HINDI IPINAGBIBILI

Senior High School

Pagsulat sa Filipino
sa Piling Larang
(Akademik)
Kuwarter 2 - Modyul 7:
Akademikong Sulatin:
Pagsulat ng Larawang-
Sanaysay

Kagawaran ng Edukasyon ● Republika ng Pilipinas

Pagsulat sa Filipino sa Piling Larang (Akademik)
Filipino – Ikalabindalawang Baitang
Alternative Delivery Mode
Kuwarter 2 -Modyul 7: Akademikong Sulatin: Pagsulat ng Larawang -Sanaysay
Unang Edisyon 2020
Isinasaad ng Batas Republika 8293, seksyon 176 na “Hindi maaaring magkaroon ng
karapatang-ari (sipi) sa anumang akda ang Pamahalaan ng Pilipinas.Gayunman, kailangan
muna ang pahintulot ng ahensiya o tanggapan ng pamahalaan na naghanda ng akda kung
ito’y pagkakakitaan. Kabilang sa mga maaaring gawin ng nasabing ahensiya o tanggapan ay
ang pagtakda ng kaukulang bayad.”
Ang mga hiniram na materyales ( awit, kuwento, tula, larawan, ngalan ng produkto o
brand names, tatak o trademarks atbp.) na ginamit sa aklat na ito ay sa nagtataglay ng
karapatang-ari ng mga iyon.
Pinagsikapang matunton upang makuha ang pahintulot sa paggamit ng mga
materyales o mga kagamitang pampagtuturo na nasa online o sa mga aklat at iba pa . Hindi
inangkin ng mga tagapaglathala at mga may-akda ang karapatang pagmamay-ari ng mga
ito.
Inilathala ng Kagawaran ng Edukasyon
Kalihim: Leonor Magtolis Briones
Pangalawang Kalihim: Alain Del B. Pascua

Mga Bumubuo ng Modyul para sa Mag-aaral

Manunulat: Aileen P. Matundan

Mga Tagasuri: Anita M. Gomez, PSDS
Maria Dulce Cuerquiz, MT
Mga Tagaguhit at Nag-layout : Mr. Ryan Roa
Ms. Mary Sieras
Mr. Allan Guibone
Mrs. Alma Sheila Alorro
Mga Tagapangasiwa
Tagapangulo: Dr. Arturo B. Bayocot, CESO III
Panrehiyong Direktor

Pangalawang Tagapangulo: Dr. Victor G. De Gracia Jr. CESO V

Pumapangalawang Panrehiyong Direktor

Cherry Mae L. Limbaco, PhD, CESO V

Tagapamanihala

Alicia E. Anghay, PhD, CESE

Pumapangalawang Tagapamanihala

Mala Epra B. Magnaong, Hepe ES, CLMD

Mga Miyembro: Lorebina C. Carrasco, OIC-CID Chief
Sol P. Aceron, Ph.D, EPS-Filipino
Brenda P. Galarpe, SSP- 1
Marisa D. Cayetuna,P-1
Aniceta T. Batallones, MAFIL
Leonor C. Reyes, MAEDFIL
Joel D. Potane, LRMS Manager
Lanie O. Signo, Librarian II
Gemma Pajayon, PDO II
Inilimbag sa Pilipinas ng
Kagawaran ng Edukasyon – Sangay ng Cagayan de Oro
Office Address: Fr. William F. Masterson Ave Upper Balulang Cagayan de Oro Telephone
Nos.: (08822)855-0048
E-mail Address: cagayandeoro.city@deped.gov.ph
 Senior High School

Pagsulat sa Filipino
sa Piling Larang
(Akademik)
Kuwarter 2 - Modyul 7:
Akademikong Sulatin:
Pagsulat ng Larawang -Sanaysay

Ang modyul na ito ay magkatuwang na inihanda at sinuri ng mga

edukador mula sa mga publiko at pribadong paaralan at pamantasan. Hinihikayat
naming ang mga guro at ibang nasa larangan ng edukasyon na mag- email ng
inyong mga puna at mungkahi sa Kagawaran ng Edukasyon sa
depeddivofcdo@gmail.com
Mahalaga sa amin ang inyong mga puna at mungkahi.

