Phil-IRI Pangkatang Pagtatasa sa Pagbasa, Baitang 4

Panuto: Basahin nang tahimik ang bawat kuwento. Pagkatapos, basahin ang mga
tanong at isulat ang titik ng tamang sagot sa sagutang papel.

A.

Ang Aso sa Lungga

May isang asong gutom na gutom na naglalakad sa kalsada. Habang naglalakad,

ibinubulong niya sa sarili na kailangan niyang makakita ng isang lunggang puno ng
pagkain. Nang makakita siya ng lungga sa dulo ng kalsada, agad siyang pumasok
dito. Kumain siya hanggang mabusog. Pero kahit busog na siya, kumain pa rin at
inubos ang lahat ng pagkain sa loob ng lungga. Sa kanyang kabusugan, halos
pumutok ang malaki niyang tiyan. Nang lalabas na lamang siya, napansin niyang
hindi na siya magkasya sa labasan. Sumigaw siya upang humingi ng tulong.
Dumating ang isa pang aso at nalaman ang nangyari. Bago ito umalis, nagwika siya
sa kasamang aso, “Hintayin mo na lang umimpis ang tiyan mo.”

Bilang ng mga salita: 116

(Bagong Filipino sa Puso at Diwa 2, Aragon et al, 1989)

1. Saan nangyari ang kuwento? (Literal)

a. sa bukid c. sa kalsada
b. sa gubat d. sa lansangan

2. Ano ang hinahanap ng aso? (Literal)

a. makakain c. mapapasyalan
b. makakasama d. matutulugan

3. Anong ugali ang ipinakita ng aso? (Paghinuha)

a. madamot c. masipag
b. matakaw d. mayabang

4. Bakit hindi makalabas ang aso sa lungga? (Paghinuha)

a. may harang ang labasan
b. may bitbit pa siyang pagkain
c. lubos na marami ang kinain niya
d. mali ang paraan ng paglabas niya

5. Bakit kaya hindi siya natulungan ng isa pang aso? (Inferential)

a. natakot sa kanya ang aso
b. para matuto siya sa pangyayari
c. nainggit sa kanya ang isa pang aso
d. hindi rin ito makakalabas sa lungga
 B.
Si Muning!

Muning! Muning!
Hanap nang hanap si Susan kay Muning. Dala ni Susan ang lalagyan ng
pagkain ni Muning. May laman na ang lalagyan, pero wala si Muning. Wala siya sa
kusina. Wala rin siya sa silid. Nasaan kaya si Muning?
Bumaba ng bahay si Susan. Hinanap niya kung naroon si Muning. Ikot na
siya nang ikot, pero hindi pa rin niya nakita. Baka lumabas ito ng bahay.
Ngiyaw! Ngiyaw!
Hayun si Muning! Ngiyaw siya nang ngiyaw. Nasa loob siya ng kahon. May
mga kasama si Muning sa loob ng kahon.
Nakita ni Susan ang kasama ni Muning. Mga kuting ang kasama ni Muning sa
kahon! May puti, itim at magkahalong puti at itim na kulay ng kuting. Tuwang-
tuwa si Susan!

Bilang ng mga salita: 122

(Yaman ng Panitik 1, Resuma et al, 1987)

6. Sino ang naghahanap ng pusa? (Literal)

a. ang kuting c. si Nanay
b. si Muning d. si Susan

7. Bakit niya hinahanap ang pusa? (Paghinuha)

a. ipapasyal niya ito
b. paliliguan niya ito
c. pakakainin niya ito
d. patutulugin niya ito

8. Saan niya nakita ang pusa? (Literal)

a. sa silid c. sa kahon
b. sa silong d. sa kusina

9. Sino ang mga kasama ni Muning sa kahon? (Paghinuha)

a. mga anak nito
b. mga kalaro nito
c. mga nahuli nito
d. mga kaibigan nito

10. Ano ang isa pang magandang pamagat ng kuwento?? (Pagsusuri)

a. Nasaan si Muning?
b. Nasaan ang Kahon?
c. Ang Kahon ni Susan
d. Ang Pagkain ini Muning
 C.
Si Brownie

Si Brownie ay aking alagang aso. Ang aking aso ay masamang magalit.

