Professional Documents
Culture Documents
7კლასი 2
7კლასი 2
ადამიანის განვითარების თითოეულ ეტაპს განსაკუთრებული დატვირთვა აქვს.უძველესი ადამიანი ნაბიჯ-ნაბიჯ მიიწევდა
წინ-პროგრესისაკენ. მან განვლო გზა, რომელიც ურთულესი იყო, მაგრამ ყველა ეს სირთულე მან წარმატებით დაძლია და რაც
მთავარია, ამ გზამ შეცვალა მისი ცხოვრება მისსავე სასიკეთოდ. თითოეულ ეტაპზე ადამიანი ნელ-ნელა ახდენდა ახალი სახის
/შემადგენლობის იარაღის დამზადებას,ახალი ტერიტორიების ათვისებას, სივრცის გაფართოებას და შესაბამისად, თავისი
ცხოვრების შედარებით უკეთესად მოწყობას.ქვის ხანიდან ბრინჯაოს ხანამდე გავლილი გზაც პროგრესის მანიშნებელია.
ბრინჯაოს ხანა საზოგადოების განვითარების ისტორიულ-კულტურული პერიოდია, როდესაც ადამიანი ძირითად იარაღად
ბრინჯაოს იყენებდა.ბრინჯაოს ხანის საწყისი პერიოდი ადრებრინჯაოს ხანის კულტურის, იგივე მტკვარ-არაქსის კულტურის
სახელითაა ცნობილი , რომელმაც საკმაოდ დიდი არეალი მოიცვა.ეს არის მნიშვნელოვანი კულტურა ცხოვრების თითქმის
ყველა სფეროში დადებითი /მნიშვნელოვანი ძვრებით-მეურნეობის დაწინაურებით,ცხოვრების დონის ამაღლებით,მოსახლეობის
რიცხვის ზრდითა თუ დასახლებული სივრცის გაფართოებით.
წარმოიდგინეთ, რომ საქართველოში ტარდება მტკვარ-არაქსის კულტურის დღეები .თქვენ უნდა შეიტანოთ კონკრეტული
წვლილი და აამაღლოთ საზოგადოების ცნობიერება ამ მიმართულებით.ამისათვის თქვენ უნდა შექმნათ საინფორმაციო
ბუკლეტი, სადაც დატანილი იქნება ინფორმაცია მტკვარ-არაქსის კულტურის მატარებელი ხალხის შესახებ(შესაბამისი
თეორიული ფაქტებით, ფოტომასალითა თუ რუკებით).
1.რამ განაპირობა მტკვარ-არაქსის კულტურის ერთიანი სივრცის ჩამოყალიბება კონკრეტულ ტერიტორიებზე და რა გავლენა
მოახდინა ამ კონკრეტულმა სივრცემ ადამიანის განვითარებაზე;
2.რა სტრატეგიული და კულტურული მნიშვნელობა ჰქონდა იმ კონკრეტულ არეალებს ,სადაც ჩამოყალიბდა მტკვარ-არაქსის
კულტურა;
საკითხავ მასალაში მოცემულია რუკები, საიდანაც თქვენ შეგიძლიათ დაადგინოთ მტკვარ-არაქსის კულტურის
გავრცელების არეალი;
ყურადღებით გაეცანით ამონარიდს საქართველოს ისტორიიდან და გააკეთეთ დასკვნა ,ჩვენი ქვეყნის რომელი არეალი
მოიცვა კონკრეტულად მტკვარ-არაქსის კულტურამ;
გაეცანით კონკრეტულ ბმულებს, სადაც მტკვარ-არაქსის კულტურის შესახებ არის მნიშვნელოვანი ინფორმაცია და
რომელიც მოგცემთ შესაძლებლობას პასუხი გასცეთ კითხვებს,თუ რა გავლენა მოახდინა ამ კონკრეტულმა სივრცემ
ადამიანის განვითარებაზე და ტერიტორიული სიახლოვე იყო თუ არა გადამწყვეტი ფაქტორი ამ კონკრეტულ ქვეყნებში
მტკვარ-არაქსის კულტურის გავრცელებისათვის;
მოცემული რუკები გაგიწევენ დახმარებას ეს კულტურა დააკავშიროთ თანადროულ ცივილიზაციებთან;
აღნიშნული მასალა მოგცემთ შესაძლებლობას ივარაუდოთ, კიდევ რომელი ტერიტორიის ათვისება შეიძლებოდა ამ
კონკრეტული კულტურით.
შეფასების კრიტერიუმები:
მოსწავლე აკეთებს
არგუმენტირებულ დასკვნას, თუ
რამ განაპირობა ერთიანი
მტკვარ-არაქსის კულტურის
ერთიანი სივრცის ჩამოყალიბება
კონკრეტულ
ტერიტორიებზე(სივრცე-მ.წ.2);
მოსწავლე მსჯელებს, თუ რა
სტრატეგიული და
კულტურული მნიშვნელობა
ჰქონდა იმ კონკრეტულ
არეალებს,სადაც ჩამოყალიბდა
მტკვარ-არაქსის
კულტურა;მოსწავლე
აანალიზებს,საქართველოს
რომელი სივრცე მოიცვა ამ
კულტურამ და მოკლედ აღწერს
ამ ტერიტორიების
თავისებურებებს( სივრცე-მ.წ.3);
საკითხავი მასალა #1
საქართველოს ისტორია.ტ.1.გიორგი მელიქიშვილი,ანდრია აფაქიძე,ოთარ ჯაფარიძე,დავით მუსხელიშვილი.