Kagawaran ng Edukasyon ● Republika ng Pilipinas

 Talaan ng Nilalaman

Para Saan ang Modyul Na Ito .......................................................................................................i

Ano ang Inaasahan Mo....................................................................................................................i
Paano Mo Matutunan ..................................................................................................................... i
Mga Icon ng Modyul........................................................................................................................ii

Ano ang Nalalaman Mo................................................................................................................. iii

Aralin 1: Larawang -Sanaysay

Alamin ……………………………………………………………………………1
Balikan: Paglalahad sa Pananaw………………………………………………1
Tuklasin: Pagsulat ng Larawang-Sanaysay ................................................2
Halimbawa ng Larawang-sanaysay………………………………...3
Suriin: Pagsagot sa Tanong ......................................................................6
Isaisip: Paghahambing ng Dalawang uri ng Sanaysay ……………………..7
Isagawa:Pagbuo ng Sariling Larawang -Sanaysay…………………………. 7

Tayahin: Larawang -Sanaysay …………………………………………………………………8

Pangwakas na Pagtataya ………………………………………………………………………..8

Susi sa Pagwawasto...........................................................................................................9
Mga Sanggunian.................................................................................................................9
Para Saan ang Modyul na Ito
Matutunghayan sa modyul na ito ang nilalaman at ang mga pamamaraan sa
pagsulat ng isang Larawang- Sanaysay.

Sadyang inihanda ang modyul na ito upang makatuklas ng mga bagong kaalaman
sa pagsulat ng paksa. . Ang mga gawain ay maingat na inihanda upang lubos na malinang
ang kakayahan sa pakikinig, pagsasalita, pagbabasa, pagsusulat at panonood. Tutulungan
ka ng modyul na ito na matukoy ang kahulugan at kabuluhan ng mga konsepto sa wastong
pagsulat ng Larawang- Sanaysay.

Sa aralin ding ito, pinag-uusapan ang kahalagahan ng pagbabahagi ng mga

karanasan sa paglalakbay at ipinapakita kung paano binabalangkas ang bawat bahagi ng
modyul upang malinang at maisakatuparan ang mga layuning nabanggit para sa mga mag-
aaral na gagamit nito.

Ano ang Inaasahan Mo

Inaasahang pagkatapos ng modyul na ito ang mga mag-aaral ay:

1. Natutukoy ang katangian ng isang sulating akademiko (CS_FA11/12PB-0m-o-102)

2. Nabibigyang-kahulugan ang mga terminong akademiko na may kaugnayan sa

piniling sulatin(CS_FA11/12PT-0m-o-90)

Paano Mo Matutunan
Upang makamit ang mga inaasahan, gawin ang mga sumusunod:

 Basahin at unawain ng mabuti ang mga konseptong pangwika.

 Sundin ang mga bawat panuto na ibinibigay sa bawat gawain at pagsasanay.

 Sagutin ang lahat ng mga ibinibigay na gawain at pagsasanay.

i
Mga Icon ng Modyul

ALAMIN Inihanay ang mga layunin sa aralin .Mahalagang

maunawaan ng mga mag-aaral kung ano ang
maaasahan nila sa aralin.
SUBUKIN Panimulang pagtataya o gawain upang matukoy ang
lawak ng kaalaman ng mag-aaral ukol sa
tatalakaying paksa.

BALIKAN Binabalikan ang mga dating kaalaman ng mga mag-

aaral tungkol sa paksa ng bawat aralin. Mahalagang
matukoy ito upang matiyak na may napadagdag
pang kaalaman.

TUKLASIN Inilalahad dito ang mismong aralin sa pamamagitan

ng kwento, pagsasanay ,tula, awitin ,sitwasyon at iba
pang paraan .Ginagalugad dito ang mga ideyang
magkikintal ng mahalagang kaisipan.

