Die 31 Maji

BEATÆ MARIÆ VIRGINIS

REGINÆ
Duplex II classis

Omnia de Communi festorum Beatæ Mariæ Virginis, præter ea quæ hic ha-
bentur propria.
In I Vesperis Sit laus Deo Patri,
Summo Christo decus,
Capit. Eccli. 24, 5 et 7 Spirítui Sancto,

E go ex ore Altíssimi prodívi, primo-

génita ante omnem creatúram; ego
in altíssimis habitávi, et thronus meus
Tribus honor unus.
Amen.

in colúmna nubis. V. Salve, Regína midericórdiæ (T. P. al-

leluia).
Prima stropha sequentis hymni dicitur R. Ex qua natus es Christus, Rex noster
flexis genibus. (T. P. alleluia).

Hymnus Ad Magnif. Ant. Beáta quæ credidísti,

A ve maris stella,
Dei Mater alma,
Atque semper Virgo,
* quæ dicta sunt tibi a Dómino : cum
Christo regnas in ætérnum (T. P. alle-
luia).
Felix cæli porta.
Sumens illud Ave In II Vesperis
Gabriélis ore, V. María Virgo cælos ascéndit (T. P. al-
Funda nos in pace, leluia).
Mutans Hevæ nomen. R. Cum Christo regnat in ætérnum
Solve vincla reis, (T. P. alleluia).
Profer lumen cæcis,
Mala nostra pelle, Ad Magnif. Ant. Beáta Mater * et
Bona cuncta posce. intácta Virgo María, gloriósa Regína
Monstra te esse matrem, mundi, intercéde pro nobis ad Dómi-
Sumat per te preces, num (T. P. alleluia).
Qui pro nobis natus,
Tulit esse tuus. Oratio
Virgo singuláris,
Inter omnes mitis, C oncéde nobis, quǽsumus, Dómine:
ut, qui solemnitátem beatæ Maríæ
Vírginis Regínæ nostræ celebrámus;
Nos culpis solútos
Mites fac et castos. eius muníti præsídio, pacem in
Vitam præsta puram, præsénti et glóriam in futúro cónsequi
mereámur. Per Dóminum nostrum.
Iter para tutum,
Ut vidéntes Iesum, Completorium de Dominica
Semper collætémur.
 Ad Matutinum
Invit. Christum Regem, qui suam
coronávit Matrem, * Veníte, adorémus
(T. P. alleluia).
Ps. 94 Veníte, exsultémus
Hymnus
R erum suprémo in vértice
Regína, Virgo, sísteris,
Exuberánter ómnium
Ditáta pulchritúdine.
Princeps opus formósior
Verbo creánti prǽnites,
Prædestináta Fílium,
Qui prótulit te, gígnere.
Ut Christus alta ab árbore
Rex purpurátus sánguine,
Sic passiónis párticeps,
Tu Mater es vivéntium.
Tantis decóra láudibus,
Ad nos ovántes réspice,
Tibíque sume grátulans
Quod fúndimus præcónium.
Iesu, tibi sit glória,
Qui natus es de Vírgine,
Cum Patre et almo Spíritu
In sempitérna sǽcula.
Amen.
In I Nocturno
Psalmi cum Antiphonibus ut in Communi
festorum B. M. V.
V. Salve, Regína misericórdiæ (T. P. al-
leluia).
R. Ex qua natus est Christus, Rex no-
ster (T. P. alleluia).
De libro Ecclesiástici
Lectio i Eccli. 24, 5-11, 31
E go ex ore Altíssimi prodívi, primo-
genita ante omnem creatúram: Ego
feci in cælis ut orirétur lumen inde-
fíciens, et sicut nébula texi omnem ter-
ram: Ego in altíssimis habitávi et thro-
nus meus in colúmna nubis. Gyrum
cæli circuívi sola, et profúndum abyssi
penetrávi, in fluctibus maris ambulávi,
et in omni terra steti: et in omni pópulo,
et in omni gente primátum hábui: et
ómnium excelléntium et humílium
corda virtúte calcávi: et in his ómnibus
réquiem quæsívi, et in hereditáte
Dómini morábor.
R. Beáta es, María, quæ credidísti
Dómino: perfécta sunt in te quæ dicta
sunt tibi. * Ecce exaltáta es super choros
Angelórum ad cæléstia regna (T. P. alle-
luia). V. Ave Maria, gratia plena, Domi-
