Ang Batang Masipag Mag-aral

Ni Alma C. Grajo

“Kringgg…!!!” malakas na tunog ng alarm clock ni Ayessa. “ Hala 4:30 na

ng umaga kailangan ko na gumising!” Pagkagising, siya ay nanalangin
upang magpasalamat sa Panginoon at humingi ng patnubay sa kanyang
maghapon. Pagkatapos manalangin siya ay tumungo na sa hapag-kainan
upang mag-almusal na inihanda ng kanyang ina. “Magandang umaga
Inay” bati sa kanyang ina sabay halik sa pisngi nito na ikinangiti ng
kanyang ina. Pagkatapos kumain ay maliligo na siya at maggagayak na
sa pagpasok sa eskwela.
Si Ayessa ay 15 taong gulang at kasalukuyang nasa baitang 9 sa hayskul. Siya ay
kinagigiliwan ng kaniyang magulang at ng kanyang mga guro dahil sa kaniyang kasipagan sa
pag-aaral.
Sa paaralan, si Ayessa ay palakaibigan sa kanyang mga kaklase.
Lagi siyang nakikipagkwentuhan sa kanila sa panahong wala silang guro.
Ngunit sa panahon na siya ay nasa klase na at may guro, sinisikap
niyang maging pokus ang atensyon sa mga itinuturo nito. Sa bawat aktibiti
na ipinapaggawa ng kaniyang guro ay sinisigurado niyang matatapos ito
sa oras ng pasahan.

Pag-uuwi ni Ayessa, naglilinis siya ng bahay at naghahanda para

sa hapunan. Pagkatapos ay haharapin na niya ang kanyang “assignments” at
mga leksiyon sa paaralan para sa kinabukasan.

Masayang-masaya si Ayessa at ang kanyang magulang dahil, sa

kanilang klase, si Ayessa ay isa sa mga batang nasa “top ten”. “Congratulations anak !”, ang
bati ng kanyang ina. “Maraming salamat inay sa pagmamahal at sa suporta ! ang tugon ni
Ayessa.
238 Bilang ng salita
MGA TANONG:
Basahin at unawain ang mga sumusunod na tanong. Piliin ang letra ng tamang sagot.
1. Sino ang bata sa kwento?
A. Ayessa B. Alma C. Aika D. Agnes

2. Ano ang pamagat ng kwento?

A. Ang Batang Masipag Mag-aral C. Ang Mag-aaral na Mabait
B. Ang Guro na Masipag D. Ang Magulang na Mabait

3. Ilang taon na si Ayessa?

A. 10 taong gulang C. 15 taong gulang
 B. 9 na taong gulang D. 17 taong gulang

4. Anung baitang sa hayskul kabilang si Ayessa?

A. Baitang 7 B. Baitang 8 C. Baitang 9 D. Baitang 10

5. Ano ang katangian ni Ayessa kung bakit siya nakasama sa “Top Ten” sa kanilang klase?
A. Masipag mag-aral C. Magalang sumagot
B. Palakaibigan sa kaklse D. Maganda ang mukha
6.Alin sa sumusunod ang hindi taglay ni Ayesha?
A.Masipag B.Palakaibigan C.Masikap D.Makasarili

7. “Ang ugat ng karunungan ay mapait subalit ang bunga ay matamis”. Base sa kwento ni
Ayessa, ano ang ibig sabihin ng salawikain na ito?
A. Sa una, ang pag-aaral ay mahirap ngunit sa huli ay napakasaya dahil sa gantimpala
na kakamtin mo.
B. Sa buong panahon ng pag-aaral ay sadyang masaya
C. Sa una at huli ay mahirap at nakakapagod mag-aral
D. Sa una, ang pag-aaral ay masaya ngunit sa huli ay nakakatamda na.

8. Ano ang ipinagpasalamat ni Ayessa sa kanyang ina na naging dahilan ng kanyang

tagumpay?
A. Salamat sa baon na pera
B. Salamat sa almusal
C. Salamat sa pagmamahal at suporta
D. Salamat sa mga aral

9.Dapat bang maging huwaran na mag-aaral si Ayesha?

A. Oo, sapagkat ang katangian niyang likas na mabait at masipag sa pag-aaral ang susi
sa kanyang tagumpay
B.Oo, Dahil siya ay marunong makisama sa mga kamag-aral
C.Hindi, sapagkat siya ang idealistikong mag-aaral na malabong masundan
D.Hindi, dahil siya ay laki sa layaw
10. Ikaw bilang isang mag-aaral, anu ang dapat mong gawin upang magtagumpay din sa
iyong pag-aaral?
A. Gawin ang mga gawaing-bahay at ipasa sa takdang oras.
B. Laging making sa sinasabi ng guro
C. Iwasang lumiban sa klase
D. Lahat ng nabanggit