PRODUKSYON
Produksyon - Tumutukoy sa proseso ng pagpapalit anyo ng produkto sa
pamamagitan ng pagsasama-sama ng mga salik ng produksyon upang makabuo
ng output.
Utililities of Production:
1. Utility of Form. Tumutukoy sa pagkakaroon ng mataas na halaga ng isang
bagay kapag nabago ang anyo nito.
2. Utility of Time. Nangangahulugan ito na may bagay na tumataas ang halaga
dahilan sa paglipas ng panahon. Karaniwan ng nagiging mahal ang halaga
ng isang bagay kung ito ay mas luma na.
3. Utility of Place. May mga bagay na mas nagiging mataas ang halaga
depende sa lugar na kanyang pinagmulan. Karaniwan na kapag malayo ang
pinagmulan ng isang produkto, mas mahal ang nagiging halaga nito.
4. Utility of Possession. May mga bagay na dahil sa ang nagmamay-ari ay
kilalang tao mas tumataas ang halaga nito. Ang kanilang mga pagmamay-
aring bagay ay nagkakahalaga ng malaki dahil sa kanilang kasikatan. Kung
mas kilala ang isang tao karaniwan na ring tumataas ang halaga ng kanyang
mga kagamitan.
5. Utitlity of Service. Tumutukoy ito sa nagbibigay ng serbisyo sa isang tao
depende sa kanyang kakayahan. Nasusukat ang kagalingan ng isang tao sa
pamamagitan ng mga pagsasanay na kanyang tinatanggap. Mas maraming
kasanayan, mas mataas ang halaga ng serbisyong kanyang ipinagkakaloob
sa tao.
Salik ng Produksyon
1. Lupa - Sumasaklaw sa lahat ng orihinal at hindi napapalitang yaman ng
kalikasan.
2. Kapital - anumang bagay na nalikha ng tao upanng makagawa ng mga
produkto at serbisyo.
3. Paggawa - Pinakamahalagang salik ng produksyon. Tumutukoy ito sa
Pagsusumikap na pisikal, mental at panlipunan na ginagamit upang makabuo
ng mga kalakal at serbisyo sa isang ekonomiya.
4. Entreprenyur - Lumilinang ng mga salik ng produksyon.
Entrepreneurship - Tumutukoy sa kakayahan at kagustuhan ng isang tao na
magsimula ng isang negosyo.
Technology - Tumutukoy sa makabagong paraan ng paglikha ng mga produkto
at serbisyo na kailangan ng ekonomiya.
Proseso ng Produksyon
Primary - Tumutukoy sa punto kung saan pinagsama-sama ang lahat ng hilaw
na sangkap na ginagamit sa paglikha ng mga produkto at serbisyo
Process - Tumutukoy sa paggamit ng mga produktibong sangkap ayon sa
teknolohiya na ginamit bilang proseso upang makagawa, magpalit anyo ang
hilaw na sangkap sa paggawa ng produkto.
Long Run Market Period - Tumutukoy sa panahong nangangailangan ng
pagpapalit ng teknolohiya upang mapaunlad ang produksyon.
Gastusin sa Produksyon
Gastusin sa produksyon - Ito ang pinagbabatayan ng mga prodyuser sa
pagtatakda ng presyo ng mga produktong kanilang ipinagbibili sa pamilihan.
Production Plan - Sumasaklaw sa kakayahan ng mga prodyuser na lumikha ng
mga dekalidad na produkto bagamat limitado ang mga sankap na ginamit nito.
Law of Diminishing Return - Ito ay nakakaapekto sa gastusin ng produksyon.
Law of Variable Proportion - Ito ang nagpapaliwanag na nagbabago ang output
sa tuwing magkakaroon ng pagbabago sa isang input habang ang ibang input ay
nananatili.`
Uri ng Gastusin sa Produksyon
1. Economic Cost - Tumutukoy sa halaga ng mga sangkap na ginamit sa
produksyon.
