Nobena sa Karangalan ng Ina ng mga

Walang Mag-ampon, Reyna at Birhen ng

Marikina

Inang Maria
Eduardo P. Hontiveros, SJ

O Inang Maria, ika’y aming takbuhan

Sa paglalakbay namin lagi Kang kasama.
Sa lungkot at ligaya, bahagi ka Ina.
Sa’yo iaalay, puso nami’t kaluluwa
Maria, Ina ng Diyos, tanglawan Mo’ng aming buhay
Yamang Ikaw ang tanging lingkod ng Diyos Ama.
Maria, Ina ng Diyos, tanglawan Mo’ng aming buhay
Yamang Ikaw ang tanging lingkod ng Diyos Ama.

Inang Sakdal Linis

Tradisyunal

Inang Sakdal Linis, kami ay ihingi

Sa D’yos Ama namin, awang minimithi

Ave, Ave, Ave Maria!

Ave, Ave, Ave Maria!

Bayang tinubuan ipinagdarasal

at kapayapaan nitong sanlibutan.

Ave, Ave, Ave Maria!

Ave, Ave, Ave Maria!
 ANG TANDA NG KRUS
Sa ngalan ng Ama, ng Anak at ng Espiritu Santo
T: Amen.

PAGSISISI
O Diyos Ama na nasa Langit, may-ari ng aking buhay. Ikaw ang lumikha sa akin at nagkaloob
ng buo kong pagkatao. Panginoong Hesukristo, Diyos na Totoo at Tao namang Totoo, may-ari
ng aking kaluluwa. Ikaw ang sumakop sa akin at nagligtas sa pang-aalipin ng kasalanan sa
pamamagitan ng pag-aalay Mo ng Iyong buhay at pagbubuwis ng Iyong Banal na Dugo.

O Diyos Espiritu Santo, may-ari ng aking katauhan bilang tahanan, Ikaw ang nagpapabanal at
nagpupuspos sa akin ng Espiritu ng katotohanan at pag-ibig. Alam ko po na akong nagmula sa
alabok ay isang makasalanang hindi nararapat na mayapakan man lang ng Iyong Banal na
Talampakan, ngunit naglakas-loob pa rin akong lumapit sa Iyo ngayon. Buong puso po akong
nanalig sa Iyong mga salitang hindi Mo tatanggihan at itatakwil ang sinumang makasalanang
tapat na nagsisisi sa mga nagawang kasalanan at nagbabalik-loob sa Iyo. Kaya ngayon, puno ng
mataimtim na pagsisisi, nagtitika ako na hindi na muling magkakasala sa Iyo. Patawarin mo po
ako. Naghihirap ang aking puso at kalooban na puno ng kalungkutan sa pagtalikod sa Iyo.
Hinihiling ko po na ako ay tulungang hindi na muling magkasala at nang sa gayon, maging
marapat ako na Kayo ay sambahin at papurihan nang walang hanggan sa langit. Siya nawa.

PANALANGIN SA ARAW-ARAW
O Banal Na Santatlo, kinikilala ko na Kayo ang tanging Diyos at sa inyong pagka-Diyos na kahit
Tatlong Persona ay iisang Diyos lamang. Minarapat ninyo na ang Katamis-tamisang Birhen ay
mahayag bilang Ina ng mga Walang Mag-ampon. O Kamahal-mahalang Maria, kaawaan Mo po
at dinggin ako ng Iyong sawing palad na Anak. napalayo ako sa Iyo at sa Diyos dahil sa paulit-
ulit kong pagkakasala. Tinanggihan ko kayo dahil sa aking kapalaluan, ngunit ngayon,
nangungulila ako sa Inyo. Ngayong nadarama ko ang mga hirap at takot sa buhay ay nababatid
ko na Kayo ang tangi kong kailangan, ngunit tuwing naiisip ko ang aking mga kasalanan,
nadarama ko ang matinding hiya para lumapit sa inyo. Sa ganito pong kalagayan, lumalapit ako
sa Inyo, aking Inang Birhen, Bituin sa Karagatan at takbuhan ng mga makasalanan. Ipahintulot
mo Po na Kayo ay aking maging dalanginan at ipakita mo ang Iyong habag, Yayamang Kayo ay
kinilala naming Ina ng mga Walang Mag-ampon. Para sa akin ay ibinuhos ng Iyong Anak ang
Banal Niyang dugo, kaya’t ibuhos Mo din naman ang Iyong awa at pagmamahal. Akayin mo po
akong muli patungo sa inyong Anak. Tulungan Mo akong ilapit sa Kanya ang aking mga
pangangailangan. Sa iyong pamamagitan, nananalig akong makakamtan ko ang kanyang habag.

Tahimik na banggitin ang mga kahilingan.

