Sa ating bansa, humigit-kumulang anim na milyong kabataang Filipino ang nagdadrop-out sa

paaralan. Batay sa pag-aaral ng US Agency for International Development noong nakaraang

taon, tumaas sa 25.2 percent ang bilang ng out-of-school youth sa ating bansa noong Abril
2020 mula sa 16.9% noong January 2020. Ako ay narito upang talakayin ang isang
napakahalagang aspeto ng ating buhay - ang edukasyon, ngunit ano nga ba ang edukasyon?

Ang edukasyon ay hindi lamang simpleng proseso ng pag-aaral, kundi isang pundasyon ng
kaalaman, kasanayan, at pag-unlad. Ito ay isang biyayang dapat nating pahalagahan at
pagtulungan sa ating lipunan. Nais kong bigyang-diin ang kahalagahan ng edukasyon sa
pagbuo ng ating pagkatao. Ito ay naglalatag ng landas patungo sa kaalaman at pag-unawa sa
mundo. Sa pamamagitan ng edukasyon, tayo ay nagiging kritikal na tagapagmasid ng
lipunan, handang makibahagi sa mga usaping pang-ekonomiya, politika, at kultura. Ang
edukasyon ay nagbibigay sa atin ng kakayahang mag-isip, mag-analisa, at magdesisyon ng
tama para sa ating sarili at sa ating komunidad.

Ang edukasyon ay nagbibigay-daan sa pag-unlad ng ekonomiya. Ang mga bansa na may

mataas na antas ng edukasyon ay karaniwang may malakas na ekonomiya. Sa pamamagitan
ng edukasyon, natututunan ng mga mamamayan ang mga kasanayang pangnegosyo at
teknikal na magbubukas ng pinto ng trabaho at oportunidad para sa kanilang mga pamilya.
Sa tulong ng edukasyon, mas madali nating makakamtan ang ating mga pangarap. Ang mga
mag-aaral na may magandang edukasyon ay mas mataas ang tsansang magkaroon ng
magandang trabaho at mas magandang kinabukasan para sa kanilang pamilya. Hindi lang ito
benepisyal para sa indibidwal, kundi pati na rin sa buong bansa. Ang mataas na antas ng
edukasyon ng isang bansa ay nagpapataas ng kalidad ng buhay ng mga mamamayan nito.

Ang edukasyon ay nagbibigay ng kakayahan sa atin na maging mabuting mamamayan. Ito ay

nagtuturo sa atin ng tamang valores at etika. Sa paaralan, natututunan natin ang
kahalagahan ng paggalang, pagtanggap, at pagmamahalan. Ang edukasyon ay nagpapalalim
sa ating pang-unawa sa iba't ibang kultura at pananaw, nagbibigay daan upang magkaruon
ng pagkakaunawaan at kapayapaan sa ating lipunan.

Higit sa lahat, ang edukasyon ay nagbubukas ng pintuan patungo sa pangarap na magandang

kinabukasan. Ito ay nagbibigay inspirasyon sa mga kabataan na mangarap ng mataas,
magtagumpay, at makatulong sa iba. Sa pamamagitan ng edukasyon, tayo ay nagiging
instrumento ng pagbabago at pag-unlad sa ating sarili, pamilya, at bansa.
Sa pagtatapos ng aking talumpati, nais kong ipaalala sa ating lahat na ang edukasyon ay susi
sa ating kaunlaran. Sa pagkakaroon ng tamang edukasyon, tayo ay nagiging gabay sa pag-
usbong ng ating bansa. Kaya naman, hindi lamang ito tungkulin ng gobyerno o ng paaralan,
kundi responsibilidad ng bawat isa sa atin na pahalagahan ang edukasyon. Sa pagtutulungan
at pagmamahalan, tiyak na magtatagumpay tayo tungo sa mas magandang kinabukasan.
Maraming salamat po at magandang araw sa inyong lahat.