SURIIN Inilalahad dito ang mga tanong sa sumusubok sa

pagkaunawa ng mag-aaral sa aralin.Maaari rin itong
pagtalakay sa paksa.

PAGYAMANIN Makapagsagawa ang mga mag-aaral ng mga

gawaing magpapatotoo ng kanilang natutuhan.
Magtitipon sila ng kanilang likhang mga sulatin at
gawain batay sa natutunan sa aralin.

ISAISIP Patutunayan ng mga mag-aaral ang karunungan at

kaalamang kanyang natutunan sa pamamagitan ng
pagsusulit ,gawain at pagsasanay.

ISAGAWA Pagtitipon ng mga natamong kaalaman at kasanayan

ng mga mag-aaral sa gawaing replektibo upang
mailalapat sa tunay na buhay.

TAYAHIN Tatayain ang mga mag-aaral ayon sa antas ng

pagkatuto mula sa natamong kasanayan .

KARAGDAGANG Mabibigyan ng karagdagang pagsasanay upang

GAWAIN malinang ang kakayahang pampagkatuto ng mga
mag-aaral .

SUSI SA Mga kasagutan sa anumang pagtataya,pagsasanay

PAGWAWASTO at mga Gawain
 ii

Ano ang Nalalaman Mo

Panimulang Pagtataya

A. Alamin natin kung gaano na ang lawak ng iyong kaalaman sa nilalaman ng modyul
na ito. Isulat ang TAMA kung ang pahayag ay naglalahad ng kawastuan at may
katotohanan at MALI naman kung ito’y walang katotohanan. Isulat ito sa sagutang
papel.

_____1.Ang Larawang- Sanaysay ay laging kinapalooban ng mga konsepto na sanaysay ,

sanay at lakbay.

_____2.Ang Larawang- sanaysay ay isang sulatin kung saan higit ng nakararami ang
larawan kaysa sa salita o panulat.

_____3.Marami ang paksang nais bigyang-diin sa mga larawan kaya’t hindi maaaring
maglagay ng mga larawang may ibang kaisipan o lihis sa paksang nais bigyang-diin.

_____4.Ang mga nakatalang sulat o katitikan sa bawat larawan ay suporta lang sa mga
larawan kaya’t hindi ito kinakailangang napakahaba o napakaikli.

_____5.Isipin ang mga manonood o titingin sa iyong Larawang-Sanaysay upang maibatay

sa kanilang kaisipan at interes ang mga larawang ilalagay gayundin ang mga salitang
gagamitin sa pagsulat ng kapsyon.

B. Pagpapaliwanag: (5 puntos bawat isa )

1. Ano-ano ang mga dapat tandaan sa pagsulat ng Larawang-Sanaysay?

2. Alin ang mas gusto mong gawin , Lakbay - Sanaysay o ang Larawang - Sanaysay ?
Bakit?
 iii

Aralin Akademikong Sulatin:

Pagsulat ng Larawang -
1 Sanaysay
Baitang : 12 Markahan: Ikalawa
Panahong Igugugol: Ikalabing-apat na Linggo

Alamin

Inaasahang pagkatapos ng aralin na ito ang mga mag-aaral ay:

1.Natutukoy ang katangian ng isang sulating akademiko. CS_FA11/12PB-Om-o-102

2.Nabibigyang-kahulugan ang mga terminong akademiko na may kaugnayan sa piniling

sulatin. CS_FA11/12PT-Om-o-90

Balikan

Panuto: Paglalahad ng Pananaw: Isulat ito sa sagutang papel.

Magbigay ng iyong pananaw kung gaano nakatutulong ang mga programang

pampaglalakbay upang makita hindi lamang ng mga dayuhan ang kagandahan ng bansa
ngunit higit ang mga Pilipino?