2. Opportunity Cost - Tumutukoy sa halaga na maaaring kitain kung
ipagpapaliban ang paggamit ng isang gawain sa produksyon.
3. Acquisition Cost – halaga sa pagkakabili ng sangkap sa produksyon.
4. Explicit Cost – kabayarang tinatanggap ng may-ari ng salik ng produksyon
na hindi kasosyo sa negosyo
5. Implicit Cost - kabayarang tinatanggap ng mga may-ari ng salik ng
produksyi na kasosyo sa negosyo.
6. Fixed Cost - Kabayarang hindi nagbabago habang tumataas o bumababa
ang antas ng produksyon.
7. Variable Cost - Kabayarang nagbabago sa tuwing tumataas o bumababa
ang antas ng produksyon.
8. Average Fixed Cost - Gastusin sa bawat fixed input ng bawat yunit ng
produkto.
9. Average Variable Cost - Gastusin sa bawat variable input ng bawat yunit ng
produkto.
10. Marginal Cost - Karagdagang gastusin sa bawat piraso ng produkto at
serbisyo.
11. Production Cost - Tumutukoy sa lahat ng direktang gastusing kinakaharap
ng mga negosyo mula sa pagmamanupaktura, pagbibigay ng serbisyong
makatutugon sa pangangailangan ng tao. Sumasaklaw sa pinakamababang
halaga ng paggawa ng isang antas ng output para sa ilang fixed factor ng
presyo.
12. Average Cost - Tumutukoy sa gastos sa bawat yunit na ginawa sa isang
produksyon na kumakatawan sa halaga ng ginugol upang makagawa ng
isang produkto o serbisyo.
13. Operating Cost - Gastusing nauugnay sa pagpapanatili at pangangasiwa
ng isang negosyo sa araw-araw na kinabibilangan ng direktang halaga ng
mga kalakal na ibinebenta at iba pang gawain sa pagpapatakbo,
pangangasiwa ng negosyo gaya ng renta, payroll at iba pang gastusing
administratibo at pagbili ng hilaw na sangkap sa produksyon.
Paraan ng Produksyon
1. Mechanization - Paglikha ng mga produkto na isinasagawa ng mga makina
sa halip ng tao.
2. Production Line - Tumutukoy sa pag-unlad ng paggamit ng makina sa
produksyon. Sa paraang ito, gumagamit ng conveyor belt sa paglikas ng mga
produkto
3. Division of Labor - Bawat manggagawa ay may nakatakdang gawain sa
pagbuo ng isang produkto. May kaugnayan ito sa production line kung saan
ang gawain ng mga mangagawa ay naaayon sa kanilang espesyalisasyon
4. Automation - Proseso ng produksyon kung saan walang manggagawang
kumokontrol sa halip ito ay ginagamitan ng makinarya at teknolohiya.
5. Robotics - Malaki ang impluwensya ng computer sa paggamit ng mga
makinarya sa mga pabrika at industriya. Gumagamit ng mga dekalidad na
robot na kontrolado ng computer ang makina sa pagbuo ng mga produkto at
serbisyo
PAGKONSUMO
Satisfaction - Tumutukoy sa kasiyahang nakukuha ng tao sa paggamit ng
isang kalakal o serbisyo,
Preference - Tumutukoy sa kombinasyon ng mga produktong isinasaalang-
alang na bilhin at makamit ng isang konsyumer
Paraan ng Pagkonsumo
1. Direct Consumption - pagkonsumo ng mamimili sapagkat agarang
nakakamit nito ang kasiyahan (satisfaction) sa paggamit ng produkto.
2. Indirect Consumption - pagkonsumo ng mga bahay-kalakal sapagkat
ginagamit ang nasabing produkto upang makalikha ng iba pang produkto.
Uri ng Pagkonsumo
1. Tuwirang Pagkonsumo - kung agad na nararamdaman ang epekto ng
paggamit ng kalakal o serbisyo at natamo ng tao ang kasiyahan at
kapakinabangan sa paggamit ng produkto o serbisyo.
