20; Abagalatiya 5:17 (ahabanza)
“Kayini yanze kandi yica murumuna we Abeli, atari uko yari yakoze
icyaha, ahubwo ‘Ni uko ingeso ze zari mbi, naho iza murumuna we zi-
kaba nziza.’ (1Yohana 3:12)….Imibereho ya Abeli yo kumvira no kwize-
ra kudacogora byari umucyaho uhoraho kuri Kayini…..Uko umucyo wo
mu ijuru warushagaho kumurikira ku mico y’abo bagaragu bakiranuka
b’Imana, niko ibyaha byo muri bo byarushagaho guhishuka, kandi niko
imihati yabo yabayoboraga mu gufata icyemezo cyo kurimbura abababu-
za amahoro.” —Abakurambere n’Abahanuzi p.74.
“Abakristo ba kera bari ubwoko bwihariye. Imico yabo
y’ubunyangamugayo no kwizera kudatezuka byari umucyaho udashi-
ra byarogoyaga amahoro y’umunyabyaha. Nubwo bari bake mu muba-
re, nta bukire bafite, nta myanya y’ibyubahiro cyangwa kumenyeka-
na, bari iterabwoba ku nkozi z’ibibi ahantu hose imico yabo n’inyigisho
byabo byamenyekanaga….Iyo niyo mpamvu Abayuda banze Umuki-
za bakanamubamba – kubera ugutungana no kwera kw’imico ye byari
umucyaho uhoraho wo kwikunda kwabo no kononekara. Guhera mu gihe
cya Kristo kugeza uyu munsi, abigishwa be bakiranuka bagiye babyuki-
rizwa urwango no kurwanywa n’abantu bakunda kandi bakagendera mu
nzira z’ibyaha.” - Intambara ikomeye p.46.
1. Ni iyihe nzira imwe rukumbi amasezerano y’Imana ashobora kuzuramo?
2. Ni kuki Imana itajya yemera na rimwe imirimo ya kamere nk’aho
ari ugukiranuka?
3. Ni kuki tudakwiriye na rimwe gushyira ibyiringiro byacu mu mu-
rage wacu, muri kamere yacu cyangwa mu mirimo yacu?
4. Kuki bidashoboka gutsindishirizwa n’imirimo itegetswe n’amategeko?
5. Vuga ubwoko bw’intambara Abakristo bagomba kurwana bitewe
no kwizera kwabo.
24
KU ISABATO, 4 GASHYANTARE,2017
Ituro ry’Isabato ya Mbere ri-
zagenerwa Ibiza byo ku Isi
n’Ubutabazi
“[Uwiteka]Aca imanza zitabera
zirenganura abarenganwa, Agaburira
abashonji ibyokurya” Zaburi 146:7.
Umwami Yesu yaravuze ati: “Ha-
hirwa abanyambabazi, Kuko ari bo ba-
zazigirirwa.” Matayo 5:7 Abakene bari
ahantu hose hatuzengurutse, abahangayitse,
imbabare, abafite intimba, ndetse n’abari hafi yo
gupfa. Dukeneye kugira imbabazi cyane kuruta mbere hose. Imana yatugi-
ze ibisonga byayo, kandi siyo igomba kuza ngo imenye imbabare, inziraka-
rengane, abambaye ubusa, n’abakene. Buri wese muri twe afite iby’Imana
yamuragije. Ibyo yaduhaye, yabiduhereye kugira ngo dufashe imbabare
n’abatagira kirengera.
Buri munsi twumva ibishyitsi, intambara, imyuzure, ibirunga biruka,
ndetse n’ibindi biza n’imivurungano hirya no hino ku isi, ibyo bigateza gu-
senyuka, kwangirika gukomeye kw’imitungo no kubura ubuzima. Kubera
ibi byago byose, twahise twiyumvisha ko tugomba kugira icyo dukora ku-
gira ngo dufashe abantu. Uburyo twifuza gufashamo buterwa n’imiterere
y’ikiza, imiterere y’igihugu, ubukungu n’imiterere ya za leta. Duhita du-
tangira ibikorwa by’ubutabazi dushingiye kuri izo mpamvu zose.
Ikigeretse kuri ibyo, mu gihe cy’amahoro, icyiciro cy’ubutabazi gi-
teganya gufasha binyuze mu mishinga yateguwe, ubufasha muri teki-
nike, amahugura, gutoza abantu iby’inshingano guhanga imishinga no
kuyishyira mu bikorwa. Aho dufite uduhagarariye, tujya kuhasura no
kubafasha mu gihe bibaye ngombwa. Intego yacu ni ukongera imbaraga
amatorero yo hasi kugira ngo abashe kumenya ubukene bw’abo babana;
bwaba ubushingiye kubyo kurya, imyambaro, ibiryamirwa, aho kuba
cyangwa ubufasha bw’ibitekerezo n’ubujyanama.
Gusangira urukundo rw’Imana mu batuye hirya no hino ku isi ni
nk’uko indege iba ikeneye esansi kugira ngo iguruke. Ituro ryanyu ritan-
ganywe umutima ukunze ni esansi yo gufasha izi mbabare. Hatabayeho
ubwitange bwanyu n’iyo nkunga, ntacyo tubashakugeraho mu mihati
yacu myiza. Ntubyakorohera buri wese kujya ahabereye Ibiza, ariko ubu-
fasha bwanyu bwagera kure. Turabararikira mwese kugira ngo imitima
yanyu ikabakabwe mu gufatanya natwe iyi nshingano y’ingenzi. Turaba-
saba ngo mugire ubuntu muri uyu murimo.
Bene so bo mu Cyiciro cy’Ubutabazi
25
Icyigisho Cya 5 Ku Isabato, 4 Gashyantare, 2017
Abana Nyakuri ba Aburahamu

“Mumenye yuko ari na ko abiringira kwizera ari bo bana ba
Aburahamu.” Abagalatiya 3:7.
“Buri wese uzicisha bugufi nk’umwana muto, akemera kandi
akumvira ijambo ry’Imana afite kwiyoroshya nk’uk’umwana muto,
azabarirwa mu ntore z’Imana.” —Our High Calling, p. 77.
Ibitabo Byifashishijwe: Our High Calling, p. 75-79;
Prophets and Kings, pp.367-372.
1. ABANA NYAKURI BA ABURAHAMU
a. Ni bande Bibiliya ivuga ko ari abana ba Aburahamu nyakuri
ari nabo Bisirayeli nyakuri? Abaroma 9:6-8; Abagalatia 3:7-9.
“Yesaya yahawe kumenyesha Yuda ukuri yeruye ko mu Isirayeli

y’Imana, harimo benshi batazabarirwa mu rubyaro rwa Aburahamu ku
mubiri. Iki cyigisho nticyari gihuje n’ubumenyi bwo muby’iyobokamana
bwo mu gihe cye, ariko yabwirizanije ubwoba ubutumwa yari yahawe
n’Imana kandi azanira benshi ibyiringiro mu mutima byo kuzasingira
imigisha y’iby’umwuka yasezeraniwe urubyaro rw’Aburahamu.” —Aba-
hanuzi n’Abami p. 367.
b. Ni gute Abanyamahanga, batari urubyaro rukomoka kuri Abu-
rahamu mu buryo bw’umubiri, babazwe nk’urubyaro nyakuri
rwa Aburahamu? Abaroma 9:30; 4:11,12,16,17.
“Abahinduka abana bo kwizera binyuze muri Kristo bose babarirwa

mu rubyaro rwa Aburahamu; ni abaragwa ku masezerano; kandi nk’uko
Aburahamu byagenze, nabo bahamagarirwa kurinda no kumenyesha isi
amategeko y’Imana n’ubutumwa bwiza bw’Umwana wayo.”—Abakuram-
bere n’Abahanuzi p. 476.

26
2. KUBARWA NK’ABANA BA ABURAHAMU
a. Binyuze mu kwizera Kristo nk’urubyaro rwasezeranywe rwa
Aburahamu, ni uwuhe muryango tubarwamo? Abaroma 8:14-
16; Abagalatiya 4:4-7.
“Imana ishaka ko abantu bose bakizwa; kuko twashyiriweho agate-

ganyo binyuze mu gutanga Umwana wayo w’ikinege kugira ngo acungu-
re ikiremwa muntu. Abazarimbuka bazaba babitewe nuko banze kubarwa
nk’abana b’Imana binyuze muri Yesu Kristo. Ubwibone bw’umuntu nibwo
butuma atakira agategenyo k’agakiza yashyiriweho.” —Our High Calling, p. 78.
b. Ni gute igitambo cya Yesu Kristo cyatumye tuba umwe, tukaba
abana b’Imana, abana bo kwizera, ari nabyo cyari kigamije?
Abagalatiya 3:27-29.
“Abantu bashobora gukora ibikorwa bikomeye mu maso y’ab’isi; ibyo

bagezeho bishobora kuba byinshi ndetse biri no kuri gahunda ihanitse mu
maso y’abantu, ariko impano zose, ubumenyi bwose, ubushobozi bwo-
se bw’ab’isi ntibuzigera buhindura imico ngo butume umwana w’icyaha
ahinduka umwana w’Imana, maze azaragwe ijuru. Abantu nta mbaraga
bafite zo gutsindishiriza umutima no kweza ubugingo…. Impano ikomeye
yo mu ijuru, ariyo Umwana w’ikinege w’Imana, wuzuye ubuntu n’ukuri,
niwe wenyine ushobora kugarura icyazimiye…. Igitambo cya Kristo ku mu-
saraba w’i Kalvari ni imbaraga ikomeye ibasha kuburizamo imbaraga zose
z’icyaha; kandi igihe cyose icyaha gitsikamiye umutima w’umunyabyaha,
kandi akumva uwo mutwaro atashobora kuwihanganira, Yesu amurarikira
kumuhanga amaso kugira ngo abeho.” —The Signs of the Times, May 2, 1892.
c. Sobanura impamvu abana ba Aburahamu bakomoka muri
buri muryango na buri shyanga mu cyimbo cyo kuba muri Isi-
rayeli gusa? Ibyahishuwe 7:9,10; Itangiriro 17:4-6; Ibyakozwe
10:34,35.
“Kristo ntarobanura abantu agendeye ku bwenegihugu, imyanya

cyangwa imyemerere. Abanditsi n’Abafarisayo bifuzaga ko impano zose
zo mu ijuru zaba izabo no ku gihugu cyabo maze bagaheza abandi bagize
umuryango w’Imana bari mu isi. Ariko Yesu yazanywe no gusenya insi-
ka zose za gatanya. Yazanywe no kwerekana ko impano ye y’Imbabazi
n’urukundo bitagira umupaka nk’uko isi yose ibona umwuka, izuba
n’imvura.” —Ibihamya, vol 9 p.190.
27
3. ABATARI ABANA BA ABURAHAMU BY’UKURI
a. Ni mpamvu ki abakomoka kuri Aburahamu ku mubiri atari bo
Bisirayeli nyakuri mu maso y’Imana? Abaroma 10:1-4.
“Abayuda bari baritandukanije n’Imana kubera ibyaha byabo.

Bari barananiwe gusobanukirwa n’ubusobanuro bw’iby’umwuka
bw’icy’imihango bakoraga yashushanyaga. Mu kwihangira gukira-
nuka kwabo ubwabo biringiraga imirimo yabo ubwabo, ibitambo byabo
n’imihango yabo, mu cyimbo cyo kwishingikiriza ku maraso y’uwo ibyo
byose byacureraga. Uko niko ‘bagerageje kwihangira gukiranuka kwabo
ubwabo’ (Abaroma 10:3), maze bubaka ku mihango ikonje yo kwikunda.
Kubera kubura Umwuka n’ubuntu by’Imana, bagerageje gushakisha icyo
babura bakoresheje gukomeza imihango n’imigenzo y’idini bashimikiriye.
Kubwo kutishimira gahunda Imana yabahaye, batesheje agaciro amate-
geko y’ijuru binyuze mu myumvire yabo yo kwishuka. Uko barushagaho
kujya kure y’Imana, niko barushagaho gushishikara mu gukomeza imi-
genzo yabo.” —Abahanuzi n’Abami p. 708,709.
b. Ni iyihe nzira imwe rukumbi dushobora gutsindishirizwamo
imbere y’Imana? Abagalatiya 3:11,12; 2:16. Ni irihe hinduka ri-
zagaragarira mu mibereho y’abatsindishirijwe no kwizera?
“Gutsindishirizwa ni ubuntu gusa ntiguturuka ku mirimo yakozwe

n’umuntu waguye.” - Kwizera n’Imirimo p. 20.
“Umutima wibona nawo uharanira kubona agakiza; ariko byaba ubu-
renganzira bwo kujya mu ijuru, bwaba n’ubwo kuba abaturage b’ijuru,
byose bibonerwa mu gukiranuka kwa Kristo. Uwiteka ntacyo ashobora
gukorera umuntu ushaka kwikiza ubwe, kugeza igihe azasobanukirwa
ko we ubwe ari umunyantege nke, maze akoresheje imbaraga ze zose,
akishyira mu bubasha bw’Imana. Ubwo nibwo yakira impano Imana yite-
guye kumuha.” —Uwifuzwa Ibihe Byose p.300.
“Umuntu wese ugerageza kujya mu ijuru akoresheje imirimo ye bwi-
te akomeza amategeko, aba agerageza ibidashoboka. Nta mutekano uri
ku bantu biyambika ishusho y’idini n’ingeso zo kwihangira. Imabereho
ya Gikristo si ukuvugurura cyangwa guhindura ibya kera, ahubwo ni
uguhinduka kwa kamere. Hagomba kubaho gupfa ku narijye no kucya-
ha, ndetse bikagendana no kugira imibereho mishya. Iri hinduka riboneka
binyuze mu murimo w’Umwuka Wera.” —Ibid. p.172.

