Republic of the Philippines

Department of Education
Region V Bicol
Schools Division of Ligao City
TASTAS ELEMENTARY SCHOOL

PERIODIC TEST IN FILIPINO 6

QUARTER 2

Name: ____________________________________ Date: __________________

Teacher: __________________________________ Section: _______________
I. Panuto: Basahin ang talaarawan at sagutin ang mga tanong. Bilugan
ang letra ng tamang sagot.

Ito ang naitala ni Susan sa kanyang talaarawan

Pebrero 14, 2023
Sobrang saya ko sa araw na ito. Ika-12 kong kaarawan. Nagluto si Nanay ng
pansit, spaghetti, kakanin at maja. Dumalo ang mga kaibigan ko at kaklase.
Pebrero 15, 2023
Dalawang beses akong nagdiwang ng aking kaarawan. Dumating ang mga
pinsan ko galing ng Nueva Ecija. Nagluto uli si Nanay ng pansit, spaghetti, kakanin
at sopas.

1. Kailan ang kaarawan ng sumulat ng talaarawan?

A. Pebrero 12, 2023
B. Pebrero 14, 2023
C. Pebrero 15, 2023
D. Pebrero 17, 2023

2. Sino ang may kaarawan?

A. Si Nanay
B. Si Tatay
C. Si Pinsan
D. Si Susan

3. Pang ilang kaarawan ni Susan ang kanyang ipinagdiwang?

A. Ika-12
B. Ika-14
C. Ika-15
D. Ika-17
4. Taga saan ang mga pinsan ni Susan?
A. Taga Natividad
B. Taga Tayug
C. Taga Nueva Ecija
D. Taga Pangasinan

5. Bakit masaya si Susan?

I. Ipinagdiwang niya ang kanyang kaarawan
 II. Dumalo ang kanyang mga kaklase at kaibigan
III. Nagluto si Nanay ng pansit, spaghetti, at maja
IV. Ipinasyal siya ng Tatay at Nanay
A. I, II b. I, II, at III c. II at III d. I, II, III, at IV

II. Basahin at unawain ang anekdota. Sagutin ang kasunod na mga tanong at
isulat sa sagutang papel.

Ang larawan na ito ay

iginuhit ni Leo Gali

Isang babae ang pumunta sa estasyon ng pulis upang magreklamo. Siya raw
ay malakas na binangga ng bisekleta ng isang matandang lalaki. “Kailan pa ito
nangyari?” tanong ng pulis. “Noon pa hong Disyembre 2, 2019,” sagot ng babae.
“Bakit ngayon lang kayo nag -report? Dapat sana’y noon pa!” sabi ng pulis.
“Nagdalawang -isip po ako dahil hindi ko naman siya namukhaan. Kaya hindi ko po
nireport, ” sagot ng babae. “Ganoon ba? Eh, bakit ngayon ay nag-report na ho kayo?”
sabi ng pulis. “Andito po kasi yung bisekleta ng bumangga sa akin, ayun po sa gilid,”
paglilinaw ng babae. “Ah, iyan po ba? Binenta po dito ng isang lalaki. Pambili daw
niya ng gamot para sa may sakit niyang asawa. Naawa ang aming hepe kaya binili
niya.” tugon ng pulis.
6. Sino ang pumunta sa estasyon ng pulis?
A. isang binata
B. matandang lalaki
C. isang babae
D. isang bata

7. Bakit pumunta sa estasyon ng pulis ang babae?

A. Kakausapin ang pulis tungkol sa nakita niyang pangyayari.
B. Sasampahan niya ng kaso ang kapitbahay.
C. Isusumbong niya ang kaibigan.
D. Ire-report niya ang nangyari sa kaniyang insidente.

8. Bakit hindi daw siya agad nag-report sa pulis?

A. Nakalimutan niya.
B. Natatakot siyang magsumbong.
C. Ayaw na niyang maabala sa pagsusumbong sa pulis.
D. Nagdalawang-isip siya dahil hindi naman niya namukhaan ang lalaki.