Tuklasin
Larawang - Sanaysay
Ang larawang sanaysay ay isang koleksiyon o limbag na mga imahe o larawang
inilalagay sa isang partikular na pagkakasunod-sunod upang ipahayag ang mga pangyayari,
mga damdamin, at mga konsepto sa pinakapayak na paraan . Ito ay gaya rin ng iba pang uri
ng sanaysay na gumagamit ng mga pamamaraan sa pagsasalaysay. Sa pagsasalaysay,
maaaring gamitin mismo ang mga binuong larawan o dili kaya’y mga larawang may maiikling
teksto o kapsyon. Malaki ang naitutulong ng larawang may teksto sapagkat nakatutulong
ang mga ito sa mga ideya/ kaisipang ipinakikita ng larawan . Ang pagtataglay ng larawan ay
dapat na isinaayos o pinag-isipang mabuti sapagkat ito ang magpapakita ng kabuoan ng
kwento o kaisipang nais ipahayag. Makapagsasalaysay dito sa pamamagitan ng mga
larawang may kronolohikal na ayos.

Ibig sabihin, isinasalaysay ang mga pangyayari ayon sa wastong pagkakasunod-

sunod ng larawan. Kung pangkalahatang kaisipan lamang ng pangyayari ay maaari nang
gamitin ang isang larawang may natatanging dating. Ibig sabihin, sa isang kuhang larawan
ay naroon na ang lahat-lahat ng mga ideya.

 Ang mga nakatalang sulat o katitikan sa bawat larawan ay suporta lamang sa mga
larawan kaya’t hindi ito kinakailangang napakahaba o napakaikli. Kailangang
makatutulong sa pag-unawa at makapukaw sa interes ng magbabasa o titingin ang
mga katitikang isusulat dito.

 May isang paksang nais bigyang-diin sa mga larawan kaya’t hindi maaaring
maglagay ng mga larawang may ibang kaisipan o lihis sa paksang nais bigyang-diin.
Kailangang maipakita sa kabuoan ang layunin ng pagsulat o paggawa ng larawang-
sanaysay.

 Ang mahalagang katangian ng larawang-sanaysay ay ang mismong paggamit ng

larawan sa pagsasalaysay. Layunin nitong magbigay ng kasiyahan o aliw sa taong
gumagawa ng salaysay, magbigay ng mahalagang impormasyon, at malinang ang
pagiging malikhain..

 Hindi limitado ang paksa.

 Maaaring serye ng imahen.
 Maaring patungkol sa isang tao o mga kakaibang pangyayari.
 Naiiba dahil larawan ang gamit sa pagsasalaysay.

Mga Dapat Tandaan sa Pagsulat Larawang-Sanaysay

1.Maghanap ng isang paksa ayon sa iyong interes.

2.Magsagawa ng pananaliksik bago isagawa ang Larawang-Sanaysay.

3.Hanapin ang “tunay na kwento”. Matapos ang pananaliksik, maaari mong matukoy ang
anggulo na gusto mong dalhin ang iyong kwento. Ang pangunahing dahilan ng bawat
larawan ay nararapat na lumikha ng isang kapani-paniwala at natatanging kwento.
4.Ang kwento ay binuo upang gisingin ang damdamin ng mambabasa. Pinakamahusay na
paraan ito upang ikonekta ang iyong larawang-sanaysay sa madla at ang damdamin
nakapaloob sa kwento .

5.Pagpasyahan ang mga kukuning larawan. Magsimula sa paglikha ng isang listahan ng

mga kuha para sa kwento. Ang bawat “shot” ay tulad ng isang pangungusap sa isang
kwento sa isang talata. Maaari kang magsimula sa 10 “shots” . Sa bawat shot ay dapat
bigyang-diin. Ang iba’t ibang mga konsepto o emosyon na maaaring pinagtagpi -tagpi
kasama ng iba pang mga larawan.