28
Kuwa Kane 1 Gashyantare
4. ABAGARAGU BA ABURAHAMU
a. Abatagira kwizera kwa Aburahamu binyuze muri Kristo
nk’urubyaro rwasezeranywe, bafatwa nk’abagaragu ba Abu-
rahamu, aho kuba abahungu n’abakobwa be. Iherezo baza-
gerwaho n’iki? Itangiriro 16:3-6; Abagalatia 4:30,31
“Nowa n’umuryango we bose bari mu nkuge, ‘maze Uwiteka abakingi-

raniramo’ ….Urugi ruremereye, rutashoboraga gukingwa n’abari imbere,
rwakinzwe n’ibiganza bitagaragara buhoro buhoro. Nowa yakingiraniwe-
mo, maze abanze imbabazi z’Imana bakingiranirwa hanze. Ikimenyetso
cy’ijuru cyari kuri urwo rugi; Imana yari yarukinze, kandi Imana yonyi-
ne niyo yagombaga kurukingura. Bityo rero ubwo Yesu azaba ahagaritse
umurimo we wo kuvuganira abanyabyaha, mbere yuko atunguka ku bicu
byo mu ijuru, urugi rw’imbabazi ruzakingwa. Ubuntu bw’Imana buza-
kurwa ku banyabyaha, maze Satani agire uburenganzira busesuye ku ban-
ze imbabazi z’Imana.” —Abakurambere n’Abahanuzi p. 98.
b. Mbese mu by’ukuri abo ni imbata za nde? Yohana 8:31-35,39-44.
“Ntimuzi yuko uwo mwihaye kuba imbata zo kumwumvira, muri imbata

z’ uwo mwumvira uwo,” (Abaroma 6:16). Niba twimitse umujinya, irari, kwifu-
za, urwango, kwikunda, cyangwa se ikindi cyaha, duhinduka imbata z’icyaha. ‘
Ntawe ukeza abami babiri’ (Matayo 6:24). Iyo tubaye imbata z’icyaha, ntidusho-
bora gukorera Kristo.” —Urwibutso n’Integuza, 15 Ugushyingo, 1887.
c. Kubera iki abanze Kristo badashobora kwinjira mu gihugu
cy’i Kanani cyasezeraniwe urubyaro rwa Aburahamu? Abahe-
burayo 3:17-19; Ibyakozwe 4:10-12; Abagalatiya 3:9.
“Imyaka mirongo ine Abisirayeli bamaze batizera, bivovota kandi bigo-

metse yatumye batagera mu gihugu cy’i Kanani. Ibyaha nk’ibyo nibyo bitin-
dije Isirayeli ya none kwinjira muri Kanani yo mu ijuru. Muri ubwo buryo
amasezerano y’Imana yanze gusohora. Kutizera, gukunda iby’isi, kutitanga,
n’amakimbirane hagati mu bwoko bw’Imana nibyo bidutindije muri iyi si
y’ibyaha n’agahinda imyaka ingana itya.” —Kubwirizubutumwa p. 696.
29
Kuwa Gatanu 2 Gashyantare
5. UMUBURO KU ITORERO
a. Ni uwuhe muburo wahawe itorero ry’i Galatiya kandi kubera
iki? Abagalatiya 3:1-6; 4:7-11.
“Gucungurwa n’Umwami wacu twaherewe ku musaraba w’i Kalvari

kwagombaga kutuzanira kumvira amategeko y’Imana, kandi binyuze mu
gukiranuka kwe tubarwaho, dushobora kumvira amategeko y’Imana….
Nta kintu na kimwe Imana yanga nk’icyaha. Mu cyimbo cyo kwirengagiza
amategeko y’Imana binyuze mu gukomeza gukora icyaha, buri mutima
wose wihana by’ukuri uzagendera mu kumvira amategeko yose y’Imana
wicishije bugufi. Bazashakashaka mu Byanditswe kugira ngo bamenye
ukuri. Mbese ninde utihana kandi ucumura wahisemo icyaha akagisimbu-
za kumvira? Imbaraga za Satani nizo zaje kuri Adamu na Eva zirabayobya,
bashukwa n’imbaraga za malayika wigometse.” —The Upward Look, p. 209.
b. Ni gute intambara Aburahamu yarwanye afite kwizera kwe
bwite zatubera icyigisho? Itangiriro 15:3-6; 17:17,18; Abahebu-
rayo 4:1,2. Ku rundi ruhande se, ni iki kwizera nyakuri kudu-
ha? 1Yohana 5:4,5.
“Imibereho ya Gikristo igomba kurangwa no kwizera kumwe, gutsin-

da no kunezererwa mu Mana….Imana ifite ubushobozi kandi yiteguye
guha abagaragu bayo imbaraga zose bazayisaba, no kubaha ubwenge ku-
gira ngo babashe gutanga ubufasha bwose basabwe. Abashyira ibyiringiro
byabo muri yo, yiteguye kubasohoreza ibirenze ibyo bayisabye.” —Kwizera
Kumbeshejeho, p. 126.
Kuwa Gatandatu 3 Gashyantare

1. Kubera iki kwizera ari ingenzi ku Mukristo?
2. Kuki Umukristo yita Imana Se?
3. Ni gute twakwirinda kuvumwa n’Imana?
4. Ni irihe tandukaniro riri hagati yo kuba imbata y’Aburahamu no
kuba umuhungu cyangwa umukobwa we?
5. Ni gute dushobora guhumanywa n’umwanzi akoresheje konona
kwizera kwacu?

30
Icyigisho cya 6 Ku Isabato, 11 Gashyantare, 2017
Isezerano ry’Iteka Ryose

“Kandi nzakomeza isezerano ryanjye nawe n’urubyaro rwawe
ruzakurikiraho, rigeze ibihe byose, ribe isezerano rihoraho, kugi-
ra ngo nkubere Imana wowe n’urubyaro rwawe ruzakurikiraho.”
(Itangiriro 17:7).
“Isezerano ry’ubuntu si ukuri gushya, kuko kwari gusanzwe mu
bwenge bw’Imana uhereye ibihe byose. Niyo mpamvu ryitwa isezera-
no ry’iteka ryose.” —Ibimenyetso by’Ibihe, 24 Kanama, 1891.
Igitabo Cyifashishijwe: Kwizera Kumbeshejeho, pp. 76–78, 360–364.
Kuwa Mbere 5 Gashyantare
1. ISEZERANO RY’ITEKA RYOSE
a. Ni iki cyerekana ko isezerano ryahawe Aburahamu rihwanye
n’iryashohojwe na Kristo ku musaraba w’i Kalvari? Itangiriro
22:16; Abaheburayo 6:13-18; 9:16.
“Isezerano ryahawe Aburahamu ryashohojwe n’amaraso ya Kristo,

kandi ryiswe isezerano rya ‘kabiri’, cyangwa isezerano ‘rishya’, kuko ama-
raso yashyize ikimenyetso kuri iryo sezerano yamenetse nyuma y’amaraso
y’isezerano rya mbere. Iri sezerano rishya ryari rifite agaciro mu gihe cya
Aburahamu, ryari iry’ukuri kubera ko ryahamijwe n’isezerano ndetse
n’indahiro by’Imana, - ‘ibintu bibiri bidahinduka, kandi Imana idashobora
kubeshyeramo.’ Abaheburayo 6:18” —Abakurambere n’Abahanuzi p.371.
b. Ni iki cyashyizwe muri iri sezerano kandi ni gute Abura-
hamu yacyitwayemo? Itangiriro 17:1-8; 15:6; 26:5 gereranya
n’Abagalatiya 3:8,16; Abaroma4:20-22.
“Iri sezerano rizanira abantu bose imbabazi kandi riha imbaraga ubuntu
bw’Imana binyuze mu kwizera Kristo kumvira ko mu gihe kizaza. Rinabaseze-
ranira ubugingo buhoraho mu gihe bumviye amategeko y’Imana.” - Ibid. p.370.
“Amategeko y’Imana niyo yari urufatiro rw’iri sezerano, ryari rya-
rashyiriweho kugira ngo ryongere kugarura abantu mu bumwe binyuze
mu bushake bw’Imana, kugira ngo bashyirwe ahantu bashobora kumvira
amategeko y’Imana.” —Ibid. p.371.
31
Kuwa Kabiri 6 Gashyantare
2. ISANO IKUBIYE MURI IRI SEZERANO RY’ITEKA
RYOSE
a. Ni mu buhe buryo Imana yavuze iby’isano iri mu isezerano ya-
giranye na Aburahamu ndetse n’urubyaro rwe? Abalewi 26:12.
Gereranya na Itangiriro 17:7, 8; Gutegeka 14:2; 29:13.
b. Ni ikihe kintu Imana yahaye Aburahamu nk’ikimenyetso

cy’isezerano igiranye nawe, kandi kubera iki? Itangiriro 17:11;
Abaroma 4:11.
“Muri iki gihe Aburahamu yahawe umuhango wo gukebwa nk’ ‘iki-

menyetso cyo gukiranuka kwavuye kuri kwa kwizera yari afite atara-
kebwa kugira ngo abe sekuruza w’ abizera bose, nubwo baba batakebwe’
(Abaroma 4:11). Wagombaga kubahirizwa n’uwo mukurambere ndetse
n’abazamukomokaho nk’igihamya cy’uko biyeguriye umurimo w’Imana
kandi bakitandukanya n’abasenga ibigirwamana, bityo Imana ikabemera
nk’umutungo wayo wihariye.” —Abakurambere n’Abahanuzi p.138.
“[Gukebwa] cyari ikimenyetso cyerekana ko abakebwe biyeguriye guko-
ra umurimo w’Imana – igihamya cy’uko abakebwe bazakomeza kwitan-
dukanya n’ibigirwamana kandi bakumvira amategeko y’Imana.” - Ibid.p.363.
c. Ni ubuhe bunararibonye bw’ingenzi dusabwa kugira uyu
munsi kugira ngo tubashe kwinjira mu isezerano rishya tugi-
rana n’Imana? Gutegeka 10:16; Abakolosayi 2:11; Abaheburayo
8:10; 2 Abakorinto 6:16,17.
“Tugomba kwizera ko turi ubwoko bwatoranijwe n’Imana, kugi-

ra ngo dukizwe no kwizera, binyuze mu buntu bwa Kristo n’umurimo
w’Umwuka Wera; kandi tugomba gushima no guhesha Imana icyubahiro
kubwo kugaragarizwa izi mbabazi zayo zitangaje kandi zitagira akagero.
Urukundo rw’Imana nirwo rurehereza umutima kuri Kristo, kugira ngo
awakire kandi awushyikirize Se. Binyuze mu murimo w’Umwuka Wera,
isano y’ubumana hagati y’Imana n’umunyabyaha irongera ikavugururwa.
Data aravuga ati:’Nzababera Imana nabo bazambera ubwoko. Nzabaga-
ragariza urukundo rubabarira kandi nzabasukaho umunezero wanjye.
Bazambera ubwoko bwihariye; kuko ubu bwoko niremeye ubwanjye bu-
zambera ibyishimo.” —Ibimenyetso by’Ibihe, 2 Mutarama, 1893.
“Ibisabwa kugira ngo twakirwe mu muryango w’Imana ni ugusohoka mu
isi no kwitandukanya n’ibintu byose bihumanya.” — God’s Amazing Grace, p. 57.
32
Kuwa Gatatu 7 Gashyantare
3. UBUTAMBYI BW’ITEKA RYOSE
a. Ni mpamvu ki Kristo yiswe umutambyi mu buryo bwa Meliki-
sedeki ntibibe mu buryo bw’Aroni? Abaheburayo 5:5,6; 7:11-
16; Matayo 1:1,2.
“Umutambyi mukuru yari yaragenwe mu buryo bw’umurimo wiha-

riye wo guhagararira Kristo, we wagombaga kuba umutambyi muku-
ru by’iteka ryose mu buryo bwa Melilisedeki. Iyi gahunda y’ubutambyi
ntiyagombaga guhabwa undi, cyangwa se ngo umuntu ayihereze undi
ashaka.” – Ubusobanuro bwa Bibiliya bw’Abadivantisiti b’Umunsi wa Karindwi [E. G. Whi-
te Comments], vol. 7, p. 930,
b. Ni mu buhe buryo ubutambyi bwa Melikisedeki bwa-
shushanyaga ubutambyi bw’iteka ryose bwa Kristo kandi ni
mpamvu ki ubutambyi bwe bwarutaga ubw’Aroni? Gereranya
Abaheburayo 7:1-3 n’Abaheburayo 7:20-25; 6:18-20.
“Kristo niwe wavugiye muri Melikisedeki, umutambyi ukomeye

w’Imana. Melikisedeki ntiyari Kristo, ahubwo yari ijwi ry’Imana mu isi,
ahagarariye Data wa Twese.” —Ubutumwa Bwatoranijwe bk1 p.409.
“Izina ry’uwo mwana muto utaragiraga gifasha…. yari ibyiringiro
by’ubwoko muntu bwaguye. Uwo mwana waguzwe ibice by’ifeza niwe
wagombaga kwishyura ikiguzi cy’ibyaha by’abatuye isi yose. Yari ‘umu-
tambyi mukuru w’ukuri utwara inzu y’Imana’ uhagarariye ‘ubutambyi
budakuka’ umuhuza ‘wicara iburyo bw’Ikomeye cyane yo mu ijuru.’
(Abaheburayo 10:21; 7:24;1:3).”—Uwifuzwa Ibihe Byose p. 52,55.
c. Ni ikihe kigereranyo cy’ibyo kurya umutambyi w’Imana yaha-
ye Aburahamu? Gereranya Itangiriro 14:18-20 na 1 Abakorinto
10:16; 11:23-26.
“Umutsima na vino bigereranya umubiri n’amaraso bya Kristo.

Nk’uko umutsima wamanyaguwe na vino igasukwa, niko n’umubiri wa
Kristo washenjaguriwe ku musaraba, n’amaraso ye akameneka kugira ngo
dukizwe. Mu gihe turya umutsima kandi tunywa vino, tuba tugaragaza ko
twizera ibi. Tuba twerekana ko twihannye ibyaha byacu, kandi ko twaki-
riye Kristo nk’Umukiza wacu bwite.” —The Story of Jesus, p. 98.
33
4. UBUTUNZI BUDASHIRA
a. Ni ikihe gihugu gihoraho cyashushanywaga n’icyo mu isi,
Imana yasezeraniye Aburahamu? Itangiriro 17:8; Abaheburayo
11:8-10; Ibyahishuwe 21:2.
“Ubuzima butandukanye Abaheburayo banyuzemo ni ishuri twitegu-

riramo kuzaba mu rugo rwacu rwo muri Kanani. Ubwoko bw’Imana bwo
muri iyi minsi y’imperuka bukwiriye guhora bwibuka bafite kwicisha bugufi
mu mutima n’umwuka wo kwigishwa ibyerekeye ibigeragezo Isirayeli ya
kera yanyuzemo, kugira ngo bubashe kwigishwa ibyerekeye imyiteguro yo
kuzaba muri Kanani yo mu ijuru.” —Abakurambere n’Abahanuzi p.293.
“Nimureke ibyiza tubona muri uru rugo rwacu rw’aha ku isi bitwi-
butse iby’Uruzi rubengerana nk’isarabwayi n’inzuri zitoshye, ibiti
by’inganzamarumbo n’imigezi y’amazi idakama, ururembo rurabagirana
n’abaririmbyi bambaye imyenda yera byo mu rugo rwacu rwo mu ijuru
– ubwiza bw’isi idashobora kugenekerezwa n’abanyabugeni, kandi ida-
shobora kurondorwa n’ururimi rw’umuntu.” —Kwizera Kumbeshejeho, p. 279.
b. Ni ryari kandi ni gute Aburahamu n’urubyaro rwe bazahabwa umu-
rage wabo utazashira? Matayo 25:31,34; Yohana 14:1-3; Danieli 7:27.
“Iyi isi ubu igabanijemo ibice kandi bidahuje, icyo gihe izaba iringa-
niye kandi imeze nk’ikibaya kigari. Isanzure ryose ry’Imana rizaba rikeye,
intambara ikomeye izaba irangiye by’iteka ryose. Aho twarebaga hose, na
buri kintu cyose amaso yacu yerekeragaho cyari cyiza kandi cyera. Kandi
abacunguwe bose, abasaza, abasore, abakomeye n’aboroheje, bajugunya
amakamba yabo ku birenge by’Umucunguzi wabo, maze bamwikubita im-
bere kugira ngo bamuramye, no guhimbaza uwo ukwiye guhoraho iteka
ryose. Ubwiza bw’isi nshya no kurabagirana kwayo, nibyo byari umurage
uhoraho w’abera. Ubwami, ubutware, n’ icyubahiro cy’ ubwami bwose
buri munsi y’ ijuru, bihabwa abera b’Isumba byose, kugira ngo bib’ibyabo
iteka n’iteka.” —Inyandiko za Kera p.295
“Kwimikwa kw’ubwami bw’icyubahiro mu buryo bwuzuye ntikuza-
baho kugeza igihe Kristo azagaruka muri iyi si, ‘Maze ubwami n’ubutware
n’icyubahiro cy’ubwami bwose buri munsi y’ ijuru, bizahabwe ubwoko bw’abera
b’Isumbabyose.’(Danieli 7:27). Bazaragwa ubwami bwabatunganirijwe uhereye
ku ‘kuremwa kw’ isi’,(Matayo 25:34). Kandi Kristo niwe uzahabwa ubutware
bukomeye kandi azima ingoma.” —Thoughts From the Mount of Blessing, p. 108.