nus tecum. R. Ecce exaltata es super
choros Angelorum ad cælestia regna
(T. P. alleluia).
Lectio ii Eccli. 24, 14-16
A b inítio, et ante sǽcula creáta sum,
et usque ad futurum sǽculum non
désinam, et in habitatióne sancta coram
ipso ministrávi. Et sic in Sion firmáta
sum, et in civitáte sanctificáta simíliter
requiévi, et in Ierúsalem potéstas mea.
Et radicávi in pópulo honorificáto, et in
parte Dei mei heréditas illíus, et in ple-
nitúdine sanctórum deténtio mea.
R. Regálem dignitátem Vírginis Maríæ
recolámus. * Quia cum Christo regnat
in ætérnum (T. P. alleluia). V. Glóriam
Regínæ nostræ celebrémus. R. Quia
cum Christo regnat in ætérnum (T. P.
alleluia).
Lectio iii Eccli. 24, 24-30
E go mater pulchræ dilectiónis, et ti-
móris, et agnitiónis, et sanctæ spei.
In me grátia omnis viæ et veritátis: in
me omnis spes vitæ et virtútis. Transíte
ad me, omnes qui concupíscitis me, et a
generatiónibus meis implémini; Spíri-
tus enim meus super mel dulcis, et
heréditas mea super mel et favum. Me-
mória mea in generatiónes sæculórum.
Qui edunt me, adhuc esúrient, et qui bi-
bunt me, adhuc sítient. Qui audit me
non confundétur, et qui operántur in
me non peccábunt: qui elúcidant me,
vitam ætérnam habébunt.
R. Elégit eam Deus, et præelégit eam; *
Corónam glóriæ pósuit super caput eius
(T. P. alleluia). V. Et in tabernáculo suo
habitáre fecit eam. R. Corónam glóriæ
pósuit super caput eius (T. P. alleluia).
V. Glória Patri, et Fílio, * et Spirítui
Sancto. R. Corónam glóriæ pósuit super
caput eius (T. P. alleluia).
In II Nocturno
Psalmi cum Antiphonibus ut in Communi
festorum B. M. V.
V. Stabat iuxta crucem Iesu Mater eius
(T. P. alleluia).
R. In passióne sócia, totíus mundi
Regína (T. P. alleluia).
Sermo sancti Petri Canísii Presbýteri
De Maria Deipara Virgine incomparabili,
lib. 15, c. 13
Lectio iv
C ur beatíssimam Vírginem Maríam
Regínæ nómine, Damascénum,
Athanásium aliósque secúti, non com-
pellémus, cuius et pater David rex íncli-
tus, et fílius Rex regum Dominúsque
dominántium sine fine ímperans, lau-
dem in Scriptúris præstantíssimam te-
nent? Regína est ínsuper, si cum illis
conferátur, quibus, véluti régibus,
cæléste regnum cum Christo, Rege
summo, cóntigit, útpote illíus coherédi-
bus, et in eódem véluti throno, ut
Scriptúra lóquitur, cum illo collocátis.
Regína est étiam nulli electórum
secúnda, sed simul Angelis et homíni-
bus tanto præláta dígnius, quo nihil illa
sublímius ac sánctius esse potest, quæ
sola cum Deo Patre Fílium habet com-
múnem, et quæ supra se Deum et Chri-
stum tantum, infra se vero réliqua videt
omnia.
R. Súscipe verbum, Virgo María, quod
tibi a Dómino transmíssum est: * Ecce
concípies et páries Deum páriter et
hóminem (T. P. alleluia). V. Et Regína
vocáberis super omnes gentes. R. Ecce
concípies et páries Deum páriter et
hóminem (T. P. alleluia).
Lectio v
M agnus Athanásius perspícue dixit:
Maríam non modo Deíparam, sed
étiam Regínam et Dóminam próprie
veréque censéri, quandóquidem Chri-
stus ex ipsa matre Vírgine natus, Deus
et Dominus idémque Rex máneat. De
hac ígitur Regína dictum illud Psal-
mógraphi interpretátur: Adstitit Regína
a dextris tuis in vestítu deauráto. Non
ergo solum cæli, sed et cælórum Regína
