Republic of the Philippines

Department of Education
REGION III- CENTRAL LUZON
SCHOOLS DIVISION OF PAMPANGA
SASMUAN ELEMENTARY SCHOOL
Sasmuan, Pampanga

IKALAWANG MARKAHANG PAGSUSULIT SA FILIPINO 5

SY 2023-2024

Pangalan:________________________________________ Iskor :____________

PAKIKINIG
Makinig nang mabuti sa babasahing teksto ng iyong guro at sagutin ang mga sumusunod na
tanong sa aytem 1-10.
1. Ano ang tungkulin ng Inang Dalag sa kanyang pamilya?
A. Si Inang Dalag ang tagapagpaliwanag ng patakarang ipinatutupad ni Amang Dalag.
B. Siya ang tagahanap ng pagkain para may mailuto.
C. Siya ang tagapangalaga sa kanyang mga anak.
D. Siya ang tagabantay ng kanilang tahanan.
2. Sino sa magkakapatid na dalag ang malikot at palasaway?
A. batang dalag C. matandang dalag
B. bunsong dalag D. panganay na dalag
3. Ano kaya ang nangyari sa sutil na dalag?
A. Nahuli siya ng isang namimingwit.
B. Nagutom siya at kumain ng damo.
C. Nakapunta siya sa mundo ng mga tao.
D. Nasarapan siya sa bulateng kinagat niya.
4. Pagsunod-sunurin ang mga pangungusap ayon sa napakinggang kuwento.
a) Madali nilang natagpuan si bunsong dalag, ngunit nang kanilang lapitan, nakita nilang may
kagat-kagat ito at biglang nahilang paitaas.
b) Minsan, lumangoy sila nang lumangoy. Napahiwalay si bunsong dalag sa kanyang mga
kapatid dahil sadyang malikot at palasaway ito.
c) Isang araw, nagbilin si Inang Dalag sa kanyang mga anak na huwag maghihiwalay na
magkakapatid.
d) Sa isang munting sapa sa kabukiran, may mag-anak na dalag. Dito sila payapang
naninirahan.
e) Samantala, napansin ng isang dalag na nawala ang kanilang bunsong kapatid. Hinanap nila
ito.
A. a-b-c-d-e C. b-c-e-a-d
B. c-d-e-b-a D. d-c-b-e-a
5. Nagbilin ang iyong nanay na huwag magpapapasok na kung sino-sino sa inyong bahay. Sa
panahon kasi ngayon, uso ang mga akyat-bahay gang. May biglang kumatok sa inyong pintuan.
Sinilip mo sa bintana at hindi mo siya kakilala. Palinga-linga sa paligid at naghahanap ng mga
bagay na maaaring niyang ilagay sa kanyang malaking bag. Ano ang gagawin mo?
A. Tatawag sa hotline ng barangay para i-report ang taong hindi mo kilala.
B. Sisigaw ka nang malakas at sasabihing “Magnanakaw!”
C. Pagbubuksan mo ng pinto ang taong kumatok.
D. Magtatago sa itaas ng bubong.
6. “Tena kayo’t hanapin natin siya,” anang nagugulumihanang ina at agad niyakag ang iba pang
anak upang hanapin ang bunso. Ano ang ibig sabihin ng nagugulumihanan?
A. naguguluhan C. natutuwa
B. nagagalit D. naiiyak
7. Dahil sa paalaala ng ina, lagi silang magkakasama at langkay-langkay kung manginain. Ano
ang kasalungat na salita ng langkay-langkay?
A. dala-dalawa C. isa-isa
B. pangkat-pangkat D. lima-lima
8. Wala na ang sutil na dalag! Naging biktima siya ng paing inihanda ng namimingwit.
Alin sa mga sumusunod na salita ang kasingkahulugan ng sutil?
A. masunurin C. matigas ang ulo
B. mapagmahal D. mabait na dalag
9. “Huwag kayong maghihiwalay na magkakapatid. Lagi kayong mag-iingat sa inyong
panginginain,” ang paalaala ni Inang Dalag. Anong damdamin ang ipinahihiwatig ng tauhan sa
kuwento?
A. natutuwa C. nagagalit
B. nag-aalala D. nalulungkot
10. “Mabuti pala ang nag-iisa at solong-solo ko ang pagkain,” tuwang-tuwang sabi ng bunsong
dalag habang hindi malaman kung ano ang unang kakainin. Ang pahayag na ito ay
nagpapahiwatig nang __________ damdamin.
A. pagkamangha C. pagkabigla
B. pagkalungkot D. pagkatuwa