Sa pamamagitan ng Iyong maka-Inang pagkalinga. O Birheng Maria, samahan Mo ako hanggang

sa dulo ng aking paglalakbay dito sa lupa patungo Sa maluwalhating tahanan ng Diyos Ama sa
langit Kasama ng Anak at ng Diyos Espiritu Santo Magpasawalang-hanggan. Amen.
 AWIT NG PAGBUBUNYI

Dakilang Tanda
Bienvenida Tabuena, Eduardo P. Hontiveros, SJ

Dakilang tanda ang sumikat sa langit,

babaeng nararamtan ng araw.
S'ya'y nakatuntong, sa maliwanag na buwan,
Labindalawang bituin ang kanyang korona.

Koro:
Dakilang tanda, ikaw O Maria,
kahanga-hanga ang iyong tagumpay.

MGA EBANGHELYO AT NATATANGING

PANALANGIN SA BAWAT ARAW

UNANG ARAW:
Reina

EBANGHELYO
Ebanghelyo mula kay San Lucas (Lucas 1:38)

Sumagot si Maria, “Ako'y alipin ng Panginoon. Mangyari nawa sa akin ang iyong sinabi.”
Pagkatapos, umalis na ang anghel.

PANALANGIN SA UNANG ARAW

O Kamahal-mahalang Maria, Reyna ng Langit at Lupa, sa iyong maluwalhating luklukan,
tunghayan ng Iyong mga maawaing mata kaming mga makasalanan kaming ‘di nararapat na
magkamit ng ng kaluwalhatian sa langit dumudulog kami ngayon sa Inyo kaming mga
nangangailangan ng iyong pagkalinga at pagkupkop. Ipagtanggol kami at huwag hayaang
madaig ng mga masasama. Alalahanin Mo na ang tagumpay ng sangkatauhan sa Iyong
pamumuno laban sa kasamaan ay tagumpay rin naman ng iyong Anak. Kahit na nga bilang mga
hukbo ng impyerno ay higit pa sa bilang ng buhangin sa dalampasigan o mga bituin sa
kalangitan, kami ay nananalig pa rin na magta-tagumpay ang Iyong Kalinis-linisang Puso at
hindi kami maaring mapahamak kung kami ay mananatili sa ilalim ng Iyong pangangalaga.
 O Maria, aming Reyna, tulungan Mo kami lalo na sa panahong kami ay natutukso, sagipin Mo
kami. Napapasailalim sa kapangyarihan ng masamang loob, ipagkaloob Mo po, maningning na
tala, ang biyaya ng katapatan sa Anak Mong si Jesus at maging marapat kami sa pagkakamit ng
mga biyayang aming hinihiling sa ikagagaling ng aming mga kaluluwa at katawan at para na rin
sa lubos na ikaluluwalhati ni Jesukristo na aming Panginoon nagpasawalang- hanggan. Amen.

AMA NAMIN
ABA GINOONG MARIA
LUWALHATI

IKALAWANG ARAW:
Madre

EBANGHELYO
Ebanghelyo mula kay San Lucas (Lucas 1:28-31)

Lumapit ang anghel sa dalaga at binati ito, “Magalak ka! Ikaw ay lubos na kinalulugdan ng
Diyos. Sumasaiyo ang Panginoon!” Naguluhan si Maria sa sinabi ng anghel at inisip niyang
mabuti kung ano ang kahulugan ng ganoong pagbati. Sinabi sa kanya ng anghel, “Huwag kang
matakot, Maria, sapagkat naging kalugud-lugod ka sa Diyos. Makinig ka! Ikaw ay maglilihi at
manganganak ng isang sanggol na lalaki, at siya'y papangalanan mong Jesus.

PANALANGIN SA IKALAWANG ARAW

O Kamahal-mahalang Maria, maawain at masintahing Ina! Pinili Ka ng Diyos Ama na maging
Ina ng kaniyang Bugtong na Anak. Ikaw rin ang pinagbilinan ni Jesus na maging Ina ng
Sambayanan, at maging nang buong santinakpan. Noong Siya ay nakabayubay sa Krus, hiniling
Niya na Ikaw ay aming tunghayan mahalin at igalang na parang tunay na Ina. Hinihiling naman
Niya sa Iyo na kami ay tanggapin Mo, tulungan at kalingain na parang tunay Mong mga anak.
Kanyang inihabilin na ibaling Mo po sa amin ang iyong Maka-inang pagmamahal na buong puso
Mong inialay. Alang-alang sa habilin na ito at alang-alang sa Iyong kalinis-linisan at maawaing
pusong Ina, ipagkaloob Mo po sa amin ang biyayang aming hinihiling. Ipadama mo ang Iyong
pagmamahal lalo na sa panahong pakiramdam namin ay walang nagmamahal sa amin. Ikaw ang
Inang laging handang dumamay at sumaklolo sa amin. Alam naming lagi Mo kaming
inaalagaan, inaalala at ginagabayan. Patawarin Mo sana kami sa mga pagkakataong kami ay
nagkakasala sapagkat alam alam naming ang pagsuway sa kalooban ng Diyos ay nagdudulot din
sa Inyo ng pasakit at kalungkutan. O Maria, Inang Kaibig-ibig, Inang walang humpay ang
pananalig sa Ama, akayin Mo kami patungo sa Inyong Anak na si Jesus at nang laging
makasunod sa Kanyang kalooban at maging marapat kami sa pagkakamit ng aming kaluluwa at
katawan para na rin sa lubos na ikaluluwalhati ni Jesukristo na aming Panginoon
magpasawalang-hanggan. Amen.