2. Produktibo - kung ang isang kalakal o serbisyo ay nakakalikha ng
panibagong produkto na nagbibigay ng higit na kasiyahan at
kapakinabangan.
3. Maaksaya - pagbili at paggamit ng produkto na labis sa kanyang
pangangailanga o kaya ay hindi tumutugon sa pangangailangan ng tao at
hindi nagdudulot ng kasiyahan sa kanya.
4. Mapanganib - Kung ang produkto o serbisyo ay nakasasama sa mamimili o
sa lipunan.
5. Lantad - gumagamit lamang ng mga produktong kapag may ibang taong
kaharap o bumibili ng mga gamit na mahal kahit hindi kaya.
Batas ng Pagkonsumo
1. Batas ng Pagkakaiba-iba (Law of Variety) – Higit ang kasiyahan ng tao sa
pagkonsumo sa iba’t ibang klase ng produkto kaysa paggamit ng iisang uri ng
produkto.
2. Batas ng Pagkabagay-bagay (Law of Harmony) – nasisiyahan ang tao
kung siya ay gumagamit ng magkakakomplementaryong produkto kaysa sa
isang produkto kaya bumibili ang tao ng mga produktong babagay sa isa’t
isa.
3. Batas ng Imitasyon (Law of Imitation) – higit ang kasiyahang natatamo ng
tao kung siya ay gumagamit ng mga produktong ginaya sa ibang tao.
4. Batas ng Kaayusang Ekonomiko (Law of Economic Order) – nakakamit
ng tao ang kasiyahan kung nabibigyan niya ng prayoridad sa kanyang
pagkonsumo ang mga bagay na kailangan o mas mahalaga kaysa sa mga
kagustuhan o luho. Nasisiyahan ang tao kung siya ay nakakagawa ng
matalinong pagpapasya sa kanyang pagkonsumo.
5. Batas ng Lumiliit na Pakinabang (Law of Diminishing return) –
nagpapaliwanag na tumataas ang kasiyahan ng tao sa bawat pagkonsumo
ng produkto subalit kung ito ay nagkasunod-sunod ang karagdagang
kasiyahan ay paliit na ng paliit dahil ang tao ay sawa na bunga ng paulit-ulit
na paggamit ng isang produkto.
Salik ng Pagkonsumo
1. Pag-aanusyo - Ito ang nagbibigay impormasyon sa mga mamimili upang
hikayatin silang tangkilikin ang isang produkto.
2. Kita - Ito ang pangunahing salik na nakakaapekto sa pagbili ng mga tao ng
mga produktong tutugon sa kanilang mga pangangailangan at kagustugan.
3. Okasyon – Tumutukoy ang okasyon sa mga mahahalagang pangyayari
sa buhay ng tao.
Klasipikasyon ng Standard of Living
1. Poverty Standard – tumutukoy sa mga taong umaasa sa tulong, donasyon
mula sa ibang tao at mga institusyon upang matugunan ang kanilang mga
pangangailangan sa araw-araw.
2. Bare Living Standard – tumutukoy sa mga taong sapat lamang ang kinikita
upang matugunan ang kanilang mga pangunahing pangangailangan.
3. Decency Standard – tumutukoy sa mga taong tumatanggap ng mas mataas
na kita na magagamit sa pagpili ng uri ng mga produktong makatutugon sa
kanilang pangangailangan at kagustuhan at nakapamumuhay ng may
dignidad at nasusunod ang mga bagay na kanilang nagustuhan.
4. Comfort Standard - tumutukoy sa mga taong nakapamumuhay ng
komportable at labis ang kitang tinatanggap upang matugunan ang kanilang
mga pangangailangan at kagustuhan, nakapagiipon ng malaking bahagi ng
kanilang kita at hindi nangangamba kung paano matutugunan ang kanilang
dumaraming pangangailangan at kagustuhan.
