Azərbaycan Xilafətin tərkibində. Xürrəmilər hərəkatı.
1. Azərbaycanda Ərəb istilası. İslam dininin yayılması.
2. Xilafətin, inzibati, torpaq və vergi siyasəti. 3. Xürrəmilər hərəkatı. Babəkin başçılığı altında azadlıq müharibəsi. 4. VII əsrin II yarası – IX əsrdə Azərbaycanın təsərrüfat həyatı və mədəniyyəti.
VII əsrin əvvəllərində Qafqazda öz mövqelərini möhkəmləndirmək məqsədi
ilə 3 iri dövlət öz arasında mübarizəyə başladı. Bu dövlətlər özünün ən qüdrətli dövrünü keçirən Ərəb xilafəti, Bizans imperiyası və Xəzər dövlətləri idi. 630-cu ilin əvvəllərində ərəblərin çox hissəsi Məhəmməd peyğəmbərin hakimiyyətini tanıdılar. Yeni dini etiqadın – İslamın qəbulunu hər kəsin öz vicdanına buraxan, inandırmaq və təlqin yolunu seçən Məhəmməd peyğəmbər, siyasi üstünlüyü əldə etdikdən sonra bütpərəstliyə qarşı qəti mübarizə elan etdi. İlk öncə bütpərəstliyə sitayiş edən qəbilə başçılarına və digər bütpərəstlərə islamı xoşluqla qəbul etmək imkanı verilirdi. Təyin olunan vaxt tamam olduqdan sonra, inadından dönməyən bütpərəstlər silah gücünə ram edilirdi. İslamı bütün ərəblər arasında yaymaq məqsədi ilə xəlifə Əbu Bəkr (632-634) Sasanilərin və Bizansın tabeliyində olan İraq və Şama, ərəblərin yaşadıqları ərazilərə Xalid ibn əl-Vəlid və İyad ibn Fəhminin başçılığı ilə qoşun dəstələri göndərdi. Ərəblərin yürüşləri və İslam dininin yayılması nəticəsində bir çox xalqların, o cümlədən azərbaycanlıların həyatı köklü şəkildə dəyişildi. 633-cü ildə ərəblər ilk olaraq İraq tərəfdən Sasani imperiyasının sərhədlərini keçdilər. Ərəblərin hücumlarını dəf etmək və kömək məqsədi ilə III Yezdəgərd özünə tabe olan ölkələrin hakimlərindən köməkçi qoşun dəstələri tələb etdi. Ərəblər ilə döyüşlərdə 634-cü ildən başlayaraq Xorasan hakimi Fərruxzad oğlu Rüstəmin rəhbərlik etdiyi Sasani ordusu tərkibində çıxış etmiş Albaniya hökmdarı Varaz Qriqorun dörd oğlundan biri olan, alban qoşunlarının sparapeti - baş sərkərdəsi Cavanşir özünün hünəri və rəşadəti ilə ad qazandı. Sasani III Yezdəgərdin ərəbləri ölkənin içərlərinə buraxmamaq üçün etdiyi səylərə baxmayaraq, 637-ci ildə ərəblər Ktesifondu mühasirəyə aldılar. Alban sərkərdəsi Cavanşirin də üç minlik alban qoşunu ilə müdafiəsində durduğu Ktesifon altı aydan sonra ərəblərin əlinə keçdi. III Yezdəgərd şəhərdən gizli qaçaraq Dəclə çayı sahilindəki topalardan birində gizləndi. İran (Sasani) ordusu dağıldığından Cavanşir də 639 ildə vətəninə qayıtdı. Bu illərdən başlayaraq ərəblər Azərbaycan ərazisinə də hücum etməyə başladılar. 639-cu ilin avqustunda xəlifə Ömərin əmri ilə sərkərdə İrd ibn Fənn artıq işğal etdikləri Urmiya gölünün cənub-qərbindən Azərbaycana hücum etdi. Nəticədə qərb sərhədlərinin mərzbanı ərəblər ilə müqavilə bağlamağa məcbur oldu. Müqavilənin mətninə əsasən: "Mərzban ərəblərə 800 min dirhəm verməli, ərəblər isə əvəzində heç kəsi öldürməməli, əsir almamalı, atəşgahları dağıtmamalı, əhaliyə əvvəllər yerinə yetirdikləri ayinləri əməl etmələrinə mane olmamalı idilər". İrandakı qeyri-sabitlikdən istifadə edən Cavanşir bütün Albaniyanı öz hakimiyyəti altına almaq məqsədi ilə tədbirlər görməyə başladı. Bu çıxış İran qoşunlarının ölkəyə hücumu ilə nəticələndi. Bu Cavanşiri qorxutmadı, əksinə o, Girdiman və Kambisenaya hərəkət edən İran qoşununa qarşı əks-hücum edərək, onları ölkədən çıxartdı. Kambisenada İberiya hökmdarı Atrnerseh (605-641) ilə bağladığı "sarsılmaz ittifaq"dan sonra gürcü qoşunlarının köməyinə arxalanan Cavanşir iranlıları Uti vilayətindən qovdu. Paytaxt Bərdəni və əsir düşmüş anası və qardaşlarını azad etdi, Sakasena vilayətində iranlıları darmadağın etdi. Ərəblərin Azərbaycana real hücumu 642-ci ildə Nəhavənd və Həmədanın fəthindən sonra mümkün oldu. Bundan sonra ərəblər Həmədan-Rey yolu üstündə olan Qum və Kaşan qalalarını tutdular. Beləliklə, bilavasitə Azərbaycana hücum etmək üçün yol açıldı. Azərbaycana tərəf yolların üstündə ilk vilayət olan Rey şəhərini tutmaq üçün ərəblər Dəstəbə sərhəd məntəqəsini ələ keçirdilər. Bu qalalarda yerləşdirilən hərbi qarnizonlardakı ərəb əsgərləri Azərbaycana ediləcək yürüşlərə hazırlıq görürdülər. Dəstəbə yaxınlığındakı Vacrud adlı yerdə ərəblər ilə Azərbaycan, Deyləm və Reydən toplanılmış döyüşçülərin başında duran Azərbaycan mərzbanı İsfəndiyar ibn Fərruxzad arasında qanlı döyüş oldu. Ərəblər say üstünlüyünə malik olduqlarından azərbaycanlılara qalib gəldilər. 643-cü ildə xəlifə Ömərin əmri ilə Bukeyr ibn Abdullah və Utba ibn Farkadın başçılıq etdikləri ərəb qoşun dəstələri Azərbaycana hücum etdilər. Ərəbləri Cərmidan dağı yanında Bağarvan, Mingəz, Bəzz, Sərab, Şiz, Miyanə şəhərlərindən topladığı əsgərlərin hesabına qoşununu artırmış İsfəndiyar qarşıladı. Bir neçə gün davam etmiş bu döyüş də ərəblərin qələbəsi ilə nəticələndi, İsfəndiyar isə əsir düşdü. İsfəndiyarın qardaşı Bəhram ərəb sərkərdəsi Utba ibn Farkadın üzərinə hücum etsə də, ərəblər bu dəfə də qalib gəldilər. İsfəndiyar ərəblər ilə müqavilə imzalamağa məcbur oldu. Müqaviləyə əsasən, Azərbaycan əhalisi istisnasız can vergisi-cizyə ödəməli idi. Cərmidan döyüşündən sonra Xəlifə Ömərin əmri ilə Bukeyr, Utba ibn Farkadı Azərbaycanda xəlifənin amili vəzifəsinə təyin edib, özü Dərbəndin (ərəblər buranı Bab-əl-Əbvab -"Qapılar qapısı" adlandırırdılar) işğalına hazırlaşdı. Şimal yürüşünün çətin keçəcəyini və bunun çox vacib olduğunu, Dərbəndi öz nəzarəti altına almadan Azərbaycanı və Cənubi Qafqazı tuta bilməyəcəyini başa düşən xəlifə Ömər Bukayra öz sərkərdələrini köməyə göndərdi. Suraka Dərbənd yaxınlığında birləşən qoşunların komandanı təyin edildi. Dərbəndin hakimi və Sasanilərin şimal sərhədlərinin mərzbanı Şəhriyar qırğının qarşısını almaq üçün ərəblərə tabe olduğunu bildirdi və dərbəndlilər can vergisindən azad oldular. Xəlifə Osmanın (644-656) dövründə ərəblər xəzərlərə qarşı basqınları davam etdirsələr də, bu bir nəticə vermədi. Ərəblər hücumların birində darmadağın oldular, Əbu ər-Rəhman öldürüldü. Xəlifə Osman qoşunları geri çəkdi. Xəlifə Ömərin ölümündən sonra Azərbaycanda ərəblərə tabe olan hakimlər müqavilələrdən imtina etdilər. Xəlifə Osman sərkərdə əl-Valid ibn Ukbanın rəhbərliyi ilə Azərbaycana qoşun göndərdi. Beləliklə, ərəblərin Azərbaycana ikinci yürüşü başladı. Əl-Validin qoşunu Muğan, Bərdə və Taylasanı yenidən işğal etdi və Azərbaycanın cənub hissəsi yenidən ərəblərin əlinə keçdi. Digər bir hissəyə başçılıq edən Salman ibn Rəbiə on iki minlik dəstə ilə Albaniya ərazisinə hücum etdi və zəngin qənimətlə, əsirlərlə əl-Validin yanına qayıtdı. Əl- Valid əl- Əşas ibn Qeysi Azərbaycana hakim təyin edərək paytaxt Mədinəyə qayıtdı. Xəlifə Osmanın əmri ilə Salman ibn Rəbiə və Həbib ibn Məsləmə Kiçik Asiyada bizanshların hücumunu dəf etdilər. Həbib ermənilər yaşayan ərazilərdən keçərək, Gürcüstana soxuldu və Tiflisi işğal etdi. Beləliklə, 644-cü ildən Tiflis Xilafətin Arran vilayətinə daxil oldu və ərəblərin tabeliyinə keçdi. Salman ibn Rəbiə Azərbaycanın şimal hissəsini tamamilə işğal etmək üçün altı minlik dəstə ilə Albaniyanın Sünik vilayətində Həbibdən ayrıldı. O, Beyləqanı, Bərdəni, Arsax, Uti, Sakasena və başqa vilaytələri tutaraq Kürün sağ sahili torpaqlarını işğal etdi. Şəmkiri, Kürün sol sahilindəki Qəbələ, Şəki, Şirvan, Şabran, Təbəristam ələ keçirdi və yenidən Dərbəndin hakimi ilə müqavilə bağladı. Ərəblər getdikdən sonra Dərbənd və Şirvan xəzərlərə arxalanaraq Xilafətlə bağladıqları müqavilələri rədd etdilər. 