Ng Asignaturang Pagbasa at Pagsusuri ng iba’t-ibang Teksto tungo sa Pananaliksik
Ipinasa kay: Ginoong Bryan John B. Lumingkit
Ipinasa nila: Client Marlo D. Pandatu
Etikal na pananaliksik Ang pagiging etikal ay tumutukoy sa pagiging matuwid, makatarungan, matapat, at mapagpahalaga sa kapuwa ng isang tao. Kung ilalapat ito sa pagsasagawa ng pananaliksik, mahihinuha na ang pagiging etikal sa larangang ito ay pagsunod sa mga pamantayang may pagpapahalaga sa katapatan, kabutihan, at pagpapanguna sa kapakanan ng kapwa
Gabay sa etikal na pananaliksik
1. Pagkilala sa pinagmulan ng ideya ng pananaliksik
Gaya ng nabanggit sa unang bahagi ng aralin, ang pananaliksik ay
maihahalintulad sa paglahok sa isang pampublikong diyalogo. Ibig sabihin, bukod sa mananaliksik ay maaaring marami nang naunang nag-isip tungkol sa partikular na paksang nais mong unawain at pagyamanin. Mahalaga ang pagbanggit at pagkilala sa iba pang mananaliksik at iskolar na naging tuntungan at pundasyon ng iyong pananaliksik. Sa pamamagitan ng diyalogong ito, nakalilikha ng isang komunidad ng mga mananaliksik na may malasakit at iisang layunin. 2. Boluntaryong partisipasyon ng mga kalahok Kinakailangang hindi pinilit ang sinomang kalahok o respondente sa pagbibigay ng impormasyon o anomang partisipasyon sa pananaliksik. Bago simulan ang pagsagot sa sarbey, pakikipanayam, o eksperimento, kailangang maging malinaw muna sa mga tagasagot ang kabuuang layunin ng pananaliksik at halaga ng kanilang partisipasyon. Kung eksperimental, mahalagang maunawaan din ng kalahok ang bigat o inaasahang peligro ng eksperimento at kailangang buong-loob ang kaniyang paglahok sa kabila nito. 3. Pagiging kumpidensyal at pagkukubli at pagkakakilanlan ng mga kalahok. Kailangang ipaunawa sa mga kalahok na ang anumang impormasyon na magmumula sa kanila ay gagamitin lamang sa kapakipakinabangan ng pananaliksik. Dapat ding pag-isipan ng mananliksik kung paano ikukubli ang pagkakakilanlan ng tagasagot lalong-lalo na sa mga pananaliksik na may sensitibong paksa. Sa mga pagkakataong kailangang isapubliko ang resulta ng pananaliksik o kaya ay ibahagi sa colloquium o publikasyon, kailangan pa ring hingan ng permiso ang mga tagasagot na pangunahing pinagmulan ng ng datos ng pananaliksik. 4. Pagbabalik at paggamit ng resulta ng pananaliksik. Mahalagang ipaalam sa mga tagasagot ang sistematikong pagsusuri ng mananaliksik sa kinalabasan ng pag-aaral. Madalas na nararamdaman ng mga kalahok, lalo na ang yaong mga nasa komunidad, na ginagamit lamang sila ng mananaliksik upang kumuha ng datos at pagkatapos ay parang bulang nawawala ang mga ito. Ito ay dahil sa mangilan-ngilan lamamng na mananaliksik ang bumabalik upang ibahagi sa mga kalahok ang kinalabsan ng pag-aaral. Kung may awtput tulad ng modelo, pagbuo ng polisiya, o iba pang mahahalagang rekomendasyon ang pananaliksik, makabubuti kung ipaalam ito sa kinauukulan para makatulong sa kapakinabangan ng komunidad o kaugnay na institusyong pinag-aralan.
PLAGIARISM AT ANG MGA RESPONSIBILIDAD NG MANANALIKSIK
Ayon sa Purdue University Online Writing Lab (2014), ang Plagiarism ay ang tahasang paggamit at pangongopya ng mga salita at/o ideya na walang kaukulang pagbanggit o pagkilala sa pinagmulan nito. Tinukoy ng Plagiarism.org (2014) ang iba pang anyo ng plagiarism gaya ng; 1. Pag-angkin sa gawa, produkto, o ideya ng iba; 2. Hindi paglalagay ng maayos na panipi sa mga sinisiping pahayag: 3. Pagbibigay ng maling impormasyon sa pinagmulan ng sinisiping pahayag: 4. Pagpapalit ng mga salita sa katulad na wika o kaya ay pagsasalin ng teksto ngunit pangongopya sa ideya ng walang sapat na pagkilala;at 5. Ang pangongopya ng napakaraming ideyasa isang pinagkunan na halos bumuo na sa iyong produkto, tukuyin man o hindi ang pinagmulan nito.
MGA MAHAHALAGANG PANGYAYARI MATAPOS ANG IKALAWANG DIGMAANG
PANDAIGDIG WILLIAM TROCHIM (2006) WEB CENTER FOR SOCIAL RESEARCH METHOD
NUREMBERG WAR CRIMES TRIAL- nailagay sa pampublikong kamalayan
ang pamamaraan ng mga doctor at siyentistang aleman na gumagamit ng taong bihag sa concentration camp bilang sangkap sa kanilang pananaliksik o eksperimento. NUREMBERG CODE- ito ay ang sampung batayang prinsipyo sa pagsasagawa ng pananaliksik.