AMA NAMIN
ABA GINOONG MARIA
LUWALHATI
 IKATLONG ARAW:
Maestra

EBANGHELYO
Ebanghelyo mula kay San Lucas (Lucas 2:15-19)

Nang makaalis na ang mga anghel pabalik sa langit, ang mga pastol ay nag-usap-usap, “Tayo na
sa Bethlehem! Tingnan natin ang pangyayaring ito na ibinalita sa atin ng Panginoon.” Nang
makaalis na ang mga anghel pabalik sa langit, ang mga pastol ay nag-usap-usap, “Tayo na sa
Bethlehem! Tingnan natin ang pangyayaring ito na ibinalita sa atin ng Panginoon.” Nang makita
ng mga pastol ang sanggol, isinalaysay nila ang sinabi ng anghel tungkol dito. Namangha ang
lahat ng nakarinig sa sinabi ng mga pastol. Tinandaan ni Maria ang mga bagay na ito, at ito'y
kanyang pinagbulay-bulayan.

PANALANGIN SA IKATLONG ARAW

O Kamahal-mahalang Maria, walang katulad na Guro! kinikilalang luklukan ng katarungan!
pahintulutan Mo po na lumapit kami sa Iyo upang humiling ng patnubay na makasunod sa mga
aral ng iyong giliw na anak na si Jesus. Siya ang nagpahayag sa amin ng Mahal na kalooban ng
Diyos Ama at ang daan para makasunod at makatupad sa Kanyang mga kautusan, subalit dala ng
aming pagkukulang, ang kanyang mga turo ay hindi namin lubos na maliwanagan. Alam Mo na
ang aming pagkukulang sa pang-unawa ay nagiging dahilan ng aming pagkaligaw ng landas.
Kaya lumalapit kami sa Iyo, sapagkat ipinagkaloob ng Ama sa Iyo ang karunungan. Ikaw ang
nilukuban ng Espiritu Santo at pinag-kalooban ng pang-unawa. Hinihiling po namin na kami ay
Iyong bahaginan ng pang-unawa, upang lubos naming ma-intindihan ang mga itinuro ng iyong
anak. Noong mga panahong hindi Mo rin nauunawaan ang mga bagay na nagaganap sa Iyong
Anak na si Jesus, minabuti Mong ingatan ang lahat ng ito sa Iyong puso. Ikaw ay lubusang
nagtiwala at sumunod sa kalooban ng Diyos. Kami po nawa ay maging katulad Ninyo.
Maraming bagay ang nangyayari sa aming buhay na hindi namin maunawaan. Madalas na kami
ay nalilito at naguguluhan. Sa ganitong pagkakataon, Ikaw sana ang maging aming gabay, at ng
aming kalooban ay matulad sa Iyong kalooban sa pagsunod sa kalooban ng Diyos. Nawa ang
buhay namin ay maging tapat sa pagsunod sa buhay ng kabanalan at nang maging marapat kami
sa pagkakamit ng mga biyayang aming hinihiling, sa ikagagaling ng aming kaluluwa at katawan
at para na rin sa lubos na ikaluluwalhati ni Jesukristo na aming Panginoon magpasawalang-
hanggan. Amen.

AMA NAMIN
ABA GINOONG MARIA
LUWALHATI
IKAAPAT NA ARAW:
Abogada

EBANGHELYO
Ebanghelyo mula kay San Mateo (Mateo 2:13-15)
 Pagkaalis ng mga pantas, nagpakita kay Jose sa panaginip ang isang anghel ng Panginoon.
Sinabi nito sa kanya, “Bumangon ka't dalhin mo agad sa Egipto ang iyong mag-ina. At huwag
kayong aalis doon hangga't hindi ko sinasabi sapagkat hahanapin ni Herodes ang bata upang
patayin.” Bumangon nga si Jose at nang gabi ring iyon, dinala niya sa Egipto ang kanyang mag-
ina. Doon sila nanirahan hanggang sa mamatay si Herodes. Sa gayon, natupad ang sinabi ng
Panginoon sa pamamagitan ng propeta: “Tinawag ko ang aking anak mula sa Egipto.”