5. Luxury Standard - tumutukoy sa mga taong walang limitasyon ang dami ng
produktong binibili upang matugunan ang kanilang mga pangangailangan at
luho. Hindi hadlang ang presyo ng mga bilihin upang limitahan ang kanilang
pagkonsumo
KARAPATAN AT TUNGKULIN NG MAMIMILI
Katangian ng isang Mamimili
1. Mapanuri – sinusuri lahat ng bahagi ng produkto bago niya ito bilhin at kung
may pagkakataon pa inihahambing ang mga produkto sa isa’t isa upang
makapagdesisyon ng mas mabuti at mapili ang produktong sulit sa ibabayad.
2. Makatuwiran - Tumutukoy sa masusing pagtingin sa kalidad at presyo ng
bawat produkto dahil sa limitasyon sa badyet ng isang mamimili.
3. May alternatibo - marunong humanap ng alternatibong produkto na
makatutugon din sa pangangailangan sakaling wala ang dating binibili
produkto at walang sapat na pera upang bilhin ang produktong dati nang
binibili.
4. Hindi nagpapadala sa pag-aanunsyo - kalidad ng produkto ang tinitingnan
at hindi ang paraan ng anunsyo at sino ang nageendorso ng mga produktong
kanyang ginagamit o nais na bilhin.
5. Hindi nagpapadaya - laging alerto, aktibo, mapagmasid at handang labanan
ang mga maling gawain ng mga negosyante at nagtitinda lalo na sa
pagsusukli at paggamit ng timbangan.
6. Sumusunod sa Badyet - Pagbili ng mamimili ng ayon sa kanyang
kakayahan. Tinitimbang – timbang ang mga bagay ayon sa kanyang badyet
kaya hindi siya nagpapadala sa popularidad ng produkto
Karapatan ng Mamimili
1. Karapatan sa Pangunahing Pangangailangan. Karapatan ng bawat
mamimili na matiyak kung may na sapat supply sa mga pangunahing
pangangailangan.
2. Karapatan sa Kaligtasan. Mahalaga ang kaligtasan ng mga mamimili kaya
marapat na alam mo ang lahat ng impormasyong may kinalaman sa
produktong iyong bibilhin. Mahalagang alam mo kung ito ay malayo sa ano
mang depekto na maaaring maging banta sa iyong buhay.
3. Karapatan sa Tamang Impormasyon. Mahalaga na nalalaman ng mga
mamimili ang mga sangkap ng produkto na kanyang binibili maging ang
wastong paggamit nito. Dapat nakikita sa mga label ng mga produktong
bibilihin ang ingredients at direction for use, expiration date ng mga ito..
4. Karapatan laban sa mga False Advertisement. May karapatang
mapangalagaan laban sa mapanlinlang, madaya at mapanligaw na
patalastas, mga etiketa at iba pang hindi wasto at hindi matapat na gawain.
5. Karapatan sa Pagpili. Isa sa pangunahing karapatan ng mamimili ang
pagpili ng mga produkto at paglilingkod na batay sa kanyang kakayahang
bilhin ito at makatutugon sa kanyang mga pangangailangan. Ang
patakaran na “No retun,no exchange” ay hindi na ipinatutupad para sa
kapakanan ng mamimili. Sa pamamagitan ng karapatang ito, nananatili sa
pamilihan ang mga produkto ng mahuhusay na prodyuser na nasusukat sa
magandang kalidad ng produkto sa tamang presyo nito.
6. Karapatang Dinggin at Pagpapahayag. Tumutukoy sa karapatang
maipahayag ang interes ng mga mamimili sa paggawa at pagsasakatuparan
ng mga patakaran at batas ng pamahalaan.
7. Karapatan sa Pagtuturo Tungkol sa Pagiging Matalinong Mamimili - Ito
ay nagtataglay ng karapatan sa katalinuhan at kaalaman na kinakailangan
upang makagawa ng hakbanging makatutulong sa mga desisyong
pangmamimili.
8. Karapatan sa isang Malinis na Kapaligiran. Mahalaga sa isang mamimili
na matiyak na wasto at malinis ang produksyon ng mga produktong kanyang
bibihin.