9. Bakit naisipan na niyang magreport sa pulis?

A. Nabangga muli siya ng bisekleta.
B. Nakita niya muli na nagbibisekleta ang lalaking bumangga sa kaniya.
C. Nakita niya ang bisekleta nang nakabangga sa estasyon ng pulis.
D. Nakita niya ang taong nakabangga sa kaniya.

10. Bakit nasa estasyon ng pulis ang bisekleta ng nakabangga sa kaniya?

A. Nasa estasyon ng pulis ang bumangga sa kaniya.
B.Nahuli na ang bumangga sa kaniya.
C.Napulot ng mga pulis ang bisekleta.
D.Binenta ng lalaki ang bisekleta at binili ng hepe ng pulis.
Pagsasalita
11. Ang probinsiya ng Cavite ay maunlad. Anong pang-uri ang ginamit sa
pangungusap?
A. Bayan C. probinsiya
B. Cavite D. maunlad

12. Makikita rito ang naglalakihang pabrika at gusali. Ang pang-uring ginamit sa
pangungusap ay_________
A. Makikita C. pabrika
B. Naglalakihan D. gusali
13. Ang nangyayari sa Marawi City ay nagdulot ng matinding ________________sa
mga mamamayan.
A. sakit C. galit
B. hirap D. takot

14. Araw-araw, ang magkapatid ay nagtitinda ng ____________Sampaguita sa terminal

ng jeep.
A. Sariwang C. mabangong
B. Magandang D. lahat ng nabanggit

15. Ang aking mga mag-aaral ay matiyagang dumadaan sa ilog upang makarating sa
aming paaralan. Alin sa sumusunod na salita sa pangungusap ang pang uri?
A. Mag-aaral C. matiyaga
B.Dumadaan D. ilog

16. Nalaglag ang hawak na pera ng bata. Agad itong pinulot ni Dan at iniabot sa
may-ari. Si Dan ay isang batang .
A. masipag B. matulungin C. matapat D. masinop

17. May bagong pantalon si Chito. Nalaman niyang kailangan ni Fred ng isusuot sa
kanilang programa. Ipinahiram niya iyon kay Fred. Si Chito ay .
A. masipag B. matapat C. matulungin D. mapasalamatin

18. May uwing pagkain ang nanay. Sinabi ng nanay na hatian ni Bia ang kanyang
kapatid na si Nilda. Hinati ni Bia nang magkasinglaki at ibinigay niya kay Nilda
ang parte nito. Si Bia ay batang .
A. marunong B. mapagbigay C. masinop D. madamot

19. Si Lena ay di-gaanong maganda na gaya ni Arra. Pinagtatawanan ni Arra si

Lena sa harap ng ibang tao sabay sabi na pangit si Lena at siya ang
pinakamaganda. Si Arra ay
.
A. mayabang B. sinungaling C. madaldal D. kulang sa pansin

20. Gustung-gusto ni Rico na makipaglaro kay Mario. Tinawag niya ito upang
sumama sa bukid. Hindi pumayag si Mario dahil bilin ng kanyang tatay na
bantayan ang kanilang alagang kalabaw. Si Mario ay .
A. magalang B. matalino C. masunurin D. matapat

Panuto: Basahin ang sumusunod na teksto. Habang iyong binabasa ang teksto,
itala sa iyong kuwaderno ang mga mahahalagang datos na iyong mababasa.
Isulat rin ang tema ng teksto. Matapos itong gawin, subukang sagutin ang mga
katanungan gamit ang mga datos na iyong isinulat
 “Sa Ilalim ng Puting Ilaw”
Pj Miana

“Huli ka! Ay, ikaw naman ang taya!”, wika ni Tanya kay Boyo habang
naglalaro sila ng tagu- taguan, sa ilalaim ng puting ilaw nina Mang Kanor
kapag maliwanag ang buwan. Gawain na ito gabi- gabi ng mga “Batang Tulin”
sa tuwing maliwanag ang buwan. Pagkatapos ng kanilang mga gawaing bahay
sa hapon, isa-isang nagpapaalam ang mga bata sa kani-kanilang mga
magulang upang maglaro sa bakuran nina Mang Kanor. Doon kasi may
malaking mangga na mayroong ilaw kung saan sumasabog ang liwanag nito sa
mga mukha ng mga naghahalakhakang bata sa paligid nito.