652-653-cü illərdə Salman ibn Rəbiə dörd minlik dəstə ilə Dərbənd və Şirvan hakimlərinə Xilafətin xeyrinə olan müqavilələri imzalatdıraraq, xəzərlərin Bələncər şəhərinə hücum etdi. Xəzərlər ilə ərəblər arasında Bələncər yaxınlığında baş vermiş vuruşmada birincilər qalib gəldilər, Salman isə öldürüldü. Bu döyüşdən sonra Azərbaycanın çox hissəsi yenidən ərəblərin itaətindən çıxdı. 655-ci ildə Həbib ibn Məsləmə yeni qüvvə ilə Qafqaza göndərildi. Onun Azərbaycanı sülh yolu ilə Özünə tabe etmək cəhdləri alınmadı. Tezliklə Həbibin yerinə Huzayfra ibn əl-Həmən Xilafətin Qafqaz vilayətlərinin hakimi təyin edildi. Huzayfa işğal olunmuş şimal torpaqlarını yaxşı idarə etmək üçün canişinliyin mərkəzini Dəbildən (640-cı ildə) Bərdəyə köçürdü. Huzayfa özü Mədinədə otururdu, Bərdədə isə Sultan ibn Zafır onun adından canişinliyi idarə edirdi. Sultanın bir illik fəaliyyəti nəticəsində, on ildən artıq müqavimətdən sonra Azərbaycanın şimal hissəsi də ərəblərdən asılı vəziyyətə düşdü. İlk illərdə ərəblərin mümkün qədər çox vergi almaq istəyi və ölkələrin daxili həyatlarına qarşımamasından istifadə edən Cavanşir, bəzi yerli hakimlər kimi daxili müstəqilliyini saxlamışdı və Ərəb əsarətindən tamamilə xilas olmağa cəhd göstərirdi. Cavanşir onun üçün ciddi təhlükə olan hər üç iri dövlətlə dil tapmağa çalışırdı. O, Kinkivar kəndində Bizans imperatoru II Konstantla müqavilə imzaladı. 664-cü ildə ölkəyə soxulan xəzərlərlə sülh bağladı və Xəzər xaqanının qızı ilə evləndi. 661-ci ildə xilafətdə Əməvilər sülaləsi hakimiyyətə gəldikdən sonra Cavanşir 667 və 670-ci illərdə Xilafətin Əməvilər dövründə paytaxtı Dəməşqə gedir və ilk Əməvi xəlifəsi Müaviyə ilə danışıqlara girdi. Albaniya rəsmi olaraq Xilafətə tabe dövlət elan edilsə də, o, Mehranilərin daxili müstəqilliyini qoruyub saxlaya bildi. Beləliklə, Azərbaycanın cənub hissəsi müstəqilliyini tamamilə itirdi, Şimal hissəsi - Albaniya isə Xilafətdən vassal asılılığını qəbul etdi. Albaniyada Cavanşir başda olmaqla ərəblərə güzəştə gedənlər ilə bizanspərəst qüvvələr arasında mübarizə gedirdi. 680-cı ildə (bəzi mənbələrə görə 681-ci ildə də göstərilir) Cavanşir bizanspərəst yerli hakimlərin təşkil etdikləri sui-qəsd nəticəsində öldürüldü. Onların Albaniya taxt-tacına bizanspərəst feodalı çıxartmaq cəhdləri baş tutmadı. Xəlifə I Yəzid (680-683) Cavanşirin qardaşı Varaz Perozun oğlu Varaz Tiridatı Albaniyanın padşahı elan etdi və onu alban taxtında əyləşdirdi. Cavanşirin qətli onun qayınatası, Xəzər xaqanı Alp İlitverə qisas almaq məqsədi ilə Albaniyaya hücum etmək üçün əsas verdi. O, Albaniyaya soxuldu, ölkəni taladı və Lpina vilayətində düşərgə saldı. 681-ci ildə I Varaz Tiridat ilk olaraq alban katalikosu Yelizarı, sonra isə Böyük ketman yepiskop İsraili Xəzər xaqanının yanına danışıqlara göndərdi. Onların səyi nəticəsində xaqan sülh müqaviləsi bağlamağa razı oldu, hətta xristianlığı qəbul etdi. Lakin, tezliklə bu sülh pozuldu. Albaniyada ərəblərin nəzarətinin zəifləməsindən istifadə edən xəzərlər Albaniya və İberiyaya (Kartli) hücum etdilər, böyük qənimət və xeyli əsir ilə öz ölkələrinə qayıtdılar. Əməvilər sülaləsinin Mərvanilər qolunun banisi, bir il xəlifəlik edən I Mərvanın (684-685) dövründə Albaniya ərəblərə vergi ödəməkdən imtina etdi. 680-cı ilin sonunda Cənubi Qafqazı ələ keçirməkdən ötrü xəzərlər, ərəblər və bizanslılar yenidən mübarizəyə başladılar. 689-cu ildə Xəlifə Əbdülməlik ibn Mərvan ilə Bizans imperatoru II Yustinian arasında bağlanılan müqaviləyə əsasən Qafqazdan toplanan vergilər iki imperiya arasında bölünməli idi. 692-ci ildə II Yustinan sülh müqaviləsini pozaraq, Şama hücum etsə də məğlubiyyətə uğradı. Ərəblər bundan sonra bizanslara arxalanmırlar və 693-cü ildə xəlifə ərəblərin Qafqazdakı mövqelərini möhkəmləndirmək məqsədi ilə öz qardaşı Məhəmməd ibn Mərvanı əl-Cəzirə, Azərbaycan və Ərməniyyənin hakimi təyin edir. Bütün bu tədbirlərə baxmayaraq ərəblərin Albaniyadakı mövqeləri yenə zəif olaraq qalırdı və buranın əhalisi xəzərlər və bizanslara da vergi ödəyirdilər. Bu vəziyyətdə I Varaz Tiridat Cavanşirin yolu ilə getməyə üstünlük verdi. Lakin I Varaz Tiridatın bu hərəkəti pis sonluqla nəticələndi. Belə ki, ərəblər və xəzərlər ilə münasibətləri yola qoyan I Varaz Tiridat Bizans imperatoru ilə danışıqlar aparmaq məqsədi ilə oğlanları Qaqik və Vardanla 699-cu ildə Konstantinopola gedir. Lakin Xilafətlə əlaqədə günahlandırılan alban hökmdarı 705-ci ilədək Konstantinopolda zindanda saxlanılır. Xəlifə I Varaz Tiridatdan sonra Albaniyada hakimiyyətə gəlmiş Şiruyəni özünə tabe etmək məqsədi ilə sərkərdəsi Mərvanı oraya göndərdi. Mərvan Şiruyə başda olmaqla bir sıra alban knyazlarını da tutaraq onları Xilafətin paytaxtı -Şama göndərdi. 705-ci ildə Şiruyənin öldürülməsindən sonra Albaniya xəlifə canişinləri tərəfindən şəriksiz idarə olunmağa başladı. Beləliklə, 705-ci ildən etibarən Albaniya vassallıq mövqeyini də əldən verdi. Azərbaycan isə şimallı-cənublu ərəblərin tabeliyinə keçdi. Ərəblərin bütün cəhdlərinə baxmayaraq, Azərbaycanda hələ də ərəblərə tabe olmayan hakimlər də var idi. Xəlifə I Valid (705-715) qardaşı Məsləmə ibn Əbdülməliki 707-708-ci illərdə Dərbəndi tutmuş xəzərlərin üzərinə göndərdi. Bu yürüşdə Məsləmə ərəblərə boyun əyməyən qalaları tutaraq Dərbəndə çatsa da, şəhəri tuta bilmədi. İki il sonra isə artıq Məhəmməd ibn Mərvanın yerinə Xilafətin şimal vilayətlərinin canişini təyin edilən Məsləmə 714-cü ildə gərgin mübarizədən sonra Dərbəndi tutdu və buranı taladıqdan sonra yenidən Dəməşqə qayıtdı. Bundan istifadə edən xəzərlər yenidən Dərbəndi tutdular. Bunun ardınca xəzərlər Azərbaycandakı azsaylı ərəb hərbi dəstəsini darmadağın edərək, Şirvanı da ələ keçirdilər. Xəlifə II Ömərin (717-720) 717-ci ildə göndərdiyi Xatim ibn Numan əl-Bəhilin başçılıq etdiyi ərəb qoşunları xəzərləri darmadağın etdilər. 