Professional Documents
Culture Documents
1 Mga Konseptong Pangwika Wikang Pambansapanturo at Opisyal
1 Mga Konseptong Pangwika Wikang Pambansapanturo at Opisyal
1 Mga Konseptong Pangwika Wikang Pambansapanturo at Opisyal
Wika at Komunikasyon
Wikang Pambansa, Wikang Opisyal, at Wikang Panturo
KASANAYANG PAMPAGKATUTO
q Natutukoy ang mga kahulugan at kabuluhan ng mga konseptong pangwika.
q Naiuugnay ang mga konseptong pangwika sa sariling kaalaman, pananaw, at mga karanasan.
PAGNILAYAN
Wika ang pinakamahalagang sangkap at ugnayan sa pakikipagkapwa-tao. Malaki ang tungkulin ng wika sa
pakikipag-unawaan at pakikisalamuha ng tao sa kaniyang tahanan, paaralan, pamayanan at lipunan.
Naipadarama ng wika ang sidhi ng damdamin, lalim ng lungkot at pighati, ang lawa ng galak, ang
kahalagahan ng katwiran, ang kabutihan ng layunin, ang nakapaloob na katotohanan sa isang layunin, ang
kaibuturan ng pasasalamat at paghanga.
WIKA
q Ang wika ay isang sistema ng mga sagisag na binubuo ng mga tunog o kaya ay mga pasulat na letra na
iniuugnay natin sa mga kahulugang nais nating ipabatid sa ibang tao (Emmert at Donagby, 1981).
q Ayon naman kay Henry Gleason (1988), ang wika ay sistematikong balangkas ng mga sinasalitang tunog
na pinipili at isinasaayos sa paraang arbitraryo upang magamit ng mga taong kabilang sa isang kultura.
q Ayon naman sa pananaw ni Lev Semyonovich Vygotsky (1978), ginagamit ang wika sa pag-iisip ng mga
tao dahil tinutulungan niyang iproseso ng ating utak ang lahat ng kaalaman at impormasyong iyong
nababatid.
q Sa pananaw ni Whitehead, ang wika ay kabuoan ng kaisipan ng lipunang lumikha nito; bawat wika ay
naglalaman ng kinaugaliang palagay ng lahing lumikha nito. Ito raw ay salamin ng lahi at kanyang
katauhan.
q Para naman kay Haring Psammatikos, ang wika ay sadyang natutuhan kahit walang nagtuturo at
naririnig.
q Ang wika ay isang sistemang arbitraryo ng simbolong pasalita na nagbibigay pahintulot sa mga taong
may kultura o ng mga taong Finnocchiaro (1964).
q Ang wika ay isang sistema ng mga simbolong arbitraryo ng mga tunog para sa komunikasyong pantao
Sturtevant (1968).
q Ang wika ay ang pangunahin at pinakaelaboreyt na anyo ng simbolikong pantao. Ang mga simbolong ito
ay binubuo ng mga tunog na nalilikha ng aparato sa pagsasalita at isinasaayos sa mga klase at padron na
lumilikha at simetrikal na estraktura Hill (1976).
q Ang wika ay masasabing sistematiko. Set ng mga simboli kong arbitraryo, pasalita, nagaganap sa isang
kultura, pantao, at natatamo ng lahat ng tao Brown(1980).
q Ang wika ay isang paraan ng komunikasyon sa pagitan ng mga tao sa isang tiyak na lugar, para sa isang
partikular na layunin na ginagamitan ng mga berbal at biswal na signal para makapagpahayag Bouman
(1990).
q Ang wika ay kalipunan ng mga salitang ginagamit at naiintindihan ng isang maituturing na komunidad
Webster (1990).
KOMUNIKASYON
q Ito ay pagpapahayag, paghahatid, o pagbibigay ng impormasyon sa mabisang paraan. Isa itong
pakikipag-ugnayan, pakikipagpalagayan o pakikipag-unawaan (Webster).
q Ito rin ang proseso ng pagbibigay at pagtanggap, nagpapalipat-lipat sa mga indibidwal ang mga
impormasyon, kaalaman, kaisipan, impresyon, at damdamin. Nagbubunga ang ganitong pagpapalitan ng
pagkakaunawaan at kaunlaran ng lipunan (Cruz, 1988).
ANTAS NG KOMUNIKASYON
q Intrapersonal
Ito ang antas ng komunikasyon na nakatuon sa sarili o paraan ng pakikipag-usap sa sarili sa
pamamagitan ng dasal, meditasyon at pagninilay-nilay.
q Interpersonal
Ito ang antas ng komunikasyon na nagaganapn sa pagitan ng dalawa o higit pang kalahok
q Organisasyunal
Ito ay antas ng komunikasyon na nagaganap sa loob ng isang oraganisasyon tulang ng paaralan,
kompanya, simbahan, at pamahalaan sa pagitan ng mga taong may iba’t ibang posisyon, obligasyo at
responsibilidad.
MODELO NG KOMUNIKASYON
q Ang tagapagpadala (sender) ang pinagmulan ng mensahe. Dumadaan ang mensahe sa isang tsanel
(channel) upang maihatid ito sa patutunguhang tao o destinasyon. Tagatanggap (receiver) ang tao o
institusyong pinapadalhan ng mensahe.
q Ang ingay ang nagiging hadlang sa komunikasyon dahil maaari itong na likha ng kapaligiran, ng mga
tao, at mga bagay. Maaari din naming internal ang ingay o sikolohikal dulot ng bagabag sa sarili, pag-
aalala, at kalituhan ng tagapagpadala o tagatanggap.
