INTRODUKSYON

Ayon sa datos ng UNESCO Global Education Monitoring Report (GEMR)

nitong Hunyo 2020, mayroong kakulangan sa mga pangunahing kasanayan sa

pagbasa at pagsulat ang labing-apat (14) na porsyento ng mga nasa hustong

gulang sa buong mundo. Dagdag pa rito, saad din sa ulat ng Partnership for 21st

Century Skills, 26.2 porsyento ng mga mag-aaral sa kolehiyo ay may kakulangan

sa mga kasanayan sa pagsulat. Patunay lamang na isang hamon pa rin ang

pagpapaunlad ng edukasyon sa buong mundo, kung kaya nangangailangan ng

mas maigting na pagtutok sa edukasyon upang matiyak na ang bawat isa ay

may kakayahang magbasa at magsulat.

Gaya rin ng mahihirap na gawain, maraming oras ang ginugugol ng mga

mag-aaral sa pagsusulat. Subalit mapadadali ang pagsulat kung may sapat na

kaalaman ang manunulat sa pag-organisa ng ideya, talasalitaan, tamang

pagbaybay, maging ang mga tamang bantas na dapat gamitin sa pagsusulat.

Gayunpaman, sa apat na makrong kasanayang pangwika, pagsulat ang

naituring na pinakamahalaga (Mirzaee et.al., 2016). Ngunit sa apat na makrong

kasanayang ito, binibigyan ng higit na tuon ang pakikinig (53%), pasalita (32%),

pagbasa (14%), at panghuli ang pagsulat (11%) na siyang may pinakamababang

porsiyento. Patunay lamang ito na kakikitaan ng kakulangan sa pagtalakay at

pagpapagawa ng mga akademikong sulatin. Kaya kung magpapasulat ang guro

 2

ng isang komposisyon, hindi nagiging maayos ang pagkakasunod-sunod ng mga

ideya, hindi organisado ang bawat talata ng sulatin.

Ayon sa pag-aaral ni Lopez (2020), lumabas sa resulta nito na kailangan

ng mga guro ng isang gabay sa pagtuturo o learning plan na siyang gagamitin sa

pagtuturo ng pagsulat sapagkat kakikitaan ng problema ang komposisyon ng

mga mag-aaral sa kolehiyo bunga ng limitadong kaalaman ng mga mag-aaral sa

bokabularyo ng wikang Filipino lalo pa’t ang nakasanayang paraan ng pagsulat

ay dulot ng makabagong teknolohiya at impluwensiya ng mga nababasa sa

social media.

Sa konteksto naman ng Sultan Kudarat State University, isa sa mga

layunin ng unibersidad ay makalikha ng mga gradweyt na may kahusayan.

Kaugnay nito ay ang pagkakaroon ng kasanayan sa pagsulat dahil isa ito sa

pinakakritikal na kakayahan na pinakakailangan sa pinakamataas na antas ng

edukasyon. Gayunpaman, batay sa naging panayam ng mga mananaliksik sa

guro sa Kontekstwalisadong Komunikasyon sa Filipino (KOMFIL), mababa ang

kasanayan sa pagsulat ng mga mag-aaral lalo na sa wikang Filipino sa mga

akademikong sulatin na may kinalaman sa mga general education na asignatura.

Ayon pa sa kaniya, hindi ganoon kabihasa ang mga mag-aaral sa paggamit ng

mga salitang Filipino, gayundin nagkakaroon ng problema sa pag-organisa ng

mga ideya lalo pa at mababa rin ang bilang ng mga mag-aaral na may

kahusayan sa pagsulat ng teksto nang may kaisahan, detalyadong kaisipan at

may malawak na karanasan sa paggamit ng angkop na talasalitaan.

 3

Dagdag pa rito, ayon sa isang guro sa Filipino, nagkakaroon ng problema

ang mga mag-aaral sa tamang paggamit ng rin at din sa pangungusap, maging

ang tamang pagbaybay ng mga salita. Gayundin, nagiging suliranin ang tamang

paggamit ng mga bantas. Higit sa lahat, madalas na nagkakaroon ng problema

ang mga mag-aaral sa gramatika ng Wikang Filipino.

Kung kaya, nangangahulugan lamang ito na nagtataglay ang mga mag-

aaral ng limitadong kakayahan na magpahayag ng ideya sa pamamagitan ng

pagsulat. Ang hamong tulad nito ay hadlang sa mga mag-aaral na ipakita ang

kanilang potensyal sa pag-aaral, pagtrabaho, at maging sa personal na pag-

unlad (Mirzaee et al., 2016). Kung gayon, ang pagkakaroon ng kahusayan sa

teknikal na bahagi ng pagsusulat, pangnilalaman, at organisasyon ay

makatutulong upang malinaw at epektibong mailahad ng manunulat ang bawat

pagpapahayag.

Kung gayon, pinili ng mga mananaliksik na alamin ang kasanayan sa

pagsulat ng mga mag-aaral ng ikalawang taon ng Batsilyer ng Edukasyong

Pansekundarya Medyor sa Filipino. Dagdag pa rito, ninais alamin ng mga

mananaliksik kung mayroon bang makabuluhang ugnayan ang karanasan sa

pagsulat ng mga mag-aaral kapag pinangkat sila ayon sa kasarian, edad, at

karanasan sa pagsulat.