721-722-ci illərdə qıpçaqların başçılığı ilə bir sıra türk tayfalarından toplanmış və xəzərlərin də iştirak etdiyi 30 minlik ordu Arran ərazisindən keçərək Ermənistana hücum etdi. Xəlifə II Yezidin (720-724) göndərdiyi Azərbaycanın və Ərməniyyənin yeni canişini əl-Cərrah ibn Abdullah əl-Həkəmi xəlifənin əmiri ılə xəzərləri məğlub etdi və onları Bələncərə qədər qovdu. O, Dərbənd və Bələncəri tutdu. Əsir aldığı xəzərləri isə Qəbələ ətrafına köçürdü. Əl-Cərrah qışlamaq üçün Şəki vilayətinə gəldi vu mərkəzdən yeni qüvvələrin gəlməsini gözlədi. Hakimiyyət başına gəlmış yeni xəlifə Hişam isə əl-Cərrahın yerinə Məsləməni təyin etdi. 729-cu ildə isə xəlifə Məsləməni geri çağıraraq yenidən əl-Cərrahı Azərbaycan və Ərməniyyənin canişini vəzifəsinə təyin etdi. 726-727 və 729-cu illərdə Azərbaycana talançı yürüşlər edən xəzərlər 730- cu ildə yenidən xaqanın oğlunun başçılığı ilə 300 minlik qoşunla Azərbaycan ərazisinə soxuldular. Onlar Ərdəbilə qədər irəlilədilər və Savalan dağı yaxınlığında yerli sakinlərin kömək etdiyi ərəblərin bütün ordusunu məhv etdilər. Bunun ardınca xəzərlər Azərbaycanın bir çox şəhər və kəndlərini ələ keçirtdilər. Onlar vəhşicəsinə əhalini qarət edir, öldürür, şəhərləri yandırırdılar. Xəlifə xəzərləri ölkədən qovmaq məqsədi ilə Şamda olan sərkərdə Səid əl- Həraminin başçılığı ilə 50 minlik qoşunu Azərbaycana göndərdi. Ərəblərə Azərbaycanda yerli əhalidən olan könüllülər və əl-Cərrahın ordusunun qalıqları qoşuldular. Səid böyük qüvvə ilə bir-birinin ardınca Xilat qalasını, Bərdəni, Beyləqanı, Varsanı tutdu. Səid xəzərləri Bərzənd və Beyləqan yaxınlığında çox ağır məğlubiyyətə uğratdı, Xaqanın oğlu öldürüldü və nəhayət, o, Şirvana qaçaraq burada xəlifə Hitamın əmrini gözləməyə başladı. Xəlifə Hitam isə yenidən öz qardaşı Məsləməni Azərbaycan və Ərməniyyənin canişini təyin etdi. Məsləmə bütün Azərbaycanı xəzərlərdən təmizləyərək, Xilafətin Şimal vilaytələri hüdudlarından kənara - xəzərlərin ərazisinə hücum etdi. Məsləmə bundan sonra Dəməşqə, xəlifə sarayına qayıtdı. 732-733-cü ildə Mərvan ibn Məhəmməd Azərbaycan, Ərməniyyə və əl-Cəzirənin amili təyin edildi. Mərvan Cənubi Qafqazda alban və erməni knyazları ilə yanaşı, digər Cənubi Qafqaz xalqlarını (gürcü və ləzgiləri) özünə tabe etdi və 737-ci ildə xəzərlərin üzərinə iki istiqamətdən -Dərbənd və Dəryal keçidlərindən hücum etdi. Dərbənd şəhərinin rəisi Üseyd ibn Zafır əs-Sulaminin başçılıq etdiyi Dərbənd qoşunu ilə Kasakdan (Kasal) Dəryal keçidi vasitəsi ilə hücum edən qoşuna rəhbərlik edən Mərvan yolboyu qalaları tutaraq Səməndər şəhəri yanında əsas qoşunla birləşdi. Onlar Volqa çayının sağ sahilində yerləşən xəzərlərin paytaxtı əl-Beyda şəhərini tutdular. Xəzər xaqanı islam dinini qəbul etsə də, bürada islam yayılmadı. 737-ci ildən sonra ərəblər özlərinin əsas məqsədinə çatdılar. Beləliklə, xəzərlər Xilafət tərəfmdən qəti şəkildə məğlub edildi. 738-ci ildə Mərvan Qafqaz dağlılarını ram etmək məqsədi ilə Şəkiyə gəldi. 741-ci ilə qədər Mərvanın burada apardığı mübarizə nəticəsində Qafqazda ərəblərin hakimiyyəti möhkəmləndi. 750-ci illərin əvvəlində Xilafətdə baş vermiş qarışıqlıqdan istifadə edən Bizans və xəzərlər Xilafətin ərazilərinə hücum etməyə başladılar. Xəzərlər Xilafətin xaqanlıqdakı nümayəndəsini öldürdülər. Bizans isə 752-ci ildə Suğur vilayətinin bir sıra şəhərlərini tutdu. Xəlifə əl-Mənsur (754-775) 759-cu ildə Yəzid ibn Useyd əs-Sulamini Azərbaycan və Ərməniyyənin canişini təyin etdi. Yəzid ibn Useyd Dəryal (Bab əl-Lan) keçidini tutduğundan, Xəzər xaqanı ərəblərin hücumunun qarşısını almaq məqsədi ilə qızını ona ərə verdi. Lakin tezliklə Xəzər xaqanının qızı və onun Yəziddən olan iki oğlu öldü. Qızının ölümündə Yəzidi günahkar görən Xaqan böyük bir qoşunla Cənubi Qafqaza hücum edərək, buranı qarət etdi. Xəlifənin Yəzidə kömək göndərdiyini biləndən sonra isə öz ölkəsinə geri çəkildi. Xəzərlərin Azərbaycan ərazisinə sonuncu böyük yürüşü Xəlifə Harun ər- Rəşidin (786-809) dövrünə təsadüf edir. Xəzərlər Cənubi Qafqaza hücum edərək, burada 70 gün qaldılar, ölkəni taladılar, 100 min adamı əsir apardılar. Bundan sonra demək olar ki, xəzərlərin Azərbaycan ərazisinə soyğunçu yürüşləri sona yetdi. Ərəblər işğal etdikləri ərazidə demək olar ki, əvvəlki idarə sistemlərini saxlayır, onlara çox az düzəliş verirdilər. İlk vaxtlar Azərbaycanın həm cənub hissəsi Adurbadaqan, həm də şimal hissəsi Albaniya, Ermənistan, Şərqi Gürcüstan, əl-Cəzirə ilə birlikdə xilafətin beş vilayətindən birini təşkil edirdi. VIII əsrin əvvəllərindən isə Albaniya, Ermənistan, İberiya "Ərməniyyə" adlı yeni inzibati əraziyə daxil edildilər. Sasanilər dövründə Xəzəryanı İran vilayətləri ilə yanaşı, bütün Cənubi-Qafqaz vilayətlərini özündə birləşdirən Adurbadaqan, Azərbaycan Ərəblərin hakimiyyətinin ilk dövründə Cənubi-Qafqazda Xilafətin işğal etdiyi yerlərə verilən Ərməniyyə adı ilə əvəz olundu. Ərəblər ermənilərə münasibətdə yumşaq davranır, hətta müvəqqəti də olsa, alban kilsəsi də erməni katalikosunun idarəçiliyinə verilmişdi. Bunu da qeyd etmək lazımdır ki, Ərəb "Ərməniyyəsi" vilayətləri azərbaycanlıların, gürcülərin, ləzgilərin yaşadıqları və ümumiyyətlə ermənilərə dəxli olmayan Cənubi Qafqaz torpaqlarını əhatə edirdi. Xilafətin Cənubi Qafqazdakı Ərməniyyə vilayəti I və II Ərməniyyə inzibati bölgülərinə ayrılırdı. Bu inzibati bölgələr şimalda Tiflis və Dərbənddən cənubda Araz çayınadək, qərbdə Kiçik Qafqaz dağlarından şərqdə Xəzər dənizinədək olan sahəni əhatə edir və ərəblərin "Arran" adlandırdıqları qədim Albaniya torpaqlarını özündə birləşdirirdi. VIII yüzilliyin sonu- IX yüzilliyin I yarısmda "Ərməniyyə" inzibati birləşməsi ləğv edildi və özündə Azərbaycan, Arran və Ermənistanı birləşdirən Qafqaz canişinliyi yaradıldı. Bu dövrdə artıq ərəblərin yerlərdəki hakimiyyəti zəifləmişdi. Yerli feodallar öz mülkləri daxilində müstəqil siyasət yürüdür, Xilafətin Qafqazdakı canişininə - valisinə formal olaraq tabe olur və ona vergi ödəyirdilər. Ərəblərin işğalına qədər Cənubi Azərbaycanın paytaxtı Ərdəbil sayılırdı. Lakin ərəblər buranı işğal etdikdən və xəzərlərlə mübarizəyə girdikdən sonra paytaxtı Ərdəbildən başqa yerə köçürmək qərarına gəldilər. Belə ki, ərəb-xəzər müharibələrinin başlanması ilə Ərdəbil döyüş meydanına çevrildi. Xilafətin Cənubi Qafqazdakı canişini Mərvan ibn Məhəmmədin valiliyi dövründə (732-744) paytaxt Ərdəbildən Marağaya köçürüldü. Arranın paytaxtı isə bu dövrdə özünün ən qüdrətli dövrünü yaşayan və Həbib ibn Məsləmənin ikinci yürüşündən sonra (654-cü ildən) bütün Qafqaz ərəb canişinliyinin yeni iqamətgahına çevrilmiş Bərdə şəhəri idi. Xilafət dövrünün ilk illərdə işğal olunmuş əraziyə, həmin yeri fəth etmiş ordu başçısı vali təyin edilirdi. Onların bir hissəsi də öz yerlərinə yaxın silahdaşlarını amil təyin edirdilər. Amil -"vergiyə nəzarət edən" və əmir - "hərbi başçı" titulları vali -"canişini" titulunu əvəz edirdi. Sonrakı illərdə isə "divan(xana)" vasitəsi ilə vilayətin idarəsi əmir və ya vali tərəfindən həyata keçirilir, amil-vergi işlərini idarə edən mülki hakim, qazi isə məhkəmə işlərinə baxan