Halimbawa ng Larawang-Sanaysay: Tunghayan ,Basahin at Unawain ang

halimbawa

“ANG MGA MAG-AARAL NG UST SENIOR HIGH SCHOOL (UST-SHS) SA LOOB AT

LABAS NG BGPOP”

ni:Trisha Capulong

Kasabay ng maligayang pagsalubong sa mga bagong mag-aaral noong Thomasian

Welcome Walk ay ang pagtanggap nila sa lahat ng mga responsibilidad na kanilang
haharapin bilang isang mahabagin, maaasahan, at tapat na Tomasino.
 Hindi nagtagal matapos ang pagpasok ng mga mag-aaral sa Arch of the Centuries,
nagsimula na ang pormal na klase. Tuloy-tuloy ang mga gawaing ibinibigay – PeTas,
pagsasanay, pananaliksik, atbp. – bilang paghahanda sa kolehiyo na tunay ngang nagbigay
ng pagsubok sa kanila.

3
 Dahil sa mga aktibidad na ipinapagawa, nagkakaroon ng magandang pagsasama
ang bawat klase na binubuo ng mga mag-aaral na may iba’t ibang pinanggalingan, ugali,
pananaw, at talento.

Hindi lamang sa silid-aralan natututo ang mga mag-aaral, mayroon ding mga
kaganapan sa labas ng kanilang mga kweba. Nagkaroon ng senior high school week na
pinaghandaan ng lahat kahit binigyan lamang ng kaunting oras. Dito nagkaroon ng tagisan
ng mga natatagong talento.

4
 Nag-imbita rin ng mga propesyonal sa iba’t-ibang larangan upang magbahagi ng
kanilang kaalaman sa mga mag-aaral.

Bukod sa pagpapahusay sa mga katalinuhan ng Senior High School, tinuturuan din

sila kung paano magkaroon ng teamwork, kung paano makipagkaibigan, at magpakumbaba.
Kitang-kita ito sa pagdiriwang ng Senior High School ng kanilang Intramurals na
pinamagatang Synergy. Nagkaroon ng oportunidad ang mga Tomasino na ilabas ang
kanilang angking galing sa larangan ng pampalakasan.

5
 Lahat ng mga katuturan sa silid-aralan, at lahat ng mga pangyayaring nagaganap sa
kanila sa labas ng kanilang gusali, o mas kilala na BGPOP, ay ilan lamang sa mga
humuhubog sa kanila upang maging handa sa labas ng unibersidad. Mapapansing malayo
man sa pagiging perpekto ang UST-SHS, ginagawa nila ang kanilang makakaya upang
bumuo ng Tomasinong hindi lamang hasa ang utak, kundi malaki rin ang puso para sa iba.

Suriin

Basahin ang katanungan at sagutin ito sa sagutang papel.

1.Ibigay ang kahulugan at pagkaunawa sa Larawang-Sanaysay bilang isang

akademikong sulatin? ( CS-FA11/12PB-Oa-101)

2. Ano-ano ang pakakatulad at pagkakaiba ng Lakbay-sanaysay at Larawang-

Sanaysay?

3. Bakit kailangang maging mapili sa mga larawang ilalagay sa pagbuo ng

Larawang-Sanaysay?

4. Paano mo mabubuo nang maganda at kahika-hikayat ang isang larawang-

sanaysay?

5.Ano-ano ang layunin ng Larawang-Sanaysay?

Isaisip

Paghahambing sa dalawang uri ng sanaysay. Paghambingin ang lakbay

sanaysay at larawang sanaysay ayon sa katangian, kahulugan, layunin at gamit sa
pamamagitan ng Venn diagram.

(Pagkakaiba) (Pagkakaiba)
Lakbay- Sanaysay Larawang- Sanaysay

Pagkakatulad
 Isagawa
Pagbuo ng Sariling Larawang -Sanaysay . Isulat ito sa bondpaper. Subuking
gumamit ng 8-10 larawan . Sundin ang rubriks sa pagmamarka.

Pamantayan Puntos
Naisasagawa nang mataman ang mga hakbang sa pagsulat Larawang- 10
Sanaysay.