Teoretikal na Balangkas

Ang pag-aaral na ito ay naglalayong masuri ang antas ng kasanayan sa

pagsulat ng mga mag-aaral sa ikalawang taon ng Batsilyer ng Edukasyong

Pansekundarya Medyor sa Filipino.

 4

Nakaangkla ang pag-aaral na ito sa teorya ni Skinner na Structuralist

Theory na isang maka-agham at makalinggwistikang pananaw na naniniwalang:

ang wika ay isang sistemang binubuo ng ng mga kayarian o estrukturang

ponolohikal,morpolohikal, sintaktikal, diskors at kultural; ang kahusayan sa mga

kayariang ito ay maipapakita sa paraang pasulat; at ang kahusayan sa

pagsusulat ay nagpapakita sa masteri ng mag-aaral sa teknikal na bahagi ng

pagsusulat, pangnilalaman, organisasyon na makatutulong upang malinaw na

mailahad ang isang akda at madaling maunawaan ng mambabasa.

Dagdag pa rito, nakaangkla sa pag-aaral na ito ang Kognitibo, Linggwistik,

at Sikolohikal na mga pananaw. Ang Kognitibong pananaw sa pagsulat ay

proseso kung saan ginagamit ng manunulat ang kanyang isip upang

makapagplano at makapagtakda ng kaniyang isusulat. Masinsinang iniisip dito

ang magiging laman ng kaniyang sulat. Sa kabilang banda, ang Linggwistik na

dulog naman ay naglalahad na kailangang mahusay ang paglalahad ng kaisipan

upang maging malinaw ang teksto ng akda sa mambabasa. Dahil dito,

mahahaba ang konstruksiyon ng mga pangungusap at may tiyak na estrukturang

dapat sundin. Samantala, ang Sikolohikal na pananaw sa pagsulat ay

nagsasaad na kailangang may kontekstong sosyal bagama’t ang interaksyon ay

hindi harapan, kailangang gumawa ng maraming pag-aakma upang maisaalang-

alang ang hindi nakikitang mambabasa. Kung kaya, higit sa pag-iingat ang

isinasagawa ng isang manunulat. Dahil sa sandaling ang mensaheng nais

ipabatid sa isang sinulat na diskurso ay makarating sa mambabasa, hindi na

maaaring baguhin ng manunulat ang kanyang akda o sinulat.

 5

Sanligan din ng pag-aaral na ito ang paniniwala na sa pagsusulat ang

pagkakasunod-sunod ng mga pangungusap (McClure et al.,1983), organisasyon

ng mga ideya (Connor, 1996), maging ang presentasyon ng mga datos at kung

paano ito masuportahan (Leki, 1992) ay may malaking gampanin upang

masiguro na malinaw ang pakikipagdiskurso.

Konseptwal na Balangkas

Ang pananaliksik na ito ay nakabatay sa ideyang naglalarawan ng

pamamaraang dayagram na magpapatibay sa pag-aaral ukol sa kasanayan sa

pagsulat ng mga mag-aaral sa ikalawang taon ng Batsilyer ng Edukasyong

Pansekundarya Medyor sa Filipino. Makikita sa Pigura 1 ang malayang baryabol

na kinapapalooban ng sanaysay na siyang ginawa ng mga mag-aaral, at ang

hindi malayang baryabol na antas ng kasanayan sa pagsulat ng mga mag-aaral,

gayundin ang intervening variable na kinapapalooban ng propayl ng mga mag-

aaral tulad ng kasarian, edad, at karanasan sa pagsulat.

Ayon kay Robles (2006) na binanggit naman ni Rivera (2020),

mariing sinabi ng sosyolinggwista na ang edad, kasarian, at ang iba pang

aspekto ay tinitingnan din pangkalahatan sa kanyang pakikipagtalastasan. Mula

rito, nabuo ang sumusunod na paradaym ng pananaliksik na makikita sa

susunod na pahina.
 6

Malayang Baryabol Hindi malayang Baryabol

Antas ng Kasanayan sa
Sanaysay
Pagsulat

Propayl ng Mag-aaral
a. Kasarian
b. Edad
c. Karanasan sa
Pagsulat

Pigura 1. Paradaym ng Pag-aaral.

 7

Paglalahad ng Suliranin

Pangunahing layunin ng pag-aaral na ito na suriin ang antas ng

kasanayan sa pagsulat ng mga mag-aaral sa ikalawang taon ng Batsilyer ng

Edukasyong Pansekundarya Medyor sa Filipino.

Upang makamit ang pangunahing layunin, sinikap tugunan ng mga

mananaliksik ang sumusunod na tiyak na katanungan:

1. Ano ang personal na propayl ng mga mag-aaral batay sa:

a. kasarian,

b. edad; at

c. karanasan sa pagsulat?

2. Ano ang antas ng kasanayan sa pagsulat ng mga mag-aaral?

3. May makabuluhang ugnayan ba ang antas ng kasanayan sa pagsulat ng

mga mag-aaral at ang kanilang personal na propayl?