Madalas laruin ng mga bata ang batuhan ng bola, habulan, palitan ng

punch lines at – ang pinakapaborito nilang laro – ang taguan. Madalas si Boyo
ang taya kapag nagsisimula ang laro. Kapag nagsimula na ang hanapan, si
Tanya naman ang una nitong nahahanap. Paano ba naman kasi, sa likod lang
ng mangga nagtatago si Tanya. “Hoy, Boyo! Bakit parang si Tanya lang yata
ang lagi mong nahahanap? Kami, namumuti na ang mga mata namin sa
katatago, hindi mo naman kami nahahanap.”, wika ni Poknat. “Si Poknat
naman, siyempre hindi naman kasi ikaw si Tanya! hahaha”, tukso pa ni Lorna.
Naghalakhakan na ang lahat at maya’t maya ay tinutukso na nila sina Boyo at
Tanya. Ang dalawa naman ay namumula na at hindi makaimik. Hindi na nga
nila matingnan ang bawat isa.
Malapit na ring mag ikawalo ng gabi kaya nagsiuwian na rin ang lahat.
Mahirap ng abutan ng curfew. Habang papalakad pauwi si Tanya, naisip
niyang gustong-gusto niya na nakikita at nakakasama si Boyo. Madalas nga
niyang maisip ito sa kaniyang pagtulog. Buhay na buhay ang pagkamaamong
mukha nito sa kaniyang gunita. Ang mga ngiti nitong parang asukal sa tamis
at ang boses nitong tila anghel na umaawit ng himig ng pag-ibig.” Pag-ibig!
Umiibig ba ako? Kay Boyo!?”, gulantang ni Tanya sa kaniyang sarili. Nangingiti
siya sa kaisipang ito. Ito na marahil ang napag- aralan nila sa asignaturang
Siyensya kung saan laging ipinapaalala ng kanilang guro na si G. Miana na,
“Having a crush is normal! It’s part of adolescence. It’s a sign that your emotional
growth is also up.It’s part of growing up.”, at matatapos siya sa pagsesermon sa
amin tungkol sa pakikipagligawan at pagkakaroon ng nobyo sa murang edad.
Tama ang kanilang guro. Masaya sa pakiramdam ang pagkakaroon ng
pagkagusto sa kabilang kasarian. Subalit mas masaya ang makapagtapos sa
pag- aaral dahil hindi agad pumatol sa silakbo ng damdaming nararamdaman.

Unti-unti nang isinarado ni Tanya ang mga talukap ng kaniyang mga

mata. Siya nga ay tuluyan nang nahimbing sa pagtulog at masayang ibinaon sa
kaniyang pagtulog ang kaisipang naglalakbay na siya sa panibagong yugto ng
buhay.

21. Sino-sino ang mga pangunahing tauhan sa kuwento?

A. Tanya at Boyo C. G. Miana at Lorna
B. Mang Kanor at Poknat D. Boyo at Mang Kanor

22. Sino-sino ang mga ikalawang tauhan sa kuwento?

A. Tanya at Boyo C. G. Miana at Lorna
B. Mang Kanor, Poknat, G. Miana, Lorna D. wala sa nabanggit

23. Anong oras nagsisiuwian ang mga bata mula sa paglalaro?

A. Ika-8 ng gabi, Alas-otso
 B. Ika-9 ng gabi, Alas-otso
C. Ika-10 ng gabi, Alas-otso
D. Ika-11 ng gabi, Alas-otso

24. Bakit nagkakahiyaan sina Boyo at Tanya?

A. Nagkaaway sila.
B. Nakakaramdam sila ng pagkagusto sa isa't isa.
C. Hindi sila nagpapansinan sa isat-isa.
D. Lahat ng nabanggit