dini hakim idi. Ərəb canişinləri ilk çağlarda yerli hakimlərlə müqavilə bağlayır, onlardan siyasi asılılıq və can vergisi-cizyə tələb edir, əvəzində isə onların keçmiş imtiyazlarını saxlayırdılar. Pul və natura ilə toplanılan vergi xəlifə xəzinəsi agenti vasitəsi ilə Ərəb canişininə çatdırılırdı. İşğal zonalarının idarəsində ərəblərə yerli hakimlərlə yanaşı yüksək rütbəli ruhanilər - Adurbadaqan mobedi və Albaniya katalikosu kömək edirdilər. Yerli üsul-idarəyə verilən sərbəstlik mərkəzi hakimiyyətin zəiflədiyi dövrlərdə ərəblərlə bağlanılan müqavilələrin pozulması və vergilərdən imtina edilməsi ilə nəticələnirdi. Azərbaycan bütünlüklə ərəb işğal dairəsinə daxil olduqdan sonra, ərəb əsgər dəstələri Xilafət üçün təhlükə olan hü dudlarda, şəhər və mühüm qovşaqlarda yerləşdirildi. Onlar hərbi xidmət göstərməklə yanaşı, təsərrüfat işlərinə baxır, ərazilərə nəzarət edir, vergilərin toplanmasına, mükəlləfıyyətlərin yerinə yetirilməsinə fıkir verirdilər. Ərəb əsgərlərindən başqa, Xilafət Azərbaycana böyük miqdarda ərəb əhalisi köçürdü. VIII yüzilin 30-cu illərində canişin Məsləmə ibn Əbdülməlik Xilafətin şimal sərhədlərini möhkəmləndirmək məqsədi ilə Dərbənddə Fələstin, Şam və əl-Cəzirədən olan iyirmi dörd min ərəb döyüşçüsünü yerləşdirdi. 736-cı ildə Xəlifə Hişam tərəfindən Dərbəndə hakim təyin edilmiş Əsəd ibn Zafır əs-Suləmi də bura (Dərbəndə) ailələri ilə birlikdə çoxlu ərəb döyüşçüsünü köçürmüşdü. VIII əsrin ortalarında ərəblərin köçürülmə siyasətində dəyişiklik baş verdi. Belə ki, 750-ci ildə şimal ərəb tayfalarına arxalanan Əməvilər sülaləsini, cənub ərəb tayfalarına arxalanan Abbasilər sülaləsi əvəz etdi. Abbasilər Azərbaycan və Arrandan şimal tayfalarını sıxışdıraraq, özlərinə yaxın saydıqları tayfaları bura köçürdülər. Azərbaycanda şimal tayfaları ilə cənub tayfaları arasında mübarizə başladı. Daha çox Beyləqan, Bərdə, Qəbələ və Dərbənddə baş verən qarşıdurmalara yalnız Yəzid ibn Məzyəd əş- Şeybaninin Azərbaycan və Arranda hakimliyi dövründə qəti olaraq son qoyuldu. Ərəblərin köçürülməsi siyasətinə isə IX əsrdə bir çox ərazilərin Xilafətin tərkibindən çıxmasından və Xürrəmilər hərəkatından sonra son qoyuldu. Ərəb işğalının ilk dövründən başlayaraq İslam dinini yalnız bütpərəstlərə zorla qəbul etdirir, yerdə qalan əhalidən isə - "Əhli kitab" xalqlarından (yəhudilər və xristianlar), o cümlədən ilk çağlar atəşpərəstlərdən də can vergisi-cizyə alırdılar. Ərəblər islamı öz istəyi ilə qəbul edənləri, yəni iman gətirənləri "Muminuna" ("Möminlər"), zor ilə qəbul edənləri isə "muslimıma"-müsəlmanlar (təslim olmuşlar") adlandırırdılar. İslam dininin yayılması bütpərəstliklə yanaşı, atəşpərəstliyin də aradan götürməsinə baxmayaraq bu elə də tez baş verməmişdi. Ərəb işğallarının ilk çağlarında Şimali və Cənubi Azərbaycanın xristian əhalisi, ölkənin Aran və dağ yerlərinin atəşpərəst və bütpərəst əhalisi islama qədərki etiqadlarında qalırdılar. Artıq xəlifə Əlinin dövründə (656-661) Cənubi Azərbaycan əhalisininin islamı qəbul etməsinə baxmayaraq, hələ XII əsrin ortalarında da dağlarda islamı qəbul etməmiş xalqlar qalırdı. XIV-XV əsr tarixçisi ibn Xəldunun fikrincə bu ərəblərin dağlıq yerlərə deyil, düzən yerlərə hücum etməyə meyilli olduqları ilə əlaqədar idi. İslamı ilk növbədə öz mülklərini qorumağa çalışan yerli əyanlar qəbul edirdilər. Şəhərlilərin isə kəndlilərdən daha tez islamı qəbul etmələri kəndlilərə nisbətən daha ağır vergilərlə yüklənməsi, daha çox cizyə vermələri, tacir və sənətkarlara daha böyük güzəştlər verilməsi ilə əlaqələndirilir. Xəlifə I Ömərin fərmanı ilə islamı qəbul etmiş kəndlilərə xəzinədən mükafat ayrıldığından, kəndlilər arasında da islamı qəbul etmə kütləvi şəkil aldı. İslamı qəbul etmiş qeyri-ərəblər "Məvla" adlandırılırdı. Birinci mərhələdə islamı yayan əsas qüvvə ərəblərin özləri idisə, IX əsrin sonu - X əsrin əvvəllərində bu işi islamı qəbul etmiş yerli əhali özü görürdü. Xəlifə Əlinin dövründə Azərbaycanda yerləşdirilmiş ərəblər yerli əhalini islama dəvət etmək tapşırığını aldılar. Elə bu dövrdə Cənubi Azərbaycanın mərkəzi şəhəri olan Ərdəbildə Azərbaycanın hakimi təyin olunmuş Əl-Əşas ibn Qeys məscid tikdirdi. Bunun ardınca Azərbaycanın digər ərəblər yaşayan şəhərlərdə məscidlər tikilməyə başladı. Sonralar yerli əhali arasında islamı daha da yaymaq və onları islam mədəniyyəti ilə tanış etmək məqsədi ilə Azərbaycanın hər bir yaşayış məntəqəsində məscidlər tikildi. Beləliklə, artıq X əsrdə Azərbaycanın demək olar, bütün şəhərlərində came (ellik) məscidləri vardı. Ərəblər müsəlmanlığı qəbul etməyən "Əhli-kitab" xalqından can vergisi alırdılar. "Zimmi" - adlandırılan, öz əvvəlki dini etiqadını saxlayan yerli əhali cizyə adlanan can vergisi verirdilər. Əməvilər bir müddət keçdikdən sonra yeni müsəlmanlardan - məvalilərdən də can vergisi almağa başladılar. Əhalinin narazılığından qorxan II Ömər (717-720) yeni müsəlmanlardan cizyə toplanmasını qadağan etsə də, onun ölümündən sonra can vergisinin alınması yenidən bərpa edildi. İslam dini canlı varlığın şəklini çəkməyi yasaq etdiyindən, bu dövrdən başlayaraq Azərbaycanda təsviri incəsənətin tətbiq dairəsi məhdudlaşmağa başladı. Ərəb ağalığı dövründə də əkinçilik və maldarlıq Azərbaycanda həmişəki kimi aparıcı yer tuturdu. Torpağın becərilməsi və şumlanması üçün iki və ya dörd öküzün qüvvəsi ilə hərəkətə gətirilən ağac kotandan, adi kotandan, ağır və ya qara kotandan (VIII-IX əsərlərdən başlayaraq məlum olan qara kotan əkinçilik alətlərinin inkişafı baxımından ən təkmilləşmiş şum aləti sayılırdı) istifadə edilirdi. Ərəb işğallarından sonra bütün becərilən torpaqlar müsəlman icmasının mülkiyyəti elan edilmişdi. Bu torpaqlar əvvəlki sahiblərinin əlində qalsa da, onlar xəzinəyə vergilər ödəyirdilər. İşğal zamanı sahibsiz qalmış torpaqlar (Savafi) xəlifənin ixtiyarına keçmişdi. Xəlifə də öz növbəsində bu torpaqların bir hissəsini vəzifəli şəxslərə, döyüşçülərə paylayırdı. Umumiyyətlə, ərəblər dövründə Azərbaycanda aşağıdakı torpaq kateqoriyaları var idi: 1. Xəlifə və ya sultan torpaqları. Bu torpaqlar vəfat etmiş və ya vəzifəsindən çıxarılmış məmurların mülklərinin müsadirəsi və ya satın alma yolu ilə artırdı. 2. Iqta (paylaşdırma, ay). Adamlara onlardan əldə edilən gəlirlə birlikdə xidmət müddətinə və ya ömürlük verilir, yəni lorpaq iqta sahibinin mülkünə çevrilirdi. Lakin sahiblik hüququna heç də həmişə riayət olunmurdu. İqta sahibi heç bir hərbi mükəlləfiyyət daşımır, əvəzində xəzinəyə vergi verirdi. Sahiblik hüququna əsasən iqta 2 yerə bölünürdü. Bağışlanan iqta (təmlik) - bu cür torpaqlar şəxsin tam mülkiyyətinə verilir və irsən keçirdi. İkinci kateqoriyaya aid olan icarə iqtası isə hərbçilərə verilirdi. İqtaların özü də sahibindən asılı olaraq bir neçə yerə bölünürdü. Bunlar mülki (şəxsi), xüsusi (xass), hərbi və xəlifə iqtaları idi. 3. Mülk torpaqları yerli feodal əyanlarm irsi ixtiyarmda olan və mülk adlanan xüsusi torpaq sahələri idi. Mülk torpaqlarını alıb-satmaq, özgəyə bağışlamaq, irsən vermək olardı. Bu torpaqların sahibləri əlavə vergilər ödəyirdilər, lakin hərbi xidmətdə olmurdular. 