Inang Kalikasan: Ikaw ay Nasaan?

Tulang gawa ni Nico Jose

Inang Kalikasan, ikaw ay nasaan?

Ikaw ba’y kasulukuyang nasasaktan?
Ang mga luha mo ba ay tumutulo?
Nang dahil sa pag aabuso ng tao?

‘Igan, tignan ang iyong kapaligiran

Ang batis, karagatan, at kalikasan
May mga pagbabago ka bang nakikita?
Ang hangin ba’y nananatiling sariwa?

Polusyon. Basura dito. Kalat doon.

Mga tao’y kahit saan tumatapon
Ilog ay napuno ng mga basura
Kalsada’t hangin ay sadyang madumi na

Mga huni ng ibon ay nawawala

Huni nila’y natabunan ng busina
Sa dami ng mga sasakyan sa EDSA
Trapiko kahit saan ay malubha na

Kaibigan, bakit ‘di natin tulungan

Na maisalba si Inang Kalikasan?
Tayo’y magkapit – bisig at magkaisa
Na iligtas ang mga nilikha Niya?
Ibalik natin ang ganda at sigla N’ya
Oplan Kalinisan ating simulan na
Ibalik mga ngiti ng bawat isa
Upang ang buhay natin ay masagana