తెలంగాణలో ప్రభుత్వం మారుతున్న నేపత్యంలో.. ఇన్ని రోజులు పలు నామినేటెడ్ పోస్టు ల్లో ఉన్న రిటై ర్డ్ అధికారులు, ఉద్యోగులు..

ఇప్పుడు రాజీనామాలు చేస్తు న్నారు. ఇప్పటి వరకు బీఆర్ఎస్ సర్కారులో తమ సేవలందించగా.. వారిపై రేవంత్ రెడ్డి గతంలో చేసిన
ఆరోపణల ఫలితంగానే రాజీనామాలు చేస్తు న్నట్టు తెలుస్తోంది. ఇప్పటికే ఇద్దరు తమ రాజీనామాలు సీఎస్‌కు పంపించగా.. మరికొంత
మంది కూడా సిద్ధమైనట్టు సమాచారం.
తెలంగాణలో నిన్ననే ఫలితాలు రాగా.. ఈరోజే రాజీనామాల పర్వం మొదలైంది. తెలంగాణ ఎర్పడిన తర్వాత వచ్చిన ఎన్నికల్లో రెండు
పర్యాయాలు బీఆర్ఎస్ ప్రభుత్వమే కొనసాగగా.. ఈసారి మాత్రం కాంగ్రెస్‌ విజయం సాధించింది. అయితే.. ఇన్నేళ్లు బీఆర్ఎస్
ప్రభుత్వంతో ప్రయాణం సాగించిన నామినేటెడ్‌ పదవుల్లో ఉన్న పలువురు వారి పోస్టు లకు రాజీనామాలు చేస్తు న్నారు. ఇన్ని రోజులు
ట్రాన్స్‌కో, జెన్‌కో సీఎండీగా కొనసాగిన దేవులపల్లి ప్రభాకర్‌ రావు తన పదవికి రాజీనామా చేశారు. 2014 జూన్‌ 5 న జెన్‌కో సీఎండీగా
బాధ్యతలు చేపట్టిన ప్రభాకర్ రావు.. అదే ఏడాది అక్టోబర్‌ 25 న ట్రాన్స్‌కో ఇంఛార్జిగా నియమితులయ్యారు. మొదట ప్రభాకర్ రావును
రెండేళ్ల పదవీ కాలానికే సీఎండీగా సర్కారు నియమించినప్పటికీ.. ఆ తర్వాత పదవీ కాలాన్ని పొడిగిస్తూ వచ్చింది. కాగా.. బీఆర్ఎస్
ఓడిపోవటంతో.. తాజాగా ఆయన తన పదవికి రాజీనామా చేశారు. కాగా.. ఆయన సంస్థకు మొత్తంగా 54 ఏళ్లపాటు
సేవలందించినట్టయింది.

ఇంటిలోనే చిన్నారులకు అవసరమైన ఆహారం తయారుచేసుకోవడం ఎలా??

ఇక మరోవైపు.. సాంస్కృతిక సలహాదారుగా ఉన్న రిటై ర్డ్ ఐఏఎస్ రమణాచారి కూడా రాజీనామా చేశారు. ఇంటెలిజెన్స్ ఓఎస్డీ ప్రభాకర్
రావు కూడా రాజీనామా చేశారు. తెలంగాణ ఇంటెలిజెన్స్ చీఫ్‌గా ఉన్న ప్రభాకర్ రావుపై.. ఎన్నికల సమయంలో ఈసీ వేటు వేసింది.
కాగా.. ఇప్పుడు తన పదవికే రాజీనామా చేశారు. అయితే.. బీఆర్ఎస్ ప్రభుత్వంలో పలు నామినేటెడ్ పోస్టు ల్లో కొనసాగిన..
పలువురు రిటై ర్ట్ ఉద్యోగులు, ఐఏఎస్‌లు.. కొత్త సర్కారు వస్తు న్న నేపథ్యంలో తమ పదవులకు రాజీనామా చేయటం సర్వత్రా
చర్చనీయాశంగా మారింది. అయితే.. ఆయా పదవుల్లో ఉన్నవారి పని తీరుపై గతంలో రేవంత్ రెడ్డి పలుమార్లు విమర్శలు చేయగా..
ఇప్పుడు ఆయనే సీఎం అయ్యే అవకాశాలు కన్పిస్తుండటంతో.. వాళ్లంతా రాజీనామాలు చేస్తు న్నట్టు తెలుస్తోంది.

ఇదిలా ఉంటే.. రాష్ట్రంలోని పలు కార్పొరేషన్లకు ఛైర్మన్లు గా ఉన్న బీఆర్ఎస్ నాయకులు కూడా తమ పదవులకు రాజీనామాలు
చేస్తు న్నారు. ఇప్పటికే మొత్తం 15 మంది ఛైర్మన్లు తమ పదవులకు రాజీనామా చేస్తూ.. వారి రాజీనామా పత్రాలను సీఎస్‌కు
పంపించారు.

రాజీనామా చేసిన కార్పొరేషన్ ఛైర్మన్లు వీళ్లే..

1. సోమ భరత్ కుమార్- రాష్ట్ర డెయిరీ డెవలప్‌మెంట్ కార్పొరేషన్ ఛైర్మన్
2. జూలూరి గౌరీ శంకర్- తెలంగాణ సాహిత్య అకాడమీ ఛైర్మన్
3. పల్లె రవి కుమార్ గౌడ్- రాష్ట్ర కల్లు గీత కార్పొరేషన్ ఛైర్మన్
4. డాక్టర్ ఆంజనేయ గౌడ్- స్పోర్ట్స్ అథారిటీ ఛైర్మన్
5. మేడె రాజీవ్ సాగర్ - టీఎస్ ఫుడ్ కార్పొరేషన్ ఛైర్మన్

6. డా. దూదిమెట్ల బాలరాజు యాదవ్- గొర్రెలు, మేకల అభివృద్ధి సంస్థ ఛైర్మన్

7. గూడూరు ప్రవీణ్- టై క్స్ టై ల్స్ కార్పొరేషన్ ఛైర్మన్
8. గజ్జెల నగేష్- బేవరేజెస్ కార్పొరేషన్ ఛైర్మన్
9. అనిల్ కూర్మాచలం- ఫిలిం డెవలప్మెంట్ కార్పొరేషన్ ఛైర్మన్
10.రామచంద్ర నాయక్- ట్రైకార్ ఛైర్మన్
11. వలియా నాయక్- గిరిజన ఆర్థిక సహకార సంస్థ ఛైర్మన్
12. వై సతీష్ రెడ్డి- తెలంగాణ రాష్ట్ర పునరుత్పాదక శక్తి అభివృద్ధి సంస్థ ఛైర్మన్
13. డాక్టర్ ఎర్రోళ్ల శ్రీనివాస్- రాష్ట్ర వైద్య మౌలిక సదుపాయాల కల్పన సంస్థ ఛైర్మన్
14. రవీందర్ సింగ్- పౌర సరఫరాల సంస్థ ఛైర్మన్
15. జగన్మోహన్ రావు- రాష్ట్ర టెక్నాలజికల్ సర్వీసెస్ ఛైర్మన్
16. మన్నె క్రిశాంక్- తెలంగాణ రాష్ట్ర ఖనిజాభివృద్ధి సంస్థ ఛైర్మన్
17. గెల్లు శ్రీనివాస్ యాదవ్- రాష్ట్ర పర్యాటక శాఖ అభివృద్ధి సంస్థ ఛైర్మన్