4. Vəqf torpaqları. Dini təsisatların ixtiyarına verilirdi. Bu torpaqlar müqəddəs yerlər, qazilər, məscid və qalaların tikilməsi və sairə üçün ayrıldı. 5. İcma torpaqları kənd sakinlərinə məxsus olub, otlaqlar, örüş yerləri, yanacaq toplanan yerlər, qəbiristanlıq və sairdən ibarət olurdu. Ərəblər vergi siyasətində öz sələflərinin yolu ilə gedirdilər. Vergilər ilk çağlarda müqavilələrə əsasən, onun şərtlərinə uyğun alınırdı. Əsas vergilər torpaq vergisi-xərac, qeyri-müsəlmanlardan alınan can vergisi - cizyə sayılırdı. Cizyə-müsəlman qanunvericiliyinə əsasən hər il ancaq kişilərdən, onların sənət və ya ticarətdən əldə etdikləri qazanc-dan asılı olaraq almırdı. Varlılar 48, ortabablar 24, zəhmətkeş yoxsullar isə 12 dirhəm ödəyirdilər. Sonralar bu qiymətlər ya artır, ya da azalırdı. Xilafətin mülkiyyəti sayılan bütün torpaqlar xərac torpaqları olduğundan toplanılan xərac yalnız xəzinəyə gedirdi. Xəlifə əl-Mehdinin (775-785) sərəncamı ilə Misəha xəracı (torpağın sahəsinə görə alınan vergi) Müqasəmə xəracı (məhsula görə alınan vergi) ilə əvəz olundu. Həm də suvarılan torpaqlardan məhsulun yarısı, dəmyə və kübrə ilə suvarılan torpaqlardan məhsulun 1/3-i, duləbə suvarma çarxları ilə, suvarılan torpaqlardan isə məhsulun 1/4-i almırdı. Bu iki vergidən başqa xüms, zəkat, zəkat -əl-fıtrə, uşr və digərləri də var idi. Xüms-mülkiyyətdən, əmlakdan, əmək haqqından, mədən və dəfinələrdən, zimminin və kafırlər müsəlmanlardan satın aldığı torpaqdan, hərbi qənimətdən pul və ya natura şəklində almırdı. Zəkat-yoxsulların xeyrinə varlı müsəlmanların əmlakından tutulan bu vergi ildə bir dəfə alınır və dənli bitkilər, gilə-meyvələr, daş-qaş, ev heyvanları üzərinə qoyulurdu. Zəkat əl-fitrə ildə bir dəfə, orucluq ayının başa çatması münasibəti ilə varlı müsəlmanlardan alınırdı və 2 cür olurdu. Fitrə-məhsul və ya pul ilə verilən pay; Sədəqə - yoxsullara verilən ianə idi. Uşr - məhsulun 1/10-ni təşkil edir və bir sıra məhsullardan natura ilə alınan vergi idi. Şimal vilayətlərindən, ümumiyyətlə, Xəlifə xəzinəsinə alınan vergilərə gəldikdə isə, Ərəb Xilafəti zamanı Azərbaycandan ildə 2-4, 5 milyon dirhəm, Albaniyadan 2 milyon dirhəm, Ərməniyyədən isə 4 milyon dirhəm xərac almırdı. Ərəblərin daxilində Əli tərəfdarları, Əməvilər, sonralar isə peyğəmbərin dayısı Abbasın nəslindən olan Abbasilərin arasında baş verən çəkişmələr, bölgələrdə xilafətə qarşı çıxışlara və müstəqilliyə can atan xalq kütlələrinin üsyanlarına səbəb oldu. İqtisadi vəziyyətin pisləşməsi bu vəziyyəti daha da gərginləşdirdi. VIII əsrin ortalarında Azərbaycanda ərəb üsul-idarəsinə qarşı böyük bir hərəkat başladı. Bu hərəkatın başında Beyləqanda "əl-Qəssab" ləqəbli Müsafir ibn Kəsir dururdu. Onu bu addımı atmağa xaricilər təriqətinə mənsub əd-Dəhhak ibn Qeys əş-Şeybani sövq etmişdi. Müsafırin başçılığı ilə üsyançılar əvvəlcə Ərdəbili, sonra isə Varsanı, Beyləqanı tutdular. 747-ci ildə Müsafirin başçılıq etdiyi hərəkata qoşulmaq məqsədi ilə Mərv vadisində Əbu Müslim üsyan edir. Xəlifə II Mərvanın qoşunu ilə Əbu Müslimin başçılıq etdiyi üsyançıların toqquşması ikincilərin qələbəsi ilə nəticələndi. II Mərvan qoşun toplamaq üçün kiçik bir dəstə ilə Şama, sonra Fələstinə, oradan isə Misirə qaçdı, lakin burada öldü. Əməvilərin son hökmdarının ölümündən sonra onların 90 illik hakimiyyətinə son qoyuldu. Xilafətdə hakimiyyət Məhəmməd peyğəmbərin əmisi Abbasın nəslinin - Abbasilər sülaləsinin (750-1258) əlinə keçdi. Xilafətin adı da yeni paytaxtın adı ilə Bağdad Xilafəti adlanmağa başladı. Abbasilərin hakimiyyət başına gəlməsi Xilafətdə, eləcə də islam dünyasmda çox böyük dəyişikliklərə səbəb oldu. Soy kökləri ilə peyğəmbər xanədanına bağlı olan Abbas və Əli oğulları biri-digərinə düşmən kəsildi. İkinci Abbasi xəlifəsi Əl- Mənsur Əli davamçılarını təqib etməyə və edam etməyə baş ladı. 755-ci ildə Abbasiləri hakimiyyətə gətirmiş Əbu Müslim Xorasani xəlifə əl-Mənsurun əmri ilə qətlə yetirildi. Bu Əbu Müslimi özlərinə müəllim hesab edən müxtəlif məzhəblər, eləcə də onlarla birgə Xilafətin şərq vilayətində müsəlman-şiə əhalisi, atəşpərəst azərbaycanlılar və iranlılar arasında böyük narazılığa səbəb oldu. 755-ci ildə Nişapur şəhərinin rəisi olan atəşpərəst Sumbatın başçılığı ilə üsyan başladı. Üsyançılar Nişapuru, Kumisi və Reyi ələ keçirdilər. Üsyanda atəşpərəstlər, imam Hüseynin nəvəsi Zeyd ibn Əlinin başçılıq etdiyi rafızilər, digər şiə təriqətləri, eləcə də Məzdəkin arvadı Xürrəmənin vasitəsilə məzdəkiliyi qəbul etmiş və Xürrəmdinlər adlanan iri bir qrııp da iştirak edirdi. Xəlifə qoşunu 70 gün ərzində üsyanı valırdı, Sumbat isə öldürüldü. Ərəb zülmünə qarşı 794-cü ildə Beylaqanda iri üsyan baş verdi. Üsyanın başlanmasına səbəb vergi zülmündən bezən bərdəlilərin ərəb vergi rəisini (amili) öldürməli və xəlifənin də bərdəliləri məhv etməkdən ötrü İshaq ibn Müslimin başçılığı ilə beş minlik qoşunu göndərməsi oldu. Usyana Abbas xəlifələri əl-Hadinin və Harun ər-Rəşidin dövründə dəfələrlə üsyan etmiş Əbu Müslim başçılıq edirdi. Harun ər-Rəşidin üsyançılara qarşı göndərdiyi İshaq ibn Müslim və digər iki sərkərdə məğlubiyyətə uğradıldı. Bundan sonra, Əbu Müslim Naxçıvana, Dəbilə hücumlar edir. Xəlifə Əbu Müslimə qarşı Yəhya əl-Hərami və Yəzid ibn Məzyədin başçılıq etdikləri 130 minlik ordunu Beyləqana göndərdi. Lakin hücum ərəfəsində Əbu Müslim xəstəlikdən vəfat edir, onun yerini tutmuş beyləqanlı əs-Səkin ibn Musa isə üsyançıları tam ələ ala bilmədi. Beləliklə, üsyan yatızdırıldı, əs-Səkin isə oğlu Xəlil əsir düşdüyündən ərəblərə tabe oldu. VIII əsrin sonunda Harun ər-Rəşid tərəfindən Azərbaycan və Ərməniyyənin hakimi təyin edilmiş Səid ibn Səlim üsyan etmiş Dərbənd hakimi Nəcm ibn Haşimin boynunu vurdurdu və qoşununu Dərbəndə yönəltdi. Nəcmin oğlu Həyyun ərəblərə qarşı Xəzər xaqanını köməyə çağırdı. Xəzərlər 70 gündən sonra böyük qənimətlərlə geri döndülər. Həyyunun başçılıq etdiyi üsyançılar ərəblər tərəfindən məğlub edildi. Səid ibn Səlim cizyə verməkdən imtina etmiş digər Arran əhalisinin çıxışlarıın da yatırdı. Xəlifə əl-Mehdinin dövründən başlayaraq bir çox təriqətlər meydana gəlmişdi. Əbu Müslimin ölümündən sonra "Əbumüslimiyyə" təriqətinin ardıcılları əvvəllər "ravəndilər", sonra isə digər bir sıra təriqətlər ilə birgə "xürrəmdini" adı altında birləşdilər. Bir sıra tarixçilər səhvən Babəki və onun xürrəmi silahdaşlarını da ifratçı şiə birliyi olan "Xürrəmdini"lərə aid edirlər. Əməvi, eləcə də sonralar Abbasilərin zülmündən