IKA-APAT NA ALDAW KAN MISA DE AGUINALDO

PAGSULO KAN KANDILA

Sa halipot na panahon an padi matao nin patara-tara sa banwaan manungungod sa celebracion.

Si Jesus ilaw kan katoninogan.

Siya nagtaram sa saiyang mga Apostoles
mapasaindo an Katoninongan” (Lk 24:26).
An tingog nin Kagurangnan
nakakadara kan mga Apostoles
nagtao ini nin isog asin kosog boot
na ipadagos na maipahayag an Marahay na Bareta.
Sa pagkamundag ni Jesus
an bilog na kinaban nagmamnawot
na makamtan an katoninongan
asin mapara an takot sa
pagpapahayag kan marahay na Bareta
nin kaligtasan na yaon sana ki Jesus
makukua
an katoninongan na satong hinahanap sa kinaban.
Commentator: Ngunian isusunod na po niato an pagsulo kan kandila. Na
pamamayuhan kan familia ni Mr. & Mrs. ___________

An ika-apat na kandila na minasimbolo kan satong pag-

arang na ipamate sato an nakakaligtas na pagkamoot nin
Dios tanganing kita tunay na makapaglingkod Saiya sa
tataramon asin sa gibo.
Pamibi (Papangenotan kan mag-agom):

Kagurangnan, tabagni kaming makapag-andam para sa

pagdatong kan Saimong Bogtong na Aki, Burak kan lahi
ni Jesse, asin tawan samo an kaogmahan nin saimong
pagkamoot, tanganing makapaglingkod kami Saimo asin
sa samong kapwa sa maogma asin mahuyong boot. Ini
hinahagad mi sa ngaran nin Jesucristong Kagurangnan,
kaiba mo asin nin Espiritu Santo, nabubuhay asin
naghahade, sarong Dios sa kapanahonan kan mga
panahon. Amen.
Dangan an padi naka bendito an mga kamot nagpapadagos:

PADI: O Dios Ama sa langit,

tawan samuya an minamawot samo
an minamawot niamong katoninongan
sa pagkamundag kan saimong bogtong
Aki na si Jesus-Cristo,
makamtan mi man lugod
an saimong balaog nin katoninongan.
Magdanay logod samuya na yaon digdi an
matoninong na buhay
arog kan Sagrada Familia.
An saimong tataramon logod iyo an
samuyang masasarigan.
An banwaan minasimbag:

Amen.
Dangan pagkatapos kan pamibi, an familia mabalik sa tukawan.

Dangan an misa minapadagos sa dating gawe, isusunod an gawe nin pagsolsol