34
5. UBUGINGO BUHORAHO
a. Ni ikihe kintu gikomeye gikubiye mu masezerano yose ya-
tanzwe binyuze mu isezerano ry’iteka ryose? Abagalatiya 3:29;
1 Yohana 5:11; Ibyahishuwe 21:3,4.
“Umunsi uratwegereye wo kurwana urugamba no kubona insinzi.

Iby’Imana ishaka bigomba kubaho mu isi nk’uko bibaho no mu ijuru. Amahan-
ga y’abakijijwe, ntayandi mategeko bazamenya keretse ayo mu ijuru. Bose baza-
ba banezerewe, bagize umuryango umwe, bambaye imyambaro yo guhimbaza
no gushima – ikanzu yo gukiranuka kwa Kristo.” — Umurimo wo Gukiza p.506.
“[Mu ijuru], nta bwihebe buzabayo, nta gahinda, nta cyaha, mu baho
bose ntawe uzavuga ngo,’ndarwaye.’ Aho, nta mubabaro w’abapfuye
uzahaba, ntamuborogo, nta rupfu, nta kwirema ibice, ntakugira imitima
imenetse bizahaba; Yesu azaba ahari, amahoro azaba ahari….Mu maso
he hazaba huzuye umunezero, mu kiganza cye cy’iburyo hazaba harimo
ibyishimo bitazashira.” —My Life Today, p. 349.
b. Ni ibihe byiringiro tudakwiriye kuvamo? Tito 2:11-13; Abahe-
burayo 10:35-37.
“Musirikare wa Kristo, ihangane. Haracyasigaye igihe gito cyane kan-

di uzaza ntazatinda. Ijoro ryo gutegereza unaniwe, uri maso, uniha riri
hafi kurangira. Ingororano igiye gutangwa bidatinze; umunsi w’iteka uri
hafi. Ubu nta gihe dufite cyo gusinzira – nta gihe dufite cyo kuba imbura-
mumaro ziyobagiza. Abigira ba simbirimo muri iki gihe bagiye gutakaza
amahirwe yabo yose yo gukora ibyiza….Buri mutima wose wakijijwe uza-
ba inyenyeri ishyirwa ku ikamba rya Kristo, Umucunguzi wacu ukwiye
gusengwa.”—Umurimo w’Umukristo p.275.
1. Ni gute dushobora gushyira ibyiringiro mu Ijambo ry’Imana?
2. Ni gute dushobora kugirana isezerano n’Imana nk’uko byagenze
kuri Aburahamu?
3. Sobanura uko dushobora gushyira ibyiringiro byacu mu murimo
w’ubutambyi bw’iteka bwa Kristo?
4. Ni ibihe byiringiro by’umugisha ku bana ba Aburahamu?
5. Ni gute guhabwa ubugingo buhoraho n’Imana ari ibyiringiro
by’umugisha ku Mukristo?
35
Icygisho cya 7 Ku Isabato, 18 Gashyantare, 2017
Ubuntu Buhoraho Iteka Ryose

“Mwakijijwe n’ubuntu ku bwo kwizera, ntibyavuye kuri mwe
ahubwo ni impano y’ Imana.” Abefeso 2:8.
“Ubuntu busobanura imbabazi zihabwa umuntu utari uzikwiriye,
kandi wazimiye. Kuba turi abanyabyaha, ibyo ntibikwiriye gutuma tujya
kure y’imbabazi n’urukundo rw’Imana, ahubwo nibyo bituma idukunda
kugira ngo tubashe gukizwa.” —Ubutumwa Bwatoranijwe vol.1 p.347.
Igitabo Cyifashishijwe: Abakurambere n’Abahanuzi p.363-373,
Kwizera n’Imirimo pp.15-28
1. ISEZERANO RISHYA KUBYASEZERANYWE
a. Ni mu buhe buryo Imana yagiranye isezerano rishya na Abu-
rahamu kandi ni gute Imana yashohoje iryo sezerano hanyuma
kandi kubera iki? Abagalatiya 3:14-18; Abaheburayo 6:13-18.
b. Ni iki Aburahamu yakoze we ubwe kugira ngo asohorezwe

imigisha y’isezerano kandi bitwigisha iki kubyerekeye uburyo
Imana yita ku banyabyaha? Itangiriro 12:1-3; 1Abakorinto 1:26-
31; Abaroma 3:10-12.
“Ubuntu ni impano itangwa n’Imana igahabwa abantu batari bayikwi-

riye. Sitwe tubushakashaka, ahubwo bwoherezwa kugira ngo buze ku-
dushaka. Imana inejejwe no kudusesekazaho ubuntu bwayo, atari uko
tubukwiriye, ahubwo kuko tubukeneye....Ni iby’icyubahiro ku Mana
kubabarira abanyabyaha ruharwa.” —Umurimo wo Gukiza p. 161.
“Uko turushaho kwakira ubwo buntu tutari tubukwiriye, niko tu-
rushaho gusesekazwaho imbabazi z’Imana nyinshi.”—General Conference
Daily Bulletin, 28 Mutarama,1893.

36
2. ISEZERANO RYA KERA RY’IMIRIMO
a. Ni kuki Imana yongeye kugirana na Mose irindi sezerano nyu-
ma y’imyaka 430- kandi ni kuki iryo ritatesheje agaciro iseze-
rano rishya ryo mu byasezeranywe? Gutegeka 4:12,13; Kuva
19:5-7; Abagalatiya 3:17; 1Petero 1:18-20.
“Igihe ubwoko bwa Isirayeli bwari mu bubata bibagiwe Imana mu buryo

bukomeye ndetse bibagirwa n’amahame yagengaga isezerano ryahawe Abu-
rahamu....Imana yabonye ko igomba kubahishurira imbaraga n’imbabazi
byayo, kugira ngo babashe kuyikunda no kuyiringira... kugira ngo nibabona
batagira gifasha, bakenere ubufasha ku Mana; maze nayo ize kubatabara....
“Kubera gutura hagati yabasenga ibigirwamana kandi bononekaye,
ntibari basobanukiwe na gato ukwera kw’Imana, ndetse n’uburyo imitima
yabo yahindanijwe n’ibyaha, uburyo nta bushobozi bifitemo muri bo bwa-
tuma bumvira amategeko y’Imana, maze ibyo bigatuma bakenera Umuki-
za. Ibi byose bagombaga kubyigishwa.”—Abakurambere n’Abahanuzi p. 371,372.
“Isezerano rya Kera, Imana yarigiranye na Isirayeli ku musozi wa
Sinayi, kandi risohozwa n’amaraso y’ibitambo. Isezerano ryahawe Abu-
rahamu ryashohojwe n’amaraso ya Kristo, kandi ryitwa isezerano rya
‘kabiri’ cyangwa isezerano ‘rishya,’ kuko amaraso yarihamije hamenetse
nyuma y’amaraso y’isezerano rya mbere.” —Ibid. p. 371.
b. Ni iki abantu bongeye gukora kuby’Imana yabasabaga mu ise-
zerano ry’Imana? Kuva 19:8 Ni gute natwe dushobora kugwa
mu kaga nk’ako?
“Abantu ntibasobanukiwe n’ububi bw’imitima yabo bwite, kandi nti byari

kubashobokera gukomeza amategeko batabifashijwemo na Kristo.” —Ibid.p. 371.
“Abantu bumva badakeneye amaraso ya Kristo, bakumva ko ubuntu
bw’Imana atari ngombwa ahubwo ko imirimo yabo bwite ihagije kugira
ngo bemerwe n’Imana, barakora icyaha gihwanye n’icya Kayini. Nibate-
mera amaraso yeza ya Kristo, bazacirwaho iteka.” - Ibid.p.73.
“Kwihangira gukiranuka biteje akaga muri iki gihe; gutandukanya
umuntu na Kristo. Abiringira gukiranuka kwabo bwite ntibashobora guso-
banukirwa uburyo agakiza kabonerwa muri Kristo. Icyaha bacyita gukira-
nuka no gukiranuka bakakwita icyaha. Ntibita ku bubi bw’icyaha, ntibaso-
banukiwe n’uburyo amategeko ateye ubwoba; kuko batubaha amategeko
yayo y’iby’umwuka.” —Kwizera n’Imirimo p. 96.
37
3. KUVA MURYA KERA UJYA MU RISHYA
a. Ni uwuhe wari umugambi w’amategeko y’iby’umwuka mu
isezerano rya kera kandi ni uwuhe mugambi wayo muri iki
gihe? Abaroma 7:7,9-13,20; 3:19-20.
“Amategeko yaherewe abantu kubemeza iby’icyaha, no kubereka ko

bakeneye Umukiza.” —Uwufuza Ibihe Byose p.308
b. Mu isezerano rishya, ni gute Imana yahinduye inyifato yacu
ku mategeko Yayo kandi ni irihe hinduka rizagaragara mu mi-
bereho yacu? Abaheburayo 8:10; Zaburi 40:8; Ezekieli 36:26,27;
Abakolosayi 3:9,10.
“Amategeko yanditswe ku bisate by’amabuye, yandikwa ku bisate

by’umutima n’Umwuka Wera. Mu cyimbo cyo kwihangira gukiranuka
kwacu ubwacu, twakira gukiranuka kwa Kristo. Amaraso ye ahongerera
ibyaha byacu. Kumvira kwe kubarwa kuri twe. Bityo umutima wagizwe
mushya n’Umwuka Wera uzera imbuto z’Umwuka. Binyuze mu buntu
bwa Kristo tuzabaho twumvira amategeko y’Imana yanditswe mu mitima
yacu.” —Abakurambere n’Abahanuzi p.372.
“Guhinduka kw’imitima y’abantu, guhinduka kw’imico y’abantu, ni
igitangaza kigaragaza Umucunguzi muzima, ukorera gukiza imitima.” —
Uwifuzwa Ibihe Byose p.407.
c. Ni gute isezerano rishya risohoza amategeko y’umwuka mu buryo
butunganye kandi byavuzwe gute kuri Aburahamu kuri ibyo? Ma-
tayo 5:20-22,27,28,31-48; Abaroma 13:8-10; Itangiriro 26:5.
“Kumvira si igikorwa kigamije kwigaragaza inyuma, ahubwo ni

umurimo w’urukundo. Amategeko y’Imana agaragaza kamere yayo; ye-
rekana ihame rikomeye ry’urukundo, kandi niyo rufatiro rw’ubutegetsi
bwayo mu ijuru no mu isi. Imitima yacu nihindurwa mishya mu ishu-
sho y’Imana, urukundo rw’Imana nirutura mu mitima yacu, mbese ama-
tegeko y’Imana ntazagaragarira mu mibereho yacu y’inyuma? Ihame
ry’urukundo nirishimangirwa mu mitima yacu, umuntu nahindurwa
agasa n’ishusho y’Iyamuremye, isezerano rishya rizuzura, “Iri ni ryo se-
zerano nzasezerana na bo, Hanyuma y’iyo minsi, ni ko Uwiteka avuga,
Nzashyira amategeko yanjye mu mitima yabo, Kandi mu bwenge bwabo
ni ho nzayandika.”(Abaheburayo 10:16).Kandi amategeko niyandikwa mu
mutima, mbese ntazagaragarira no mu mibereho?” —Kugana Yesu p. 60.
38
4. KUBWO UBUNTU BINYUZE MU KWIZERA
a Ni iyihe mpano y’ubuntu Imana yahaye Aburahamu bitewe
nuko yizeye? Abaroma 4:22; Abagalatiya 3:6
“Gutekereza ko tubarwaho gukiranuka kwa Kristo nta ruhare tubigi-

zemo ahubwo ko ari impano y’Imana, ni igitekerezo cy’agaciro. Umwanzi
w’Imana n’abantu ntashaka ko uku kuri gusobanuka neza; kuko azi neza
ko uku kuri nikwakirwa mu buryo bwuzuye, imbaraga ze zizajanjaguri-
ka.” —Gospel Workers p. 161.
“Ubuntu bwa Kristo butsindishiriza umunyabyaha ku buntu nta ru-
hare abigizemo. Gutsindishirizwa ni imbabazi zuzuye z’icyaha. Igihe
umunyabyaha yakiriye Kristo mu kwizera, uwo mwanya arababarirwa.
Gukiranuka kwa Kristo kubarwa kuri we, kandi ntiyongera gushidikanya
ubuntu bw’Imana bubabarira.” —Kwizera Kumbeshejeho p. 107.
b Ni iki Aburahamu yakoze kugira ngo abe umukiranutsi kandi ni
gute abizera bonyine aribo bashobora gukizwa? Abaroma 4:1-5;
Abefeso 2:8,9.
“Twemerwa n’Imana gusa binyuze mu Mwana wayo ikunda, kandi

imirimo myiza ni ingaruka zo gukora k’urukundo rwe rubabarira. Imiri-
mo myiza ntishobora kudukiza, kandi ntacyo dushobora guhabwa binyu-
ze mu mirimo yacu myiza ku buryo twayishingikirizaho ko ifite uruhare
mu gakiza k’imitima yacu. Agakiza ni impano y’Imana itangirwa ubun-
tu ku mwizera akayihabwa na Kristo wenyine.” —Ubusobanuro bwa Bibiliya
bw’Abadivantiste b’Umunsi wa Karindwi [Ellen G White], vol. 5 p.1122.
c Nubwo kwizera ubwako ari impano ( reba Abaroma 12:3 (ahahe-
ruka)), ni iki twakora muri uko kwizera? Yohana 3:16;Luka 7:1-9;
Abaroma 10:17.
“Kwizera kudushoboza kwakira impano z’Imana nako ni impano,

kandi mu rugero runaka, ihabwa buri kiremwa muntu cyose. Gukuzwa
no kugukoresha ibihuje n’ijambo ry’Imana. Kugira ngo uko kwizera guko-
mere, kugomba guhora guhuzwa n’ijambo ry’Imana.” —Uburezi pp. 253,254.
“Abagabo n’abagore ntabwo bazakizwa keretse nibakoresha kwize-
ra kwabo, kandi bakubaka ku rufatiro rw’ukuri, keretse bemereye Imana
ikongera kubarema bundi bushya ikoresheje Umwuka Wera.” —Ibimenyetso
by’Ibihe, 14 Gashyantare, 1900.

39
5. IMBABAZI ZITARI ZIDUKWIRIYE.
a. Ni izihe mbabazi zitari zidukwiriye zasezeranywe mu isezera-
no rishya, Imana yagaragaje kugira ngo ikize ikiremwamuntu?
Itangiriro 12:3; 1Yohana 4:14; Abefeso 2:4-8; Abaroma 5:15-18.
“N’ubwo kubwo kutumvira kwacu twari dukwiriye kugirirwa umu-

jinya no gucirwaho iteka, ariko ntiyaturetse. —Ubuntu bw’Imana Butangaje p. 10.
“Abajya mu ijuru ntibazatambuka mu marembo yaryo kubwo gukira-
nuka kwabo bwite, kandi amarembo yaryo ntazugururirwa abatanga ama-
turo y’izahabu n’ifeza menshi, ahubwo bazinjira mu mazu menshi yo mu
rugo rwa Data binyuze mu maraso yo ku musaraba ya Kristo.” —Ibid. 179.
b. Ni gute umunyabyaha yakira iyi mpano y’ubuntu y’agakiza
binyuze muri Yesu Kristo ? Yohana 1:12; Abaroma 5:17; Abahe-
burayo 11:8.
“Abizera bose ko Kristo ari igitambo gihongerera, bashobora kuza

maze bakakira imbabazi z’ibyaha byabo; kuko binyuze mu maraso ya
Kristo, inzira yari ifunguwe hagati y’Imana n’umuntu. Imana ishobora
kunyemera nk’Umwana wayo, kandi nshobora kumwamamaza no kumu-
nezeza nka Data wuzuye urukundo. Ibyiringiro byacu by’ijuru tugomba
kubishyira kuri Kristo wenyine, kuko ari Umusimbura n’Umwishingizi
wacu.” —Ubutumwa Bwatoranijwe vol.1 p. 363.
c. Ni ibihe bintu bibiri Imana yarimbuye ikoresheje ubuntu
bwayo butangaje? Abaroma 8:2; 1Yohana 3:5, 8; 2Timoteo 1:10.