recte dicitur María, útpote mater Regis
Angelórum, Regísque cælórum et amíca
et sponsa. A te vero, augustíssima
Regína, eadémque fidíssima Mater
María, quam sine fructu pie nullus im-
plórat, et cui mortáles omnes benefició-
rum memória sempitérna devíncti sunt,
étiam atque étiam reverénter oro et ób-
secro, ut hoc qualecúmque observántiæ
erga te meæ testimónium ratum et gra-
tum habére velis, utque obláti múneris
exiguitátem studiósa offeréntis vo-
luntáte metíri ac tuo præpoténti Fílio
comprobáre dignéris.
R. Ecce pósitus est hic in ruínam et re-
surrectiónem multórum, * Et tuam ip-
síus ánimam pertransíbit gládius (T. P.
alleluia). V. Ave, Christi Mater, pas-
siónis sócia, totíus mundi Regína. R. Et
tuam ipsíus ánimam pertransíbit
gládius (T. P. alleluia).
Ex Lítteris Encýclicis Pii Papæ XII
Encyclica "Ad cæli Regínam",
diei 11 Octobris 1954
Lectio vi
E Christiánæ vetustátis monumén-
tis, e litúrgicis précibus, ex índito
christiáno pópulo religiónis sensu, ex
opéribus arte conféctis, úndique
collégimus voces quæ ásserunt Deípa-
ram Vírginem regáli dignitáte præstáre;
ratiónes étiam, quas sancta theología ex
divínæ fídei thesáuro deducéndo
ástruit, eándem veritátem prorsus con-
firmáre argúimus. Tot ex allátis testi-
móniis quasi latíssime résonans
concéntus effícitur, qui extóllit régii ho-
nóris præcélsum fastígium Dei ho-
minúmque Matris, cui cuncta creáta
subsunt, quæ est: "exaltáta super cho-
ros Angelórum ad cæléstia regna". Cum
vero, matúro ponderatóque consílio,
persuásum Nobis habeámus magna
oritúra esse Ecclésiæ emoluménta, si
quasi in suo candelábro rutilántior
lucérna pósita, illa sólide probaáa véri-
tas maniféstior ómnibus refúlgeat, Apo-
stólica Nostra Potestáte decérnimus et
institúimus festum Maríæ Regínæ,
quod toto terrárum orbe quotánnis die
trigésimo primo mensis Maii est ce-
lebrándum.
R. Signum magnum appáruit in cælo:
* Múlier amícta sole, et luna sub pédi-
bus eius, et in cápite eius coróna
stellárum duódecim (T. P. alleluia). V.
Cuius Fílius regnat in ætérnum. R.
Múlier amícta sole, et luna sub pédibus
eius, et in cápite eius coróna stellárum
duódecim (T. P. alleluia). V. Glória Pa-
tri, et Fílio, * et Spirítui Sancto. R.
Múlier amícta sole, et luna sub pédibus
eius, et in cápite eius coróna stellárum
duódecim (T. P. alleluia).
In III Nocturno
Psalmi cum Antiphonibus ut in Communi
festorum B. M. V.
V. Beátam me dicent omnes genera-
tiónes (T. P. alleluia).
R. Quia fecit mihi magna qui potens est
(T. P. alleluia).
Léctio sancti Evangélii
secúndum Lucam
Lectio vii Luc. 1, 26-33
I n illo témpore: Missus est Angelus
Gábriel a Deo in civitátem Galilǽæ,
cui nomen Názareth, ad Vírginem de-
sponsátam viro, cui nomen erat Ioseph
de domo David, et nomen Vírginis
María. Et réliqua.
Homilía sancti Bonaventúræ Epíscopi
Sermo de regia dignitate
Beatæ Mariæ Virginis
B eáta María Virgo, summi Regis ma-
ter est per generósam concep-
tiónem, secúndum quod dícitur in
verbo sibi dicto ab Angelo: Ecce inquit,
concípies et páries fílium; et póstea: Da-
bit ei Dóminus sedem David patris eius,
et regnábit in domo Iacob in ætérnum,
et regni eius non erit finis. Ac si apérte
dicat: Concípies et páries fílium Regem,