PANALANGIN SA IKAAPAT NA ARAW

O Kamahal-mahalang Maria, lubhang makapangyarihang lubhang makapangyarihang
tagapagtanggol! Tagapamagitan sa minamahal na Diyos Anak. Maibiging Ina at pinakamatapat
na alagad, na ang mga ibinubulong kay Jesus ay laging pinakikinggan! Lumalapit kaming mga
mahihina. Batid namin na ang aming tanging sandata sa mga panganib sa mundo ay ang matibay
na pananampalataya sa Diyos. Taglay ang pananalig na hindi Niya kami pababayaan. Kami rin
ay nananalig sa Iyo, yamang ikaw ay kinikilala naming Ina. nagtitiwala po kami na hindi kami
hahayaang mapahamak. Lubos kaming nananalig sa iyong kapangyarihang kaloob ng Diyos.
Totoong malaki ang aming pagkilala na alang-alang sa Inyong kapangyarihan at awa. Ipagkaloob
ang kagalingang walang katapusan na papawi sa aming pag-aalinlangan, magbibigay buhay sa
aming kalooban, magpapalakas sa aming kahinaan at magpapatibay sa aming pag-asa na hindi
kami pababayaan. O Inang mahabagin, lubhang napakalaki ng aming pangangailangan sa Iyong
mga payo at saklolo lalo na sa mga pagsubok sa buhay. kailangan Ka namin sa mga panahong
wala kaming kalaban-laban sa panahong inaapi kami, sa panahong ipinagkakait sa amin ng
mundo ang katarungan. Ipagtanggol mo kami at akayin patungo sa Iyong Anak na si Jesus, at
nang sa gayon maging marapat kami sa pagkakamit ng mga biyayang aming hinihiling sa
ikagagaling ng aming kaluluwa at katawan at para na rin sa ikaluluwalhati ni Jesukristo na
Aming Panginoon magpasawalang-hanggan. Amen.

AMA NAMIN
ABA GINOONG MARIA
LUWALHATI

IKA-LIMANG ARAW:
Bienhechora

EBANGHELYO
Ebanghelyo mula kay San Lucas (Lucas 1:56-58)

Nanatili si Maria kina Elizabeth nang may tatlong buwan bago siya umuwi. Dumating ang oras
ng panganganak ni Elizabeth at nagsilang siya ng isang sanggol na lalaki. Nang mabalitaan ng
kanyang mga kapitbahay at mga kamag-anak na siya'y labis na pinagpala ng Panginoon,
nakigalak sila sa kanya.

PANALANGIN SA IKA-LIMANG ARAW

O Kamahal-mahalang Maria, lubhang maawain at masikap sa pagka- kawanggawa! itinuturing
na daluyuan ng biyaya ng Diyos! Patuloy kaming tumatanggap ng pagpapala sa Iyong
pamamagitan. Nakakamit ang kapatawaran sa aming mga pagkukulang at pagkakasala dahil sa
 iyong walang sawang pananalangin para sa amin. Tunay nga, Mahal naming Ina ng
kagandahang-loob, walang sinuman na lumapit at nagmakaawa na hindi mo pinakinggan at
pinagkalooban ng awa. Hindi nalilihim sa iyong mga mata ang aming pangangailangan. Dala ng
pananalig na nasa iyong puso ang pagkahabag at pagtulong sa mga nangangailangan, kami ay
nananalanging huwag kaming pabayaan kaming Iyong mga anak. Ipahintulot na patikimin kami
ng katamisan ng Iyong awa, na ipinagkaloob sa mga naghihirap. Alam naming nakikita Mo ang
laki ng aming pagdurusa at bigat ng pasan. Huwag kaming pabayaan sa panahon ng kalamidad,
pagkakasakit at kahirapan. Ina ng kabanalan at biyaya, kupkupin Mo kami, kalingain at
ipanalangin. Idalangin na mapatawad lahat ng aming pagkakasala at maging marapat sa
pagkakamit ng mga biyayang aming hinihiling sa ikagagaling ng aming kaluluwa at katawan at
para na rin sa lubos na ikaluluwalhati ni Jesukristo na aming Panginoon magpasawalang-
hanggan. Amen.

AMA NAMIN
ABA GINOONG MARIA
LUWALHATI

IKA-ANIM NA ARAW:
Libertadora

EBANGHELYO
Ebanghelyo mula kay San Lucas (Lucas 2:33-35)

Namangha ang mga magulang ng sanggol dahil sa sinabi ni Simeon tungkol sa bata. Binasbasan
sila ni Simeon, at sinabi kay Maria, “Tandaan mo, ang batang ito'y nakatalaga sa ikapapahamak
o ikaliligtas ng marami sa Israel. Siya ang magiging tanda mula sa Diyos ngunit tutuligsain siya
ng marami, kaya't mahahayag ang kanilang iniisip. Dahil dito, magdaranas ka ng matinding
kapighatiang parang isang patalim na itinarak sa iyong puso.”