1. Sobanura ijambo ‘isezerano’ mu kugaragaza ko Imana itajya
ibeshya.
2. Ni kuki isezerano rya kera ryatanzwe kandi ni kuki ritarangwaga-
mo kwizera?
3. Ni gute Imana yandika amategeko yayo y’urukundo mu mitima no
mu bwenge bwacu?
4. Ni kuki tudashobora kwiringira ko imirimo yacu myiza yaduhesha agakiza
5. Ni kuki tudakwiriye na rimwe kwirata ko dufite kwizera?
40
Icyigisho cya 8 Ku Isabato, 25 Gashyantare, 2017
Kwizera Gufite Imirimo

“Mbese sogokuruza Aburahamu ntiyatsindishirijwe n’imirimo,
ubwo yatangaga Isaka umwana we ngo atambwe ku gicaniro?”
(Yakobo 2:21).
“Hariho benshi badasobanukiwe n’isano iri hagati yo kwizera
n’imirimo. Baravuga bati, ‘Nimwizere Kristo gusa birahagije. Nta kigo-
mba kubavuna ngo murakomeza amategeko.’ Ariko kwizera k’ukuri
kuzagaragazwa no kumvira.” —Abakurambere n’Abahanuzi p. 153,154.
Igitabo Cyifashishijwe: Kwizera n’Imirimo pp.47-54, 111-116.
1.KWIZERA GUKORA
a. Ni gute twamenya ko Aburahamu yizeraga ijambo ry’Imana?
Itangiriro 22:1-5; Yakobo 2:21-24.
“Aburahamu yizeraga Imana. Ni gute twamenya ko yizeraga? Imirimo

ye niyo yahamije imico yo kwizera kwe, kandi kwizera kwe kwamuhwa-
nirijwe no gukiranuka.” —Reflecting Christ, p. 79.
b. Ni iyihe sano iri hagati yo kwizera n’imirimo? Yakobo 2:17,18;
Matayo 7:16-20. Ni izihe mbuto Umukristo yera?
“Imirimo myiza ntishobora kugura agakiza, ahubwo ni igihamya cyo

kwizera gukorera mu rukundo kandi kukeza umutima.” —Uwifuzwa Ibihe
Byose p.314.
“Nk’uko igiti cyiza cyera imbuto nziza, niko ni giti cyatewe mu busi-
tani bw’Uwiteka kizera imbuto nziza kugeza ku bugingo buhoraho. Ibya-
ha bitugota biraneshwa; ibitekerezo bibi byirukanwa mu ntekerezo; aka-
menyero kabi kirukanwa mu rusengero rw’umutima.... Habaho ihinduka
ryuzuye.” —Ubusobanuro bwa Bibiliya bw’Abadivantisiti b’Umunsi wa Karindwi [E. G.
White Comments], vol. 6, p. 1080.

41
2. IMIRIMO Y’IMANA
a. Ni gute Aburahamu yerekanye ko yizera Imana? Mu gihe
yakoraga yirengagije kwizera, ni iki Aburahamu yahishuriwe
kubyerekeye kwizera kwe? Yakobo 2:22; Itangiriro 22:12.
“Kwizera gukorera mu rukundo kandi kukeza umutima. Kwizera ni

nk’igiti gitewe, kikarabya uburabyo maze nyuma kikera imbuto z’igiciro
cyinshi. Aho kwizera kuri, imirimo myiza nayo iragaragara.” —Ubutumwa
Bwatoranijwe vol.1 p.398.
b. Mbese imirimo myiza ituruka he? Gereranya Yeremia 17:9;Aba-
roma 3:12 n’Abefeso 2:10; Tito 2:13,14.
“Kwizera k’ukuri kuzagaragazwa n’imirimo myiza; kuko imirimo myiza

ari imbuto zo kwizera. Mu gihe Imana ikorera mu mutima, umuntu nawe
agacisha bugufi ubushake bwe imbere y’Imana, kandi agashyira hamwe
n’Imana, anonosora iby’inyuma Imana nayo igakorera imbere binyuze mu
Mwuka Wera, maze hakabaho ubumwe hagati y’umugambi wo mu mutima
n’ibikorwa byo mu bugingo. Icyaha cyose kigomba kwamaganwa nk’ikintu
kibi cyabambishije Umwami w’ubugingo n’icyubahiro, kandi umwizera ago-
mba kugira ubunararibonye bujya imbere binyuze mu guhora akora imirimo
ya Kristo. Binyuze mu guhora yiyegurira ubushake bw’Imana, guhora yum-
vira, nibwo umugisha wo gutsindishirizwa uzaboneka.” - Ibid. P.397.
“Nidukiranuka ku rwacu ruhare, mu gushyikirana nawe, Imana izasoho-
reza muri twe gukora ibihuje n’ubushake bwayo. Ariko Imana ntacyo ishobo-
ra gukorera muri twe niba ntaruhare dushyizemo, mu gihe tubonye ubugingo
buhoraho, tuzarangwa no gukorana umwete... Tugomba gukurikiza urugero
Kristo yadusigiye, tukamwegurira buri kintu cyose. Ubushake bwacu bugomba
guhamanya n’ubushake bwe.” —Urwibutso n’Integuza 11 Kamena, 1901.
c. Mbere yuko Umukristo akora imirimo myiza y’Imana, ni iki ki-
gomba kubanza? Abefeso 2:1-5; Abagalatia 2:20; Yeremia 29:13.
“Inzira imwe rukumbi dushobora kuboneramo ubufasha bw’Imana ni

ukwishyira mu maboko y’Imana burundu no kwiringira ko izadukores-
ha. Iyo twakiriye Kristo mu kwizera, akora imirimo ye. Umwizera ago-
mba kugira ibyiringiro gusa. Mu gihe twiringiye Imana no gukora ibyo
ishaka, dushobora gukora nk’uko Imana ikora.” —Ubusobanuro bwa Bibiliya
bw’Abadivantisiti b’Umunsi wa Karindwi [E. G. White Comments], vol. 6, p. 1080.

42
3. KWIZERA GUPFUYE
a. Ni irihe tandukaniro riri hagati yo kwizera kuzima no kwizera
gupfuye? Yakobo 2:19,20; Mariko 7:6,7.
“Kwizera k’ukuri kwishingikiriza kuri Kristo byuzuye, kuzagaraga-

rira mu kumvira iby’Imana isaba byose....Mu bihe byose hagiye habaho
abantu bavuga ko bakiriye imbabazi z’Imana nyamara hakaba hari amwe
mu mategeko yayo batitondera. Ibyanditswe bivuga ko: ‘kwizera gutun-
ganywa n’ imirimo; Uko ni ko no kwizera iyo kudafite imirimo, ahubwo
kuri konyine kuba gupfuye.’ (Yakobo 2:22,17).” —Kwizera Kumbeshejeho, p. 91.
“Benshi banyurwa n’umurimo wo ku munwa gusa, ariko bake nibo
bafite umuhati, ubutwari n’urukundo rurambye bakunda Imana.” - Ib-
ihamya vol.4 .534.
b. Mbese umuntu ufite kwizera gupfuye yakora imirimo myiza?
Matayo 23:27,28; 7:21-23.
“Umuntu mwiza, uvoma mu butunzi bwiza bwo mu mutima, niwe

ushobora gukora ibyiza. Kubera iki? Kubera ko Kristo aba yamaze gutu-
ra mu mutima. Ukuri kweza ni inzu y’ubutunzi bw’ubwenge ku bumvira
ukuri bose. Kubabera nk’isoko y’amazi adudubiza kugeza ku bugingo buho-
raho. Utaratuje Kristo mu mutima we, azarangwa n’ibiganiro by’amanjwe,
ibitekerezo byo gukabya, aribyo biyobya umuntu. Ururimi ruvuga ibigo-
ramye, ibiganiro bisanzwe, guhora mu ijambo rimwe, urwo rurimi ruke-
neye kunyuzwaho ikara.” —Mind, Character, and Personality, vol. 2, p. 577.
“Nta muntu n’umwe ufite umwuka n’intekerezo za Kristo uzana-
nirwa kubikoresha mu masano yose n’inshingano afite zo mu buzi-
ma. Kwivovota, kwivumbura n’uburakari ibyo si imbuto z’amahame
y’ukuri.” —Ibihamya vol.4 p.347.
c. Ni ibihe bintu bikunda kubura mu mirimo yo kwizera
gupfuye? 1 Yohana 4:20,21; Yohana 8:37-41.
“Kwizera ijambo nibyo byera imbuto z’ubwoko bukenewe – gukunda

bene data mu buryo butaryarya.’ (1 Petero 1:22). Uru rukundo rukomoka
mu ijuru kandi ruyobora ku bitekerezo bihanitse no kubikorwa bitikun-
da.” —Ibyakozwe n’Intumwa p. 520.
43
4. IMIZI CYANGWA IMBUTO?
a. Bigenda bite iyo imirimo myiza yo kumvira ishinze imizi
y’imibereho ya Gikristo mu mwanya w’imbuto? Matayo 23:5.
“Abafarisayo bagaragazaga ko batandukanye n’abandi bakoresheje

imihango yabo ikonje no kwiyerekana muri gahunda yabo yo kuramya no
kwitwararika. Bagaragarishaga umwete wabo mu by’idini kujya impaka.
Intambara hagati y’amatsinda ashyamiranye zari urudaca kandi zidashi-
ra kandi byari akamenyero ko mu mayira hahoraga humvikana amajwi
y’agahinda k’imivurungano, aturutse mu bigishamategeko babyigiye.
Ikinyuranyo cyagaragariraga bose cyabonekaga mu mibereho ya Yesu.
Mu mibereho ye ntihumvikanagamo urusaku rw’umwiryane, nta kwiye-
rekana mu kuramya, ntagikorwa yakoraga cyatuma ashimagizwa, cyigeze
kimuturukaho. Kristo yari ahishwe mu Mana, kandi Imana yiyerekaniye
mu mico y’Umwana wayo.” —Umurimo wo Gukiza p. 32.
b. Ni iki kigomba kuba ishingiro ry’imibereho ya Gikristo? Aba-
galatiya 6:14.
“Abamalayika baha Kristo icyubahiro no kumuhimbaza, ndetse bum-

va nta mutekano bafite iyo bitegereje imibabaro y’Umwana w’Imana.... Iyo
hatabaho umusaraba ntacyajyaga kubarinda ikibi nk’uko byari bimeze ku
bamalayika mbere yo kugwa kwa Satani.... Ushaka kubona umutekano
muri iyi si no mu ijuru, agomba kwitegereza Ntama y’Imana....
“Iyaba abantu bashoboraga kwitegereza urukundo rwa Kristo rwaga-
ragariye ku musaraba, kwizera kwabo kwakomerezwa ku guha agaciro
amaraso ye yamenwe, kandi bashobora kuhagirwa no gukizwa ibyaha.”
—Ubusobanuro bwa Bibiliya bw’Abadivantisiti b’Umunsi wa Karindwi [E. G. White Com-
ments], vol. 5, pp. 1132, 1133.
c. Ni gute Umukristo w’ukuri azarebera imirimo ye mu mucyo
w’imirimo ya Kristo? Abafilipi 3:4-9; Yesaya 6:5.
“Uko abayoboke b’Imana barushaho kwitegereza imico ya Kristo niko

bazarushaho kwicisha bugufi kandi bagabanye kwiyemera.... Iyo basoba-
nukiwe ko badakwiriye no kwitegereza icyubahiro gitangaje cy’Imana, ba-
reka inarijye yabo.” —Kugirango Mumenye, p. 122.
44
5. ABAKRISTO BERA IMBUTO
a. Ni mpamvu ki Imana ishaka kuzuza imirimo myiza mu mi-
bereho y’Umukristo iturutse mu mutima wahindutse? Matayo
5:14-16; 1Petero 2:9.
“Biri muri gahunda y’Imana ko abantu bose bifuza kuragwa agaki-

za gakomeye bamubera abavugabutumwa. Ubutungane bw’Umukristo
bushingiye ku rugero iby’isi bihanganye n’ubutumwa bwiza. Ibigeragezo
byihanganiwe, imigisha yakiranywe gushima, ingeso nziza, ubugwaneza,
imbabazi n’urukundo no guhora uteraganwa, uwo ni umucyo urabagira-
nira mu mico imbere y’ab’isi, kandi ukagaragaza ikinyuranyo kiboneka
mu mwijima uturuka mu kwikunda ko mu mutima wa kamere.” —Abaku-
rambere n’Abahanuzi.p. 134.
“Iyo ubuntu bwa Kristo bugaragariye mu magambo no mu bikorwa
by’umwizera, umucyo we uzavira abari mu mwijima; kuko iminwa ye iza-
ba ivuga ibyo gushima Imana, kandi ikiganza cye kibangurirwa gufasha
abari mu kaga ko kurimbuka.” —Sons and Daughters of God, p. 276.
b. Tugendeye ku mateka, ni ubuhe bumenyi Kristo ahora yite-
gereza mu itorero rye? Ibyahishuwe 2:2,9,13,19; 3:1,8,15. Ni
mpamvu ki Yesu yita cyane ku mirimo y’abayoboke be? Yako-
bo 2:21,22,24; Ibyahishuwe 22:12.
“Ab’isi baduhanze amaso, kandi twitegerezwa n’abantu benshi tutazi.