Minsan ay may pumasok na malaking manok sa aming bakuran. Kaagad niya itong
tinahulan. Kung hindi lamang siya nakatali nang mahigpit, malamang na habulin
niya ito. Nagulat ang manok at tumakbo ito nang mabilis palabas ng bakuran.

Kagabi ay hindi ko naitali si Brownie. Panay ang ungol niya. Maya-maya ay

may tinahulan siya nang malakas. Biglang lumukso si Brownie sa kanyang tulugan
at may hinabol. Dali-dali kong sinilip ang aking alaga. May napatay siyang daga!
Bahagya pa niyang ginalaw ang kanyang buntot nang makita ako. Kaagad kong
binitbit sa buntot ang daga at ipinakita kay Tatay. Masayang hinimas ni Tatay si
Brownie. “Talagang maaasahan ang asong ito,” sabi niya.

Bilang ng mga salita: 122

(Bagong Filipino Saligang-Aklat II, Ibita et al, 1990)

11. Saan naganap ang kuwento? (Literal)

a. sa bahay c. sa palengke
b. sa paaralan d. sa simbahan

12. Ano ang katangiang ipinakita ni Brownie? (Paghinuha)

a. matapang c. maharot
b. masungit d. malikot

13. Ano ang napatay ni Brownie? (Literal)

a. pesteng ipis c. dagang bahay
b. pusang bahay d. ligaw na manok

14. Bakit kaya bahagyang ginalaw ni Brownie ang buntot nang makita ang amo?
(Paghinuha)
a. gusto niyang gisingin ang daga
b. nagulat siya sa kanyang ginawa
c. natakot siyang mapagalitan ng amo
d. upang ipakita sa amo ang kanyang ginawa

15. Bakit kaya sinulat ang kuwentong “Si Brownie”? (Pagsusuri)

a. Hatid nito ang isang balita.
b. Nais nitong magbigay-aral.
c. Gusto nitong magbigay ng aliw.
d. Nais nitong magbigay ng bagong kaalaman.
 D.
Balat ng Saging

“Lito! Lito!” Si Mina ang sumisigaw. Kay lakas ng kanyang sigaw.

“Bakit, Ate? Ano iyon?” Ito naman ang tanong ni Lito. Lumapit siya kay
Mina. Ayaw niyang sumigaw pa ang kanyang ate.
“Balat ng saging ito, hindi ba? Sino ang nagtapon nito?” Galit si Mina. Galit
siya sa nagtapon ng balat ng saging.
“Ako, Ate,” sagot ni Lito. Mahina ang kanyang sagot. Mahina ang kanyang
tinig.
“Sabi ko na nga ba. Huwag ka nang magtatapon dito, ha! Sa basurahan ka
magtatapon. Hayan ang basurahan natin. Hayan, natapakan ko ang balat ng saging.
Nadulas ako.”
“E... hindi ko sinasadya, Ate. Talaga, hindi ko sinasadya. Hindi na ako
magtatapon ng balat ng saging kahit saan. Sa basurahan na ako magtatapon.”
“Mabuti. Mabuti kung gayon,” sabi ni Mina.
Bilang ng mga salita: 128
(Yaman ng Panitik 1, Resuma et al, 1987)

16. Sino ang nakatatandang kapatid? (Literal)

a. Mina c. Lita
b. Lito d. Tina

17. Bakit sumisigaw si Mina? (Paghinuha)

a. galit siya
b. maingay kasi
c. tinatakot niya si Lito
d. hindi marinig ang boses niya

18. Ano ang naramdaman ni Lito nang tinanong siya ni Mina nang pasigaw?
(Paghinuha)
a. nagalit siya c. natakot siya
b. natuwa siya d. nagtampo siya

19. Bakit nadulas si Mina? (Literal)

a. madulas ang sahig
b. di niya nakita ang nilalakaran
c. natapakan niya ang balat ng saging
d. natapakan niya ang basang bahagi ng sahig

20. Ano ang isa pang magandang pamagat ng kuwento? (Pagsusuri)

a. Ang Basurahan
b. Ang Saging ni Lito
c. Pulutin ang Saging
d. Ang Sigaw ni Mina