9. Karapatang madinig at mabigyan ng Bayad-Pinsala. Tumutukoy sa
karapatang mabigyan ng katumbas ng halagang ibinayad kung may depekto,
mga produktong ginaya o may mababang kalidad at hindi kasiya-siya ang
serbisyong tinanggap. Dapat na magkaroon ka ng walang bayad na tulong sa
pagtatanggol sa hukuman o nang pag-aayos sa paghahabol.
Tungkulin ng Mamimili
1. Mapanuring Kamalayan - ang tungkuling maging listo at mausisa tungkol sa
kung ano ang gamit, halaga, at kalidad ng mga paninda at paglilingkod na
ating ginagamit. Sa pamamagitan nito nabibigyang pansin ang mga
produktong hindi sumasang-ayon sa karapatan ng mga mamimili.
2. Pagkilos - Tumutukoy sa tungkulin ng mamimili na makapagtatag ng
samahang mamimili upang magkaroon ng lakas at kapangyarihang
maitaguyod at mapangalagaan ang kanilang kapakanan.
3. Pagmamalasakit na Panlipunan - ang tungkuling alamin kung ano ang
ibubunga ng ating pagkonsumo ng mga kalakal at serbisyo sa ibang
mamamayan, lalong-lalo na ang pangkat ng maliliit o walang kapangyarihan,
maging ito ay sa lokal, pambansa, o pandaigdig na komunidad. Maging ang
paraan ng pagtatapon ng mga prodyuser ng kanilang mga basura
4. Kamalayan sa Kapaligiran - ang tungkuling mabatid ang kahihinatnan ng
ating kapaligiran bunga ng hindi wastong pagkonsumo.
5. Pagkakaisa - ang tungkuling magtatag ng samahang mamimili upang
magkaroon ng lakas at kapangyarihang maitaguyod at mapangalagaan ang
ating kapakanan. Sa pamamagitan ng pagkakaisa, ang mga mamamayan ay
maaaring maglunsad ng mga pagbabago sa sistema ng paggawa ng mga
prodyuser.
6. Pagtangkilik sa sariling produkto - Tungkulin ng mamimili kung saan
makatutulong siya sa pagkakaroon ng hanap-buhay ng mga manggagawa sa
ating bansa.
7. Humingi ng resibo. Mahalagang hingin ang resibo ng mga produktong iyong
pinamili sapagkat sa paghingi mo ng resibo makatutulong ka sa pamahalaan
sa pangongolekta nito ng buwis. Magagamit mo rin itong patunay sa
produktong binili upang mapadali at mapabilis ang pagsasauli, pag-aayos at
pagpalit kung sakali mang ito ay depektibo.
Mga Batas na Nagpoprotekta sa mga mamimili
1. Batas Republika Blg. 7394 (Consumer Act of the Philippines) - ipinatupad
upang bigyang proteksyon ang interes at iangat ang kapakanan ng mga
mamimili. Layunin ng batas na ito na magkaloob ng edukasyon at
impormasyon para sa mga mamimili, bigyang proteksyon ang mga mamimili
mula sa mapaminsalang produkto at pang-aabuso ng mga mga negosyante
at tindera.
2. Batas Republika Blg. 7581 (Price Act) – tumitiyak na ang presyo ng mga
pangunahing bilihin ay naaayon sa presyong itinakda ng pamahalaan lalo na
sa panahon ng kalamidad.
3. Batas Republika Blg. 71 (Price Tag Act) – inaatasan ang mga nagtitinda ng
tingi na maglagay ng price tag sa kanilang mga paninda upang mapadali ang
pagmomonitor ng presyo.
4. Batas Republika Blg. 3740 (Advertising Act) - itinakda upang mabigyang
proteksyon ang mga mamimili laban sa mga huwad na promosyon ng
produkto upang ito ay maibenta at mapalinlang na pag aanunsyo.
DEMAND
Demand - Tumutukoy sa dami ng produktong nais at kayang bilhin ng mga
mamimili batay sa presyo nito sa isang takdang panahon.