Hariho bamwe basobanukiwe n’amahame twizera, kandi bahora baneka
aho bihuriye no kwizera kwacu kugaragarira mu mico yacu.” —Ubutumwa
Bwatoranijwe vol.2 p.386.
“Isi iratakishwa n’ubukene bwo guhishurwa kwa Kristo Yesu mu mi-
bereho y’abayoboke be.” —In Heavenly Places, p. 313.
Kuwa Gatandatu 24 Werurwe
1. Ni mpamvu ki kwizera k’ukuri iteka gukora?
2. Twakwiringira dute ko imirimo dukora igihe cyose iba ivuye ku Mana?
3. Ni mpamvu ki umutima utarahindutse utajya wera imbuto
y’urukundo rutikanyiza?
4. Sobanura itandukaniro riri hagati y’umuzi n’imbuto mu mibereho yacu
5. Ni iki Imana n’isi bategereje kubona ku itorero rya Gikristo?
45
KU ISABATO, 4 WERURWE,2017
Amaturo y’Isabato ya Mbere
azagenerwa urusengero rwa
Bengaluru mu Buhinde
Bengaluru (yari isanzwe izwi
nka Bangalore) ni umurwa mukuru
wa Leta ya Karnataka mu Buhinde.
Ni umugi wa gatanu mu migi minini
y’Ubuhinde igizwe n’abaturage mi-
liyoni zirenga cumi n’imwe mu 2016.
Bengaluru irangwa n’ikibaya gifite ibintu
nyaburanga aho mu Buhinde bituma icyo gihu-
gu kihakorera ubushakashatsi n’ikoranabuhanga.”
Umurimo wageze aha hantu muri 2009, ubwo mwene data umwe
yahabonaga itsinda ry’abantu bemera ubutumwa bwacu bakemera kwi-
fatanya n’umurimo w’Ivugurura. Nyuma yo kuyoborwa mu kuri kw’iki
gihe, bakiriwe mu mukumbi wa Kristo.
Mu myaka yatambutse iryo tsinda ryasengeraga mu nzu nto ikodeshwa.
Mu 2014, kubera kwaguka kw’itorero bavuye aho bakodeshaga mbere,
maze bimukira ahandi bakodesha, kandi bakaba bashobora kuhakwirwa
bose. Nubwo bimeze bityo, icyo cyumba cya kabiri bari bimukiyemo cyari
kirimo ingazi kitaringaniye. Kumanuka no kuzamuka aho hantu buri gihe
uko baje mu materaniro byagoraga abizera bakuze. Bene data bongeye kwi-
fuza kubona ahantu hahoraho ho gusengera. Hashyizweho uburyo bwo
gushaka ikibanza. Kubona ikibanza byari bigoye cyane kuko ubutaka bwo
mu mugi nka Bengaluru burahenze cyane. Abizera batangiye gukwirakwira
mu mugi bashaka akazi kandi bacuruza, kuburyo byatangiye guteza rwase-
rera mu isoko bakoreragamo. Kubwo gufashwa n’Imana, bene data bagera-
geje gukora kandi bigurira ikibanza kibakwiriye.
Ubu bene data bari mu kwitegura kuzamura urusengero rw’Uwiteka
aho muri uwo ‘Mujyi w’Inganda’, ahantu ubutumwa bwiza bushobora
kubwirizanywa imbaraga mu bazimiye. Turasaba Imana ngo itwugururi-
re amarembo y’ijuru maze idusukire imigisha yayo kubw’uwo mushinga.
Tuboneyeho no gutabaza bene data ku isi yose kudufasha gusohoza uyu
mushinga. Turasaba Imana ngo yugurure imitima yanyu kugira ngo mubashe
gutangana ubuntu kuri iyi Sabato ya Mbere. Bene data mumenye yuko ubufa-
sha muzatanga buzaba umutungo w’ibyishimo byinshi ku bizera ba Bengaluru.
Tunarabasaba gusabira uyu mushinga kugira ngo uzabone ibikoresho.
Imana ibahe imigisha myinshi mu ituro muzatangana ubuntu muri
uyu mushinga kuri iyi Sabato.
Bene so na bashiki banyu b’i Bengaluru.
46
Icyigisho cya 9 Ku Isabato, 4 Werurwe, 2017
Umukiza Wa Aburahamu
“Aburahamu sekuruza wanyu yifujije cyane kureba umunsi
wanjye, kandi awubonye aranezerwa.” (Yohana 8:56).
“Binyuze mu bitambo n’amasezerano y’Imana, ibyo ‘byabwirije Abu-
rahamu ubutumwa bwiza bw’ ibitaraba’ (Abagalatiya 3:8). Kandi kwizera
k’uwo mukurambere kwashikamishijwe ku Mucunguzi ugiye kuza.” —
Abakurambere n’Abahanuzi.p.154.
Igitabo Cyifashishijwe: Uwifuzwa Ibihe Byose pp.752-760,785-787
1. ISHUSHO YA KRISTO
a. Ni nde Isaka yashushanyaga? Itangiriro 22:7-9; Abaheburayo
11:17-19.
“Isaka yashushanyaga Umwana w’Imana, witanzeho igitambo

cy’ibyaha by’abari mu isi. Imana yashakaga gucengeza muri Aburahamu
ubutumwa bw’agakiza k’umuntu. Kugira ngo ibi bigerweho, no gutuma
ukuri kumubera impamo ndetse bifatanije no kugerageza kwizera kwe,
yamusabye gutamba umwana we yakundaga. Agahinda n’umubabaro
byose Aburahamu yihanganiye binyuze muri icyo kigeragezo cyijimye
kandi giteye ubwoba byari bigamije gucengeza mu bwenge bwe inama
yo gucungura umuntu waguye. Byatumye asobanukirwa binyuze mu bu-
nararibonye bwe bwite ko byagoye Imana kwitangaho igitambo binyuze
mu gutanga Umwana wayo kugira ngo aze gupfira umuntu amukure mu
irimbukiro.” —Ibihamya vol. 3 p.369.
b. Ni gute Imana yahishuriye Aburahamu umunsi wa Kristo?
Itangiriro 22:13; Yohana 1:29; Yesaya 53:7.
“Aburahamu.... yabonye ko mu gutanga Umwana wayo w’ikinege

ikunda kugira ngo akize abanyabyaha kurimbuka kw’iteka ryose, Imana
yari itanze igitambo gikomeye kandi gitangaje kirenze icy’umuntu wese
ashobora gutanga.” —Uwifuzwa Ibihe Byose p. 469.

47
2. IGITAMBO GIHERANIJE
a. Sobanura ukuntu Imana yagerageje guhishurira Aburahamu
agaciro k’igitambo gikomeye yagombaga gutanga binyuze mu
Mwana wayo w’ikinege. Itangiriro 22:11,12,16; 1Yohana 4:9,10.
“Data wa Twese wo mu ijuru yarunduriye Umwana we w’ikinege

akunda mu mibabaro yo kubambwa ku musaraba. ibihumbi byinshi
by’abamalayika bahamije ibyo gucishwa bugufi n’umubabaro ushengura
umutima by’Umwana w’Imana ariko ntibemererwa kumutabara nk’uko
byagenze kuri Isaka. Ntajwi ryigeze ryumvikana ryo guhagarika icyo
gitambo. Umwana w’Imana ukundwa, Umucunguzi w’isi, yaratutswe,
arakwenwa, ahindurwa igishungero, kandi arashinyagurirwa kugeza
igihe acurikiye umutwe agatanga. Mbega ubuhamya bukomeye Isumba
byose yaduhaye mu kutugaragariza urukundo n’impuhwe? – Kugirango Mu-
menye, p. 20.
“Umubabaro ukomeye Aburahamu yagize muri iyo minsi y’umwijima
y’icyo kigeragezo giteye ubwoba byatumye ashobora gusobanukirwa ahe-
reye ku bunararibonye bwe bwite ibirebana n’igitambo gikomeye Imana
yadutangiye kugira ngo icungure umuntu.” —Abakurambere n’Abahanuzi p.154.
b. Sobanura ukuntu Yesu yamenye ko Se ariwe wamutanze
nk’igitambo cy’abari mu isi bose nk’uko Isaka yamenye ko se
ariwe umutanze. Itangiriro 22:10; Matayo 26:38,39; Abafilipi 2:8.
“Yesu yasize urugo rwe rwo mu ijuru maze aza muri iyi si y’umwijima
kugira ngo yishyireho ubuhanya bwose bw’umuntu, kugira ngo abone
uko akiza abiteguye kurimbuka.” —The Bible Echo, 1 Mutarama, 1893.
c. Ni uwuhe mubabaro ukomeye Kristo yahuye nawo igihe yi-
tangagaho igitambo kitagira akagero? Zaburi 69:18-21; Yesaya
53:4,10,12.
“Umubabaro wo kuba yari yatandukanye n’urukundo rwa Se nibyo

byongeraga imibabaro ya Kristo... Umubabaro we ukomeye, waterwaga
no gutekereza ko isaha yari akeneyemo Imana aribwo yamutereranye,
byamwongereye umubabaro umunyabyaha azasobanukirwa bidatinze,
igihe Umwuka w’Imana azaba amukuweho.” —Mind, Character, and Persona-
lity, vol. 2, pp. 464, 465.
48
3. YARETSWE KUBERA ICYAHA
a. Ni mpamvu ki Kristo yaretswe, ariko Isaka we ntarekwe? Itangiri-
ro 22:12; Matayo 27:42,43,46; Yohana 3:17; 12:27; 2 Abakorinto 5:21.
“Abamalayika bo mu ijuru bifatanije n’Umuyobozi wabo bakunda.

Bari biteguye kujugunya amakamba yabo hasi maze bakajya kumufasha.
Ariko ibi ntibyari muri gahunda y’Imana.” - The Upward Look, p. 223.
“Inshungu yacu yo mu ijuru yemeye gusogotesha umutima we inkota
ye y’ubutungane ku bushake bwe, kugira ngo tutarimbuka ahubwo du-
habwe ubugingo buhoraho.” —Ubutumwa Bwatoranijwe vol.1 p.322.
a. Mbese kuba Aburahamu yarasize abagaragu be inyuma, maze
we n’umwana bakajyana ku gicaniro bishatse kuvuga iki?
Itangiriro 22:3-5,8; Yohana 16:32.
“Abamalayika bahamije iby’imibabaro y’Umukiza bafite gutangara

kwinshi. Ingabo zo mu ijuru zatwikiriye mu maso hazo zitinya kumureba.
Bari bafitiye Impuhwe zitagira akagero Umuyobozi wabo washinyagu-
rirwaga kandi wari ugiye gupfa. Izuba ryarahunze ryanga kureba ibiri ku-
mubaho. Umucyo waryo wose uko wakabaye wamurikiye isi ku manywa
y’ihangu, ryasaga n’iryenda kumanukira isi, maze mu kanya gato riba ri-
razimye. Umwijima w’icuraburindi umeze nk’uw’urupfu rutunguranye,
ugota umusaraba....
“Muri uwo mwijima uteye ubwoba mu maso h’Imana hari hatwiki-
riye...Data yari kumwe n’Umwana we. Ariko mu maso he ntihagaragara-
ga. Iyo ubwiza bwe bwahuranya uwo mwijima w’igicu, buri muntu wese
wari kubwitegereza yari gupfa. Kandi muri iyo saha ibabaje Kristo ntiya-
gombaga guhumurizwa no mu maso ha Se.” —Uwifuzwa Ibihe Byose p. 753,754.
b. Ni gute twamenya ko Kristo yatereranywe ariko ntarekwe burun-
du? Yesaya 54:7,8; Ibyakozwe 2:22-24,27; 1Abakorinto 15:55-57.
“Yesu yarahambwe. Yagiye mu mwijima w’igituro maze asogongere-

ra buri muntu wese urupfu. Ariko ntiyaheranywe n’imbaraga z’umwanzi.
Malayika ukomeye uvuye mu ijuru yaraje abirindura igitare agikura ku
gituro....Kristo yasohotse mu gituro ari umuneshi kandi asohokana mu gi-
turo iminyago myinshi.” —Ibimenyetso by’Ibihe, 25 Ugushyingo, 1889.

49
Kuwa Kane 1 Werurwe
4. UMUKIZA WAZUTSE
a. Sobanura uburyo Aburahamu yizeye imbaraga yo kuzuka.
Itangiriro 22:5; Abaheburayo 11:19.
“Uyu mwana [Isaka] yatanzwe atari yitezwe; kandi ni gute uwo wa-
tanze impano y’igiciro atashoboraga kongera kuyigarurira nyirayo? Ubwo
nibwo yongeye kwibuka isezerano ngo, ‘kuko kuri Isaka ari ho urubyaro
ruzakwitirirwa-urubyaro rwawe ruzangana n’umusenyi woku nyanja
(Itangiriro 21:12). Isaka yari umwana w’igitangaza, kandi ni gute imbara-
ga yamutanze itashoboraga kongera kumumugarurira? Arebeye ku biga-
ragara, Aburahamu yibutse amagambo y’Imana agira ati; ‘Kuko yibwiye
yuko Imana ibasha ndetse kuzura n’ abapfuye, ni cyo cyatumye amuga-
rurirwa nk’ uzutse.’ (Abaheburayo 11:19).” —Abakurambere n’Abahanuzi p.151.
b. Sobanura icyo urupfu n’umuzuko bya Kristo bisobanuye ku
kiremwa muntu. Abaheburayo 2:14,15; 2Timoteyo 1:10; Aba-
roma 6:5.
“Satani ntashobora guherana abapfuye mu gihe Umwana w’Imana ya-

tegetse ko babaho, ntashobora kwica umuntu mu by’umwuka, mu gihe
yakiriye ijambo rya Kristo rifite imbaraga afite kwizera. Imana irabwira
abishwe n’ibyaha bose ngo, “Usinziriye we, kanguka uzuke, Kristo abone
uko akumurikira!”(Abefeso 5:14).Iryo jambo ni ubugingo buhoraho.” —
Uwifuzwa Ibihe Byose p.320.
c. Ni gute kunesha urupfu kwa Kristo ari ingenzi ku mwizera?
1Abakorinto 15:12-19; 1 Petero 1:3; Yohana 11:25,26.
“Iminyago yasohotse mu gituro mu gihe cyo kuzuka kwa Yesu

wari umuganura wo kunesha kw’Igikomangoma. Iki gihamya cyo gut-
sinda urupfu n’igituro; uko niko yari atanze ubuhamya bwo kuzuka
kw’abakiranutsi bose bapfuye.” —Ubusobanuro bwa Bibiliya bw’Abadivantisiti
b’Umunsi wa Karindwi[E. G. White Comments], vol. 5, p. 1109.
“Wa wundi ufite ubutware wenyine bwo kuvana abera mu gituro
maze akabambika kudapfa; akabaha gutsinda urupfu n’igituro by’iteka
ryose; ubu afite ubushobozi bwo kurindira imitima yaragijwe mu byirin-
giro akabarinda uwo munsi mubi no kubakiza ingorane zose.” - Manuscript
Releases, vol. 21, p. 273.

50
Kuwa Gatanu 2 Werurwe
5. UMUNEZERO W’AGAKIZA
a. Mbese Aburahamu yumvise ameze ate igihe Imana yamuhis-
huriraga Kristo nk’Umukiza wanesheje icyaha n’urupfu? Yoh-
ana 8:56; Ni mpamvu ki Abakristo bagomba kuba abantu ba-
rangwa n’umunezero mwinshi mu isi? Abafilipi 4:4; Ibyakozwe
2:25-27; 1 Abatesalonike 5:16.
“Mu gihe cy’ingorane nyinshi z’urucantege zagombaga gukoma mu nkoko-

ra imibereho ya Gikristo, Pawulo afite gushikama mu mutima, yuzuye ubutwari
n’ibyiringiro no gushima, yaravuze ati, ’Mujye mwishimira mu Mwami wacu
iminsi yose. Yewe, nongeye kubivuga nti “Mwishime!” (Abafilipi 4:4). Bene
ibyo byiringiro n’ibyishimo biboneka igihe umuntu ari mu bwato buteraganwa
n’umuraba w’ishuheri, ubwato buri hafi kumeneka. Atanga amabwiriza ku
muyobozi w’ubwato kugira ngo arinde ubuzima bw’abari mu bwato bose.
N’ubwo ari imbohe, ariko mu by’ukuri niwe muyobozi w’ubwato kuko aba niwe
uri mu mudendezo kandi unezerewe muri ubwo bwato.” —My Life Today, p. 334.
b. Ni mpamvu ki kuririmba no gushimira Uwiteka ari umugaba-
ne w’ingenzi mu kwizera kwacu? Zaburi 98:1-6; 95:1-8; Ibya-
hishuwe 15:2-4.
“Igihe ubwoko bw’Abisirayeli bwari mu rugendo mu butayu, ibyigi-

sho byinshi byashimangiwe mu ntekerezo zabo binyuze mu ndirimbo....
Ibyo byatumye intekerezo zabo zirenga ibigeragezo n’ingorane bahuriraga
nabyo mu nzira, mu muruho w’umubiri n’uw’ubwenge waragabanuka-
ga kandi ugatuza, amahame y’ukuri yashimangirwaga mu bwenge, kandi
kwizera kugakomezwa.” - Uburezi p.39.
“Iyaba gushima Imana kwashyirwagamo imbaraga cyane muri iki
gihe, ibyiringiro n’ubutwari no kwizera byakwiyongera bwangu.”—Aba-
hanuzi n’Abami p. 202.