PANALANGIN SA IKA-ANIM NA ARAW

O Kamahal-mahalang Maria, Mapagpalang Birhen! sa kalagayan ng buhay ng mga tao ngayon,
na sa bawat hakbang, panganib ay ang aming natitisod, at saan man ibaling ang aming mga mata,
salakay ng tukso ay nagbabanta, sa Iyo kami tumatakbo. Sa buong buhay namin ay nakaumang
ang iba’t-ibang gawa ng masama at kahit saan ay naroon ang mga paanyaya ng mga
makamundong bagay. Sa ganitong malalagim na kalagayan, ano pa nga ba ang aming gagawin
kundi ang tumakbo sa Iyo para pasaklolo, yamang ang pagkupkop Mo ang siyang makapag-
sanggalang sa amin sa patuloy na pagsalakay ng mga masasama. Kung tunay na sa hampas ng
mga azucenang hawak ay nailigtas ang mga taong napabayaan at nalimot na at hindi nga nalibing
nang dapat, ilayo Mo kami sa mga gawang masama. alam Mo na ang kapabayaan, sa ikabubuhay
ng kaluluwa ay higit na masaklap at nakatatakot. Alam Mo na hindi ibig ng Iyong Anak na
mapahamak ang kahit isa man sa mga tinubos ng kanyang Mahal na Dugo. Isinugo Ka sa amin
upang makatulong sa pangangalaga sa amin, ang bumubuo ng Kanyang Kawan. Huwag mo
kaming pabayaan at laging ipagsanggalang laban sa mga kaaway. Palayain Mo po kami sa
kahirapan ng aming buhay at matagpuan nawa namin ang tunay kaligayahan at bagong buhay sa
piling mo at ng iyong Anak na si Jesus, nang maging marapat kami sa pagkakamit ng mga
biyayang aming hinihiling, sa ikagagaling ng aming kaluluwa at katawan at para na rin sa lubos
na ika luluwalhati ni Jesukristo na aming Panginoon, Magpasawalang- hanggan. Amen.

AMA NAMIN
ABA GINOONG MARIA
LUWALHATI

IKAPITONG ARAW:
Consoladora

EBANGHELYO
Ebanghelyo mula kay San Lucas (Lucas 1:40-45)

Pagdating sa bahay ni Zacarias, binati niya si Elizabeth. Nang marinig ni Elizabeth ang pagbati
ni Maria, biglang gumalaw ang sanggol sa kanyang sinapupunan at siya ay napuspos ng Espiritu
Santo. Napasigaw siya sa galak, “Pinagpala ka sa mga babae, at pinagpala rin ang dinadala mo sa
iyong sinapupunan! Sino ako upang dalawin ng ina ng aking Panginoon? Sapagkat pagkarinig ko
ng iyong pagbati ay gumalaw sa tuwa ang sanggol sa aking sinapupunan. “Pinagpala ka,
sapagkat sumampalataya kang matutupad ang ipinasabi sa iyo ng Panginoon!”

PANALANGIN SA IKA-PITONG ARAW

O Kamahal-mahalang Maria, Katamis-tamisang Birheng mapang-aliw ng mga nalulumbay!
Batid Mo ang kalungkutan at hapis ng aming mga puso hindi lamang dahil sa mga paghihirap na
dinaranas sa buhay, kundi higit sa lahat, dahil sa madalas naming pagkakasala at pagwawalang
bahala sa Iyo at Iyong anak, ang Panginoong Jesus at pagwawalang bahala sa Iyo at Iyong anak,
ang Panginoong Jesus na lubos na nagmamahal sa amin. Maari ngang ang kalungkutang ito ay
nararapat lamang sa amin Sapagkat ang aming pamumuhay ay puno ng maling gawain. Ito ang
tunay na dahilan ng aming pagdurusa at isinasamo namin na lubos na aminin aming mga
kamalian. Ibigay mo sa amin ang biyaya ng taos-pusong pagsisisi sa aming kasalanan nang sa
gayon ay matamo ang malinis na kalooban at tunay na kapayapaan ng kaluluwa. Nananalig kami
sa iyong mahabaging puso. Ikaw ang higit na nakauunawa sa aming pagdurusa. Walang maka-
papantay sa dinanas mong hapis noong ikaw ay nakatayo sa paanan ng Krus ng mahal Mong
Anak na si Jesus, habang nasasaksihan ang matinding paghihirap at paghihingalo at napa-
pakinggan ang mga huling wika. Ikaw ang totoong aliw ng mga nagkakasalang nasadlak sa
kamatayan, ginhawa ng mga naghihingalo, pag-asa ng mga walang malay! Tagapagkupkop ng
mga kaluluwang naligaw! Alalayan mo po kami sa panahon ng aming kalungkutan, sa tuwing
kami ay nahaharap sa kabiguan, nawawalan ng pag-asa. Huwag mo sana kaming pabayaan na
madaig ng sobrang kalungkutan sa huling sandali ng aming buhay. Ipagkaloob mo ang iyong
kalinga hanggang sa malagot aming hininga. Aming ina, ipakita mo sa amin ang iyong anak na
siya naming tunay na kaligayahan at maging marapat kami sa pagka-kamit ng mga biyayang
aming hinihiling sa ikagagaling ng aming kaluluwa at katawan at para na rin sa ikaluluwalhati ni
Jesukristo na aming Panginoon, magpasawalang- hanggan. Amen.