Law of Demand - Nagsasaad na magkasalungat ang ugnayan ng presyo at
quantity demanded para sa isang produkto.
Magkasalungat ang ugnayan ng presyo at quantity demanded dahil sa
tinatawag na:
1. Substitution Effect – Nagpapahayag na kapag mataas ang presyo ng isang
bilihin humahanap ang mga mamimili ng pamalit na mura na siyang dahilan
ng pagbaba ng dami ng mga mamimiling gustong bumili ng nasabing
produkto.
2. Income Effect – nagsasaad na mas malaki ang halaga (value) ng kinikita
kapag mas mababa ang presyo ng mga bilihin ito ay sa dahilang kapag
mababa ang presyo ng mga bilihin, tumataas ang kakayahan ng mamimili na
makabili ng mga produktong nais niyang bilhin at kapag tumaas ang presyo
nito nababawasan ang kakayahan ng kanyang kita na bumili ng mga
produktong nais niyang bilhin.
Paraan ng Pagpapakita ng Law of Demand
1. Demand Function - Ginagamit sa pagtataya ng epekto ng dami ng produkto
sa presyo nito.
2. Demand Schedule - Nagpapakita ng ugnayan sa pagitan ng presyo at dami
ng nais at kayang bilhin ng isang mamimili sa iba’t ibang presyo sa loob ng
takdang panahon.
3. Demand Curve - Isang kurbang inilalagay sa graph mula sa demand
schedule (graphical representation of the Law of demand) upang maipakita
ang ugnayan ng presyo at demand ng produkto o serbisyo at ang mga
pagbabago nito.
Salik na nakakaapekto sa Demand
1. Panahon o klima – Sa pagbabago ng panahon at klima may mga
produktong tumataas o bumababa ang demand para rito ng mga mamimili.
Ibig sabihin kung ang isang produkto ay napapanahon, tumataas ang
demand ng nasabing produkto kasabay ng pagtaas ng suplay na makikita sa
mga pamilihan na magdudulot ng pagpababa sa presyo nito at maging daan
upang higit na tangkilikin ng mga mammimili ang nasabing produkto.\
2. Populasyon - Tumutukoy sa potensyal na mamimili ng isang ekonomiya na
siyang nagtatakda ng demand ng mga produkto at serbisyo.
3. Panlasa - Tumutukoy sa mga katangian ng gusto at hindi gusto ng isang
mamimili tungo sa mga produkto at serbisyo.
4. Kinikita – ito ang salaping tinatanggap ng tao kapalit ng kanyang ginawang
produkto, serbisyo at pagtatrabaho. Ito ang pinagbabatayan ng ating badyet
sa pamimili.
a. Inferior Goods - Tumutukoy sa produktong hindi tumataas ang demand
kahit na tumaas ang kita ng tao.
b. Normal goods - mga produktong tumataas ang demand kasabay ng
pagtaas ng kita ng isang tao.
SUPPLY
Supply – Tumutukoy ang supply sa dami ng produkto at serbisyong nais gawin
at handang ipagbili ng mga prodyuser sa loob ng isang takdang panahon.
Batas ng Supply - nagsasaad na kapag ang presyo ng bilihin ay tumataas,
tumataas ang supply at kung ang presyo ng bilihin ay bumababa, bumababa
ang supply. Nangangahulugan ito na nawawalan ng interes gumawa ng mga
produkto ang mga prodyuser kapag mababa ang presyo ng mga bilihin.
Tuwiran - ugnayan ng presyo at dami ng supply.
Prodyuser - Kumakatawan sa supply
Paraan ng Pagpapakita ng Law of Supply
1. Supply Function - Ito ay isang mathematical expression na nagpapakita ng
ugnayan ng presyo at ng dami ng produkto (Qs).
2. Supply Schedule - Talaan ng iba’t-ibang dami ng produktong handa at
kayang ipagbili ng prodyuser sa iba’t ibang presyo sa isang takdang panahon.