1. Ni mu zihe nzira Isaka yashushanyagamo Kristo?
2. Nigute ubunararibonye bwa Aburahamu bwahishuye ubusobanu-
ro bwimbitse bw’igitambo cy’Imana?
3. Sobanura impamvu Kristo yagombaga kwiyumvamo ingaruka zo
kwiyumvamo ko yatereranywe.
4. Ni iki umuzuko usobanuye ku Mukristo?
5. Ni uwuhe muti wizewe w’umunaniro?
51
Kwihangana kwa Aburahamu

“Tegereza Uwiteka, Komera umutima wawe uhumure, Ujye ute-
gereza Uwiteka.”(Zaburi 27:14).
“Mu gihe tubuze amahoro mu ntekerezo, na mbere yuko tuyi-
menyesha akababaro kacu, [Imana] iba itegura uburyo bwo kuduta-
bara.” —Our High Calling, p. 316.
Ibitabo Byifashishijwe: Kugana Yesu pp. 93-104,
Guhamagarwa Kwacu Guhebuje pp. 315-319
Kuwa Mbere 5 Werurwe
1. IBYIFUZO BY’UMUTIMA
a. Ni iki umutima wa Aburahamu wifuzaga?Itangiriro 15:1-3.
Ni iki Imana yasezeranije abayizera? Zaburi 37:4,5; Matayo
21:21,22.
“Buri sezerano ryose ryo mu Ijambo ry’Imana ni iryacu. Mu masenge-

sho yawe erekeza gusaba kwawe kuri Yehova kandi usabe amasezerano
ye ufite kwizera. Ijambo rye riduhamiriza ko nuyisaba wizeye uzahabwa
imigisha yose y’iby’umwuka. Komeza usabe, kandi uzahabwa ibirenze
ibyo wasabye n’ibyo utekereza byose. Imenyereze kugira ibyiringiro bi-
tagira kirogoya mu Mana. Ibikurushya byose bimwikoreze. Jya utegereza
wihanganye ntazagutererana.” —Mu Buturo Bwera bwo mu Ijuru p.71.
b. Igihe dusabye Imana kudusohoreza icyifuzo cy’umutima
wacu, ni iki kandi kitagomba kubura mu gusaba kwacu? Yako-
bo 4:13-15; Matayo 26:39.
“Icyo dusabwa buri gihe ni uko tugomba gushyira ibyifuzo byacu

Data wa twese wo mu ijuru wuzuye ubwenge bwose, kandi tukabikora
dushyize ibyiringiro byacu byose muri we. Tuzi neza ko Imana itwum-
va iyo tuyisabye ibihuje n’ubushake bwayo. Ariko guhatiriza dutakamba
nyamara tuticishije bugufi ibyo nta mumaro; amasengesho yacu agomba
kuba afite ifato, atari ugutegeka, ahubwo ari uguhendahenda.” —Umurimo
wo Gukiza p.230.

52
Kuwa Kabiri 6 Werurwe
2. GUTEGEREZA KURENZA UKO BYARI BYITEZWE
a. Sobanura uko Imana yashubije isengesho rya Aburahamu igi-
he yari amaze gusohoza ibyo asabwa?Itangiriro 15:3,4.
“Kubera ko Aburahamu atari afite umwana, yabanje gutekereza ko

umugaragu we yiringiraga Eliyezeri, ariwe azatoranya akamugira umwa-
na we maze akamuraga ibye. Ariko Imana yamenyesheje Aburahamu ko
umugaragu we atazaba umwana we kandi ko atazaragwa ibye, ahubwo
ko azabona umwana we bwite.” —Impano z’Umwuka vol.3 pp.100,101.
b. Nubwo Imana yahise isezeranira Aburahamu kumuha umwa-
na, kuki itamumenyesheje igihe azavukira? Ibyakozwe 1:6,7;
Imigani 16:9; Zaburi 34:8.
“Imana yashatse gusuzuma Aburahamu gushikama ko kwizera no

kwiringira amasezerano yari yaramuhaye.”Ibid. p.101.
“Ntidukwiriye gutegereza ko umucyo wose w’izuba urasira isi. Ibi-
cu n’umuyaga w’ishuheri bizatubudikaho, kandi tugomba kuba twite-
guye guhanga amaso yacu aho duheruka kubonera umucyo. Imirasire
y’umucyo ishobora kuba ihishe ariko iba igikomeje kumurikira inyuma
y’ibicu. Ni umurimo wacu gutegereza, kuba maso, gusenga no kwizera.
Dukwiriye guhanga amaso ku mucyo w’izuba kuruta uko tuyahanga
ku bicu. Tuzabona agakiza k’Imana nituyiringira mu gihe cy’umwijima
nk’uko tuyiringira no mu mucyo.” —Our High Calling, p. 318.
c. Igihe amasengesho yacu adashubijwe mu gihe twari twiteze,
ni akahe kaga tugwamo? 1 Abakorinto 10:9,10; Abaheburayo
3:12-14; Mbese bitwerekeza he? Itangiriro 16:1-6.
“Mu gihe amasengesho yacu adashubijwe, tuba dukwiriye kwishin-

gikiriza ku masezerano, kuko igisubizo kiba kizaza mu gihe gikwiriye,
kandi ko tuzahabwa imigisha y’Imana dukeneye. Ariko kwibwira ko ama-
sengesho yacu azasubizwa mu buryo buhuje n’inzira zacu zose, cyangwa
ko ikintu twifuza cyose tugihabwa, uko ni ukwishuka. Imana irakiranuka
ku buryo idashobora kwibeshya, kandi ni nziza kuburyo idashobora ku-
gomwa abantu ibyiza mu gihe bagenda batunganye. Bityo rero ntimuga-
tinye kuyiringira, n’ubwo mutahita muhabwa igisubizo cy’amasengesho
musabye. Nimujye mwishingikiriza kuri aya masezerano ngo, ‘Musabe
muzahabwa’ (Matayo 7:7).”— Kugana Yesu p.96.
53
Kuwa Gatatu 7 Werurwe
3. INGORORANO YO KWIZERA
a. Ni ibihe bintu bibiri Imana ishaka ko twizera? Abaheburayo 11:6.
Ni iki Aburahamu yeretswe mbere na mbere? Itangiriro 15:4-6.
“Ntidukwiriye gutakambira Imana tuyigerageza ngo turebe niba

izasohoza ijambo ryayo, ahubwo izabisohoza, si ukugira ngo turebe ko
idukunda ahubwo iradukunda.” —Uwifuzwa Ibihe Byose p.126.
b. Kuko Imana yari imaze kwanga ko Ishimayeli ariwe rubyaro
rwasezeranywe, byafashe igihe kingana iki cy’igeragezwa ryo
kwizera kw’Aburahamu na Sara barindiriye ko basohorezwa
amasezerano? Itangiriro 17:15-18; 18:9-12.
“Igihe Aburahamu yari hafi kuzuza imyaka ijana, yongeye kwibutswa

isezerano ry’umwana, kandi ahamirizwa ko urwo rubyaro ruzakomoka
kuri Sara. Ariko Aburahamu ntiyasobanukiwe iby’iri sezerano. Ubwa
mbere intekerezo ze zabanje kwerekera kuri Ishimaeli, yiringiye ko binyu-
ze muri we imigambi y’agaciro y’Imana izasohorezwa muri we.” —Abaku-
rambere n’Abahanuzi p.146.
c. Mbese buri sengesho ryabaga risubijwe ryabaga rigendanye n’iki?
Itangiriro 18:14; 21:1,2; Ni iki tugomba guhora twibuka kubirebana
n’uko Imana ibara igihe nuko tukibara? Habakuki 2:3.
“Buri sengesho risenganywe kwizera rizasubizwa. Igisubizo gisho-

bora kuza uko utifuza, cyangwa mu gihe utatekerezaga; ariko kizaza mu
nzira no mu gihe kikubereye cyiza. Amasengesho usenga mu gihe uri mu
bwigunge, igihe ucitse intege, mu bigeregezo, Imana isubiza akenshi ida-
shingiye ku byo witeze kugusubiza, ariko none iguha ibyakubera byiza.”
—Gospel Workers p. 258.
“Inshuro nyinshi Imana ntisubiza amasengesho dusenze inshuro
imwe tuyitabaza, kuko iramutse ibikoze, twakwibwira ko dufite uburen-
ganzira ku migisha yose igihe dushakiye ndetse no ku mpano iduha. Mu
cyimbo cyo gushakashaka mu mitima yacu kugira ngo turebe niba hari
ikibi twimitse kandi cyatubase, ahubwo tuyizaho turi abanenganenzi, nti-
tumenye ko tugengwa nayo kandi ko dukeneye gufashwa nayo.” —Urwi-
butso n’Integuza, 27 Werurwe, 1913.

54
Kuwa Kane 8 Werurwe
4. KWIHANGANA KURAKENEWE
a. Kuki inshuro nyinshi Imana itajya yemera gusubiza amasen-
gesho ako kanya? Yakobo 1:2-4; Abaroma 8:24,25.
“Twese iyo dusenga tuba twifuza kandi dutegereje ko amasengesho

yacu asubizwa ako kanya, maze tugacika intege mu gihe igisubizo gitinze
cyangwa se tugahindura inyifato yacu. Nyamara Imana ni nziza kandi iki-
ranukira gusubiza amasengesho yacu igihe cyose no mu buryo bwose twi-
fuza. Izadukorera ibyiza byinshi kandi birenze ibyo twifuza byose. Kandi
kubera ko twiringira ubwenge bwayo n’urukundo rwayo, ntidushobora
gusaba ibihuje n’ubushake bwacu bwite, ahubwo dukwiriye gushaka uko
twamenya imigambi yayo no gukora ibihwanye nayo. Ibyifuzo byacu
n’inyungu zacu bigomba kuzimirira mu bushake bw’Imana. Ubu buna-
raribonye busuzuma kwizera kwacu ni inyungu kuri twe. Binyuze muri
bwo bigaragara ko kwizera kwacu ari uk’ukuri kandi gutunganye, mu
gihe kwishingikirije ku ijambo ry’Imana gusa, cyangwa se ko ingorane
zacu arizo zituma kudashyika kandi guhindagurika. Kwizera gukomezwa
no kugukoresha.” —Umurimo wo Gukiza p.230,231.
b. Ni ubuhe bwishingizi tugomba kugira mu masezerano y’Imana
n’ubwo atasohozwa nk’uko twari tubyiteze? Abaheburayo
6:13-18; Yesaya 55:8-11; Zaburi 27:14.
“Nimukorere mu kwizera maze ingaruka muziharire Imana. Musenge

mufite kwizera, kandi ubwiru bw’ubushake bwayo buzazana n’igisubizo.
Hari igihe ibona ibintu byagushobeye. Ariko kora kandi wizere, mu mi-
hati yawe ushyiremo kwizera, ibyiringiro n’ubutwari. Nyuma yo gukora
iby’ushoboye byose, jya utegereza Uwiteka, uvuge uburyo ari uwo kwi-
zerwa, kandi azasohoza ijambo rye. Jya utegereza ariko udafite kwiheba,
ahubwo ujye utegereza ufite kwizera gushikamye n’ibyiringiro bitanye-
ganyega. —Ibihamya vol.7 p.245.
“Nimutegereze Uwiteka, nongeye kubivuga nti, nimutegereze Uwi-
teka. Dushobora gusaba ubufaha bwa kimuntu ariko ntitugire icyo du-
habwa. Mushobora gusaba Imana kandi yavuze ko muzahabwa. Mbere
na mbere mubanze kumenya uwo muhanzeho amaso; mumenye uwo
mwiringiye. Ntimukwiriye kwiringira umuntu cyangwa ngo mwishime
amaboko yanyu Mujye mwirinda gukabya mu gihe mutakambira Ishobo-
ra byose yavuze iti, ‘Naho bitaba bityo, ahubwo yisunge imbaraga zanjye
abone kuzura nanjye, ndetse niyuzure nanjye.’ (Yesaya 27:5). Bityo rero
nimutegereze, mube maso, musenge kandi mukore, muhore muhanze
amaso kuri Zuba ryo Gukiranuka.” —Reflecting Christ, p. 119.
55
Kuwa Gatanu 9Werurwe
5. KWIHANGANA KW’ABERA
a. Ni ibihe bimenyetso biranga ubwoko bw’Imana bwasigaye?
Ibyahishuwe 14:12. Kuki urukundo, nk’uruziga rugose urwego
rwa Gikristo, rutashyizwemo? 2 Petero 1:5-7; Yakobo 5:7,8.
“Umugambi uhamye n’umuhati udatezuka, nibyo bizatuma tugera ku

gutsinda guheruka. Uwihangana akageza imperuka niwe uzakizwa. Aba-
shaka ubugingo buhoraho n’ingororano yo kudapfa babishakisha gukora
ibyiza badacogora.... Abinjira muri uru rugamba bose kugira ngo bahan-
gane na Satani n’ingabo ze, bafite umurimo ukomeye imbere yabo. Bago-
mba kuba bakomeye nk’icyuma, kuburyo cyanyuzwa mu ruganda kiga-
fata ishusho ikenewe. Bagomba kwihanganira umuruho nk’abasirikare bo
kwizerwa, bahagaze mu birindiro byabo, kandi bakaba abanyakuri igihe
cyose.” —Ibihamya vol.2 pp.101,102.
b. Sobanura uburyo Imana ikoresha ibigeregezo byacu by’uyu
munsi mu kudutegurira kugaruka kwa Kristo. Abaheburayo
10:35-39; Matayo 25:5; 24:13,42-44.
“Mu mibereho y’iby’iyobokamana buri mutima wose ugomba gut-

sinda ubuheruka uzashyirwa imbere ingorane zose n’ibigeragezo byose;
ariko ubumenyi bwo mu Byanditswe Byera buzamushoboza kuzirika-
na amasezerano y’Imana, ari nayo azakomeza umutima we kandi ashi-
kamishe kwizera kwe mu mbaraga z’Ishobora byose....Ikigeragezo cyo
kwizera ni icy’igiciro kuruta izahabu. Abantu bose bagomba kwiga baka-
menya ko iryo ari isomo ryo mu ishuri rya Kristo ryigisha ikinyabupfura,
ry’ingirakamaro cyane mu kweza no kubatunganya ribakuramo imyanda
y’iby’isi.”—God’s Amazing Grace, p. 81.
1. Mbese Imana izaduha icy’umutima wacu wifuza cyose?
2. Ni gute twabyifatamo mu gihe buri sengesho ryacu ridasubijwe
nk’uko twari tubyiteze?
3. Ni gute igihe gishobora guhindagura kwizera kwacu?
4. Muri iyi si yuzuyemo ikoranabuhanga, ni uwuhe muco tugomba
kwimenyereza?
5. Ni gute abananirwa gushyira ibyiringiro byabo bidatezuka mu
Ijambo ry’Imana bazazimirira kure?
56
Gusabira Abanyabyaha
“Mumenye yuko uyobora umunyabyaha akamukura mu nzira
ye yayobeyemo, azakiza ubugingo urupfu, kandi azatwikira ibyaha
byinshi” (Yakobo 5:20).
“Abagabo n’abagore bafite umuhati kandi bitangaho igitambo ba-
rakenewe, bazasanga Imana batakamba cyane kandi babogoza amari-
ra basabira imitima igiye kurimbuka.” —Gospel Workers, p. 26.
Igitabo Cyifashishijwe: Abakurambere n’Abahanuzi, pp. 156–170.
1. SODOMO NA GOMORA
a. Ni ikihe gihano cyahanwe imidugudu y’i Sodomo na Gomora?
Itangiriro 19:24,25; Luka 17:29.
“Uwiteka yagushije urubura rutwika n’umuriro bivuye mu ijuru bi-

manukira iyi midugudu yo mu kibaya kirumbuka; inzu z’ibitabashwa
n’ingoro z’ibigirwamana inzu za cyami, ubusitani n’inzabibu, abinezeza,
n’abishakira ibigezweho ibyo byose byabanje kugenderererwa n’intumwa
zivuye mu ijuru iryo joro - ibyo byose byarakongotse.” —Abakurambere
n’Abahanuzi p. 162.
b. Ni bande iyi midugudu ya Sodomo na Gomora ibera akabaro-
re? 2 Petero 2:6; Yuda 7.
“Ibirimi by’umuriro byakongoye iyi midugudu yo mu kibaya ni umu-

buro kuri twe abariho muri iki gihe. Turi mu guhabwa icyigisho gikomeye
kandi giteye ubwoba cy’uko mu gihe Imana igifitiye abanyabyaha imba-
bazi, haracyariho umupaka utuma abantu badasayisha mu byaha. Igihe
uwo mupaka uzaba ukuweho, imbabazi z’Imana zizakurwaho maze umu-
rimo wo guca amateka uhere ko utangire....
“Ukurimbuka kuri Sodomo ni umuburo ukomeye ku bantu bose haba
abakora ibyaha ku mugaragaro ndetse n’abanga umucyo n’amahirwe
y’igiciro cyinshi bahawe.” —Ibid. pp.162,165.

