KAHULUGAN NG KOMUNIKASYON

SANGKAP AT PROSESO NG KOMUNIKASYON

BERBAL, EXTRA-VERBAL, DI-BERBAL AT SIMBOLIK NA KOMUNIKASYON

ANTAS NG KOMUNIKASYON

1
Deanne Kate B. Ancuna-Salinda, LPT
Komunikasyon
 KAHULUGAN NG KOMUNIKASYON

Ang komunikasyon ay ang isa sa pinakamahalagang pangangailangan ng tao kung bakit

siya nabubuhay. Sa tuwing maririnig ang salitang komunikasyon laging pumapasok sa isipan
natin ang telepono, radyo, telebisyon at libro sa madaling salita ang kagamitang may kinalaman
sa berbal na pakikipagkomunikasyon.

Basahin ang sumusunod na mga kahulugan ng komunikasyon:

1. Ito ay pagpapahayag; paghahatid o pagbibigay ng impormasyon sa mabisang paraan; isang

pakikipag-ugnayan, pakikipagpalagayan o pakikipag-unawaan.

(Webster)

2. Ito ay isang intensyonal o konsyus na paggamit ng anumang simbolong tunog o ano mang uri
ng simbolo upang makapagpadala ng katotohanan, ideya,damdamin, o emosyon mula sa isang
indibiduwal tungo sa iba.

(Greene at Petty)

3. Ang komunikasyon ay paghahatid ng mga mahahalagang impormasyon sa isang paraang

masining upang maging mabisa at mahusay na naipahayag ng tao ang kanyang palagay o
saloobin sa kanyang kapwa, ano man ang paksang inaakala niya'y mahalagang mapag-usapan.

(Verdeber,1987)

4. Pagpapalitan ng impormasyon sa pagitan ng mga mga indibiuwal.

(Khan,2001)

5. Mula sa salitang Latin communis na nangangahulugan ng panlahat o para sa lahat.

Ang komunikasyon ay maaaring intrapersonal (pansarili);interpersonal (kapwa sa kapwa o sa

maliit na pangkat ng tao) at pampubliko (pagsasalita sa malaking pangkat ng tao)

SANGKAP AT PROSESO NG KOMUNIKASYON

Ang komunikasyon o pakikipag-unawaan ay isang sining. Ito rin ay isang kasanayang

maaaring linangin. Ang isang mainam na komunikasyon ay maaaring magbunga ng isang
maayos na pakikitungo sa kapwa. Isa itong komplikadong proseso ng indibiduwal sa
komunikasyon. Ang taong hindi madalas magsalita ay maraming paraan ng komunikasyon.

Ang larawan sa ibaba ay nagpapakita ng mga salik (essence) sa proseso ng

komunikasyon (Flora, S. Jr, w.t.)

2
Deanne Kate B. Ancuna-Salinda, LPT
Komunikasyon
 NAGPADALA MENSAHE DALUYAN TUMATANGGAP
SENDER MESSAGE CHANNEL RECEIVER

KASANAYANG NILALAMAN PANDAMA KASANAYANG

PANGKOMUNIKASY PANGKOMUNIKASY
ON PANANAW (SENSORY) ON
(PASULAT AT (PAKIKINIG AT
PASALITA) INSTITUSYONAL PAGBASA)

UGALI (INSTITUTIONALIZED) UGALI

KAALAMAN KAALAMAN

KATAYUANG KATAYUANG
PANLIPUNAN
PANLIPUNAN
KULTURA KULTURA

TUGON

NAGPADALA

Dito nagmumula ang mensahe. May limang bagay ang nakakaapekto sa nagpapadala sa
ano mang mensahe na kanyang nais ipadala ito ang mga sumusunod: kasanayang
pangkomunikasyon, ugali, kaalaman, katayuang panlipunan at kultura. Ang lima ring ito ay
nakakaapekto rin sa tagatanggap.

MENSAHE

Bawat mensahe ay may dalawang aspeto. Ang nilalaman at pananaw. Sa laman ng

mensahe makikita ang tema, dating at katuwiran. Sa pananaw naman makikita ang ayos ng
mensahe.

DALUYAN

May dalawang anyo ng daluyan ng mensahe. Ito ay ang pandama (sensory channels) na
kinabibilangan ng paningin, pandinig, pang-amoy, panlasa at pakirandam, at institusyonal
(institutionalized channels) sa pamamagitan ng tuwirang pakikipag-usap, sa pamamagitan ng
sulat o sa pamamagitan ng mga kagamitang electronics tulad ng telepono,computer, beeper,
fax at iba pa. Bawat daluyang institusyonal ay nangangailangan ng isa o higit pang daluyang
pandama. Ang tuwirang pakikipagkomunikasyon ang pinakamainam gamitin kung ang layunin
ay agad makatawag pansin at makakuha ng dagliang tugon.

3
Deanne Kate B. Ancuna-Salinda, LPT
Komunikasyon
TUMATANGGAP

Ang tumatanggap ng mensahe ay dapat magtuon ng pansin, magpakahulugan at

tumugon sa mensahe. Layunin ng komunikasyon na mapaabot ang mensahe sa
pinatutungkulan nito. Dapat isaalang-alang ng nagpapadala ng mensahe na ang pinakaunang
hakbang sa pagpapaabot ng mensahe ay kung paano matatawag ang pansin ng kausap.
Matapos matawag ang pansin ng kausap ay dapat namang maipaunawa na wasto ang
mensahe. Ang pagtawag ng pansin at pagpapaunawa ay pamamaraan kung saan dapat isaalang
alang ang mga bagay na nakakaapekto sa pagpapadala ng mensahe. (kasanayang pangwika,
ugali, kaalaman, katayuang panlipunan at kultura)

Matapos maituon ang pansin at maunawaan ang mensahe, ang susunod na hakbang ng
tumatanggap ay ang pagtanggap. May tatlong antas o lebel ang pagtanggap.Una, pagkilala,
naniniwala ang tumatanggap ng mensahe na tama ang nilalaman nito.Pangalawa, bisa, hindi
lang naniwala sa katumpakan ng mensahe subalit naniwala rin ng may mabuting maidudulot o
bisa ito. Pangatlo ay ang aksyon o pagkilos na dapat isagawa bunga ng mensaheng natanggap.