qurtarmağa can atan üsyançılar arasında müxtəlif şiə və sünni təriqətinə mənsub müsəlmanlar, atəşpərəstlik ideyasını təbliğ edən xürrəmilər, həmçinin məzdəkilər də vardı. Eyni ehkamlara riayət edən müxtəlif atəşpərəst-məzdəki təriqətinin ardıcılları xürrəmilər, məzdəkilər, müxəmmirlər və xübayyidilərə bölünürdülər. Xürrəmiləri və xürrəmdini ifrat şiə təriqətçiləri sayan bəzi alimlər, onları "batinilər" - islamilərə də aid edirdilər. İbn ən-Nədim (X əsr) isə xürrəmiləri atəşpərəst müxəmmirilərə-məzdəkilərə və babəkilərə ayırırdı. Lakin, mənbələrə əsasən qəti söyləmək olar ki, Babəkin başçılıq etdiyi xürrəmilər-babəkilər öz ideya və əməlləri ilə batinilər və ifrat şiəçilərdən tamamilə fərqlənirdilər. Onlar yalnız ərəb hakimiyyətinə qarşı deyil, həm də onların gətirdiyi İslam dininə qarşı çıxır və atəşpərəstliyi təbliğ edirdilər. "Xürrəm" istilahına gəldikdə isə bəzi alimlər bunu Ərdəbil yaxınlığındakı Xürrəm adlı kəndlə əlaqələndirirlər. Bir sıra tədqiqatçılar isə haqsız olaraq, xürrəmiləri günah işlətməkdə və əxlaqsızlıqda təqsirləndirir, "xürrəm" sözünü isə yalnız zahiri mənasına görə (farsca "şad xürrəm") izah edirlər. Amma Z.Bünyadovun və digər alimlərin araşdırmalarından aydın olur ki, bu söz "xur, xvar" - "ad, günəş" anlayışı ilə əlaqələndirir və Babək hərəkatının ideologiyaları ilə "Avesta"dakı "xürrəm" anlayışı arasında bağlılıq vardır. Belə ki, "xürrəm" - kölgə ilə müşaiyət olunan ilk mücərrəd işığa tapınma dualist dünyagörüşündən irəli gəlir. Xürrəmilər sosial-bərabərlik ideyasını irəli sürür, torpaq və əmlak üzərində xüsusi mülkiyyəti rədd edir, hakim siniflər və Xilafətin əleyhinə çıxırdılar. Xürrəmilər VIII əsrin ortalarından başlayaraq xilafət əleyhinə olan çıxışlarda iştirak etməyə başlamışlar. Onlar 755-ci ildə Sumbatın, 778-ci ildə Əbu əl-Qərranın, 796-797-ci illərdə Əmr ibn Məhəmmədin başçılıq etdikləri üsyanlarda iştirak etmişlər. 808-809-cu illərdə İsfahan, Rey və Həmədanda baş vermiş üsyanlarda xürrəmilər ön sıralarda dururdular. Bu çıxış Harun ər-Rəşid tərəfindən çox qəddarlıqla yatızdırıldı. IX əsrin ilk onilliyində xürrəmilərin rəhbərləri Cavidan və Əbu İmran arasında ədavət başlandı. Bu ədavət 816-cı idə açıq döyüşlə başa çatdı. Nəticəsində Əbu İmran döyüş meydanında, Cavidan isə 3 gündən sonra öldü. Cavidandan sonra xürrəmilər hərəkatına Cavidanın Bilalabad kəndindən gətirdiyi Babək başçılıq edirdi. Qeyd edək ki, onun xürrəmilərin başçısına çevrilməsində Cavidanın arvadının böyük rolu olmuşdur. Xilafət mərkəzində hakimiyyət uğrunda əl-Əmin və əl-Məmur qardaşları arasında gedən mübarizədən istifadə edən Babək xürrəmi hərəkatının məcrasını tamamilə xilafətə qarşı yönəltdi. Babək Bəzz qalasının ətrafında yaşayan ərəbləri və onların tərəfdarlarını qırdı. Azərbaycanın və Arranın hər yerindən ərəblərdən narazı kəndlilər Babəkin yanına axışmağa başladılar. Çox keçmədi ki, üsyan azadlıq müharibəsi şəklini aldı. Beyləqan, Cibəl, Xorasan, Deyləm, eləcə də Şimal vilayətinin bir sıra bölgələrinin əhalisi də üsyançılara qoşuldu. Bu mübarizədə kəndlilərlə yanaşı ərəblərin yürütdüyü siyasətdən narazı olan mülkədarlar, hətta Xilafətin bəzi tanınmış xadimləri də Babəkə kömək edirdilər. Onlardan Təbəristan hakimi Məzyər, Əmir Mingicəhu, Mərənd hakimi İsma əl-Kürdi, Xilafətdən ayrılmaq istəyən Cənubi Qafqaz hakimi Xatim ibn Hərsəni misal gətirmək olar. 819-cu ildə xəlifə əl-Məmun Yəhya ibn Müzinin başçılığı ilə Babəkə qarşı ilk nizami ordu göndərdi. Ərəblərin həm bu, həm də 821-ci ildə Azərbaycanın hakimi İsa ibn Məhəmmədin başçılığı ilə hücumları xürrəmilərin qələbəsi ilə nəticələndi. 821-ci ildə ərəb mənşəli Cəhharilər nəslindən olan Savada ibn Əbdülhəmid qarışıqlıqdan istifadə edərək Syünikə hücum etdi. Syünik hakimi Vasaq Babəkdən kömək istədi və Savadanı məğlub etdi. Vasaq öldükdən sonra onun qızı ilə evlənən Babək Syünik, Beyləqan, Arsax və Utiyə sahib oldu. 824-cü ildə Babək Əhməd ibn Cüneyd və Züreyt ibn Əlinin başçılıq etdikləri dəstəni darmadağın etdi. Xəlifənin Azərbaycana hakim təyin etdiyi Məhəmməd ət- Tusi bəzi vilayətlərdə xürrəmilərin qarşısını alsa da, 829-cu il iyunun 3-də Həştədsər dağı yaxınlığında xürrəmilərlə həlledici döyüşdə öldürüldü, ordusu isə məhv edildi. Xəlifə hakimləri xürrəmilərlə bacara bilmədiklərinə görə günahlandırır və onları tez-tez əvəz etdirdi. Təkcə 829-cu ildə Azərbaycan valiliyində 4 nəfər- İbrahim ibn əl-Loys, Abdullah ibn Tahir, Əli ibn Hitam, Ucayer ibn Ənbəsən bir- birilərini əvəz etmişlər. 830-831-ci illərdə beyləqanlılar Davan və Şapuhun rəhbərliyi ilə Babəkə qarşı çıxdılar və onun tərəfdarı Arran hökmdarı Stepannos Ablasadı qətlə yetirdilər. Beyləqanlılar Arsax və Utinin bəzi vilayətlərini ələ keçirsələr də, Babəkin köməkliyi ilə Yesai Əbu Musa bu əraziləri geri qaytarır. Lakin burada Babək ilə alban feodalları arasında soyuqluq yaranır. Belə ki, Babəkin kəndlilər tərəfində durması, üsyançılarla barışıq bağlamaq istəməsi, istədiyi an Alban torpaqlarına girməsi, feodalların "məsləhəti"nə qulaq asmaması, Səhl ibn Smbat, Yesai Əbu Musa və digər alban knyazlarının Babəkdən uzaqlaşmasına səbəb olur. 833-cü ildə xəlifə əl-Məmunun ölümündən sonra İsfahan, Fars, Kuhistanda üsyanlar başladı. 833-cü ildə xürrəmilər Ərəblər tərəfindən böyük bir zərbə aldılar. Xəlifə əl-Mütəsimin İshaq ibn İbrahimin başçılığı ilə göndərdiyi Ərəb ordusu Həmədan yaxınlığında xürrəmiləri məğlub etdi. 60 min üsyançı qətlə yetirildi, yerdə qalan 14 min xürrəmi Nəsrin başçılığı ilə Bizansa keçdi və orada da qaldılar. Xəlifə əl-Mütəsim Babəkin başçılıq etdiyi üsyanı tamamilə yatırmaq məqsədi ilə Bizansla müharibəni dayandırdı və bu dörd illik (833-837) fasilə ona Babəkə qarşı bütün xilafət qüvvələrini səfərbər etmək imkanı verdi. Xilafətin Azəbaycana göndərdiyi Əbu Səid Məhəmməd Ərdəbil-Zəncan-Samirə arasındakı bütün qalaları və rabitə sistemini bərpa etdirdi. Bu yol boyunca hərbi hissələr yerləşdirildi. 835-ci ildə Xəlifə əl-Mütəsim bizanslılarla Misirdə aparılan döyüşlərdə ad çıxarmış Afşin Heydər ibn Kavusu bütün xəlifə qoşunlarının başçısı təyin etdi. Afşin öz qərargahını Bəzzə daha yaxın yerə Bərzəndə köçürdü. Ərəblərin hazırlıq prosesi zamanı xürrəmilər onlara hücum edir, sonra isə Bəzz qalasına çəkilirdilər. Bu hücumlardan biri zamanı Əbu Səid Məhəmməd Müaviyənin başçılıq etdiyi böyük xürrəmi dəstəsini məğlub etdi. Bu hadisə Babəkin bir çox müttəfıqinin ondan üz döndərməsinə səbəb oldu. Təbrizin hakimi Məhəmməd ibn əl-Bəis ərəblərlə birgə öz qaynatası, Babəkin ən yaxın silahdaşlarından olan İsma ibn əl-Kurdinin dəstəsini məğlub etdi. Xəlifənin hüzuruna göndərilmiş və verilən işgəncələrə dözməyən İsma ibn əl- Kurdi xürrəmilərin bir çox sirrlərini ərəblərə çatdırdı. 