57
2. GUTAKAMBA KWA ABURAHAMU
a. Ni hehe Loti umuhungu wabo wa Aburahamu yari atuye? Itan-
giriro 13:10-13;19:1.
“Sodomo yari iherereye mu kibaya cya Yorodani kigoswe n’indi midu-

gudu, yari mu kibaya cyari kimeze ‘nk’ingobyi y’Imana’ mu burumbuke
no mu bwiza. Aha hari ibiti by’ubwiza bifite indabo zikengerana.” —Aba-
kurambere n’Abahanuzi p.156.
b. Mu gihe Uwiteka yahishuriraga Aburahamu ko agiye kurim-
bura Sodomo na Gomora, nigute Aburahamu yarwanye ku
muryango wa Loti mu buryo buziguye? Itangiriro 18:22-32.
“Umugabo wo kwizerwa yatakambiye abaturage b’i Sodomo. Ubwa

mbere Aburahamu yabakirishije inkota, none ubu yatwaraniraga kubaki-
risha amasengesho....
“Yatakambye afite kubaha no kwicisha bugufi gukomeye. Nta kwiyirin-
gira cyangwa se kwiringira gukiranuka kwe bwite yari afite. Ntiyasabaga ko
bagirirwa impuhwe kubwo kumvira kwe, cyangwa se kubw’ibitambo yatam-
bye kubwo kumvira ubushake bw’Imana. We nk’umunyabyaha, yasabiraga
umunyabyaha mugenzi we. Uwo niwo mwuka ukwiye kuranga abantu bose
begera Imana. Aburahamu yagaragaje ibyiringiro nk’iby’umwana utakambi-
ra se umukunda. Yasanze intumwa yo mu ijuru akomeje maze ayihendahen-
da ashyizeho umwete....Aburahamu yatekerezaga ko muri uwo mudugu-
du hashobora kuba harimo abandi baramya Imana by’ukuri.... Aburahamu
ntiyamusabye inshuro imwe gusa, ahubwo yamusabye inshuro nyinshi. Asa
naho ibyo asaba bitumvikana, yakomeje gusaba kugeza ubwo ahawe ihumu-
re ry’uko muri uwo mudugudu nihabonekamo abantu icumi, utazarimbuka.
“Urukundo Aburahamu yari afitiye imitima irimbuka nirwo rwatumye
abasabira. Mu gihe yaterwaga agahinda n’ibyaha byononnye uwo mugi, ya-
nifuzaga ko abanyabyaha bakizwa. Ugushishikara gukomeye yagiriye Sodo-
mo kuratugaragariza uburyo dukwiriye guhangayikira abatihana. Dukwiriye
kwanga icyaha ariko tukagirira impuhwe kandi tugakunda umunyabyaha.
Ahatuzengurutse hose hari imitima igiye kurimbuka idafite ibyiringiro, ifite
ubwoba, kandi igiye kugubwaho n’ishyano ryagwiriye Sodomo. Buri munsi
imbabazi zigenda zishira kuri bamwe. Buri saha bamwe bapfa badashyikiriye
imbabazi. None amajwi yo gutanga imiburo no guhendahanda umunyabyaha
kugira ngo ahunge umujinya ugiye gutera arihe? Mbese ibiganza bibanguriwe
kuvana abantu mu rupfu birihe? Mbese abafite kwicisha bugufi no kwizera
gushikamye basaba Imana kugira ngo ikize abo bantu bari he? —Ibid. 139,140.

58
3. ISENGESHO RYASHUBIJWE
a. Sobanura ukuntu Imana yashubije isengesho ry’Aburahamu
ikarokora Loti? Itangiriro 19:1-3;12-16, 27-29.
“Afite agahinda kenshi, Loti yarazaririye, yumva adashaka kugen-

da. Ariko kubw’abamalayika b’Imana, bose bagombaga kurimbukira
muri Sodomo. Intumwa zo mu ijuru zamufashe ikiganza we, umugore
we n’abakobwa be, maze babajyana kure y’umudugudu.” —Abakurambere
n’Abahanuzi.p. 160.
b. Ni ibihe biryoshya dukomeza twongera mu masengesho yacu
kugira ngo agire imbaraga? Abaheburayo 11:6; Matayo 17:14-
20; Matayo 9:29.
“Nimusenge mufite kwizera. Kandi nimurebe niba imibereho yanyu

ihamanya n’ibyo musaba, kugira ngo mubone kwakira imigisha y’ibyo
musaba. Nimureke kwizera kwanyu kwe gucogora, kuko imigisha mwaki-
ra iba ihuje no kwizera mufite. “Bibabere nk’ uko mwizeye.” “Kandi ibyo
muzasaba mwizeye muzabihabwa byose.”(Matayo 9:29; 21:22). Nimusen-
ge, mwizere kandi mwishime. Nimuririmbe indirimbo zo gushimira Ima-
na kuko yumvise gusenga kwanyu. Nimuyigundirire mu ijambo ryayo.
‘uwasezeranije n’uwo kwizerwa,’ (Abaheburayo 10:23). Gutakamba kose
kuvuye ku mutima ntikuzirengagizwa.” —Ibihamya vol.7 p.274.
“Tugomba guhagarara dushikamye kandi tutanyegenyega ku mase-
zerano y’Imana. Tugomba kugira kwizera kuticuzwa, kwizera kugundira
ibitagaragara, kwizera gushikamye kandi kutanyegenyega. Bene uku kwi-
zera kuzazanira imitima yacu imigisha yo mu ijuru.” —My Life Today, p. 8.
c. Nigute tugomba guhora dufite ibyiringiro by’uko Imana izata-
bara abakiranutsi? 1Petero3:12; Zaburi 145:18,19; 55:22.
“Mu gihe cy’amasaha acuze umwijima, mu ngorane zidashobora guku-

mirwa, Umukristo wizera azashikamisha umutima we ku isoko y’umucyo
n’imbaraga. Buri munsi ibyiringiro bye n’ubutwari bwe bihora bigirwa
bishya binyuze mu kwizera... Uwiteka azasohoreza abashyira ibyiringiro
muri we, ibirenze ibyo bari biteze guhabwa. Bazahabwa ubwenge buheje
n’ubukene butandukanye bafite.” —Ibid. p. 55.
59
Kuwa Kane 15 Werurwe
4. GUSABIRA IMITIMA
a. Ni iyihe nyifato izaranga abatuye isi mbere y’uko Yesu aga-
ruka? Luka 17:28-30; 2 Timoteo 3:1-6.
“Neretswe imiterere y’isi, yuko iri kwihutira kuzuza igikombe cyo

gukiranirwa kwayo. Imyivumbagatanyo n’urugomo by’uburyo bwo-
se nibyo byuzuye mu isi, kandi Satani arakoresha uko ashoboye kugira
ngo ubugome n’ibyaha by’urukoza soni bibe gikwira. Urubyiruko ruze-
rera mu mayira rugoswe n’ibinyamakuru ndetse n’impapuro byuzuyemo
ubugome n’ibyaha, bigakwirakwizwa mu nkuru cyangwa bigakinwa mu
makinamico. Intekerezo zabo ziratozwa kwimenyereza ibyaha. Inyifa-
to z’urukoza soni n’ubugome binyuzwa imbere yabo mu mvaho, kandi
buri kintu cyose gikangura amatsiko ndetse kikabyutsa n’iruba rya kinya-
maswa binyuzwa imbere yabo mu nkuru zinejeje kandi zishamaje.”
“Inyandiko zituruka muri abo banyabwenge bononekaye, zihumanya
intekerezo z’abantu ibihumbi byinshi muri iyi si yacu. Icyaha ntikigifatwa
nk’ikintu giteye ubwoba. Bumva kandi bagasoma izo nyandiko zuzuyemo
ibyaha bishishana kandi by’urukoza soni bizacwekereza umutimanama,
maze amagambo n’ibikorwa bibi bikaba aribyo bishishikaza abo bantu.”
—Ibihamya vol.3 p. 471,472.
“Abantu ibihumbi byinshi bararwana intambara bihunza Imana, kandi
baragenda bakirana ubwuzu imigani yahimbwe n’abantu kugira ngo ba-
bone uko bagenda mu nzira yo kutitegeka nta kirogoya.” —Ubusobanuro bwa
Bibiliya bw’Abadivantisiti b’Umunsi wa Karindwi [E. G. White Comments], vol. 5, p. 1122.
b. Sobanura ukuntu dushobora kugira inyifato yo gusenga nk’iyo
yaranze Aburahamu. Ezekieli 9:4; Yakobo 5:16-20.
“Ntidukwiriye gucira abandi ho iteka; uwo siwo murimo wacu;

ahubwo dukwiriye gukundana no gusabirana. Nitubona hari umuntu
uvuye mu kuri, tujye tumuririra nk’uko Kristo yaririye Yerusalemu.” —Ib-
ihamya vol.5 pp..345,346.
“Mwene so nayoba, nibwo igihe kizaba kigeze cyo kumugaraga-
riza urukundo rurenze. Nimumusangane ubugwaneza, musengane
nawe kandi mumusabire, muzirikana n’igitambo kitarondoreka Kristo
yamwishyuriye kugira ngo amucungure. Muri iyo nzira nibwo muza-
shobora gukiza uwo mutima mukawuvana mu rupfu kandi muzatwikira
ibyaha byinshi.” —Ibid. 58,59.
“Abantu badaterwa agahinda n’intege nke zabo mu by’umwuka, kan-
di bakaba batarizwa n’ibyaha by’abandi, ntibazashyirwaho ikimenyetso
cy’Imana.” —Ibid. p. 211.S
60
5. URUBANZA RUHERUKA
a. Ni ibiki tugomba gukora kugira ngo dutabare imitima igiye
kurimbuka? Ibyahishuwe 14:7,10,11; 15:1.
“Abanyabyaha ntibashobora kurwanya ishusho yo kwera, kandi nti-

banga kugenda muri nyamwinshi kuko aho nta musaraba basabwa kwiko-
rera. Umutima wa kamere nta mpaka ushobora guteza mu idini itaran-
gwamo ibintu bituma umunyabyaha ahinda umushyitsi, cyangwa se ngo
bizanire umutima n’umutimanama ukuri guteye ubwoba k’urubanza ru-
giye kuza. Kwigaragaza k’Umwuka n’imbaraga by’Imana nibyo bibyutsa
intambara, maze bigatera umutima wa kamere kwigomeka. Ukuri gukiza
ubugingo ntiguturuka ku Mana gusa, ahubwo Umwuka wayo nawo aku-
geza no ku bandi, icyakora kukagira imbaraga nke imbere y’abahagurukira
kukurwanya.” —Gospel Workers (1892), p. 66.
b. Kimwe n’uko byagenze kuri Loti, nigute twamenya ko benshi
bazashaka uburyo bakwihunza urubanza rugiye kuza? Itangi-
riro 19:17; Luka 17:28-32; 1Petero 4:17,18.
“Imanza z’Imana zigiye kumanukira isi bidatinze. Umuburo utangwa

n’abamalayika b’Imana ni uyu ngo ‘hunga udapfa’ (Itangiriro 19:17). Hari
andi majwi agenda yumvikana agira ati: ‘Ntimugire ubwoba, nta mpamvu
yatuma havuzwa impanda idasanzwe.’ Abari ku marembo y’i Siyoni ba-
ravuga bati, ‘Ni amahoro nta kibi kiriho,’ nyamara ijuru riri gutangaza ko
kurimbuka gutunguranye kugiye kugera ku banyabyaha ...Uko niko isi ya
kera ndetse na Sodomo na Gomora barimbuwe n’umuriro.” —Ibihamya vol.
5p.233.

1. Ni uwuhe muburo duhabwa ukomoka ku byabaye i Sodomo?
2. Ni uwuhe ukwiye kuba umutwaro wa buri Mukristo?
3. Sobanura uko isengesho ryo kwizera rishobora gukiza umutima.
4. Ni iyihe nyifato dukwiriye kugira muri iki gihe kuruta mbere
hose?
5. Sobanura impamvu umuburo uheruka ugomba gutangwa bwangu.
61
Umurage Wa Aburahamu
“Kuko yategerezaga umudugudu wubatswe ku mfatiro, uwo
Imana yubatse ikawurema.” (Abaheburayo 11:10).
“Turi abagenzi n’abimukira mu isi. Turashaka wa mudugudu yi-
tegerezaga, uwo Imana yubatse ikawurema.” —Mu Buturo Bwera bwo mu
Ijuru p.112.
Ibitabo Byifashishijwe: Ibihamya vol.1 pp.346-353;
Kwizera Kumbeshejeho p.304.
1. ISEZERANO RY’UMURAGE
a. Ni uwuhe murage Imana yasezeraniye Aburahamu n’urubyaro
rwe? Itangiriro 17:7, 8; 1Ngoma 16:15-18; Abaroma 4:13.
“Impano yahawe Aburahamu n’urubyaro rwe, ntiyari iyo kuragwa

igihugu cya Kanani yo mu isi gusa, ahubwo ni isi yose....Kandi Bibiliya
yigisha yeruye ko amasezerano yahawe Aburahamu yasohorejwe muri
Kristo.” —Abakurambere n’Abahanuzi p. 170.
b. Ni iki Kanani yo mu isi yashushanyaga? Abaheburayo 11:8-
10,13-16; Ibyahishuwe 21:1-3.
“Ijwi ry’Imana ryumvikanye ribwira [Aburahamu] ko atagomba gu-

tekereza kuragwa igihugu cy’isezerano uwo mwanya, kandi rinamubwira
iby’imibabaro urubyaro rwe ruzahura nayo mbere yuko butura i Kanani.
Aha rero yari ahagaragarijwe inama y’agakiza binyuze mu rupfu rwa
Kristo, igitambo gikomeye no kugaruka kwe ari mu cyubahiro. Abura-
hamu yanabonye isi yagaruriwe ubwiza bwa Edeni, abwirwa ko azayi-
ragwa nk’ubutunzi buhoraho, nko gusohozwa guheruka kandi gushyitse
kw’isezerano.” —Ibid. p.137.