PAGSASALITA
Piliin ang letra ng pandiwang may naiibang aspekto.

11. A. kasisimba B. kahahanda C. naglibot D. kalalapit

12. A. kumakaway B. gumamit C. nagsuot D. sumakay

Para sa bilang 13-17. Buuin ang balita. Punan ang patlang ng pandiwang nasa wastong
aspekto ayon sa diwang isinasaad nito. Gawing gabay ang salitang-ugat na nasa loob ng
panaklong.

13. __________ (asa) na ang pagtaas ng presyo ng tinapay sa mga susunod na araw kasunod ng
malaking taas-presyo sa harina sa merkado.
A. Asahan C. Umasa
B. Aasahan D. Umaasa
14. Dahilan ng mga panadero, __________ (taas) ng P10-P30 ang presyo ng kada sako ng harina
kahapon sa lokal na merkado bunsod ng paggalaw ng presyuhan ng trigo sa pandaigdigang
pamilihan.
A. magtaas C. tataas
B. magtataas D. tumaas
15. Nakadagdag pa rin ang epekto ng mataas na palitan ng dolyar sa piso, na __________ (sara)
sa P53.94 kaninang umaga, dahil dolyar ang pambayad sa pag-aangkat o pag-i-import ng mga
produkto.
A. magsara C. magsasara
B. nagsara D. nagsasara
16. Sa ngayon, __________ (laro) sa P690-P710 kada sako ang bentahan ng harina sa pamilihan.
A. maglalaro C. maglaro
B. naglalaro D. naglaro
17. Gayunman, hindi naman binanggit ng mga panadero kung magkano ang posibleng
__________ sa presyo ng tinapay sa mga susunod na araw.
A. itataas C. tataasan
B. itaas D. tataasin

Punan ang patlang ng angkop na pang-uri ayon sa ibinigay na paglalarawan sa

pangungusap.

18. Ang tuko ay isang maliit at kadalasan ay __________ butiki na may pagkaliliit na kaliskis sa
katawan.
A. malaking C. malusog na
B. malapad na D. matabang
19. Ang mga mata nito ay __________ at tulad ng sa pusa at ang mga daliri nito ay malalapad.
A. malalaki C. malulusog
B. malalapad D. matataba