25. Ano ang paksa o tema ng tekstong iyong binasa?

A. Ang pagdadalaga at pagbibinata
B. maagang pag-ibig,
C. pagkakaroon ng crush
D. lahat ng nabanggit

Basahin at unawain ang mga pangungusap. Bilugan ang angkop na pandiwa, pang-uri o
pang abay sa bawat pangungusap.
26. _________siya ng almusal bago pumasok sa paaralan kaninang umaga.
A. Kinakain C. Nakakain
B. Kakainin D. Kumain

27. Ang mga mag-aaral ay _____________sa Lakbay_aral na gagawin sa darating na

Sabado.
A. sasama C. sumasama
B. Sumama D. sasamahan

28. Ang kawawang pulubi ay ______________sa tabi ng simbahan araw-araw.

A. Namalimos C. namamalimos
B. Mamamalimos D. mamalimos

29. ____________ng tulong para sa mga mamamayan ng Cavite na nasalanta ng

bagyong Paeng.
A. Magbibigay C. Nagbibigay
B. Nagbigay D. Bibigyan

30. Lahat ay _______________sa pagpapanatiling malinis na ating kapaligiran noong

nagdaang brigada eskwela.
A. Tumulong C. Tumutulong
B. Tutulong D. Tinulungan

31. lang nila ng alumasal para sa mga bata.

A. Kahahanda C. Hinanda
B. Hinahanda D. Hahanda

32. Kalalabas lamang ni Rita sa ospital kaninang umaga.

A. kagaganap C. Imperpektibo
B. Kontemplatibo. D. Perpektibo

33. Si Michael ay lumaban upang malampasan sakit na cancer.

A. Katatapos C. Imperpektibo
B. Kontemplatibo D. Perpektibo

34. Marami kaming lumang gamit na ibebenta sa garage sale.

 A. Katatapos C. Imperpektibo
B. Kontemplatibo D. Perpektibo

35. Magpapahinga muna ako nang sandali dahil sumasakit ang ulo ko.
A. Katatapos C. Imperpektibo
B. Kontemplatibo D. Perpektibo

36 Ito ay mga salitang naglalarawan sa pandiwa, pang-uri at kapwa

pang-abay.
A. Pamanahon C. Pang-abay
B. Pamaraan D. Panlunan

37 Tumutukoy ito sa pook na pinangyarihan, pinangyayarihan o

pangyayarihan ng pandiwa.
A. Pamanahon B. Pamaraan C. Pang-abay D. Panlunan

38 Naglalarawan kung paano naganap, nagaganap o magaganap ang

. pandiwa.
A. Pamanahon B. Pamaraan C. Pang-abay D. Panlunan

39. Isa sa mga uri ng Pang-abay na Pamanahon na ginagamit ang

panandang nang,sa, noong, kung, kapag, tuwing, buhat, mula,
umpisa at hanggang.
A. May pananda C. Panlunan
B. Pamaraan D. Walang pananda

40. Tukuyin ang maaaring bunga ng sitwasyong ito.

“Isang gabi habang naiidlip ang mag-asawa, dalawang
estranghero ang dumating at naghanap ng masisilungan
sa gabing iyon.”
a. Nabusog naman ang mga panauhin.
b. Ayaw niyang makita ang puntod ng kanyang asawa.
c. Buong-pusong tinanggap ng mag-asawa ang mga panauhin.
d. Nagulat ang mag-asawa dahil hindi sila nauubusan ng alak.

41. Ano kaya ang maaaring naging sanhi nito?

“Kayo lamang ang makakatanggap ng aming pabuya.”
a. Napagtanto nilang hindi basta panauhin lang ang mga ito.
b. Gustong hulihin ng mag-asawa ang gansa upang ihain sa mga
bisita.
c. Inihain sa kanila ang isang ulam mula sa lumapot na
bahagi ng gatas na nakalagay sa isang bandihado.
d. Mahigit isang daang pinto ang aming kinatok ngunit wala ni
isamang nagpaunlak sa amin maliban sa inyong dalawa.”