62
2. ABARAGWA B’UBWAMI
a. Ni bande baragwa nyakuri b’ubwami bwasezeranywe? Ma-
tayo 21:33-39; Abagalatiya 3:16; Abaheburayo 1:1,2.
“Kristo yashyizweho n’Imana ‘kuba umuragwa wa byose ari we ya-

remesheje isi.Uwo kuko ari ukurabagirana k’ ubwiza bwayo n’ ishusho
ya kamere yayo, kandi akaba ari we uramiza byose ijambo ry’imbaraga
ze’ (Abaheburayo 1:2,3).Afite ubudahangarwa no gukomera byo mu ijuru.
Yanezezaga Se, kuko gushyika kwayo kose kuri muri we. Kandi Kristo
‘ntiyatekereje yuko guhwana n’Imana ari ikintu cyo kugundirwa,’ (Abafi-
lipi 2:6). Ahubwo Yesu yasize intebe ye y’ubwiza n’icyubahiro icyo yaho-
ranye ari kumwe na Se, ntiyatekereza ko guhwana n’Imana ari ikintu cyo
kugundirwa, kandi umuntu yarazimiriye mu byaha n’agahinda. Yavuye
mu ijuru aza mu isi, ubumana bwe abwambika ubumuntu, maze agerwaho
n’umuvumo wari ugenewe ubwokomuntu bwaguye. Ntiyahatiwe guko-
ra ibi; ahubwo yahisemo kwishyiraho ingaruka z’igicumuro cy’umuntu
kugira ngo umuntu akizwe urupfu rw’iteka ryose.” —Ibimenyetso by’Ibihe, 20
Gashyantare, 1893.
b. Ni gute twaba abaraganwa na Kristo binyuze mu gusangira
umurage we? Abaroma 4:13-17; Abagalatia 3:26-29.
“Abaha ubuntu bwa Kristo agaciro bonyine, ari nabwo bubahindura

abaragwa b’Imana baraganwa na Kristo, bazasohoka mu bituro bambaye
ishusho y’Umucunguzi wabo.” —Ubutumwa Bwatoranijwe vol. 1 p. 259.
“Gusohozwa kw’isezerano ry’uko tuzaraganwa na Kristo gushingiye
ku bushake bwacu bwo kuzibukira inarijye.” —The Upward Look, p. 235.
c. Mu gihe tuvuga ko kwizera kwacu gushingiye muri Yesu Kris-
to ari nawe amasezerano yose y’Imana yuzurira, nigute we
atwita? Abaroma 8:14-17; Abagalatiya 4:4-7.
“Ubutunzi bw’iteka bwose bweguriwe Yesu Kristo, kandi nawe abu-

ha uwo ashaka; ariko mbega uburyo benshi cyane bihutira gukura amaso
yabo ku buntu butangaje bahawe binyuze mu kumwizera. Azanyanyagiza
ubutunzi bwo mu ijuru ku bantu bose bamwizera, bamuhanga amaso kan-
di baguma muri we.” —Ubutumwa Bwatoranijwe vol. 1 p.138

63
3. UBWAMI BW’ITEKA RYOSE
a. Nk’abahungu n’abakobwa b’Imana, ni ubuhe bwami twaseze-
raniwe binyuze mu kwizera? Danieli 2:44; 7:27; 2 Petero1:11.
“Imigambi y’Imana ku bwoko bwayo ntijya ihinduka. Irifuza gusuka

ubutunzi bw’umurage w’iteka ryose ku bana b’abantu. Ubwami bwayo
ni ubw’iteka ryose. Abahitamo kumvira Isumba Byose bazakirizwa
ubuheruka mu bwami bw’ubwiza, kandi umugambi w’Imana ku mwana
w’umuntu uzaba usohoye.” —Urwibutso n’Integuza, 26 Ugushyingo, 1907.
b. Abizera bazishimira ubu bwami bw’iteka ryose kugeza ryari?
Tito 3:7; 1Yohana 5:11-13.
“Muri ubu buzima ni mu ishuri ryo gutorezwamo, niho tugomba

guhindurirwa, gutunganywa no kwitegura guhura n’ikoraniro ry’abera
mu bwami bw’Imana, abo twiteguye kuzateranira hamwe mu bihe bida-
shira.” —The Bible Echo, 29 Nyakanga, 1895.
c. Ni gute twamenya ko Imana yifuriza buri wese gusangira nayo
uyu murage? 2 Petero 3:9; Ezekieli 18:32; Yohana 3:16.
“Uwiteka ntashaka ko hagira n’umwe urimbuka. Imbabazi ze ntizigira

akagero, ntazatererana umutungo yaguze ubuzima bwe bwite ngo awu-
cungure ngo uhinduke umunyago w’ibishuko bya Satani. Ibyo mu ijuru
byose byahawe abantu bose bizera Yesu Kristo nk’Umukiza wabo bwite.”
—The Upward Look, p. 150.
“Umucyo w’isi uri kutumurikiraho kugira ngo tubashe kwakira
umucyo uvuye mu ijuru kandi nimureke uyu mucyo umurikire abandi
binyuze mu mirimo myiza kugira ngo imitima myinshi yerekezwe ku
guha Data wa Twese uri mu ijuru icyubahiro. Atwihanganira adashaka ko
hagira n’umwe urimbuka, ahubwo ashaka ko bose bihana, kandi bibabaza
Yesu cyane iyo benshi banze kwakira imbabazi ze n’urukundo rwe rutagi-
ra akagero.” —Manuscript Releases, vol. 2, pp. 237, 238.
64
Kuwa Kane 22 Werurwe
4. KUGUNDIRA IBYIRINGIRO BYACU
a. Ni iki twihanangiririzwa kugundira? Abaheburayo 3:14;
10:23,35,36; Ibyahishuwe 3:11.
“Umuntu ashobora gufata ibyemezo bihamye kandi akabifata inshuro

imwe by’iteka... Ariko mujye mwibuka ko bishobora kugusaba umurimo
w’imibereho yawe yose usiba icyuho wagushijwemo n’igishuko kandi
kureba hafi bikaguta kure... Abagomba kuragwa ijuru bagomba gushyira-
mo imihati yabo yose kandi bagakorana kwihangana kwabo kose, kugira
ngo babone gusarura ku mbuto z’umuruho wabo. Hari ikiganza cyiteguye
gukingura amarembo ya paradizo ku bantu bihanganiye ibishuko kandi
bagatekereza neza kubwo kwitandukanya n’isi, bubahisha kandi bagashi-
ma urukundo rwa Kristo, bamuhamiriza imbere y’abantu nabo bakwiriye
kumutegerezanya kwihangana kose ubwo azaza akabahamiriza imbere ya
Se n’imbere y’abamalayika bera.” —My Life Today, p. 322.
b. Sobanura uburyo benshi mu bana ba Aburahamu ku mubiri
batazahabwa kuri uwo murage. Kubara 13:25-33; 14:1; Abahe-
burayo 3:18,19; Yuda 5.
“Mu myaka mirongo ine Abisirayeli ba kera bamaze batizera, bivovo-

ta, kandi bafite kwigomeka niyo yatumye batinjira mu gihugu cy’i Kanani.
Ibyaha nk’ibyo nibyo bitindije Isirayeli ya none kwinjira muri Kanani
yo mu ijuru. Amasezerano y’Imana yahinduwe ubusa mu buryo bwose.
Kutizera, gukunda iby’isi, kutitanga n’intambara hagati mu bavuga ko
ari ubwoko bw’Imana, nibyo bidutindije muri iyi si y’ibyaha n’agahinda
imyaka yose ingana itya.” —Evangelism, p696.
c. Ni iki tugomba kugira nyambere mu mibereho yacu? Matayo
6:33; Luka 12:31-34; Abakolosayi3:1,2.
“Kura amaso ku by’isi uyahange ku by’iteka ryose. Nimureke duko-

reshe umuhati wacu wose kugira ngo tubone ibintu Imana yaduhishiye
by’agaciro, ibyo Kristo yatangiye ubugingo bwe kugira ngo tubibone. Igi-
tambo cye cyatambiwe kugira ngo gitangire kugukingurira amarembo
y’ijuru. Nimushyire ubutunzi bwanyu ku ntebe y’Imana, binyuze mu guko-
resha umutungo yabahaye mu murimo kuko yifuza ko twawukoresha mu
gukiza imitima ikamenyeshwa ukuri.” —Counsels on Stewardship, pp. 225, 226.
65
5. UBWAMI BW’IMANA BUSHYIZE HAMWE
a. Ni bangahe mu bana ba Aburahamu bazabana nawe, bahim-
baza Imana igihe azaba ahawe umurage we? Abaheburayo
11:39,40; 1Abatesakonike 4:16,17; Yesaya 66:23.
“Ntidukwiriye kwiheba mu gihe tubona abandi bagundagurana

n’ibibaca intege nk’ibyacu, bagwa mu bishuko nk’uko natwe tubigwamo,
maze nyuma bakazanzamuka maze Imana ikabaha umugisha. Amagambo
yahumetswe arahumuriza kandi agakomeza umutima ucumura. Nubwo
abakurambere n’intumwa bagaragaweho n’intege nke za kimuntu, ariko
binyuze mu kwizera amaherezo yabo yabaye meza, barwana intambara
zabo bari mu mbaraga z’Uwiteka, maze baratsinda. Uko niko tugomba
kwiringira by’ukuri igitambo gihongerera kandi tukaba abaneshi mu izina
rya Yesu.” - Ibihamya vol.4 p. 15.
b. Ni iki buri mwizera wese uzakizwa azakora igihe azitegereza
Yesu Kristo amaso ku maso nk’Umukiza we.” Abafilipi 2:9-
11; Ibyahishuwe 7:9,10. Ni iki Yesu we azakora? 1Abakorinto
15:24-28.
“[Abacunguwe] bose bahuriza hamwe bashima Ntama watam-

bwe kugira ngo ibiremwa muntu bibashe kubona ubugingo buhwanye
n’ubw’Imana. Intambara yari irangiye. Imibabaro n’amakimbirane byari
birangiye. Indirimbo zo kunesha zikwira mu ijuru ryose, maze buri wese
mu bacunguwe atera hejuru n’ibyishimo bati, ubutunzi, icyubahiro no
gushimwa ni iby’Umwana w’Intama watambwe, uzahora ari umuneshi.”
- Ibyakozwe n’Intumwa p. 602

1. Ni ikihe gihugu Aburahamu yatumbiraga?
2. Ni mubuhe buryo dushobora kuba abasangiye n’Aburahamu ku
murage we?
3. Ni iki Imana yifuriza buri wese muri iyi si?
4. Ni gute twakomeza ibyiringiro byacu tutanyegenyega kugeza ku
iherezo?
5 Ni ubuhe bwoko bw’indirimbo abacunguwe bazaririmba bashyize
hamwe muri korari yo mu ijuru?
66
note

67

sbl2017 1 RW

Uploaded by

Document Information

Original Title

Copyright

Available Formats

Share this document

Share or Embed Document

Sharing Options

Did you find this document useful?

Is this content inappropriate?

Copyright:

Available Formats

sbl2017 1 RW

Uploaded by

Copyright:

Available Formats

Ibirimo

Ibyigisho bya Bibiliya mu

„WIBYIGISHO BYA BIBILIYA MU

Ibyigisho bya Bibiliya mu Ishuri ryo ku Isabato, Vol. 93, No. 1

Guhamagarwa Kwa Aburahamu

“Nyuma yo gutatana abantu bava i Babeli, gusenga ibigirwamana

“Kumvira kwa Aburahamu atabanje kubaza ni kimwe mu ibihamya

Ibyigisho bya Bibiliya mu Ishuri ryo ku Isabato, Vol. 93, No. 1

“Icyatumye Imana ihamagarira Aburahamu gutandukana n’imiryango

c Gutura mu mahema kwa Aburahamu n’abana be byari bisoba-

“Nimureke duhatanire kuba Abakristo (gusa na Kristo) mu magambo

Ibyigisho bya Bibiliya mu Ishuri ryo ku Isabato, Vol. 93, No. 1

“Akarere gatoshye cyane ku butaka bwose bwa Palestina cyari ikibaya

“Nitwemera ko ibyo turarikira kandi bidukurura byo mu isi byigaruri-

“[Umugore wa Loti] yagomeye Imana kubera ko imanza zayo zarim-

“Loti yafashe urugendo yerekeza mu misozi maze aguma mu buvumo

“Nta numwe ushaka kubura ubugingo buhoraho. Umuntu wese wifuza

“Umurimo wo kunesha ikibi ukwiye gukorwa binyuze mu kwizera.

Ibyigisho bya Bibiliya mu Ishuri ryo ku Isabato, Vol. 93, No. 1

Kwizera Kwa Aburahamu

“Kubera ko Aburahamu atari afite umwana, muri we yibwiraga ko

“Imana iratwifuriza kwakira imigisha ikomeye. Amasezerano yayo

Ibyigisho bya Bibiliya mu Ishuri ryo ku Isabato, Vol. 93, No. 1

“Kwizera gukorera mu rukundo kandi kukeza umutima si ibyiyum-

“Igihe cyose umunyabyaha yizeye Kristo, ahagarara imbere y’Imana

“Kuguma mu kwizera ni ugushyira iruhande ibyiyumviro n’ibyifuzo

“Igihe Aburahamu yari muri Egiputa yagaragaje ko ataratsinda intege

“Dushobora kwemerwa imbere y’Imana gusa binyuze mu Mwana

“Iyo twiyeguriye Imana, binyuze mu kwizera Yesu, duhabwa guki-

“Umuhango wo gukebwa…wubahirijwe n’uwo mukurambere (Abu-

“Gukiranuka ni ukumvira amategeko y’Imana. Amategeko asaba guki-

Ibyigisho bya Bibiliya mu Ishuri ryo ku Isabato, Vol. 93, No. 1

“Abinjira mu mibereho mishya bagomba gusobanukirwa mbere

“Kwihuza n’itorero mu buryo bugaragarira bene so, ntacyo bizaba bi-

Kuwa Gatandatu 13 Mutarama

b. Ni gute intumwa Pawulo yahishuye ko amasezerano Imana

“Ubuhanuzi busobanutse kandi bwihariye bwatanzwe bugamije gute-

Ibyigisho bya Bibiliya mu Ishuri ryo ku Isabato, Vol. 93, No. 1

“[Aburahamu] yahawe kurabukwa igitambo cyo mu ijuru gikuraho

“Ndararikira bose ko bakoresha ubushobozi bwabo bwose n’ububasha

“Kuvuka k’umuhungu wa Zakariya, kimwe no kuvuka k’umuhungu

“Imfizi y’intama yatambwe mu cyimbo cya Isaka igereranya Umwana

“Data wa twese wo mu ijuru yagotesheje Umwana we akunda imiba-

Ibyigisho bya Bibiliya mu Ishuri ryo ku Isabato, Vol. 93, No. 1

“Igihe Aburahamu yasabwaga gutamba umwana we Isaka, amahirwe

“[Aburahamu] yashikamishije umutima we kuguma ku bihamya bi-

“[Umwana w’Imana] yarazutse asohoka mu gituro maze avuga ibi-

“Ururimi ntirwashobora gusobanura agaciro k’umurage wo ku-

“Tumaze igihe kirekire dutegereje kugaruka k’Umwami wacu. Ariko

Ibyigisho bya Bibiliya mu Ishuri ryo ku Isabato, Vol. 93, No. 1

Abahungu Babiri Ba Aburahamu

b. Ni gute Aburahamu na Sara bagerageje gufasha Imana

“Aburahamu yemeye atabanje kuzirikana isezerano ry’umwana, ariko

Ibyigisho bya Bibiliya mu Ishuri ryo ku Isabato, Vol. 93, No. 1

“Igihe Aburahamu yari yegereje kugira imyaka ijana y’ubukuru, yon-

“Kutizera kw’Aburahamu na Sara kwagaragariye mu ivuka rya Ishi-

“Ingororano ntituruka ku mirimo, kugirango umuntu atagira icyo yi-

b. Kubera iki Pawulo avuga ko Abayuda babaga muri

“Abayuda bavugaga ko bakomoka kuri Aburahamu; ariko kubwo ku-

“Ubwo bwoko ntibwigeze bwimenyaho ububi bw’imitima yabo bwite,

Ibyigisho bya Bibiliya mu Ishuri ryo ku Isabato, Vol. 93, No. 1

b. Ni kuki abana b’umwuka iteka bahora barenganywa n’abana ba

Abana Nyakuri ba Aburahamu