in regáli sólio æternáliter residéntem,
ac per hoc tamquam Mater Regis re-
gnábis, et ut Regína in regáli sólio re-
sidébis. Si enim decet filium honórem
matri dare, decet ut ei commúnicet
thronum regálem; unde Virgo María,
quia concépit eum, qui habet in fémore
scriptum: Rex regum et Dóminus do-
minántium, statim ex quo concépit
Fílium Dei, Regína fuit, non solum
terræ, sed étiam cæli, quod designátum
est in Apocalýpsi ubi dícitur: Signum
magnum appáruit in cælo: múlier
amícta sole, et luna sub pédibus eius, et
in cápite eius coróna stellárum duóde-
cim.
R. Ecce Virgo concípiet et páriet Fílium,
* Et vocábitur nomen eius Admirábilis,
Deus, Fortis (T. P. alleluia). V. Super só-
lium David et super regnum eius
sedébit in ætérnum. R. Et vocábitur no-
men eius Admirábilis, Deus, Fortis (T.
P. alleluia).
Lectio viii
M aría Regína est præclaríssima qu-
antum ad glóriam, quod bene
desígnat Prophéta in psalmo qui spe-
ciáliter est de Christo et Vírgine María,
ubi primo dícitur de Christo: Sedes tua,
Deus, in sǽculum sǽculi, et paulo post
de Vírgine: Adstitit regína a dextris tuis,
hoc est in potióribus bonis, quod qui-
dem dictum est quantum ad glóriam
mentis. Séquitur: In vestítu deauráto,
in quo exprímitur vestítus gloriósæ im-
mortalitátis, quem décuit habére Vírgi-
nem in sua Assumptióne. Absit enim ut
vestiméntum illud quo opértus est Chri-
stus, quod étiam fuit perfécte sancti-
ficátum in terra per Verbum in-
carnátum, fiat cibus vérmium. Sicut
décuit Christum dare grátiam Matri
suæ pleníssimam in sua Conceptióne,
sic décuit tribúere pleníssimam glóriam
in ipsíus Matris Assumptióne. Et ídeo
tenéndum est quod Virgo, gloriósa in
ánima et córpore, sédeat iuxta Fílium.
R. Exaltáta es, sancta Dei Génetrix,
* Super choros Angelórum ad cæléstia
regna (T. P. alleluia). V. Intercéde pro
nobis ad Dóminum Iesum Christum. R.
Super choros Angelórum ad cæléstia re-
gna (T. P. alleluia). V. Glória Patri, et
Fílio, * et Spirítui Sancto. R. Super cho-
ros Angelórum ad cæléstia regna (T. P.
alleluia).
Lectio ix
M aría Regína est et dispensátrix
grátiæ, quod designátum fuit in
libro Esther, ubi dícitur: Parvus fons
qui crevit in flúvium, et in lucem et so-
lem convérsus est. Virgo Maria sub fi-
gura Esther comparátur diffusióni fon-
tis et lúminis, propter diffusiónem
grátiæ quantum ad dúplicem usum, ac-
tiónis licet et contemplatiónis. Grátia
enim Dei, quæ est medicatíva géneris
humáni, per ipsam ad nos descéndit qu-
asi per aquædúctum, quia ad ipsam Vír-
ginem pértinet dispensátio grátiæ non
per modum princípii, sed per modum
mériti. Mérito ígitur Virgo María est ex-
cellentíssima Regína in comparatiónem
ad plebem, cum ímpetrat véniam, súpe-
rat pugnam, et distríbuit grátiam, et
consequénter perdúcit ad glóriam.
Te Deum laudámus.
Ad Laudes
Capit. Eccli. 24, 5 et 7
E go ex ore Altíssimi prodívi, primo-
génita ante omnem creatúram; ego
in altíssimis habitávi, et thronus meus
in colúmna nubis.
Hymnus
gloriósa vírginum,
O Sublímis inter sídera,
Qui te creávit, párvulum
Lacténte nutris úbere
Quod Heva tristis ábstulit,
Tu reddis almo gérmine:
Intrent ut astra flébiles,
Cæli reclúdis cárdines.
Tu Regis alti iánua
Et aula lucis fúlgida:
Vitam datam per Vírginem,