3. Supply Curve - Grapikong paglalarawan ng bilang ng produkto at serbisyo
na handa at kayang gawin ng prodyuser.
Salik na nakakaapekto sa Supply
1. Presyo ng mga produkto - Ito ang pangunahing pinagbabatayan ng mga
prodyuser sa paglikha ng produkto.
2. Dami ng prodyuser. Ang mga supplier ang institusyong naatasang gumawa,
magbalot, mamahagi at magbenta ng mga produkto. Kapag marami ang
supplier na magpoprodyus o magbebenta ng produkto, maaaring bumaba
ang presyo ng gumagawa ng produkto sa pamilihan kaya maaapektuhan nito
ang dami ng supply ng produkto.
3. Presyo ng mga input (Gastos sa produksyon). Isinasaalang-alang ng mga
bahay-kalakal ang lahat ng paraan na kanilang magagawa upang
maipagpatuloy ang kanilang gawain.
4. Teknolohiya - kaalaman ng tao sa siyensya. Ginagamit ang kaalamang ito
sa produksyon, pagpapaunlad at distribusyon ng mga produkto at serbisyo.
5. Subsidiya - Tulong na ibinibigay ng pamahalaan sa maliliit na negosyante.
Sa pamamagitan nito, nababawasan ang gastusin sa produksyon ng mga
bahay-kalakal kaya lalong nagkakainteres ang mga ito na makakalikha ng
karagdagang produkto na maaaring magbigay sa kanila ng mas malaking
kita.
ELASTISIDAD NG DEMAND at SUPPLY
Elasticity - Tumutukoy sa bahagdan ng pagtugon ng mga mamimili at
nagtitinda sa bawat pagbabago sa presyo ng bilihin.
Elasticity of Demand - Tumutukoy sa pagtugon sa pagbabago ng demand
kung nagbago ang presyo nito.
Elasticity of Supply - Tumutukoy sa pagtugon ng mga bahay-kalakal sa
pagbabago ng supply ng produkto sa tuwing nagbabago ang presyo nito.
Price Elasticity of Demand - Sumusukat sa bahagdan ng pagtugon ng mga
mamimili sa bawat bahagdan ng pababago sa presyo ng mga bilihin.
Price Elasticity of Supply - Sumusukat sa bahagdan ng pagbabago sa dami
ng supply batay sa presyo ng produkto. Ito ang nagpapakita ng kakayahan ng
isang bahay-kalakal na gumawa ng produkto at ng maaari nitong gawin sa
tuwing may pagbabago sa presyo nito.
Elastic - Ang pagbabago ng bilang ng demand at supply ay higit kaysa sa
pagbabago sa presyo ng produkto at serbisyo na handa at kayang gawin at
bilhin ng mga mamimili at nagtitinda.
INTERAKSYON NG DEMAND at SUPPLY
Ekwilibriyo - Tumutukoy sa punto kung saan nagkasundo ang mga konsyumer
at prodyuser sa presyo at dami ng produkto.
Market Force -Tumutukoy sa ugnayan ng mga mamimili at nagtitinda upang
maitakda ang presyo ng mga bilihin.
Uri ng Ekwilibriyo
1. Equilibrium Price - Tumutukoy sa lebel ng presyong umiiral sa pamilihan
upang maganap ang interaksyon sa pagitan ng mga mamimili at nagtitinda.
2. Equilibrium Quantity - Tumutukoy sa dami ng produkto at serbisyong handa
at gustong ipagbili ng prodyuser at sa kaya at handang bilhin ng konsyumer
sa napagkasunduang presyo nito.
Market Disquilibrium - Nagaganap ito sa tuwing hindi nagtatagpo ang
presyong nais ng konsyumer at prodyuser.
Uri ng Disekwilibriyo
1. Surplus - kalabisan ng supply ng produkto sa tuwing bumababa ang
demand para rito
2. Shortage - kakulangan ng supply ng isang produkto kapag tumataas ang
demand para sa nasabing produkto.