Para sa bilang 20-23. Punan ang patlang ng angkop na pang-uring maylapi ayon sa diwang
isinasaad ng pangungusap.
20. Ang papel ng mga gurong Pilipino sa ating lipunan ay __________ (halaga).
A. mahalaga C. higit na mahalaga
B. mas mahalaga D. pinakamahalaga
21. Pinupuri ang karamihan sa mga gurong Pilipino dahil sila ay __________ (tiwala).
A. may tiwala C. ipagkakatiwala
B. katiwa-tiwala D. mapagkakatiwalaan
22. Natuto silang maging __________ (dasal) upang magkaroon ng matatag na kalooban.
A. dasalan C. magdarasal
B. madasalin D. ipagdarasal
23 Kailangang maging __________ (unawa) ang mga guro sa kanilang mga estudyante.
A. maunawain C. pag-uunawa
B. mapang-unawa D. magkaunawaan
24. Mayroon kayong pangkatang gawain sa EPP. Gagawa kayo ng atsara .
Gusto mong magpaturo sa iyong lola. Ano ang sasabihin mo sa kanya?
A. “Lola, maaari n’yo ba akong turaan kung paano gumawa ng atsara?”
B. “Pssst! Turaan mo akong gumawa ng atsara.”
C. “Lola, turaan mo akong gumawa ng atsara.”
D. “Lola, paano ba ang gumawa ng atsara?”
25. Magkakaroon kayo ng patimpalak sa paaralan. Pagandahan at paramihan ng mga pananim
na gulay sa harapan ng inyong silid-aralan. Nais mong malaman ang iba pang detalye tungkol sa
paligsahang ito. Ano ang itatanong mo sa iyong guro?
A. “Titser, ano ang gagawin natin?”
B. “Titser, paano namin sisimulan ang paggawa?”
C. “Titser, hindi po ako marunong magtanim. Pwede po bang bumili na lang ng gulay?”
D. “Titser, ano-ano po ba ang mga pananim na dapat naming ilagay sa harap ng silid-aralan?”
26. Nag-message ang iyong Tiya Marta. Pinapupunta ka niya sa kanilang bahay upang kunin ang
mga lumang damit at sapatos sa kanilang garahe. May gagawin ka sa araw na iyon at hindi naman
kasya ang ipamimigay niya. Ano ang sasabihin mo sa kanya?
A. “Hindi ko kailangan ang mga iyan!”
B. “Kung kailan luma na ang mga gamit, doon ninyo ipamimigay!”
C. “Paumanhin po Tiya Marta, marami na po kaming damit at sapatos. Ipamigay na lang ninyo sa
ibang nangangailangan.”
D. “ Pasensya na po kayo Tiya Marta, hindi po ako makakapunta diyan. May importante po akong
gagawin. Dadaanan ko na lamang po ang mga iyan sa ibang araw.”
27. Kinuha ni Isabel ang nakatagong trumpeta at hinipan niya ito nang malakas. Ano ang
dalawang salitang magkaugnay sa pangungusap?
A. at-ito C. Kinuha-Isabel
B. ni-niya D. trumpeta-hinipan
28. Kapit-bisig ang mga guro at magulang upang mapaganda ang aming paaralan. Ano ang ibig
sabihin ng kapit-bisig?
A. Nagtutulungan C. Nag-aaway
B. Naghahawakan ng kamay D. Nagsusumbatan

Basahin ang mga talata sa ibaba. Tukuyin ang paksa ng bawat isa.
29. Ang pananalig ay katumbas ng paniniwala. Katumbas din ito ng pagkakaroon ng pag-asa na
makakamit ang minimithi. Nagiging makulay ang buhay kapag may pananalig sapagkat ito ay
nagsisilbing inspirasyon natin sa buhay.
A. Pag-asa C. Pangarap
B. Pananalig D. Inspirasyon
30. Bayani ang tawag natin sa mga taong nagpapamalas ng angking katapangan, katalinuhan,
kasipagan at kabutihan sa kapwa. Bayani ring maituturing ang mga maka-Diyos, makatao,
makabayan at makakalikasang gawain.
A. Bayani C. Pangulo
C. Kapwa D. Mamamayan
31. Pagrerecycle ang tawag sa muling paggamit o paggawa ng iba pang bagay mula sa mga
patapong kagamitan. Ito ay isang paraan ng pagpapakita ng pagmamalasakit sa kalikasan
sapagkat bukod sa pagiging kaunti ang basura ay malilinang ang pagiging malikhain ng mga tao
sa pag-iisip ng mga maaaring magawa mula sa luma, sira o patapon ng mga bagay at makakabuo
muli ng mga kapaki-pakinabang na materyal.
A. Basura C. Pagrerecycle
B. Kalikasan D. Bagong material
Pangalawang magulang kung siya’y ituring
Dito sa paaralan lagi siyang dinidinggin
Kuwento, tula, epiko at mga tugma
 Sasambitin ang mga ito nang kaaya-aya