Gentes redémptæ, pláudite.
Iesu tibi sit glória,
Qui natus es de Vírgine,
Cum Patre, et almo Spiritu,
In sempitérna sǽcula.
Amen.
V. María Virgo cælos ascéndit (T. P. al-
leluia).
R. Cum Christo regnat in ætérnum
(T. P. alleluia).
Ad Bened. Ant. Regína mundi digní-
ssima, * María, Virgo perpétua, in-
tercéde pro nostra pace et salúte, quæ
genuísti Christum Dóminum, Salvató-
rem ómnium (T. P. alleluia).
Oratio
C oncéde nobis, quǽsumus, Dómine:
ut, qui solemnitátem beatæ Maríæ
Vírginis Regínæ nostræ celebrámus;
eius muníti præsídio, pacem in
præsénti et glóriam in futúro cónsequi
mereámur. Per Dóminum nostrum.
Et fit commemoratio S. Petronillæ Virg.:
Ant. Símile est regnum cælórum *
hómini negotiatóri quærénti bonas
margarítas: invénta una pretiósa, dedit
ómnia sua, et comparávit eam (T. P. al-
leluia).
V. Diffúsa est grátia in lábiis tuis (T. P.
alleluia).
R. Proptérea benedíxit te Deus in
ætérnum (T. P. alleluia).
Oratio
E xáudi nos, Deus, salutáris noster:
ut, sicut de beátæ Petroníllæ Vírgi-
nis tuæ festivitáte gaudémus; ita piæ
devotiónis erudiámur afféctu.
Per Dóminum nostrum.
Ad Horas Psalmi de Dominica, ad Primam
tamen ut in Festis.
Ad Primam in Responsorio brevi: V. Qui
natus es de María Vírgine.
Ad Tertiam
Capit. Ego ex ore, ut ad Laudes.
Tempore paschali
R.br. Salve, Regína misericórdiæ, *
Allelúia, allelúia. Salve. V. Ex qua natus
est Christus, Rex noster. Allelúia,
allelúia. Glória Patri. Salve.
V. Stabat iuxta crucem Iesu Mater eius,
allelúia.
R. In passione socia, totius mundi
Regína, allelúia.
Extra tempus paschale
R.br. Salve, * Regína misericórdiæ.
Salve. V. Ex qua natus est Christus, Rex
noster. Regína misericórdiæ. Glória
Patri. Salve.
V. Stabat iuxta crucem Iesu Mater eius.
R. In passione socia, totius mundi
Regína.
Ad Sextam
Capit. Eccli. 24, 9-11
I n omni terra steti et in omni pópulo,
et in omni gente primátum hábui, et
ómnium excelléntium et humílium
corda virtúte calcávi.
Tempore paschali
R.br. Stabat iuxta crucem Iesu Mater
eius, * Allelúia, allelúia. Stabat. V. In
passióne sócia, totíus mundi Regína.
Allelúia, allelúia. Glória Patri. Stabat.
V. Beátam me dicent omnes genera-
tiónes, allelúia.
R. Quia fecit mihi magna qui potens est,
allelúia.
Extra tempus paschale
R.br. Stabat iuxta crucem Iesu *
Mater eius. Stabat. V. In passióne sócia,
totíus mundi Regína. Mater eius. Glória
Patri. Stabat.
V. Beátam me dicent omnes genera-
tiónes.
R. Quia fecit mihi magna qui potens est.
Ad Nonam
Capit. Col 3, 24
Q ui audit me, non confundétur, et qui
operántur in me, non peccábunt:
qui elúcidant me, vitam ætérnam
habébunt.
Tempore paschali
R.br. Beátam me dicent omnes
generatiónes, * Allelúia, allelúia.
Beátam. V. Quia fecit mihi magna qui
potens est. Allelúia, allelúia. Glória
Patri. Beátam.
V. María Virgo cælos ascéndit, allelúia.
R. Cum Christo regnat in ætérnum,
allelúia.
Extra tempus paschale
R.br. Beátam me dicent * Omnes
generatiónes. Beátam. V. Quia fecit
mihi magna qui potens est. Omnes
generatiónes. Glória Patri. Beátam.
V. María Virgo cælos ascéndit.
R. Cum Christo regnat in ætérnum.
 In II Vesperis

Omnia ut ad I Vesperas supra notatur.

Et fit Commemoratio S. Angelæ Mericiæ,
Virginis.

Completorium de Dominica