836-cı ildə xürrəmilər Həştadsər dağı yaxınlığında Afşindən xəbərsiz onların üzərinə hücum edərək, özündən razı ərəb sərkərdəsi Buğa əl-Kəbirin qoşununu darmadağın etdilər. 836-cı ildə Babəkin ən yaxın silahdaşı, türk Tarxanın öz malikanəsində xəyanətlə öldürülməsi Babəkə çox pis təsir etdi. 837-ci ilə Xəlifə tərəfindən Afşinə köməyə göndərilən Cəfər ibn Dinar və İtah onu ləng tərpənmədə günahlandırdılar. Afşin isə hər vəchlə Babək və Təbəristan hakimi Məzyərlə danışığa girməyə cəhd etdi. Bu məqsəd alınmadıqda Afşin Bəzz qalasına hücuma başladı. 837-ci il avqustun 26-da xürrəmilərin istinadgahları ələ keçirildi, Bəzz qalası dağıdıldı, 80 min xürrəmi öldürüldü, 7600 xürrəmi, eləcə də Babəkin oğulları öz ailələri ilə birlikdə əsir düşdülər. Babək anası, qardaşları Müaviyə və Abdullah, axırıncı arvadı, Syünik hakimi Vasaqın qızı İbnət əl-Kələndəliyə, bir neçə xidmətçisi ilə qaladan qaçaraq gizləndi. Afşin Babəki təslim olarsa, ona aman verəcəyini bildirdi. Əsirlikdə olan Babəkin böyük oğlu atasına məktub yazaraq aman üçün gəlməsini xahiş etdi. Babək bu təklifı rədd etdi və oğluna cavab məktubu göndərdi: "Sən artıq mənim oğlum deyilsən. Mənim oğlum belə hərəkət etməzdi. Yadında saxla, mən yaddaşlarda Babək olaraq qalacam, sən isə bir çoxları kimi heç yada da düşməyəcəksən. Bir gün azad yaşamaq qırx il misgin qul olmaqdan yaxşıdır". Afşin Babəkin ona təslim olmayacağmı anladıqdan sonra Azərbaycan, Arran və Ermənistanın bütün qala və şəhərlərinin sahiblərinə xəbər göndərib, Babəki və onun adamlarını tutub verənlərə böyük mükafat vəd etdi. Babəkin Bizansa keçmək istəyindən xəbər tutan Afşinin sərkərdəsi Əbu-s-Sacı Babəkin ardınca göndərdi. Babək və onun qardaşı Abdullah bir xidmətçi ilə aradan çıxa bilsələr də qalanları ələ keçirildi. Öz torpaqlarında Babəkin olduğunu eşidən Səhl ibn Smbat onu öz qalasına dəvət etdi və onu yazda Bizansa yola salacağını bildirdi. Babəkə qarşı hiylə işlədən Səhl Babəkin və Abdullahın yerini Afşinə bildirir. Babəki onlara təhvil verdiyi üçün Səhl ibn Smbata böyük pul mükafatı verilmişdi. Bəzi mənbələrin göstərdiyinə görə, budan sonra Səhl ibn Smbat Albaniya, İberiya və Ermənistanın hakimi təyin olundu. Digərləri isə ona yalnız Şəki hakimliyinin verildiyini göstərirlər. 837-ci il sentyabrın 15-də Babək və Abdullah Bərzəndə, 838-ci il yanvarın 4-də isə Babək Samirəyə gətirildi və elə həmin gün (bəzi yerlərdə yanvarın 29, martın 14-ü göstərilir) edam edildi. Babəkin əvvəl əl-ayaqları, sonra isə başı kəsilib, Xorasana göndərilir, bədəni isə Samirədə çarmıxa çəkilir. Mənbələr edam mərasimində Babəkin edam edilərkən də mərdlik nümayiş etdirdiyini qeyd edirlər. Belə ki, Babək sağ əli kəsildikdən sonra həmin əli ilə sifətini qana boyamış, nə üçün etdiyini soruşduqda isə: "Qorxuram ki, bütün qanım axıb gedər, sifətim solar, adamlar isə ölümdən qorxduğumu zənn edərlər" deyə cavab vermişdi. Beləliklə 20 ildən çox davam edən xürrəmilər və xalq azadlıq müharibəsi Xilafətə çox böyük ziyan vurdu, onun 225000 döyüşçüsü öldürüldü. Xürrəmilər hərəkatı digər xalqların Xilafətə qarşı çıxmasına və ərəb imperiyasının parçalanma prosesinin sürətlənməsinə səbəb oldu. 838-839-cu illərdə Təbəristanda Əmir Məzyərin rəhbərliyi ilə üsyan başladı. Məzyər təkcə siyasi deyil, həm də iqtisadi məqsədlər güdür, ərəb hakimiyyətinin devrilməsinə çalışırdı. 840-cı ildə Xorasan hakimi Abdullah ibn Tahir üsyanı yatırdır, Məzyər isə Samirəyə aparılaraq öldürülür. 838-839-cu illərdə Azərbaycan hakimi Mingicəvr əl-Fərqani mərkəzi hakimiyyətə qarşı çıxsa da, bu üsyan da Böyük (əl-Kəbür) Buğanın başçılığı ilə yatırıldı. Babəkin başçılıq etdiyi xürrəmilər hərəkatı yatırılsa da, X əsrin ortalarına qədər onlar Xilafətə qarşı üsyan edirdilər. Xürrəmilər təliminin izlərinə daha sonrakı dövrlərdə də rast gəlinirdi. Bütün işğalçı dövlətlər kimi Xilafət də Azərbaycanda təsərrüfatın, sənətkarlığın, ticarətin, şəhərlərin və ümumiyyətlə, məhsuldar qüvvəiərin ahəngdar inkişafını xeyli ləngitdi, ancaq onun qarşısını ala bilmədi. Tədricən ərəb xilafətinə tabe edilmiş digər regionların (məsələn, Ön və Orta Asiya, Yaxın Şərq və sairə) xalqları ilə Azərbaycan arasında iqtisadi və mədəni sahədə qarşılıqlı tə'sir gücləndi. Tarixin sübut etdiyi belə bir qanunauyğunluq vardır ki, iqtisadi və mədəni cəhətdən istila etdiyi ölkələrin xalqlarından aşağı inkişaf səviyyəsində olan istilaçı dövlət mütləq onların tə'siri altına düşür. Bu eyni ilə ərəblərə də aid idi. Bir imperiyaya tabe edilmiş xalqların mənafelərinin ümumi cəhətləri onları mə'nəvi cəhətdən birləşdirir, bir-birinə yaxınlaşdırır. Onların arasında labüdən əməkdaşlıq yaranır. Qarşılıqlı təsirin və əlaqənin verdiyi təkan nəticəsində həmin ölkələrdə təsərrüfat canlanır, məhsuldar qüvvələrin inkişaf harmoniyası nizama düşür. Bu cəhətdən Azərbaycan həmin təsirdən kənarda dayanmırdı. Ərəb istilası Azərbaycanın bütövlükdə Xilafətə daxil olmasına şərait yaratdı. Ticarət. Abbasilər dövləti Asiya, Avropa və Afrikanın bir sıra dövlətləri ilə geniş ticarət edirdi. Azərbaycan tacirləri nəinki Xilafətin hakimiyyəti altında, hatta onların təsirindən kənarda olan ölkələrin bazarlarına da çıxırdılar. Dünya ticarətində Bizans və Ərməniyənin rəhbər rolu əhəmiyyətini itirdikdən sonra daxili və dünya ticarət yollarının qovşağında yerləşən Dərbənd, Beyləqan, Bərdə, Ərdəbil, Təbriz, Marağa, Naxçıvan, Kulsurə və sair Azərbaycan şəhərlərinin əhəmiyyəti daha da artdı. Bıı şəhərlər xilafətin digər ölkələrlə ticarətində fəal iştirak edirdilər. Bərdə, Ərqəbil, Kulsurə bazarları əsas ticarət mərkəzlərindən hesab edilməklə, bütün Şərqin və Qərbin diqqətini cəlb edirdi. Ölkənin və dünyanın müxtəlif guşələrindən buraya gələn tacirlər gətirdikləri malları asanlıqla satır və özlərinə lazım olan yerli mallar alırdılar. Bərdədəki «Kurkiy» deyilən bazar zəngin Kulsurə bazarı ilə rəqabətə girmişdi. Çoxsaylı tacirləri Azərbaycana cəlb edən təkcə malların bolluğu, gözəlliyi, alverin rəvan getməsi deyil, ən başlıcası ucuzluq idi. Müqəddəsi yazırdı: «Burada yeyinti və ticarət mallarının qiyməti çox ucuzdur və hətta havayıdır. Bu şəhərlərdə satış qiymətləri o qədər ucuzdur ki, bir sıra yerdə qoyunun qiyməti 2 dirhəmədəkdir. Balın qiyməti bir dirhəmdir. Bir dirhəmə 50 lavaş almaq olur. Ət, bal, ərinmiş yağ, yarma, qoz-fındıq, kişmiş çox ucuzdur. Ona görə də hər yerdən buraya tacirlər gəIir». Azərbaycan şəhərləri ən'ənəvi əmtəə malları ilə bir-birindən fərqlənirdi. Məsələn, yerli və dünya bazarlarına Bərdədən ipək, yaxşı pərdələr, qatırlar, müxtəlifparçalardan tikilmiş paltarlar, Dərbənddən kətan parça, zəfəran, qırmız deyilən qiymətli boyaq maddesi (marena), Beyləqandan əla şirniyyat, şirəli və şirəsiz saxsı qablar, Dəbildən yun paltar, xalça, balış, örtük, qaytan; Bakıdan neft, zəfəran; digər şəhələrdən qızıldan, gümüşdən, misdən hazırlanmış qablar, tabaq, tas