TUGON

Masusukat ang kahusayan ng komunikasyon sa pamamagitan ng tugon. Ang tugon ay

maari ring paraanin sa parehong daluyuan o sa ibang daluyan ayon sa hinihingi ng pagkakataon
papunta sa nagpadala ng mensahe. Sa pagpaparating ng tugon dapat muling isaalang-alang ang
mga bagay na nakakaapekto sa pagpapadala ng mensahe. Ang tugon ay sukatan ng
impluwensya o kapangyarihan.

INGAY

Ang ingay ay kadalasang nagiging bunga ng di pagkakaunawaan at di pagtanggap ng

mensahe nang maayos.

KAALAMAN AT PAG-UNAWA

Ang kaalaman at ang pag-unawa sa isang mensahe ay kailangan upang magkaintindihan

ang tagatanggap at ang tagahatid ng mensahe.

REPLIKASYON

Ito ay tumutukoy sa pag-uulit upang maunawaan ang mensahe batay sa layunin ng

tagahatid at tagatanggap ng mensahe pagkatapos na mahadlangan ang ingay at sagabal sa
komunikasyon.

4
Deanne Kate B. Ancuna-Salinda, LPT
Komunikasyon
 BERBAL, EXTRA-VERBAL, DI-BERBAL AT SIMBOLIK NA KOMUNIKASYON

1. Komunikasyong Verbal - gumagamit ng wika na maaaring pasulat o pasalita. Pasulat ang uri
ng komunikasyon nababasa at pasalita yaong mga binibigkas at naririnig. Ito ang pinakagamting
uri ng komunikasyon.

2. Komunikasyong Extra-Verbal - komunikasyong gumagamit ng tamang tono o timbre ng

boses sa pagsasalita o pagpapahayag ng kanyang saloobin o damdamin. Ang mababa at
malumanay na tinig ay tanda ng paggalang sa mga matatanda samantalang ang malakas na
boses, mataas na tono at mabilis na ritmo ay ginagamit sa pagbibigay ng babala o paghingi ng
tulong.

3. Komunikasyong Di-Verbal - Ito naman ay hindi gumagamit ng wika, sa halip, kilos at galaw ng
katawan ang ginagamit sa pakikipagtalastasan. Halimbawa rito ang ekspresyon ng mukha,
galaw ng mata, kamay at paa.

Ang mukha ang pinakamahalaga sa pakikipagtalastasang hindi ginagamitan ng wika. Ang

mata at bibig ay mahalaga sa pagpapadama ng damdamin. Ang matang nanlilisik ay
nagpapadama ng galit, ang matang malamlam ay pagmamakaawa. Ang ngiti ay palatandaan ng
kasiyahan o pagsang-ayon, atbp.

4. Komunikasyong Simbolik - to ay binubuo ng mga mensaheng naibibigay ng mga bagay na

ginagamit na nakapaglalarawan ng mga nakatagong katangian at personalidad ng isang tao. Ang
mga ito ay maaring naipakikita sa pamamagitan ng:

 Kasuotan o damit
 Alahas/palamuti sa katawan
 Make-up
 Kulay na napili

ANTAS NG KOMUNIKASYON

1. Interpersonal na komunikasyon (Pang-iba) - ito ang komunikasyong nangyayari sa dalawa o

mahigit pang tao. Ito ay maaring mangyari sa loob ng klasrum, sa pagitan ng propesor at mga
estudyante, sa mga pangkatang gawain ng mga mag-aaral, maaaring magkaroon ng palitan ng
opinyon o kaisipan o brain storming.

2. Intrapersonal komunikasyon na (Pansarili) - ito ang komunikasyong nangyayari sa isang

indibidwal kapag siya ay nag - iisip tulad halimbawa kapag may gagawin siyang desisyon, kapag
nagmumuni-muni o nagninilay-nilay sa kanyang kasalanan bago magkumpisal. Ito ang
pakikipag - usap ng tao sa kanyang sarili.

3. Komunikasyong Pampubliko - isinasagawa ang komunikasyong ito sa harap ng maraming

mamamayan o tagapakinig, halimbawa talumpati sa harapan ng maraming tao gaya ng
panahon ng pagtatapos, pagtanggap ng karangalan.

4. Komunikasyong Pangmasa - ito ay komunikasyong gumagamit ng mas midya, radyo,

telebisyon at pahayagan. Halimbawa ang mga balita, komentaryo sa radyo o telebisyon o
pulong o miting sa barangay, pangangampanya ng mga pulitiko sa panahon ng eleksyon.

5. Komunikasyong Pangkultura - ito ang komunikasyon para sa pagtatanghal pagpapakilala ng

kultura ng isang bansa, gaya ng mga pelikula, dula,eksibit o kaya isang parada na naglalarawan
ng kaugalian at paniniwala.

6.Komunikasyong Pangkaunlaran - tungko sa industriya, ekonomiya o anumang

pangkabuhayan, pangkaunlaran sa lahat ng larangan sa buhay.
5
Deanne Kate B. Ancuna-Salinda, LPT
Komunikasyon