Aniebar I.

Barry

Local Language 1

ELS - B

"RAHMAN IBAN RAHIM"

Bismillah Subhanallah Alhamdulillah Wa'la ilaha illallah hu Allah hu akbar lahawla wa'la
kuwata illah billahil alliyul azeem.

Ha lawm kasi lasa sin duwa maas ta, halawm alam rahman pa kita ih amah ta 40 adlaw. Hika
isa niya amuna in utuk hika pitu' adlaw, kamaruwa niya bukug ha taykuran ta hika pitu'
adlaw, hikatu' niya sulbi wattaraib hika pitu' adlaw, hika upat bukug ha daghal hika pitu'
adlaw, hika lima niya amuna in jantung hika pitu' adlaw, in hika unum pusud hika pitu'
adlaw, iban in hika pitu' niya amuna in simud hika pitu' adlaw. Bang siya tibuukun katan
katluan tagsiyam adlaw plus ganapan hambuuk mihraj. Marifatullah mahinang siya 40
adlaw.

Ha lawm alam rahim naysab kita hi inah ta siyam bulan, siyam adlaw, siyam waktu, iban
siyam jam. Hambuuk adlaw HU, hikatu' adlaw ALLAH, hika pitu' adlaw INNALLAH, upat
bulan plus upat adlaw ALLAHUAKBAR, pitu' bulan plus pitu' adlaw SUBHANALLAH, walu
bulan plus walu adlaw ALHAMDULILLAH, hika siyam bulan plus siyam adlaw INNA ANNA
AMANNAH (sabunnal niya na aku nagdara' amana sin Allah). Siyam waktu plus siyam jam
MIH'RA (pakandangan).

Ha waktu sin bata-bata duun ha lawm pakunan hi inah niya, in siya kun Allah, amuna in
nasabbut ha tu' parakala ha lawm pakandangan. Pag abut sin hangpu' bulan amuna na in di
mahuli janji na ha bata-bata, tunggatus adlaw. Amun pagguwaun na in bata-bata, iban
kapag iyan masipak na in tiyan hi inah mu sah daing duun di' da mabaya gumuwa in bata-
bata.

Ubus laung sin tuhan guwa' na kaw ini in janji ku kaimu, tabuka sin karuwa hansipak lima
mu damikyan amuna in kakum'kum sin duwa lima sin bata-bata. Na sin janji hatiniya lawaga
aku ha waktu ini, ha bulan ini, iban duun in pagbakan ta ha waktu lima sin adlaw pitu'. Salta'
amuna in kabustak sin tutubans sin inah sin bata-bata, iban amuna in kasambahayang sin
bata-bata duun ha ka'batullah. Pag ubus ampa in bata-bata nag usalli Allahu'akbar.
Damikyan amuna in kaguwa' o sin bata-bata, pag ubus pagguwa' sin o amuna in kalapal na
isab sin bata-bata.

Daing duun nag kumpayakun na in baran sin dunya maun pa amuna in upat hinasil. Salta'
daing duun na isab in pagka manusiya sin kita. Sin didtu pa kita ha akhirat mahadtup kita sin
tuhan rabbul'alamin. Iban amuna yadtu in kabuhi sabunnal buhi' di' magkamatay,
"Pahannalaka Anna Halak", amun buhi' di na mapatay hangkan subay tumtumun iban
ingatun in parjanjian sin kita iban tuhan. Iban subay ra tuud kita huminang sin sambahayang
iban na sin katan ammal sin kita atawa kan ibadat duun siya matibuuk ha kalima LAILAHA
ILLALLAH. Buat malaingkan saupama bang di' ta mapatibuuk bar ma'ana bukun ta janji ta
iban sin tuhan rabbul'alamin.

Mahuli salam ulung kasilasa way bugtuan maun pa kaniyu katan.....