Lirika është lloji i poezive që këndoheshin me lyra.
Lirika përveç epikës dhe dramatikës është dhunti e tretë letrare. Veprimtaria poetike quhet lirikë. Poezia lirike hyn në rradhën e krijimeve më të lashta letratre . Ajo u shfaq që kur njeriu mësoi të mendojë dhe të flasë .Vetia themelore e poezisë lirike është se këngëtari ose poeti shfaq përjetimet e veta si : gëzimet , dëshirat , shpresat dhe vuajtjet . Poezia lirike ndahet në lloje të shumta , ato janë : poezia përshkruese , poezia e dashurisë , oda , elegjia, epitafi , epigrafi , poezia idilike , poezia sociale, poezia patriotike, himni, poezia satirike etj. Lirika popullore, Lirika popullore shqiptare është mjaft e pasur dhe e larmishme.Ajo është e lidhur me ritet,zakonet,festat(këngët e punës,këngët kalendarike) me ngjarjet reale historike (këngët e mërgimit,këngët e trimërisë),me castet kryesore të jetës së njeriut:lindja,dashuria,vdekja(ninullat,këngët e dashurisë,këngët e dasmës dhe këngët e vajtimit).
Baladë për Vasiliqinë
Vasilikë e bukur dhe moj yll, o yll i vashës psherëtimë e bardhë dhe moj o e Ali Pashës
Dimër edhe vere qyqe
tridhjetë vjet në shkallë po ç’pret moj e gjorë dhe moj Aliu s’është gjallë
Në fshatin ku linde dhe moj
si hënë e gremisur si dhogë e anuar dhe moj vidhat, të vidhisur
Nusezeza jonë dhe moj
si një lot i grisur vjehrra Shqipëri edhe moj ëndërr e pazdisur
Pret e pi rakinë dhe moj
rruazë floriri pret, e pret të vijë dhe moj Ali Pashë Veziri
Një natë me trupin dhe moj
një natë me kokën flë Vasiliqia dhe moj si ngrica me token
Vasilikë e bukur dhe moj
yll, o yll i vashës psherëtimë e bardhë dhe moj o e Ali Pashës…
Dasma e Kamber Loshit
Kamber Loshi o del në at’kodër A po m’vjen, o kjo nusja e vogel? Nuk vjen nusja, as krushku i parë Kaçallniku m’ka çu i fjalë Nqs s’don oh ferrën te pragu Hiqe mor flamurin nga konaku.
Hej, Kacallnik largo taborët
Mos ma shkel oh barin mbi vorre Mos ia thuj lokes at’fjalë Mos m’i kthe oh dasmorët mbrapsht!
Kam themelin oh tek ky gur
Besa jam shqiptar e nuk ul flamur Kam themelin oh tek ky gur Besa jam shqiptar e nuk ul flamur!
U derdh gjylja oh mbi kasolle
Morën flakë oh dy lule molle Moren zjarr oh pesëqind fishekë Kamber Loshi s’paska vdekë S’qenka shelg oh që dridhet bregu Qenka more lis oh tek balli i shtegut!
Eja loke, ma jep martinën
Permbi shkamb, o ta ngul opingën Veç ne kamb oh ta ngrejmë tremninë E t’ia shemb krajlit ushtrinë!
Kam themelin oh tek ky gur
Besa jam shqiptar e nuk shuhem kurrë. Kam themelin oh tek ky gur Besa jam shqiptar e nuk shuhem kurrë!
Aga Ymeri na u martue
Agë Ymeri na u martue, po, more, jo Sall, nji, nat’ ma s’ndej me grue, i ra lota ushtar me shkue, për me i shkue mbretit n’ushtri. -Lamtumirë, tha, mori grue! Po i thotë vasha: “A vi me ty?” -Nuk asht rrugë me ardhë me mue, por, sa kohë po m’pret, ti, grue? Un’ të për o për tri ditë, për tri ditë’-o për tri net. – At’ u thaftë goja, qysh po flet! Un’ të pres-o, për nandë net. -Tu thaftë goja, qysh po flet, qysh po flet-o mori shtrigë! se asht mirija treqind ditë, se s’asht rrug-o për nandë ditë, por asht rrug-o për nandë vjet, e por i thanë e zezë ushtri. A m’nep besën se po m’pret! Për nandë vjet-o-un të pritsha, vedit fat, tha, mos i qitsha! -Të lumtë goja qysh po flet! – Atëherë Aga u nis me shkue. Se ka ra n’luftë të parë, ja kanë varrue atin e bardhë. N’luftë të dytê kur ka ra, Ate t’shkretën rob e kanë xanë, e kanë xanë e n’burg po e shtinë, mirë po han edhe po pin, sa mirë tamerthës po na i bjen. Kaluen ditë e kaluen net. Kur janë mbushun-o nand vjet, Temarthës ma s’po na i bjen, ka çilë gojën, po bërtet.
Dy Tupana ne dere te Kulles
Dy tupana në derë të kullës Nji za burri në tel të lahutës Gëzohen malet se na lindi bija Përshëndesin pushka e sharkia Kanga e pushka në odë t`Drenicës Përçjell nuesë Shote Galiçën…
Shota rrin mbi kalë gjith nur
Në ballë t`dasmorëve një flamur Njëmijë krushq me nusen vijnë Njëmijë pushkë mbi supe u rrinë
Kapërçejnë grykat dhe malet
Bien tupanat, kënga s`ndalet…
Shtatë varruem në jatagana
Gjokset mbushur me nishana Shota erdh e qeshet Kulla Azem Bejta rrin me burra
Shtati i Shotës si shtizë flamuri
Sy përflakun në fkalë t`barutit…
Shota veshi tirq galana
Nuse malesh në luftë me krajla S`rrin me i k`ndue djepit të shpia Mir i rrinte në krah burrnia
Mori pushkë me rretha dore
Për me i kthye malet në llogore…
Sytë e saj për dritë lirie
Pushka i këndonte veçç kangë trimnie Shpalos krahët si të Shqiponjës Për k`ta vllaznit e Kosovës
Në përfytyrimin tim, poezia lirike shqipe gjithnjë i ka
përngjarë një orkestre, e cila ka përfituar muzikë të shpirtit e të botës shqiptare. Një muzikë të fuqishme dhe delikate, që më ka tingëlluar e ekzekutuar sa nga instrumentet kombëtare si fyelli e zurnaja, lahuta e çiftelia, aq dhe nga instrumentet universale si violina e flauti, kitara e lira e deri te buria e trumbeta. Dihet se në arealin e çdo letërsie, lirika përbën shkallën më të lartë të ndjeshmërisë poetike. Ajo është poezia e poezisë, rinia e saj e përjetshme. Një përcaktim ky, nga i cili natyrisht nuk bën përjashtim as poezia shqipe. Sido që kushtet e rënda social-ekonomike i kanë diktuar struktura epike, prapë lirika ka qenë e ka mbetur komponenti parësor i poezisë sonë. Një zë i përhershëm, konstant që buronte së brendshmi, nga hovet e zemrës dhe trazimet e shpirtit, nga thellësitë e fshehta të qenies njerëzore të gjeni shqiptar.