URI NG KOMUNIKASYON
q Komunikasyong Pabigkas
Ito ang pinakapundasyon ng anumang wika at pagsasaling-kalinangan sa maahabang henerasyon.
Ang sinaunang kalinangan ay nakabatay sa pagbigkas o pasalitang tradisyon tulad ng ritwal ng
pananampalataya, pagtatanim at pag-ani, pagpapagaling sa may sakit, kasal, pagsilang, at kamatayan.
q Komunikasyong Pasulat
Ito ay isa sa mahahalagang salik ng kaalaman at edukasyon ng tao. Nakabatay sa alpabeto,
gramatika, o estruktura ng wika at kumbensiyong pangwika (protocol at etika, etnograpiya ng
komunikasyon, kontekstong kultural) ang pagsulat ng isang tao.
WIKANG PAMBANSA
Ang wikang pambansa ay tumutukoy sa wika na ginagamit ng mga tao sa isang bansa. Halimbawa, ang
wikang pambansa ng mga taga-Nepal ay Nepali bagamat mayroon silang 123 na mga wika. Tulad ng Nepal,
ang Pilipinas ay mayroon ding wikang pambansa at ito ang wikang Filipino batay na rin sa 1987 na
Konstitusyon.
Ang wikang pambansa ay kailangang nasa estado ng pagiging lingua franca at nararapat na sumailalim sa
pagkilala ng batas. Ito ang dahilan kung bakit malawakang nagagamit saan mang panig bansa ang wikang
Filipino dahil paulit-ulit itong itinanghal o binigyang halaga sa maraming batas. Kaugnay nito, kailangang
maging bukas ang wikang Filipino sa panghihiram mula sa mga katutubong at iba pang banyagang wika
upang patuloy itong umunlad.
q Kinilala ang Filipino bilang Wikang Pambansa alinsunod sa Artikulo XIV, Sek.6, ng Saligang Batas ng
1987.
q Ayon sa batas na ito, “habang nililinang ang Filipino ay dapat itong payabungin at pagyamanin nang
nakasalig sa mga katutubong salitang umiiral sa wikang Filipino at iba pang wika’’.
WIKANG OPISYAL
Tumutukoy naman ang wikang opisyal sa wikang ginagamit sa gobyerno at mahahalagang gawain ng isang
lugar. Maaaring iisa lamang ang wikang opisyal at wikang pambansa kagaya ng wikang Ingles sa ating
bansa. Bagamat mayroong Filipino bilang wikang pambansa, malakas ang impluwensiya ng wikang wikang
Ingles at ito ay ginagamit bilang isa pang wika sa mga gawain at pagpupulong sa gobyerno at isinusulong sa
mga paaralan.
q Ayon sa Artikulo XV, Seksyon 2 at 3, Saligang Batas ng 1973, “ang Batasang Pambansa ay
magsasagawa ng mga hakbang tungo sa pagpapaunlad at pormal na paggamit ng pambansang wikang
Pilipino at hangga’t hindi binabago ang batas, ang Ingles at Filipino ang mananatiling wikang opisyal ng
Pilipinas.
WIKANG PANTURO
Ang wikang panturo ay tumatalakay sa wika na ginagamit sa loob ng paaralan. Ang wikang ito ang
ginagamit ng mga guro sa pagtuturo sa loob ng silid- aralan at ginagamit sa mga libro at iba pang
materyales. Maliban pa sa Ingles at Filipino, ginagamit na rin ng mga guro ang unang wika ng mga mag-
aaral sa mababang baitang lalo na sa mandato na ipatupad ang Mother Tongue-based Multilingual
Education (MTB-MLE) sa ilalim ng K to 12.
q Ayon sa Kautusang Pangkagawaran Blg. 25 s. 1974, nilagdaan ni Kalihim Juan Manuel na nagtatakda
ng mga panuntunan sa pagpapatupad ng patakarang edukasyong bilinggwal.
Bagamat mayroong mga ganitong wika, hindi maiwawaksi ang wika ng komunidad. Ang isang
lingguwistikong komunidad ay tumutukoy sa wikang ginagamit sa loob ng komunidad, ito man ay sa mga
sitwasyong pormal at di-pormal. Ang wika na ito ay maaaring ginagamit sa loob ng bahay, sa palengke, sa
kalsada at iba pa.
TANDAAN
Ang pag-uugnay sa konseptong pangwika sa mga sitwasyong pangkomunikasyon ay lubhang mahalaga.
Kailangang isaalang-alang ang wikang gagamitin sa kinasasangkutang sitwasyon upang maipabatid ang
mensahe sa mas mabisang paraan. Magkakaroon ng intelektuwal na gawain kung ang dalawang konseptong
ito ay magagamit nang tama. Kaya sa anumang sitwasyon, mainam na bigyang-pansin ang paraan ng
paghahatid nito upang lubos nating maiparating ang impormasyon sa mabilis at mas komprehensibong
paraan.
Isang halimbawa nito ang talumpati ng isang pangulo para sa bayan. Mas mauunawaan ng mga tao ang
mensahe kung ang wikang gagamitin ay batay sa wikang mas nauunawaan ng nakararami. Dahil pormal ang
gawaing ito, mas makabubuti kung pormal din ang wikang gagamitin upang hindi magkaroon ng hadlang sa
pagpapabatid ng impormasyong kailangang malaman ng mga taong nakikinig.