Si Ginoong Dan Joseph Dela Cruz Guillermo ay nagtapos sa
Seminaryo Mayor ng Inmaculada Concepcion noong Abril 2023.
Natamo niya ang St. Thomas Aquinas Award bilang karangalan sa pagkakamit ng pinakamataas na marka para sa kaniyang saliksik na pinamagatang Fictional Narrative: An Act of Memory Towards Paul Ricoeur’s Notion of Forgiveness. Gayundin, siya ay ginawaran ng parangal bilang ikatlo sa pinakamahuhusay sa kanilang komprehensibong pagsusulit sa Seminaryo Mayor. Kasalukuyan siyang nagsisilbi bilang guro sa Pilosopiya at manunulat ng mga tula, maikling kuwento, pilosopikal na pagmumuni-muni (philosophical reflections), artikulo, at pananaliksik. Ilan sa mga nailathala niyang pilosopikal na pagmumuni-muni ay ang Alamat ng Mundo (2020); Alegorya ng Pinto (2021); at Litanya ng Alaala: Isang Tagpuan ng Kinalimutan, Nakalimutan, at ‘Di Malimutan (2023). Bukod pa rito ay ang pang-akademikong saliksik niyang, At Nakipamayan Sa Atin: Isang Metalingwistiko at Penomenolohikal na Pagsusuri sa Konsepto ng Pamayanan (2022). Gayundin, kabilang sa kaniyang mga nailathala ay ang mga sumusunod na tula: Eroplanong Papel II, Eksistensiyal na Pangungumbinsi, Digmaan, Pagkatuto I, Pagkatuto II, ___________, May Puwang ang Pagpapatawad sa Nakaraan, Kung Bakit Hindi Dapat Ika’y Magaling, At Dawn, Star, Pedestrian, Istatistiks ng Kwarto, December 25, Pagkatapos ng Cover Page at Epigraph, at iba pa. Isa siya sa mga aktibong tagapag-ambag sa mga publikasyong inilalathala sa Vita: Journal of Philosophy and Arts. Siya ay kasalukuyang nag-aaral ng mga piling kurso sa larang ng edukasyon sa Unibersidad ng Santo Tomas at patuloy na nananaliksik at umaalam upang makamtan ang katotohanan.