რედ.დავით მუსხელიშვილი.გამომც.,,პალიტრა L,,.2012;
ბრინჯაოს ხანაში კავკასიის უფრო ფართოდ ათვისების პროცესი მიმდინარეობს…ძვ.წ.მე-4 ათასწლეულის
შუახანებისათვის აღმოსავლეთ საქართველოში დასრულდა ადრესამიწათმოქმედო კულტურის ეპოქა და
საზოგადოების განვითარების ახალ ეტაპს, ბრინჯაოს პერიოდს ეყრება საფუძველი.ბრინჯაოს ხანის ადრეულ
ეტაპზე სამხრეთ კავკასიის აღმოსავლეთ ნაწილში ე.წ. მტკვარ-არაქსის კულტურა ვრცელდება.ამ დროს
მნიშვნელოვანი ცვლილებები შეინიშნება ცხოვრების ყველა სფეროში.საწარმოო ძალების საფუძვლიანმა
შეცვლამ, მეურნეობის დაწინაურებამ,ცხოვრების დონის ამაღლებამ,მოსახლეობის რიცხვის მნიშვნელოვან
ზრდას შუწყო ხელი.
მტკვარ-არაქსის კულტურის წარმომავლობის,მისი პირველადგილსამყოფელის საკითხში ჯერ კიდევ
ყველაფერი ნათელი არ არის...აღმოსავლეთ ამიერკავკასიაშია გამოვლენილი მტკვარ-არაქსის კულტურის
ადრეული ხანის ძეგლები და ,შესაძლოა,აქ უნდა არსებულიყო ამ კულტურის ჩამოყალიბების ერთ-ერთი
ძირითადი კერა...მტკვარ-არაქსის კულტურის ადრეულ საფეხურზე საგრძნობლად უმჯობესდება ცხოვრების
პირობები,მკვეთრად იზრდება მოსახლეობის რიცხვი და ეს კულტურა აღმოსავლეთ საქართველოში სულ
უფრო ფართო ტერიტორიაზე ვრცელდება როგორც ბარში, ასევე მთისწინეთსა და მთაში. ამ კულტურის
მატარებელი ტომები ინტენსიურად ითვისებენ ქვემო და შიდა ქართლს, იორ-ალაზნის ორმდინარეთს და
მესხეთ-ჯავახეთს.იგივე პროცესი მიმდინარეობს აგრეთვე აღმოსავლეთ ამიერკავკასიის სხვა მხარეებიც.
ბრინჯაოს ხანის არცერთ პერიოდში სამხრეთ კავკასიის აღმოსავლეთი ნაწილი ისე ინტენსიურად
დასახლებული არ ყოფილა ,როგორც მტკვარ-არაქსის კულტურის დროს...შიდა ქართლიდან ვრცელდება
მტკვარ-არაქსის კულტურა დასავლეთ საქართველოში.ყვირილის ხეობის ზემო წელი ამ კულტურის გავლენის
ქვეშ ექცევა, სადაც გამოვლენილია ამ დროის ნამოსახლარები და სამაროვნები...ამ კულტურის გავლენის ქვეშ
ექცევა რიონის შუა წელი.
ამრიგად,მტკვარ-არაქსის კულტურის აყვავების ხანაში აღმოსავლეთ საქართველო, დასავლეთიდან მიმდგომი
მხარეებით,ინტენსიურადაა დასახლებული. მეურნეობის დაწინაურებამ და საერთოდ, ცხოვრების დონის
გაუმჯობესებამ მოსახლეობის რიცხვის მკვეთრი ზრდა გამოიწვია, რომელიც ფართოდ ითვისებს ბარსა და
მთას. დასახლებისთვის უპირატესად მიწათმოქმედებისათვის ვარგის ადგილებს ირჩევენ-მდინარისპირა
ტერასებს, მაღალმთიან პლატოებს და სხვა.
...ძვ.წ.მე-3 ათასწლეულის დასაწყისიდან მთკვარ-არაქსის კულტურა საკმაოდ ფართოდ ვრცელდება
სხვადასხვა მიმართულებით. მისი გავლენის ქვეს ექცევა თითქმის მთელი კავკასია,დასავლეთი ნაწილის
გამოკლებით.იგი იკავებს ამიერკავკასიის დიდ ნაწილს, ცენტრალურ და ჩრდილო-აღმოსავლეთ კავკასიას,
სამხრეთ დაღესტანს,ოსეთს, ჩეჩნეთსა და ინგუშეთს.მტკვარ-არაქსის კულტურის მატარებელი ტომები
ვრცელდებიან სამხრეთით აღმ. ანატოლიაში და ჩრდილო-დასავლეთ ირანში.ამ კულტურის ნაკვალევი ჩანს
ხმელთაშუაზღვის აღმოსავლეთ სანაპირო ზოლში-სირია-პალესტინაში,სადაც იგი კირბეთ-კერაკის კულტურის
სახელითაა ცნობილი. კავკასიის არცერთ კულტურას არც მანამდე და არც მერე ასე ფართო გავრცელებისთვის
არ მიუღწევია...ადრებრინჯაოს ხანაში დაიწყო კოლხეთის ბარის დასახლება, რომელიც მანამდე უკაცრიელი
იყო. პირველი დასახლებები აქ უპირატესად განაპირა,ზღვისპირა ზოლში ჩნდება-სამხრეთ- დასავლეთით
ქობულეთის მხარეში და ჩრდილო-დასავლეთით ენგურის ქვემო წელის რეგიონი...საქართველოს დასავლეთ
ნაწილში ჩამოყალიბებული ეკონომიკური სისტემა ჩანს, სავსებით აკმაყოფილებდა მოსახლეობის გაზრდის
მოთხოვნილებებს.
საკითხავი მასალა #2
საკითხავი მასალა#3