1. ჩამოაყალიბეთ რას გულისხმობს პრიორიტეტების განსაზღვრა?

პრიორიტეტების განსაზღვრა გულისხმობს რესურსების ეფექტური

განაწილების მიზნით სამედიცინო დახმარების სხვადასხვა სახეებს შორის
პრიორიტეტების არჩევას

2. ჩამოყალიბეთ რა მოთხოვნებს უნდა პასუხობდეს პრიორიტეტები

პრიორიტეტები უნდა პასუხობდეს შემდეგ მოთხოვნებს:

 პრიორიტეტები რეალურად განხორციელებადი უნდა იყოს ჯანდაცვის

არსებულ სისტემაში;
 პრიორიტეტები უნდა მოიცავდეს საზოგადოების ყველა ფენებს
პროგნოზირებადი რესურსების საზღვრებში;
 პრიორიტეტები უნდა ასახავდეს საზოგადოების აქტუალურ ამოცანებს და
მიზნებს, პოლიტიკურ კონსენსუსს.

3. ჩამოთვალეთ პრიორიტეტების დადგენის და მას მოქმედი ფაქტორები:

ეპიდემიოლოგიური,ეკონომიკური,პოლიტიკური და ფილოსოფიური
მხარეებით ხდება პრიორიტეტების დადგენა,ხოლო მასზე მოქმედი
ფაქტორები შეიძლება იყოს მთავრობა,საზოგადოება,პაციენტები,
სამედიცინო მომსახურების მიმწოდებლები, ეფეტურობა,ღირებულება და
ხარჯები.

4. რას გულისხმობს ფილოსოფიური ასპექტი?

იგივე ეგალიტარისტული მიდგომა გულისხმობს იმას რომ სამართლიან და

თანასწორუფლებიან საზოგადოებაში მაღალხარისხიანი სამედიცინო
დახმარება ყოველი მოქალაქისათვის უნდა იყოს თანაბრად
ხელმისაწვდომი და იმას რომ სახელმწიფოს უმნიშვნელოვანესი როლი აქვს
თითოეული საზოგადოების ჯანმრთელობის დაცვაში.

5. ჩამოთვალეთ ჯანმრთელობის სერვისები:

• პერსონალური სერვისები: მხოლოდ ერთ ადამიანს შეუძლია ისარგებლოს

სერვისით
• საზოგადოებრივი ჯანმრთელობის (თემის) სერვისები: განხილულია თემის
დონეზე და მათი მიწოდება არ ხდება ინდივიდუალური კლიენტებისათვის

6. ჩამოაყალიბეთ პოლიტიკის გადაწყვეტილებები და კომპრომისი

 პირველ რიგში უნდა გადავწყვიტოთ რა უნდა მოვიცვათ, აუცილებელია
მოვიცვათ სახელმწიფო ან ნახევრად სახელმწიფო სიკეთე, ეს არის
სერვისები,რომლებიც არასენსიტიურია ბაზრის სიგნალებზე და
შესაბამისად უნდა აწარმოოს სახელმწიფო სექტორმა, მაგალითად,
საზოგადოებრივი ჯანდაცვის სერვისები და სხვა.
მეორე რიგში უნდა ვიცოდეთ ვინ უნდა მოვიცვათ, ანუ ძალიან
ღარიბები,ხანდაზმულები,მრავალშვილიანები და ა.შ.
ასევე უნდა გავითვალისწინოთ საწინააღმდეგო კავშირი ჯანმრთელობასა
და ქონებას შორის,რაც მეტია საჭიროება,მით ნაკლებია მსყიდველობითი
უნარი.
მესამე რიგში კი უნდა გადაწყდეს ვინ უნდა აწარმოოს და
მიაწოდოს,ყველაზე კარგი ვარიანტია სერვისები უნდა მიაწოდოს
სახელმწიფო სექტორმა მოსახლეობის მხოლოდ განსაზღვრულ
ჯგუფებს,დანარჩენებმა კი თად უნდა უზრუნველყონ მომსახურების
მიღება.