32. Sino ang tinutukoy sa tulang binasa?

A. Guro C. Punungguro
B. Nanay D. Tatay
Maaga pa lamang silid-aralan ay handa na
Tulong-tulong sa paglilinis iyan ang bilin niya
Ayaw niya ng magulo at maruming kapaligiran
Siguradong magagalit kapag ito’y kanyang nadatnan

33. Ano ang magiging reaksyon ng guro kung nadatnan niyang marumi ang sild-aralan?
A. matutuwa C. malulungkot
B. magagalit D. masisiyahan

Kung may nasugatan kanyang gagamutin

Walang baon sa rises kanyang pakakainin
At sa araw ng pasko namimigay ng regalo
Kaya lahat ng mga bata sa kanya’y nagmamano

34. Ano ang kahulugan ng bata sa huling saknong ng tula?

A. anak C. matanda
B. estudyante D. isinusuot pagkatapos naligo

Basahin ang mga sumusunod na tekstong pang-impormasyon.

Maaga pa lamang ay nakapila na sa Vista Mall si Kisha. Habang hinihintay niya

ang kanyang mga kaibigan ay inihahanda na niya ang mga koleksyon niyang libro na
Wattpad mula sa iba’t ibang awtor. Darating kasi sa araw na ito ang mga paborito
niyang manunulat.
Ilang oras din silang naghintay. Maraming mga kabataan ang pumila. Hindi
mahulugang karayom ang nagsidalo makita lamang ng personal ang mga may akda ng
kanilang paboritong babasahin.
Tunay ngang mahilig sa pagbabasa ang mga kabataan ngayong kasalukayan.
Maaari ring i-download ang app na wattpad para makabasa ng iba’t ibang istorya.
Bukod dito, pwede ka ring gumawa ng sariling mong kuwento na maaaring I-publish.
Gumawa lamang ng sariling account para magawa ito.

35. Bakit nakapila si Kisha sa Vista Mall?

A. Manonood siya ng sine.
B. Nag-sale ang Vista Mall
C. May librong ipamimigay.
D. Darating kasi sa araw na ito ang mga paborito niyang manunulat.
36. Nais mong magbasa ng mga kuwento sa wattpad. Medyo may kamahalan ang mga libro.
Nagpaload ka naman ng Php 20.00. May access ka sa internet. Paano ka makakapagbasa nito
nang libre gamit ang iyong cellphone?
A. I-search ang wattpad at gumawa ng sariling account upang makapagbasa nang libre.
B. Mag-search tungkol sa mga kuwentong nakakakilig.
C. Magdownload ng maiikling kuwentong pambata.
D. I-download ang app na Mobile Legend.
37. Hindi mahulugang karayom ang nagsidalo makita lamang nang personal ang mga may akda
ng kanilang paboritong babasahin. Ano ang ibig sabihin ng hindi mahulugang karayom?
A. maraming tao
B. maraming karayom
C. mamimigay ng karayom at sinulid
D. ihuhulog ang mga karayom mula itaas
38. Mahilig kang magbasa ng mga kuwentong may aral at balitang pang-impormasyon. Paano mo
hihikayatin ang iyong kaibigan upang siya man kahiligan din ang pagbabasa?
A. Magdala ka ng mga aklat at ipauwi mo sa kanya.
B. Sabay kayong magbabasa kapag wala si titser.
C. I-share mo sa kanya ang mga nai-download na kuwentong may aral.
D. Sabihan mo siyang magbasa nang mabilis para hindi siya pinagtatawanan.

LISTAHAN NG MGA ESTABLISYEMENTONG BUBUKSAN

SA BORACAY, INILABAS NG DOT

Naglabas ng listahan ng mga establisyemento sa Boracay Island ang Department

of Tourism (DOT) kung saan maaaring tumuloy ang mga magtutungo sa isla oras na
magbukas na ito sa publiko sa Oktubre 26.