AMA NAMIN
ABA GINOONG MARIA
 LUWALHATI

IKA-WALONG ARAW:
Remedio

EBANGHELYO
Ebanghelyo mula kay San Juan (Juan 2:1-5)

Nang ikatlong araw, may kasalan sa Cana sa Galilea, at naroon ang ina ni Jesus. Si Jesus at ang
kanyang mga alagad ay inanyayahan din sa kasalan. Naubos ang alak, kaya't sinabi ng ina ni
Jesus sa kanya, “Anak, wala na silang alak.”

Sinabi ni Jesus, “Ipaubaya na lang po ninyo ito sa akin, Ginang. Hindi pa ito ang aking tamang
oras.”

Sinabi ng kanyang ina sa mga naglilingkod, “Gawin ninyo ang anumang sabihin niya sa inyo.”

PANALANGIN SA IKA-WALONG ARAW

O Kamahal-mahalang Maria, lubhang mabisang lunas sa mga sakit ng sangkatauhan! Totoong
kahabag-habag ang kalagayan ng aming kaluluwa, kung hindi kami kaaawaan na gunitain, tiyak
nakamatayan ang aming kahahantungan. Ang lahat ng paghahangad na makasasama sa katawan,
pamamaga ng puso sa kapalaluan at pagkamakasarili at kasabikan sa pagkakamit ng karangalan
at kapurihan ng mundo, ang napakandidiring sugat na binabalungan ng maruruming hilig na
laban sa kalinisan at tunay na nagpapahirap sa amin. Ito ay parang kanser na kumakalat sa buong
katawan, parang ketong na umuubos ng aming laman at unti-unting pumapatay sa amin. Gayon
din naman, hindi rin kami makaliligtas sa mga sakit ng katawan at sa dami ng mga karamdamang
dumadapo, sa aming pagka-karatay sa higaan, sa pagkaubos ng aming lakas ay lumalapit kami sa
iyo sapagkat nasa Iyo ang tanging lunas – ang aming Panginoong Jesukristo. Nananalig kami na
isang haplos lamang niya ay gagaling na kami kahit gaano man kalubha ang aming karamdaman.
Mahawakan lamang ang laylayan ng Kanyang damit ay gagaling na kami. Kaya’t ilapit Mo po
kami sa Sanggol na kalong sa Iyong bisig. Ikaw ang aming pag-asa sa panahong tinanggihan na
kami ng lunas dulot ng ano mang uri ng gamot sa mundo. Ikaw ang Ina naming nagpapagaling sa
mga sakit, dalhin kami kay Jesus at nang maging marapat kami sa pagkakamit ng mga biyayang
aming hinihiling sa ikagagaling ng aming kaluluwa at katawan at para rin sa lubos na
ikaluluwalhati ni Jesukristo na aming Panginoon magpasawalang-hanggan. Amen.

AMA NAMIN
ABA GINOONG MARIA
LUWALHATI

IKA-SIYAM NA ARAW:
Luz

EBANGHELYO
Ebanghelyo mula kay San Lucas (Lucas 1:46-49)
 At sinabi ni Maria,

“Ang puso ko'y nagpupuri sa Panginoon, at ang aking espiritu'y nagagalak sa Diyos na aking
Tagapagligtas, sapagkat nilingap niya akong kanyang abang alipin! Mula ngayon, ang lahat ng
tao'y tatawagin akong pinagpala; dahil sa mga dakilang bagay na ginawa sa akin ng
Makapangyarihan. Banal ang kanyang pangalan!

PANALANGIN SA IKA-SIYAM NA ARAW

O Kamahal-mahalang Maria, maningning at maliwanag na ilaw! Ang tinutukoy na Babaeng
Nararamtan ng Araw! Ang talampakan mo ay naka-tungtong sa maliwanag na buwan at ang ulo
Mo ay nakokoronahan Labindalawang Bituin. Ikaw na inihahalintulad sa kagandahan ng buwan,
Ipakita mo amin ang kagandahan ng iyong puso. Patikimin mo ng matamis na sinag ng iyong
awa, kaming nasasadlak sa kadiliman nitong mundo at sa ilalim ng kamatayan. Itinakda na ang
buwan ay sumisikat hindi sa araw kundi sa gabi at nang ang Kanyang liwanag ang siyang
magtaboy sa dilim ng gabi. Tunay nga na ang ningning ng bituin ang siyang nagiging gabay ng
mga naglalakbay sa gabi upang hindi maligaw. Kaya nga ikaw na maliwanag pa sa buwan, Ang
Bituing Maningning na aming nilalapitan. Tulungan Mo kami sa mga panahong hindi namin
alam ang aming gagawin. Kapag napapalaot ang mga mangingisda, ang parola ang nagbibigay
ng ilaw para maging gabay nang makabalik nang ligtas sa dalampasigan. Ikaw sana ang maging
aming parola ng kaliwanagan ngayong kami ay napapalaot sa dagat ng buhay ng mundo. Bigyan
mo kami ng pag-asang makabalik ng ligtas sa iyong piling, At sa piling ng aming Panginoong
Jesukristo. Ang buhay na nasa Iyo ay ang buhay na ilaw ng mga tao. Halina, Dakilang Taga-
aliw, Espiritu ng Kaliwanagan at Pag-ibig! Liwanagan Mo ang aming pag-iisip, puso at kalooban
nang taglayin namin ang pag-ibig na malinis at karapat-dapat sa Iyo Tanda ng katapatan sa Iyong
Anak na si Jesus at nang maging marapat kami sa pagkakamit ng mga biyayang aming hinihiling
sa ikagagaling ng aming kaluluwa at katawan at para na rin sa lubos na ikaluluwalhati ni
Jesukristo na aming Panginoon magpasawalang- Hanggan. Amen.