Nakasusulat ng organisado , malikhain at kahika-hikayat na Larawang- 10

Sanaysay.

Nakasusulat ng Larawang-Sanaysay batay sa maingat ,wasto , at angkop na 10

paggamit ng wika .

Makatotohanan ang nabuong Lakbay-Sanaysay. 10

40
Kabuoang Puntos

Tayahin
Panuto : LARAWANG-SANAYSAY: Suriin ang kahulugan, , mga
katangian , layunin , gamit , anyo ng Larawang-Sanaysay . Isulat ito sa papel.
Nakikilala ang iba’t ibang akademikong sulatin –Larawang-Sanaysay ayon sa:
a. Layunin b. Gamit c.Katangian d. Anyo CS_FA11/12PN-0a-c-90

Larawang-Sanaysay

Kahulugan

Katangian
 Layunin

Gamit

Anyo(porma)

Pangwakas na Pagtataya

A.Alamin natin kung gaano na ang lawak ng iyong kaalaman sa nilalaman ng modyul na ito.
Isulat ang TAMA kung ang pahayag ay naglalahad ng kawastuan at may katotohanan at
MALI naman kung ito’y walang katotohanan. Isulat ito sa sagutang papel.

_____1.Ang Larawang- Sanaysay ay laging kinapalooban ng mga konsepto na sanaysay ,

sanay at lakbay.
_____2.Ang Larawang- sanaysay ay isang sulatin kung saan higit ng nakararami ang
larawan kaysa sa salita o panulat.
_____3.Marami ang paksang nais bigyang-diin sa mga larawan kaya’t hindi maaaring
maglagay ng mga larawang may ibang kaisipan o lihis sa paksang nais bigyang-diin.
_____4.Ang mga nakatalang sulat o katitikan sa bawat larawan ay suporta lang sa mga
larawan kaya’t hindi ito kinakailangang napakahaba o napakaikli.
_____5.Isipin ang mga manonood o titingin sa iyong Larawang-Sanaysay upang maibatay
sa kanilang kaisipan at interes ang mga larawang ilalagay gayundin ang mga salitang
gagamitin sa pagsulat ng kapsyon.

B.Pagpapaliwanag: (5 puntos bawat isa )

1.Ano-ano ang mga dapat tandaan sa pagsulat ng Larawang-Sanaysay?
2.Alin ang mas gusto mong gawin , Lakbay - Sanaysay o ang Larawang - Sanaysay
? Bakit?

Susi sa Pagwawasto

PANIMULA AT PANGWAKAS NA PAGTATAYA

1.MALI
2.TAMA
3.MALI
4.TAMA
5.TAMA

MGA SANGGUNIAN

Ailene,Baisa-Julian et.al Pinagyamang Pluma Filipino sa Piling

Larangan(Akademik )Phoenix Publishing 2016

Dayag, Alma M., et al. Pinagyamang Pluma Komunikasyon at Pananaliksik sa Wika at

Kulturang Pilipino Quezon City, Phoenix Publishing House, Inc. 2016
Internet Sites

https://brainly.ph/question/800816

https://www.slideshare.net/reign26/photo-essaysanaysay-ng-larawan

https://www.elcomblus.com/paglikha-ng-pictorial-essay-o-larawang-sanaysay/

https://quizlet.com/378437324/ang-pictorial-essay-o-larawang-sanaysay-flash-cards/

https://www.scribd.com/presentation/437310093/LARAWANG-SANAYSAY

https://11stem19ustshs.wordpress.com/2017/05/04/blog-post-title/

9
Para sa mga katanungan o puna, sumulat o tumawag sa:

Department of Education – Bureau of Learning Resources (DepEd-BLR)

DepEd Division of Cagayan de Oro City

Fr. William F. Masterson Ave Upper BalulangCagayan de Oro
Telefax: ((08822)855-0048
E-mail Address: cagayandeoro.city@deped.gov.ph