7. ჩამოაყალიბეთ რა უნდა იყოს მწირი რესურსების პირობებში სახელმწიფო

დაფინანსების პრიორიტი

 ხარჯთ-ეფექტური სერვისები
 მნიშვნელოვანი დაავადებები
 მთელი მოსახლეობა (სერვისის სხვა სეგმენტები შეიძლება დაიფაროს სხვა
მოწყობის საშუალებით)

8. ჩამოაყალიბეთ სარგებლის პაკეტის შემუშავების ძირითადი პრინციპები

1.გამჭირვალობას ხელშეწყობა (გაგება)- ამ დროს ორიენტაცია ხდება

პაციენტის საჭიროებაზე,არის მარტივი, მოსახლეობისათვის გასაგები,
ხდება უფლებების დაბალანსებისა რესურსებთან

2.ფინანსური უსაფრთხოებისა და თანასწორობის ხელშეკრულება

- ამ დროს ხდება თანაგადახდის სტრუქტურირება კატასტროფული
ხარჯების რისკის შესამცირებლად და უმწეო ჯგუფებისათვის
დიფერენცირებული უფლებების განსაზღვრა და განხორციელება

9. რას მოიცავს პაკეტის შემუშავების კრიტერიმები

 ეკონომიკური მახასიათებლები- იგულისხმება საზოგადოებრივი,

ნახევრადსაზოგადოებრივი და კერძო საქონელი
 ფინანსური რისკისგან დაცვის პოტენციალი- ძვირი და/ან
დაუგეგმავი, არც ძვირი და არც დაუგეგმავი და არც არჩევითი
 სოციალური და პოლიტიკური პრიორიტეტები
10. ჩამოთვალეთ „ჯანმრთელობის“ პოლიტიკში გამოვლენილი ძირითადი
პრობლემები:

დედათა და ბავშვთა ჯანმრთელობის გაუმჯობესება,ტრამვების შემცირება,

ფსიქიკური ჯანმრთელობა, ჯანსაღი ცხოვრების წესის დამკვიდრება,
ონკოლოგიური დაავადების გამოვლენისა და პრევენციის
გაუმჯობესება,უსაფრთხო გარემოს შექმნა და ა.შ.

11. ჩამოაყალიბეთ რას გულისხმობს მართული ჯანდაცვა

მართული ჯანდაცვა არის სამედიცინო მომსახურების დაფინანსებისა და

მიწოდების ინტეგრაცია სისტემის შიგნით, რომლის მიზანია მართოს ამ
მომსახურების ხელმისაწვდომობა, ხარჯები და ხარისხი სხვადასხვა
მეთოდებიტ,როგორიცაა კოორდინაცია,ინტეგრაცია და
ურთიერთშეთანხმება.

მართული ჯანდაცვა წარმოადგენს მართვითი, ორგანიზაციულ-

ეკონომიკური და კლინიკური ღონისძიებების ერთობლიობას, რომლებიც
მიმართულია სამედიცინო დახმარების მიწოდებისა და დაფინანსების
სისტემის ფრაგმენტულობის დასაძლევად და სამედიცინო
დაწესებულებების მთელი კომპლექსის უფრო მაღალი ხარჯთ-
ეფექტურობით ფუნქციონირების უზრუნველსაყოფად.

12. ჩამოაყალიბეთ მართული ჯანდაცვის მთავარი პრინციპები

• მართული ჯანდაცვის ორგანიზაციასა და შერჩეულ პროვაიდერებს

(ექიმები, საავადმყოფოები და სხვ.) შორის ხელშეკრულებითი
ურთიერთობები (სამედიცინო მომსახურების უტილიზაციაზე და ხარისხზე
კონტროლი);
• პაციენტები მიმართავენ მხოლოდ წინასწარ განსაზღვრულ პროვაიდერებს
და სამედიცინო დაწესებულებებს
• ჰოსპიტალში მიმართვიანობის და დაყოვნების ხანგრძლივობის კონტროლი
• მაღალხარჯიანი სამედიცინო დახმარების შემთხვევების ინტენსიური
მენეჯმენტი

13. ჩამოთვალეთ მართული ჯანდაცვის ნაწილები

მისი შემადგენელი ნაწილებია სადაზღვეო ორგანიზაცია,პაციენტი და

სამედიცინო ორგანიზაცია,რომელშიც შედიან ზოგადი პრაქტიკის
ექიმები,საავადმყოფოები, კლინიკურ-დიაგნოსტიკური ცენტრები და ა.შ.