Ayon sa DOT, nakasunod sa mga rekisito ng pamahalaan tulad ng mga

Department of Interior and Local Government (DILG) at Department of Environmental
and Natural Resources (DENR) permits at clearance ang nasa 25 mga establisyemento
na kabilang sa listahan.

Samantala, sinabi naman ni DILG-OIC Eduardo Año na lilimitahan lamang sa

hanggang 19,000 na turista ang papayagan na makapasok at manatili sa Boracay sa
muling pagbubukas nito.

Paliwanag ni Año, nakabatay ang itinakdang limitasyon sa carrying capacity ng isla

kabilang ang mga nagtatrabaho at mga residente doon.

39. Kailan bubuksan sa publiko ang Isla ng Boracay?

A. Oktubre 16 C. Oktubre 27
B. Oktubre 26 D. Oktubre 28
40. Ayon sa DOT, nakasunod sa mga rekisito ng pamahalaan tulad ng mga Department of Interior
and Local Government (DILG) at Department of Environmental and Natural Resources (DENR)
permits at clearance ang nasa 25 mga establisyemento na kabilang sa listahan. Ano ang
kahulugan ng salitang rekisito?
A. lugar C. pamantayan
B. resibo D. tamang oras

Lupang Hinirang ‘di na babaguhin ni Sotto

Malou Escudero (Pilipino Star Ngayon) - September 22, 2018 - 12:00am

Matapos mabatikos sa social media, inatras na ni Senate President Vicente “Tito” Sotto III
ang kanyang mungkahi na baguhin ang huling linya ng pambansang awit na Lupang Hinirang.

Ayaw ni Sotto sa linyang, “Aming ligaya na pag may mang-aapi, ang mamatay nang dahil sa
‘yo” at nais niya itong palitan ng “Aming ligaya na pag may mang-aapi, ang ipaglaban kalayaan
mo.”

Ayon kay Sotto, marami ang hindi nakakaintindi sabay pahiwatig na hindi na niya isusulong
ang panukala.

Pero susuportahan daw ni Sotto ang bersiyon ng pagkanta ni Joey Ayala ng National
Anthem. Tama umano ang pagbigkas at ang tono.

41. Bakit binatikos si Senate President Vicente “Tito” Sotto III sa social media?
A. Papalitan ang pamagat ng pambansang awit ng Pilipinas.
B. Pinapakulong lahat ng mga kabataang gagawa ng krimen.
C. Nais niyang palitan ang huling linya ng Lupang Hinirang.
D. Iibahin ang tono ng Lupang Hinirang.
42. Kung ikaw ang tatanungin, nais mo bang baguhin ang huling linya ng Lupang Hinirang?
A. Hindi po, dahil ito na po ang ating pambansang awit at masusi pong naipasa ito sa batas.
B. Hindi po, dahil magagalit ang pamilya ng sumulat ng Lupang Hinirang.
C. Opo, dahil wala ng gustong mamatay ngayon para sa bayan.
D. Opo, dahil hindi maganda ang huling linya ng awit.

Nakabawi agad si Tito Sotto

KUNSABAGAY - Tony Katigbak (Pilipino Star Ngayon) - September 30, 2018 - 12:00am

MUKHANG nakapuntos agad si Sen. Tito Sotto sa kanyang isinusulong na papanagutin na