AMA NAMIN
ABA GINOONG MARIA
LUWALHATI

PANALANGIN SA INA NG MGA WALANG MAG-AMPON

Ave Maria, ikaw ang mapagmahal na Inang kumakalinga sa aming lahat. Ikaw na mahabaging
INA na kumukupkop sa mga Walang masilungan. Kami ay lumalapit sa iyo, bukod na
pinagpalang Ina ng aming Panginoon.
Ikaw ang aming REYNA; pamunuan mo kami sa paglaban sa kasamaan. Ikaw ang aming
GURO; papaglinawin mo ang aming isip sa panahong kapos kami sa pang-unawa. Ikaw ang
aming ILAW; tanglawan mo kami nang 'di kami maligaw sa dilim. Ikaw ang aming LUNAS;
hilumin mo ang sakit ng aming mga kaluluwa at katawan.
Aming Ina, ipagtanggol mo kami sa aming pagkaapi. Aliwin mo kami sa aming pagkaalipin sa
aming mga kahinaan. Inang mapagkawanggawa, ilahad mo ang iyong mga kamay sa mga kapus-
palad na nangangailangan ng iyong tulong. Ina ng sangkatauhan, ipanalangin mo kami at akayin
sa landas patungo kay Hesukristong Panginoon namin. Amen.
 Kami'y iyong ipanalangin, mahabaging Ina ng mga Walang Mag-ampon.

DALIT PARA SA BIRHEN NG MARIKINA

DALIT PARA SA BIRHEN NG MARIKINA

V: Ina At Reyna Ng Tanang Pinanghihinaan,
R: KAMI’Y IPAGTANGGOL, INA NG MGA WALANG MAG-AMPON.

REINA
AMPUNIN, O REYNANG MAHAL,
KAMING ALAGAD MONG TUNAY
UPANG MAKAPAG-TAGUMPAY
SA MGA KAAWAY
KAMING IYONG MGA AMPON,
SA IYO’Y SUMISILONG

R: KAMI’Y IPAGTANGGOL, INA NG MGA WALANG MAG-AMPON.

MADRE
AMPUNIN, O GILIW NA INA
KAMING SADYANG NINITA
NA KUPKOP NG IYONG SINTA
TANGHURAN NG AMING PITA
UPANG DIN SA IYONG TULONG
LIGAMPAM NAMI’Y HUMANTONG

R: KAMI’Y IPAGTANGGOL, INA NG MGA WALANG MAG-AMPON.

MAESTRA
AMPUNIN, O MAESTRANG PANTAS
KAMI’Y TURUANG MAGMALAS
MGA LALANG NI SATANAS
NANG MATUTO NGANG UMIWAS
DAYA NIYA’Y DI AAYON
SA ADYA NG IYONG DUNONG

R: KAMI’Y IPAGTANGGOL, INA NG MGA WALANG MAG-AMPON.

ABOGADA
AMPUNIN, MO NA NGA KAMI,
O MAHAL NA PINTAKASI
IPAGSANGGALANG PARATI
 SA SALANG IPAGSISI
ANG BANSOT MAN AY YAYABONG
SA LILIM NG IYONG KANLONG

R: KAMI’Y IPAGTANGGOL, INA NG MGA WALANG MAG-AMPON.

BIENHECHORA
AMPUNIN MO NG BUONG AWA,
O MAPAGKAWANG-GAWA
KAMI PONG NAGDARALITA
DITO SA BAYAN NG LUHA
HIRAP MAN AY SUSON-SUSON
LINGAPIN MO’T MALILIPOL.

R: KAMI’Y IPAGTANGGOL, INA NG MGA WALANG MAG-AMPON.

LIBERTADORA
AMPUNIN AT ARUGAIN
O MAPAGTANGGOL NA BIRHEN
KAMI NA KAHIT SALARIN
MGA TUNAY MONG ALIPIN
ILIGTAS KAMI SA SULSOL
NG DEMONYONG MAPANLIMBONG

R: KAMI’Y IPAGTANGGOL, INA NG MGA WALANG MAG-AMPON.