14. ჩამოაყალიბეთ რა განსხვავებაა მართული ჯანდაცვასა და დაზღვევის

ტრადიციულ სქემას შორის
  მართულ ჯანდაცაში პაციენტების მიერ მათთვის სასურველი ექიმის
არჩევანი შეზღუდულია,ხოლო დაზღვევის ტრადიციულ სქემაში აეა
 მართულ ჯანდაცვაში მცირდება „მორალური საფრთხეები“ ხოლო
დაზღვევის ტრადიციულ სქემაში ექიმებს შეუძლიათ პაციენტებს
მიაწოდონ ნებისმიერი სამედიცინო მომსახურება,რომელსაც ისინი
საჭიროდ თვლიან
 მართულ ჯანდაცვაში ხდება სამედიცინო დახმარების
მიმწოდებლების არჩევითი კონტრაქტირება,ხოლო ტრადიციულ
სქემაში დამფინანსებელი მხარე ხშირად პასიურ როლში გვევლინება
 მართულ ჯანდაცვაში ხდება ხარჯებზე კონტროლი,პრევენციული
ღონისძიებების სტიმულირება, და მაღალხარჯიანი სამედიცინო
დახმარების შემთხვევების ინტენსიური მენეჯმენტი,ხოლო
დაზღვევის ტრადიციულ სქემაში ჯანდაცვის ხარჯები არ არის
ფიქსირებული და არაპროგნოზირებადი,

15. ჩამოთვალეთ მართული ჯანდაცვის სახეები

 ჯანმრთელობის მომსახურების ორგანიზაცია (Health Maintenance

Organization - HMO);
 ჯანდაცვის პრივილეგირებული ორგანიზაცია (Preferred Provider
Organization - PPO);
 სერვისების ქულობრივი სქემა - Point-of-service plan (POS)
 ექსკლუზიური პროვაიდერების ორგანიზაცია (Exclusive Provider
Organizations - EPO).

16. ჩამოაყალიბეთ რას გულისხმობს ჯანმრთელობის მომსახურების

ორგანიზაცია HMO

HMO არის როგორც დამზღვევი ასევე მიმწოდებელი,პაციენტებს უფლება

არ აქვთ სამედიცინო მომსახურება მიიღონ სხვა HMO-ს ორგანიზაციის
გარეთ,პაციენტი მიწერილია ზოგადი პრაქტიკის ექიმთან, რომელიც
გვევლინება როგორც მეჭიშკრე

17. ჩამოყალიბეთ HMO ჯანმრთელობის მომსახურების ორგანიზაციის

ფორმები და მათ შორის განსხვავებები

არსებობს დახურული და ღია ჩარჩოს HMO ფორმები.

დახურული ჩარჩოს HMO ს ექსკლუზური ხელშეკრულება აქვს

გაფორმებული ექიმებთან,რომლის მიხედვიტაც ამ ექიმებს უფლება არ
აქვთ მოემსახურონ სხვა პაციენტებს. მისი ფორმებია:
  HMO-ს საშტატო პერსონალის მოდელი (Staff Model)- ექიმები
წარმოადგენენ HMO-ს დაქირავებულ თანამშრომლებს, რომლებსაც
ეძლევათ ხელფასი და აქვთ ოფისი HMO-ს შენობა-დაწესებულებებში.
 ჯგუფობრივი მოდელი- HMO მასთან რეგისტრირებული
პაციენტების სამედიცინო მომსახურებისათვის ხელშეკრულებას
დებს არა უშუალოდ ცალკეულ ექიმთან, არამედ ექიმების
მულტისპეციალიზირებულ ჯგუფთან.