sa batas ang mga kabataang 13-anyos na sangkot sa krimen. Nabalewala ang sinabi niyang
dapat daw palitan ang huling dalawang linya ng ating Pambansang Awit. Sa dinami-rami ba
naman kasi ng nagsusulputang problema sa bansa kung bakit napagtuunan pa ng pansin ang
Pambansang Awit
Gustong burahin ni Tito Sotto ang batas na ipinasa ni Kiko Pangilinan. Para sa akin ang 12-
anyos ay puwede ng papanagutin sa batas kung mabigat ang krimen na nagawa.
Maraming kabataang nasa ganitong edad ang napapariwara ang buhay ang iba sa kanila
madalas nating makita sa lansangan sumisinghot ng rugby o solvent at paglumaon nakakagawa
na sila ng hindi kanais-nais sa kanilang kapwa. Meron mga drug pusher, user, snatcher at
holdaper sa ganitong gawain ng mga kabataang ito malalakas ang loob dahil sa sindikatong
kumukupkop sa kanila.
Kasalanan ng magulang kung bakit nangyayari ang ganito sa kanilang mga anak. Kung
sana naman ay dinala sila sa paaralan maraming libreng pag-aaral ngayon na proyekto ang
gobyerno. Kaya hindi n’yo maikakatwiran ang kahirapan kaya hindi nakapag-aral ang inyong
mga anak.

43. Sa binasang opinyon ng manunulat, bakit maraming kabataan ngayon ang napapariwara sa
buhay?
A. Nagrerebelde sila sa pamahalaan.
B. Hiwalay ang kanilang mga magulang .
C. Naimpluwensyahan sila ng kanilang mga kaibigan.
D. Kasalanan ng magulang kung bakit nangyayari ang ganito sa kanilang mga anak dahil hindi sila
pumapasok sa paaralan.
44. Ano ang gagawin sa mga kabataang 13-anyos pababa na sangkot sa krimen sakaling maipasa
sa batas ang panukala ni Sen. Tito Sotto?
A. Dadalhin sila sa bahay ampunan
B. I-enrol sila sa ALS (Alternative Learning System)
C. Tuturuan silang maghanapbuhay
D. Pananagutin na sila sa batas sa salang ginawa.

Saan nakaangkla ang iyong pangarap?

Sa kanyang edad na 35, pito na ang anak ni Joseph Liwanag. Hindi siya nakapag-aral kahit
pa maaga pa lang ay mulat na siya sa mundo ng trabaho. Ngunit siya ay may pangarap. Gaya
ng karamihang Pilipino, pangarap niyang mapaganda ang buhay ng mga anak, malayo sa
kalagayan nila ngayon na isang kahig, isang tuka. Sabi nila, libre naman ang mangarap. Ngunit
sa bawat umaga, sa kanilang paggising, hindi maikakaila ang katotohanang hindi sapat ang kita
ni Joseph. Kailangan niya ang tulong ng kanyang mga anak na sina Karen, Gelyn at Mauwee
para magbenta ng kawayan. Kailangan ng mga batang magbuhat ng kawayan pababa sa
matarik na bundok. Sa hitsura ng halaman, parang madali itong pasanin sa balikat, ngunit ang
tinabas na kawayan ay sadyang mabigat.

Ngayong Sabado sa I-Witness, kilalanin ang pamilya Liwanag, isang pamilya ng

katutubong Aeta na naka-angkla ang pangarap sa kawayan. Animo’y kawayan ang kanilang
pamilya: matiisin at sunud-sunuran sa direksyon ng malakas na hangin. Kahit masakit para sa
ama ang makitang nagtatrabaho ang mga anak, maaaring ito lamang ang paraan upang sila’y
mabuhay. May puwang pa ba para sa kanilang pangarap?

Mapapanood ang “Kawayang Pangarap”, ang dokumentaryo ni Kara David na nanalo ng

Silver Screen Award sa Channel 11.
45. Ano ang pangarap ni Joseph Liwanag para sa kanyang mga anak?
A. Magtanim ng maraming kawayan.
B. Makapagpatayo ng maliit na negosyo.
C. Makapagpatayo ng magandang bahay na yari sa bato.
D. Pangarap niyang mapaganda ang buhay ng mga anak.
46. Sa kanyang edad na 35, pito na ang anak ni Joseph Liwanag. Ano ang kahulugan ng salitang
may salungguhit?
A. bagay na hinihipan
B. bilang pagkatapos ng anim
C. biskwit na mabibili sa tindahan
D. pangalan ng karakter sa Pepito Manaloto

Pagsulat

Isulat sa patlang ang maaaring maging sanhi o bunga ng bawat pangyayari.

