ESP 10 (IKATLONG MARKAHAN)
ARALIN 2:PAGGALANG SA BUHAY
Ang buhay ng tao ang pinakadakilang handog ng Diyos sa
atin. Nilikha Niya tayong buhay sa kanyang larawan at wangis
(Genesis 1:26-27). Magiging makabuluhan ang buhay o
pagkatao at matatamo ang kaganapan nito kung ang kaloob
na ito ay iyong pag-iingatan at pagyayamanin.Ngunit sa
panahon ngayon, maraming pangyayari ang nagpapakita ng
pagsasawalang – bahala at paglabag sa paggalang sa buhay.
Ano ba ang ibig sabihin ng “paggalang sa buhay”?
Ang ibig sabihin nito ay pangalagaan natin ang ating
kalusugan, maging maingat sa mga sakuna at sakit. Dapat
ding isaalang-alang ang kaligtasan at buhay ng iba.
MGA PAGLABAG SA BUHAY
1. Masamang Bisyo
-Paggamit ng ipinagbabawal na gamot , alcohol (alak) at
sigarilyo, sugal, at iba pa.
- Napatunayan na ng pag-aaral sa medisina ang
masamang bunga ng bisyo sa pisikal, sikolohikal at
sosyal na aspeto ng buhay. Hindi lamang mismong
buhay ng “gumagamit” ang naaapektuhan
nadadamay din ang pamilya, kaibigan at iba pa.
2. Pagpapalaglag o Aborsyon (kusa o sapilitan)
- Ang ihinto ang pagbubuntis sa pamamagitan ng
pagtanggal sa fetus sa sinapupunan ng ina ay
malaking kasalanan sa Diyos. Itinuturing din itong
murder.
3. Pagpapatiwakal o suicide
- Ito ay sadyang pagkitil ng isang tao sa sariling buhay
dahil itinuturing ang sarili na wala na siyang halaga.
4. Euthanasia o Mercy Killing
- Ito ay tumutukoy sa pagkitil sa buhay ng isang taong
may malubhang karamdaman na hindi na
gagaling-“brain dead” o “comatose” na.
2 Uri ng Euthanasia
1. Active – Ito ay nangyayari kapag intentional na
gumawa ng paraan ang medico na mamatay ang
pasyente upang di na siya maghirap.
2. Passive – Ito ay nangyayari kapag tumigil na ang
medico na gumawa ng paraan para mapanatiling
buhay ang pasyente.
5. Murder
-Ito ay tuwirang pagkitil sa buhay ng kapwa. Ang
mamamatay -tao at ang nakikiisa sa pagpatay ay
nagkakasala laban sa paggalang sa buhay.
1 Corinto 10:23
“Malaya akong gumawa ng anuman,” ngunit hindi
lahat ng ito ay nakakabuti. Malaya akong
gumawa ng anuman, ngunit hindi rin lahat ng ito
ay nakakatulong”.
ANG KAHUUGAN NG BUHAY AYON KAY MOTHER TERESA
Ang buhay ay oportunidad, makinabang ka rito.
Ang buhay ay Maganda, hangaan mo ito.
Ang buhay ay kaligayahan, lasapin mo ito.
Ang buhay ay isang pangarap, tanggapin mo ito.
Ang buhay ay isang hamon, harapin mo ito.
Ang buhay ay Gawain, tapusin mo ito.
Ang buhay ay isang laro, laruin mo ito.
Ang buhay ay isang pangako, punan mo ito.
Ang buhay ay kalungkutan, lampasan mo ito.
Ang buhay ay isang awit, kantahin mo ito.
Ang buhay ay isang laban, tanggapin mo ito.
Ang buhay ay isang trahedya, harapin mo ito.
Ang buhay ay pakikipagsapalaran, harapin mo ito.
Ang buhay ay suwerte, gawin mo ito.
Ang buhay ay mamahalin, huwag mo itong sirain.
Ang buhay ay buhay, ipaglaban mo ito.
Paraan ng Pangangalaga sa Sariling Buhay at Buhay ng
Kapwa
1. Maging makatarungan, matatag, at mapagtimpi
Makatarungan-Ipagkaloob sa tao ang kung ano ang
nararapat sa kanya.
Matatag- Maging matibay, malakas ang loob, maging
positibo ang pananaw sa kinabukasan at nalilinang ang
mabuting pakikipagkapwa.
Mapagtimpi-Pigilan ang sarili sa pamamagitan ng pagiging
mahinahon (Kalma lang)
2. Umiwas sa masasamang bisyo.
3. Umiwas sa masamang impluwensiya ng barkada.
4. Makinig at sumunod sa payo ng mga magulang at
ng mga nakatatanda na may karunungan at
karanasan.
5. Patuloy na magdasal at manampalataya sa Diyos.
6. Maging mahinahon at magpasya ng tama upang
ang gagawin ay maging kaaya-aya sa lahat.
7. Humanap o gumawa ng paraan upang makatulong
na mapawi ang paghihirap ng ibang tao.
8. Igalang o irespeto ang isang tao anuman ang
kalagayan sa buhay.
9. Igalang ang buhay, ano man ang sinabi o ginawa ng
isang tao laban sa iyo.
10. Pakitunguhan ang kapwa ayon sa nais mong gawin
nilang pakikitungo sa iyo.
GAWAIN
Hatiin ang klase sa 2 pangkat.
1. Ang isa ay pabor at ang isa ay
laban sa isyu ng capital
punishment. Dapat bang ibalik ang
“bitay” sa Pilipinas o hindi dapat?