ღია ჩარჩოში შედის:

 პირდაპირი კონტრაქტის მოდელი- HMO-ს ხელშეკრულება აქვს

გაფორმებული დამოუკიდებელ ექიმებთან,შესაბამისად, ექიმს აქვს
საკუთარი ოფისი და შეუძლია მიიღოს პაციენტი, რომელიც HMO-ში
არ არის გაწევრიანებული. ექიმს უფლება აქვს აირჩიოს მართვითი
ჯანდაცვის სხვადასხვა გეგმები და ხელშეკრულება გააფორმოს
მრავალ HMO-სთან.
 HMO-ს IPA-ს მოდელი ექიმებს შეუძლიათ გაწევრიანდნენ
დამოუკიდებელ პრაქტიკოსთა ასოციაციაში . HMO ხელშეკრულებას
აფორმებს დამოუკიდებელ, კერძო პრაქტიკის ექიმებთან
 ქსელის მოდელი შემთხვევაში HMO ხელშეკრულებას აფორმებს
დამოუკიდებელ ექიმთა სხვადასხვა ჯგუფებთან თუ ინტეგრირებულ
ორგანიზაციასთან (IPA-სთან, ინდივიდუალურ ექიმებთან და ა.შ.).
 შერეული მოდელი დროს HMO იყენებს დახურული და ღია
ჩარჩოების მოდელების კომბინაციას.

18. ჩამოაყალიბეთ რა განსხვავებაა ჯანდაცვის პრივილეგირებული

ორგანიზაციასა და სერვისების ქულობრივ სქემას შორის

ჯანდაცვის პრივილიგირებული ორგანიზაციაში არჩევნის ნაკლებობა

შეზღუდულია, პაციენტებს არ მოეთხოვებათ პირველადი ჯანდაცვის
ექიმის მიმართვა სპეციალისტებთან სამედიცინო მომსახურების
მისაღებად. ასევე სამედიცინო დაზღვევის გეგმა ხელშეკრულებას აფორმებს
დამოუკიდებელ ექიმებთან, საავადმყოფოებთან და სხვა ჯანდაცვის
პროვაიდერებთან, რომლებიც ხდებიან “პრივილეგირებული”
პროვაიდერები. ხოლო რაც შეეხება ქულობრივ სქემას ეს არის ერთგვარი
გეგმა რომელშიც პაციენტები იხდიან ნაკლებთ თუ იყენებენ
ექიმებს,საავადმყოფოებს და სხვა ჯანდაცვის პროვაიდერებს,რომლებიც
მიეკუთვნებიან ქსელს. POS ასევე მოითხოვს რომ პაციენტებმა მიიღონ
რეფერალი პირველადი ჯანდაცვის ექიმისგან,რათა მიმართონ
სპეციალისტს.

19. ჩამოთვალეთ HMO სადაზღვევო პროდუქტები

 ღია ხელმისაწვდომობის გეგმა - რეგისტრირებულ წევრებს
პირველადი ჯანდაცვის ექიმთან კონსულტაციის გარეშე შეუძლიათ
აირჩიონ სპეციალური სამედიცინო მომსახურება, მხოლოდ ამ
მომსახურებას უნდა ეწეოდნენ მათთან ხელშეკრულებაში მყოფი
მართვითი ჯანდაცვის პროვაიდერები.
 სამედიცინო მომსახურების გარკვეული სახის გეგმა HMO-ს და
დაზღვევის კომბინირებულ სახეს წარმოადგენს. რეგისტრირებულ
წევრებს შეუძლიათ სამედიცინო მომსახურების გარკვეული სახეები
HMO-ს სისტემის გარეთ მიიღონ, თუმცა ასეთი სახის
მომსახურებისათვის მათ დამატებითი თანხა უნდა გადაიხადონ.
მაგალითად HMO იხდის 80 %-ს, ხოლო რეგისტრირებული წევრი კი
20 % თანაგადახდას.