Walang Klase

47. Sanhi:
______________________________________________________________________________
48. Bunga:
______________________________________________________________________________

Tumahol ang aso

49. Sanhi:
______________________________________________________________________________
50. Bunga:
______________________________________________________________________________

PAKIKINIG
Aytem 1-10
Ang Sutil na Dalag
 (Mga Babasahing Filipino 5)

Sa isang munting sapa sa kabukiran, may mag-anak na dalag. Dito sila payapang
naninirahan. Si Amang Dalag ang nasusunod dito. Si Inang Dalag naman ang tagapagpaliwanag
ng patakarang ipinatutupad ni Amang Dalag.

Isang araw, nagbilin si Inang Dalag sa kanyang mga anak.

“Huwag kayong maghihiwalay na magkakapatid. Lagi kayong mag-iingat sa inyong

panginginain,” ang paalaala ni Inang Dalag. “Maagang umalis ang inyong ama at iyan ang
mahigpit niyang bilin.”

“Bakit po?” ang mabilis na tanong ng panganay na anak.

“Naiibigan tayong hulihin upang ulamin ng mga tao, kaya dapat tayong mag-ingat,” ani
Inang Dalag.

Dahil sa paalaala ng ina, lagi silang magkakasama at langkay-langkay kung manginain.

Subalit sa kanilang magkakapatid, ang bunsong dalag ang likas na malikot at palasaway.

Minsan, lumangoy siya nang lumangoy hanggang mapahiwalay siya sa kanyang mga
kapatid. “Mabuti pala ang nag-iisa at solong-solo ang pagkain,” tuwang-tuwa sabi ng bunsong
dalag habang hindi malaman kung ano ang unang kakainin.

Samantala, napansin ng isang dalag na nawala ang kanilang bunsong kapatid. Ibinulong
nito sa kanyang ina ang nangyari.

“Sa lahat ng anak ko, iyan ang napakalikot at napakatigas ng ulo,” nagngingitngit na wika ng
ina.

“Tena kayo’t hanapin natin siya,” anang nagugulumihanang ina at agad niyakag ang iba
pang anak upang hanapin ang bunso.

Madali nilang natagpuan ito, ngunit nang kanilang lapitan, nakita nilang may kagat-kagat ito
at biglang nahilang paitaas.