CONSOLACION
AMPUNIN, O MAPANG-ALIW
KAMING TANANG NARIRITO
NA NAMAMANHIK SA IYO NA KAMI’Y ALIWIN MO
DALITA’T LUMBAY AY YAYAON
PAGSIPOT NG IYONG TULONG

R: KAMI’Y IPAGTANGGOL, INA NG MGA WALANG MAG-AMPON.

LUZ
AMPUNIN MO AT ILAWAN,
ANG TANANG NAHAHANDUSAY
SA MALAKING KADILIMAN
NG SALA AT KAMATAYAN
SAKLOLOHAN KAMI NGAYON
AT SA HABANG PANAHON

R: BIGYAN MO PO KAMI NG LAKAS UPANG MALABANAN ANG KASALANAN.

 MANALANGIN TAYO:
O DIYOS NAMING AMA, IPAGKALOOB MO SA AMIN ANG KABANAL-BANALANG
BIRHENG MARIA NA AMING IGINAGALANG SA KATAMIS-TAMISANG
PANGALANG INA NG MGA WALANG MAG-AMPON.

SA KANYANG PAMAMAGITAN BUONG GILIW KANG NAGKALOOB NG ISANG

TANGING BIYAYA NA ANG SUMILONG SA KANYANG PAGKALINGA AY HINDI
MAPAPABAYAAN. IPAGKALOOB MO PO SA AMING MGA LINGKOD MO, NA
MAPAKUPKOP SA IYONG SAKLOLO, SA TULONG NG PANALANGIN KAILANMAN
SA IYONG AWA. ALANG-ALANG KAY JESUKRISTO NAMING PANGINOON. SIYA
NAWA.

PANGWAKAS NA PANALANGIN

O Kabanal-banalang Birheng Maria, tagapagkupkop ng mga nilikhang walang kumakalinga, Ina

ng Kabanalan at biyaya, nagsu-sumamo kami, Iadya Mo po kami at kalingain sa panahon ng
aming pagdurusa. Bigyan kami ng lakas loob sa harap ng aming kahirapan, aliw sa aming
kalungkutan, ginhawa sa aming pagtitiis. Sa aming pagdalanging ito, buong puso naming
inilalapit sa iyo, O Mahabaging Ina ng mga Walang Mag-ampon Ang lahat ng mga kapatid
naming nangangailangan ng iyong tulong at pagkalinga: mga nalulumbay, mga pulubi, mga
nasisiraan ng bait, mga taong walang makain at walang matirahan at lahat ng mga
nangangailangan ng iyong pag-ampon. Ngunit higit sa lahat, hinihiling naming na-nanalangin
ngayon na tulungan mong maging matulungin at maawaing katulad Mo, at ng aming Panginoong
Jesukristo, gawin Mo kaming instrumento ng iyong pagmamahal. Lagi nawa kaming maging
maulinigin sa panga-ngailangan ng aming kapatid at maging handang ialay ang sarili para sa
kanila. Maging buhay nawa kaming halimbawa ng iyong kabutihan.

O Maria, Inang kaibig-ibig, nararamdaman naming buong giliw Mong tinutunghan kaming
humihingi ng iyong tulong sa lahat ng aming mga pangangailangan. Sakaling hindi nararapat na
igawad ang aming kahilingan, isinasamo namin sa Diyos na igawad sa amin ang lalong
ikalulugod Niya Ang isang dakilang pagsunod sa Kanyang Banal na Kalooban. Kapuri-puri at
ulirang pamumuhay! Igawad mo rin sa amin ang biyaya ng kaligayahan sa langit At doon ay
magpupuri kami kasama ng lahat ng mga Banal sa pamamagitan ng Iyong Anak na si Jesukristo,
Kasama ng Ama at ng Espiritu Santo, ngayon at magpasawalang- hanggan. Siya Nawa.

Pangwakas na Awit
 Salve Regina
Eduardo P. Hontiveros, SJ

O Santa Maria, O Reyna't Ina ng Awa,

Ika'y aming buhay, pag-asa't katamisan.
Sa 'yo nga kami tumatawag,
Pinapanaw na anak ni Eva.
Sa 'yo rin kami tumatangis,
Dini sa lupang bayang kahapis-hapis.
Kaya't ilingon mo sa amin
Ang mga mata mong maawain,
At saka kung matapos aming pagpanaw,
Ipakita mo sa amin: Ang iyong anak na si Hesus.
O magiliw, maawain, matamis na Birheng Maria.

Aba Ginoong Maria

Tradisyunal

Aba Ginoong Maria, napupuno ka ng grasya,

Ang Panginoong Diyos ay sumasaiyo.
Bukod kang pinagpala sa babaeng lahat
At pinagpala naman ang 'yong anak na si Hesus.
Santa Maria, Ina ng Diyos
Ipanalangin mo kaming makasalanan
Ngayon at kung kami'y mamamatay.
Amen.