Professional Documents
Culture Documents
انگریزی زبان کے چار دور عارف وقار BBC
انگریزی زبان کے چار دور عارف وقار BBC
عارف وقار
بی بی سی ،لندن
آج ہم انگریزی زبان کی جدید تاریخ پر کچھ بات چیت کریں گے۔ پانچویں اور چھٹی صدی عیسوی میں جزائر برطانیہ پر شمال کی جانب سے ’اینگل‘
اور ’سیکسن‘ قبائل حملہ آور ہوئے تھے اور انہوں نے Celticزبانیں بولنے والے مقامی باشندوں کو سکاٹ لینڈ ،آئرلینڈ اور ویلز کی طرف دھکیل دیا
تھا۔ ( اسی طرح جیسے آریاؤں نے ہندوستان کے مقامی باشندوں کو جنوب کی طرف دھکیل دیا تھا۔)
آٹھویں اور نویں صدی میں شمال سے Vikingsاور Norseقبائل کے حملے بھی شروع ہوگئے اور اس طرح موجودہ انگلستان کا عالقہ کئی طرح
کی زبانیں بولنے والوں کی آماج گاہ بن گیا اور کئی پرانے الفاظ کو نئے معنی مل گئے مثًال Dreamکا مطلب اس وقت تک ’مزہ کرنا‘ تھا لیکن شمال
کے بحری قزاقوں ( ) vikingsنے اسے ’خواب‘ کے معانی پہنا دیے۔
اسی طرح skirtکا لفظ بھی شمالی حملہ آوروں کے ساتھ یہاں آیا لیکن اس کی شکل بدل کر shirtہو گئی۔ بعد میں دونوں الفاظ الگ الگ معانی میں
مستعمل ہو گئے اور آج تک ہو رہے ہیں۔
سن 500سے لے کر 1100تک کے زمانے کو پرانی انگریزی یا Old Englishکا دور کہا جاتا ہے۔
1066میں ڈیوک آف نارمنڈی نے انگلستان پر حملہ کیا اور یہاں کے Anglo - Saxonقبائل پر فتح پائی۔ اس طرح قدیم فرانسیسی زبان کے الفاظ
مقامی زبان میں شامل ہونے لگے۔
انگریزی کا یہ دور 1100سے 1500تک جاری رہا اور اسے انگریزی کا وسطی دور کہا جاتا ہے () Middle English۔
قانون اور جرم و سزا سے تعلق رکھنے والے بہت سے انگریزی الفاظ اسی زمانے میں وضع ہوئے۔ انگریزی ادب میں چاسر ( )Chaucerکی شاعری
کو اس زبان کی اہم مثال قرار دیا جاتا ہے۔
سن 1500کے بعد انگریزی کا جدید دور شروع ہوتا ہے جب نشاۃ الثانیہ کی بدولت قدیم یونانی علوم و فنون کا احیاء ہوا اور یونانی کے الفاظ نے بھی
انگریزی میں راہ پائی۔
اس دور کی ابتدا شیخصپئر جیسے عظیم نام سے ہوتی ہے اور یہ دور سن 1800تک چلتا ہے۔ سن 1800کے بعد کا دور انگریزی کا جدید تر دور
کہالتا ہے جس میں انگریزی کی گرامر سادہ ہو چکی ہے اور اس میں انگریزوں کی ایشیائی اور افریقی نو آبادیوں کی زبانوں کے بہت سے الفاظ
شامل ہو چکے ہیں۔
عالمی سیاست ،معیشت اور تجارت میں امریکہ کی بڑھتی ہوئی اہمیت کے باعث امریکی انگریزی ( ) American Englishنے بھی خاص مقام پیدا
کر لیا ہے۔
ہجوں ( )Spellingکی سادگی اور بات کرنے کا براہ راست اور بے تکلفانہ انداز امریکی انگریزی کے خاص اوصاف ہیں۔
https://www.bbc.com/urdu/learningenglish/story/2004/08/printable/040819_english_language_an 1/1