TALAAN NG ESPISIPIKASYON SA FILIPINO 5

IKALAWANG MARKAHANG PAGSUSULIT
PT 2018-2019

Kompitensi Bilang ng Bahagdan Pagkakaayos ng

Aytem Bawat Aytem
F5PN-IIe-3.1
Nasasagot ang mga literal na tanong sa napakinggang 2 4% 1-2
teksto
F5PN-IIj-1.2 1 2% 3
Nakapagbibigay ng hinuha sa kalalabasan ng mga
pangyayari sa napakinggang teksto
F5PN-IIc-8.2
Napagsusunod-sunod ang mga pangyayari sa tekstong 1 2% 4
napakinggan sa pamamagitan ng pangungusap
F5PN-IIi-4
Naiuugnay ang sariling karanasan sa napakinggang teksto 1 2% 5
F5PT-IIc-1.10 Naibibigay ang kahulugan ng salita pamilyar
at di-pamilyar na mga salita sa pamamagitan ng pormal na 1 2% 6
depinisyon
F5PT-IIj-1.5 Naibibigay ang kahulugan ng salita pamilyar at
di-pamilyar na mga salita sa pamamagitan ng kasalungat 1 2% 7
F5PT-IIc-1.10 Naibibigay ang kahulugan ng salita pamilyar
at di-pamilyar na mga salita sa pamamagitan ng pormal na 1 2% 8
depinisyon
 F5PS-IIb-12.1 Nailalarawan ang tauhan batay sa kilos at
pagsasalita 2 4% 9-10
F5PW-IIa-c-5.1 Nagagamit nang wasto ang pandiwa ayon
sa panahunan sa pagsasalaysay tungkol sa mahahalagang 2 4% 11-12
pangyayari
F5PS-IIb-d-5.3 Nagagamit nang wasto ang pandiwa ayon
sa panahunan sa pagsasalaysay ng isang sitwasyon 5 10% 13-17
F5WG-Iii-4.4 Nagagamit ang pang-uri sa paglalarawan ng 2 4% 18-19
mga hayop na exotic
F5WG-IIfg-4.2 Nagagamit ang pang-uri sa paglalarawan ng
kilalang tao sa pamayanan 4 8% 20-23
F5PS-IIf-12.12 Nagagamit ang magagalang na pananalita
sa pagsasabi ng ideya sa isang isyu 2 4% 24-25
F5PS-IIj-12.10 Nagagamit ang magagalang na pananalita
sa pagtanggi 1 2% 26
F5PT-IIg-4.3 Napapangkat ang mga salitang
magkakaugnay 1 2% 27
F5PT-IIe-4.3 Nabibigyang kahulugan ang tambalang salita
1 2% 28
F5PB-IIh-10 Naibibigay ang paksa ng isang talata
3 6% 29-31
F5PB-IIe-17 Nahuhulaan ang maaaring mangyari sa tulang
binasa gamit ang dating karanasan/kaalaman 2 4% 32-33
F5PT-IId-9 Naibibigay ang kahulugan ng mga salitang iisa
ang baybay ngunit magkaiba ang diin
1 2% 34
F5PB-IIb-3.2 Nasasagot ang mga tanong na bakit at 1 2% 35
paano
F5PL-Oa-j-8 Nakapagmumungkahi ng mga magagandang 1 2% 36
babasahin
F5PT-Iii-1.8 Naibibigay ang kahulugan ng salita pamilyar
at di-pamilyar na mga salita sa pamamagitan ng sitwayong 1 2% 37
pinaggamitan ng salita
F5PL-Oa-j-5 Naibabahagi ang karanasan sa pagbasa
upang makahikayat ng pagmamahal sa pagbasa ng 1 2% 38
panitikan
F5PB-IIi-3.2 Nasasagot ang mga tanong sa binasang
tekstong pang-impormasyon
2 4% 39-40
F5PB-Iii-3.2 Nasasagot ang mga tanong sa binasang 4 8% 41-44
tekstong pang-impormasyon
F5PD-Iii-14 Nakapagtatala ng mahahalagang pangyayari 1 2% 45
sa napanood na dokumentaryo.
F5PT-IId-9 Naibibigay ang kahulugan ng mga salitang iisa 1 2% 46
ang baybay ngunit magkaiba ang diin
F5PB-IIc-6.1 Nasasabi ang sanhi at bunga ng mga 4 8% 47-50
pangyayari
KABUUAN 50 100% 50

Susi sa Pagwawasto sa FILIPINO 5

1. A 11. C 21. D 31. C 41. C

2. B 12. A 22. B 32. A 42. A
3. A 13. A 23. A 33. B 43. D
4. D 14. D 24. A 34. B 44. D
5. A 15. B 25. D 35. D 45. D
6. A 16. B 26. C/D 36. A 46. B
7. C 17. A 27. D 37. A 47.
8. C 18. D 28. A 38. C 48.
9. B 19. A 29. B 39. B 49.
10. D 20. A 30. A 40. C 50

May kinalaman sa nilalaman: Inihanda ni:

DESIREE L. CARREON EDUARDO P. PINLAC

Principal III Pandistritong Tagapag-ugnay sa Filipino