və dolçalar, əhəngdən və qızıldan düzəldilmiş satıllar, konusvari nəfis şüşə qablar, büllurlar, cavahirat, zərgərlərin düzəltdiyi nəfis ziynət şeyləri, təzə və qurudulmuş ləziz meyvələr, çaylardan və şirinsulu göllərdən tutulub qurudulmuş tirrix, surmahi, kəsbuviya və başqa adda balıqlar ixrac edilirdi. Azərbaycan sənətkarlarının məharətle hazırladıqları yüzdən artıq adda sənət mə'mulatına yerli və xarici bazarlarda ehtiyac vardı. Azərbaycan şəhərləri xilafətlə Şimal-Şərqi Avropa və Asiya ölkələri arasındakı ticarətdə vasitəçilik edirdilər. Azərbaycan zərbxanalarında kəsilən sikkələrdən Rusiya, Almaniya, Skandinaviya və Pribaltika ölkələri ilə, habelə Şərq ölkələri ilə ticarətdə istifadə olunurdu. Xəzər sahilindəki Dərbənd, Bakı, Abaskun, Astrabad və başqa limanlar xilafətin Şimal və Şərq ölkələri ilə ticarətində başlıca mərkəzlər idilər. Dərbənd bazarı şimaldan Xəzərlə mal gətirən əcnəbi və yerli tacirlərin yığnaq yeri idi. Volqa boyundan gələn tacirlər samur, dələ, tülkü xəzi, ox, yapışqan, qılınc, zirehli geyim, mis, mum və başqa mallar gətirirdilər. Yerli və dünya bazarlarındakı ticarətdən Azərbaycan tacirləri xeyli mənfəət əldə edir va onun bir hissəsini dövlətin xəzinəsinə verirdilər. Şəhərlər. Daxili və xarici ticarətin, sənətkarlığın inkişafı Azərbaycanda şəhər həyatına ınüsbət təsir göstərdi. Dünyanın siyasi həyatında baş verən dəyişikliklər də az rol oynamadı. Guclü ərəb istilası dövlətlərarası iqtisadi və siyasi münasibətlərdə ciddi dəyişikliklər əmələ gətirdi. Dünya ticarət yollarınıın bir hissəsi öz istiqamətini dəyişdi. Bu dəyişikliklər öz təsirini Azərbaycan şəhərlərinin timsalında daha qabarıq şəkildə büruzə verdi. Ərəblər bizanslıların Qara dənizdən keçən əsas ticarət yollarının istiqamətini dəyişərək, onu şərqə-Xəzər tərəfə keçirdiklərindən Azərbaycan şəhərlərinin fəaliyyəti xeyli canlandı. Bərdə ərəblərin ön Qafqazdakı bütün ticarət yollarının kəsişdiyi yer, şimalla tranzit ticarətinin mərkəzi idi. Ərəb tarixciləri «əkin və meyvələri bol, ağac və sulan çox, havası sağlam» Bərdə şəhəri haqqında maraqlı məlumatlar vermişlər. Bu cəhətdən İbn Havqəlin məlumatı daha maraqlıdır: «Bərdə Arranın anası (paytaxtı) və bu yerlərin ən yaxşısıdır. Şəhər çox böyükdür. Onun bir fərsəx uzunu, bir qədər az eni vardı... Rey və İsfahandan sonra, İraqla Təbəristan arasında Bərdətək böyük və məhsuldar, tutduğu mövqe və xəzinəyə verdiyi gəlirə görə yaxşı yer yoxdur... İrana və Xuzistana buradan ipək göndərilir». Müəllıflər «Zərdüştün vətəni, iqlimi gözəl, torpağı münbit və bərəkətli» Urmiya, Marağa, Ərdəbil, Səlmas, Mərənd, Miyanə Bərzənd, Muğan, Beyləqan, Naxçıvan, Varsan, Dərbənd, Şabran, Şəkı, Qəbələ, Bakı, Şamaxı, Gəncə, Şəmkir ve başqa şəhərlərin gözəl ıqlımındən, zəngin sərvətindən, əhalisinin məşğuliyyətindən bazarlardan və orada gedən ticarətdən ətraflı məlumat verirlər Bu şəhərlərin bir çoxu siyasi-inzibati mərkəz olmaqla yanaşı, ticarət və sənətkarlıq mərkəzi kimi də məşhur idi. Şəhərlərdə yüzlərlə sənət sahəsı: dulusçuluq, dərzilik, dəmirçilik, misgerlik, zərgərlik sərraclıq, çəkməçılik, toxuculuq, xarratlıq, bənnalıq və başqaları geniş inkişaf etməkdə idi. Sənətkarlıq, ticarət və mədəniyyət mərkəzi kimi Gəncənin şöhrəti yiiksəlməkdə idi. Elm. Azərbaycanın Xilafət tərkibinə daxil olması onu ümumi müsəlman mədəniyyətinə cəlb etdi. Xilafətin ərəb dilini həm ədəbi, həm danışıq dili kimi qəbul etməsi, ərəb-müsəlman mədəniyyətini, qədim Şərq və antik dünya xalqlarından qalmış ənənələrlə zənginləşdirirdi. Xilafətin ərəbləşməyib, yalnız müsəlmanlaşmış bir çox xalqı, o cümlədən azərbaycanlılar, ərəblərin dini ilə birgə onların dillərini də mənimsəyərək, XI əsrədək elmi, dini və ədəbi yaradıcılıqda ərəb dilini işlətməyə başlamışdılar. Quranın yazıldığı dildə öyrənilməsi, ümumiyyətlə, ərəb dilini bilmək mədəniyyət göstəricisinə çevrildiyindən bu dili öyrənmək vacib sayılırdı. Ərəb dilini öyrənmək məqsədi ilə bir çox azərbaycanlını Ərəb Şərqinin mədəni mərkəzləri sayılan Bağdad, Kufə, Bəsrə, Dəməşq, Qahirə şəhərlərinə oxumağa göndərdilər. Lakin çox keçmədi ki, Azərbaycanda da Ərdəbil, Marağa, Şamaxı şəhərlərində tikilən təhsil ocaqları, kitabxanalar, məscidlər xilafətin ən mədəni mərkəzlərinə çevrildilər. Azərbaycanda ərəb dilinin geniş yayılmasının digər səbəbi də başqa şərq xalqları ilə olan ticarət-iqtisadi, siyasi və mədəni münasibətləri idi. VII-X əsrlərdə Azərbaycanda ədəbiyyat, təbiətşünaslıq, riyaziyyat, astrologiya və bir sıra digər ictimai və dəqiq elmlər yaxşı inkişaf etmişdi. Azərbaycan alimlərindən Məhəmməd ibn Musa "Məntiq", Əbubəkr Məhəmməd ər-Razi (865- 925) tibb, Əbu Abdulla əl-Bəttani (858-929) astrologiyaya dair əsərləri ilə məşhurlaşmışdılar.Azərbaycan nümayəndələrindən Əbusəid Əhməd ibn Hüseyn əl- Bərdəi (929-da ölüb), Əbubəkr Məhəmməd ibn Abdulla əl-Əbhəri, Yəqub ibn Musa əl-Ərdəbili kimi hüquqşünaslar, Əhməd ibn Harun əl-Bərdəi, Məkki ibn Əhməd əl- Bərdəi, Cəfər ibn Məhəmməd əl-Maraği kimi hədis toplayanlar bütün Xilafətdə məşhur idilər. VIII əsrdə Zühd əsasında formalaşan sufızmin (təsəvvüf) tanınmış şəxsləri arasında IX-X əsrlər Azərbaycan mütəfəkkirlərinin də - Hüseyn ibn Cibril əl- Mərəndi, Əbubəkr əz-Zəncani, İbrahim ibn Yəhya ət-Təbrizi, Səid ibn Qasim əl- Bərdəi, Məhəmməd əl-Bakuvinin ("Hekayət əs-Sufıyyə", "Əxbar əl-Arifin", "Əxbar əl-Fafılin") adları da çəkilir. O dövrdə Xilafətdə fəaliyyət göstərən "Saflıq qardaşları" cəmiyyətinin məşhur baş müəllimindən biri azərbaycanlı Əbülhəsən Əli ibn Harun əz-Zəncani idi. Elmi-fəlsəfi fıkrin inkişafında böyük rol oynamış bu cəmiyyətin digər azərbaycanlı nümayəndələrindən Yəqub əl-Kindi, Əbunəsr əl- Farabinin də adlarını çəkmək lazımdır. Ədəbiyyat. Ərəb dili ədəbi-elmi yaradıcılığında hakım dıl olsa da Azərbaycanın zəngin folkloru, atalar sözləri, ədəbı numunələri, zərb məsələləri, eləcə də dastanları var ıdı. "Oğuznamə"lər içərisində ən məşhurlardan olan "Kitabi Dədə Qorqud dastanı bu dövrə (bəzi mənbələrə görə daha qədımlərə) aıddır. Yerli əhali arasından ərəb dilində yazan və bu dılı mukəmməl bilən şair və yazıçılar çıxdılar. İki mədəniyyətın-oz mıllı Azərbaycan və ərəb mədəniyyətinin təmsilçısı olan bu şaırlərdən Musa Şəhəvat, İsmayıl ibn Yasar, onun oğlu Ibrahım və qardaşı Məhəmməd, Əbu-1-Abbas əl-Əmam misal göstərmək olar. Memarlıq. Bu dövrdə Azərbaycanda çoxlu sayda məscidlər, mədrəsələr, bazarlar, karvansaralar, hamamlar və başqa qurğular tikilmişdi. Artıq zərdüştlərin və xristianların dını obyektlərı məscidlərə çevrilirdi. Şamaxıda, Ağsuda və dıgər bölgələrdə məscidlər tikilmişdi. Beyləqan, Bərdə, Dərbənd, Mərənd, Ərdəbil Urmiya, Marağa, Gəncə, Qəbələ, Şirvan, Naxçıvan, Təbriz, Şamaxı, Şəmkir, Şabran kimi şəhərlərdə əzəmətlı saraylar və başqa memarlıq nümunələri ucaldılmışdı.