42. Namatay ang mga isda dahil marumi na ang tubig sa ilog.
Ano ang SANHI sa pangungusap?
a. ang mga isda C. namatay ang mga isda
b. malinis ang tubig D. dahil marumi ang tubig sa ilog

43. Nangamba ang mga tao na tuluyan nang masira ang Ilog Pasig,
kaya kumikilos na sila bago mahuli ang lahat. Ano ang BUNGA
ng pangyayari?
A. kaya kumilos na sila
 B. nangamba ang mga tao
C. bago mahuli ang lahat
D. tuluyan nang masira ang Ilog Pasig

Basahin ang maikling kwento.

44. Ang Mahal na Birhen ng Kapayapaan at Mabuting Paglalakbay (Nuestra Señora

dela Paz y Buenviaje) ang patron ng Antipolo sa Rizal. Dito, ang pagdiriwang ng
pista ay sa buong buwan ng Mayo. Ipinagdiriwang din ito sa ika-8 ng
Disyembre.Ito’y dinarayo ng maraming taong nais humiling ng biyaya sa patron
ng bayan.
A. Ang pagdiriwang ng mamamayan ng Antipolo, Rizal ng pista ng Mahal na
Birhen ng Kapayapaan at Mabuting Paglalakbay
B. Ang pagsalungat sa pagdiriwang ng mamamayan ng Antipolo, Rizal ng pista
ng Mahal na Birhen ng Kapayapaan at Mabuting Paglalakbay
C. Ang hindi pagdiriwang ng mamamayan ng Antipolo, Rizal ng pista ng Mahal
na Birhen ng Kapayapaan at Mabuting Paglalakbay
D. Ang kaguluhan sa pagdiriwang ng mamamayan ng Antipolo, Rizal ng pista ng
Mahal na Birhen ng Kapayapaan at Mabuting Paglalakbay

45. Ipinagdiriwang taon-taon ang kapistahan ng Patrong San Martin, pati na rin ang
higit na masiglang kapistahan ng Mahal na Krus sa bayan ng Bocaue sa Bulacan.
Mayroon ditong Pagoda sa Wawa o prusisyon sa ilog. Iniikutan ng maraming
taong lulan ng maliliit na bangka ang Mahal na Krus na nasa napakagarang
pagoda. Ito’y ipinuprusisyon sa kahabaan ng Ilog Bocaue hanggang sa Wawa,
kung saan sinasabing nakuha ng mga mangingisda ang Mahal na Krus.
A. Ang pagparada ng Mahal na Krus sa kalsada ng Bocaue hanggang sa Wawa
B. Ang pagparada ng Mahal na Krus sa ilog ng Bocaue hanggang sa Wawa
C. Ang pagparada ng Mahal na Krus sa kabundukan ng Bocaue hanggang sa
Wawa
D. Ang pagparada ng Mahal na Krus sa dagat ng Bocaue hanggang sa Wawa

Isulat nang maayos ang sumusunod na mga bahagi ng isang liham-

pangangalakal. Pagsunud-sunurin ang mga ito. Gumamit ng wastong bantas.
______46. Paaralang Elementarya ng Angel L. Bawalan
General Trias City, Cavite
Ika-12 ng Hulyo, 2017

______47. Lubos na gumagalang

Ana Luna

_____48. Waltermart Manggahan

Governor’s Drive
General Trias City, Cavite

_____49. Ginoong dela Cruz

_____50. Nabasa ko po sa pahayagan sa nangangailangan kayo ng Assistant Manager sa

inyong tanggapan. Nais ko po sanang mag- aplay sa posisyong ito. Nagtapos po ako sa
Lyceum of the Philippines nitong Mayo 2017. Ang akin pong kurso ay Bachelor of
Science in Business Administration Major in Management. Kung inyong mamarapatin,
nais ko po sanang makipag- usap sa inyo para sa interbyu at upang ipakita ang aking
kakayahan. Sana po ay mabigyan ninyo ako ng pagkakataong makapagtrabaho upang
makatulong naman po ako sa aking mga magulang.

Lubos po akong umaasa sa inyong pagsagot.