Name: Riza G.

Carilo
Section: BSBAHRMOU 2D

“PINAL NA PAGSUSULIT”

1. Ano ano ang mga kahinaan at pangangailanagan ng Pilipinas upang makawala sa

kahirapan at tumungo sa kaunlaran?

● Sa aking palagay, isa sa kahinaan ng ating bansa kung bakit hindi pa rin nakakawala sa
kahirapan ay hindi sapat ang sahod sa mga manggagawa at kakulangan sa trabaho. Ito
din ay marahil kung bakit marami sa ating kababayan ang mas pinipili ang
makipagsapalaran sa ibang bansa para sa pamilya. Dito tayo sa bansa nahuhubog ng
talino, kasipagan ngunit dahil sa kahirapan at kakulangan sa pa sahod at trabaho mas
pinipili natin na magtrabaho sa ibang bansa para matustusan ang pangangailangan.
Kung bibigyang pansin ng gobyerno ang mamamayang nagtatrabaho sa ating bansa, sa
pagbibigay pansin sa pasahod at trabaho ay siyang rason upang makawala tayo sa
kahirapan. Dahil ang mga mamamayan sa ating bansa ay may sapat na kakayahan
upang magtrabaho at paangatin ang ating bansa sa tulong na din ng ating gobyerno.
Kung tataas ang pasahod walang makipagsapalaran sa ibang bansa at magkakaroon ng
bayanihan para sa pag-unlad tungo sa kaunlaran.

2. Ano ano ang kalakasan ng bansa na mapagyabong ang ating ekonomiya?

● Kung bibigyang pansin ang mga manggagawa ang isa sa kalakasan at

pundasyon ng ating bansa ay susi para mapagyabong ng ekonomiya. Dahil ang
mga manggagawa sa ating bansa ay alam naman natin na may taglay na
kasipagan lalo na sa pagtatrabaho.
Sa usaping ekonomiya ang mga manggagawa ang pundasyon at nagbibigay
lakas at kasanayan upang mas mapabilis ang serbisyo, kung ang manggagawa
ay may sapat na kakayahan mas malaki ang potensyal tungo sa pag-unlad ng
ekonomiya marahil na rin sa kanilang dedikasyon at pagmamahal sa bansa tiyak
mapa pagyabong ang ekonomiya ng ating bansa.

3. BILANG ISANG PILIPINO:

a. Ano ano ang gampanin o magiging ambag mo para sa susunod na henerasyon?

Bilang isang Pilipino, ang gampanin na aking maibibigay para sa susunod na

henerasyon ay ang pagbibigay o pagpapakita ng magandang halimbawa,
pagpapalaganap ng kaalaman tungkol sa kultura at kasaysayan ng ating bansa.
Sa pamamagitan nito maipapamalas at pakita ang pagmamahal at pagkakaroon bilang
gampanin upang maipakita ang pagpapahalaga at pagtulak sa pagbabago at kaunlaran
ng ating lipunan.

4.MAG KOMENTO HINGIL SA SUMUSUNOD:

a. Atrasadong pagunlad
● Isa sa rason kung bakit maaaring magdulot ng iba’t ibang mga kadahilanan kung bakit
may atrasadong pag-unlad ay tungkol sa kawalan o di sapat na edukasyon o
pagkakaroon ng limitadong oportunidad. Gayunpaman, sa pagbibigay aksyon o pagtutok
sa pag atrasadong pag-unlad. Kinakailangan ng aksyon mula sa pamahalaan at iba’t
ibang sektor ng lipunan, sa pagtutok sa edukasyon at pagbibigay ng oportunidad sa
mamamayan ay hakbang upang matugunan o mabawasan ang atrasadong pag-unlad.

b. Hidwaang pampulitika
● Ang pagkakaroon ng hidwaang pampulitika ay isang pangkaraniwang sitwasyon sa
politika, sa pagkakaroon ng iba’t ibang opinyon o pananaw at pag unawa sa adhikain, at
mga hakbang na dapat ipatupad. Ito ay maaaring pinagmulan o sanhi ng hindi
pagkakaintindihan, pagkakasundo sa pamamalakad ng isang bansa.
● Normal man sa lipunan ang ganitong sitwasyon, s pagkakaroon ng iba’t ibang pananaw
at adhikain mahalaga pa rin na magkaroon ng respeto pagkakasundo upang magkaroon
ng solusyon sa mga hakbang na gustong ipatupad.

c. Pagkabihag ng kaisipan
● Ang pagkabihag ng isipan, ay pagkakaroon ng saradong kaisipan. Kung ano lamang
ang nalalaman at kung ano ang nais paniwalaan sa buhay ay duon na lamang ang
pokus ng kaisipan. Sa ganitong paraan nagkakaroon ng limitasyon sa sarili upang
mamulat sa tamang kaisipan at pagtuklas ng katotohanan.

d. Kaisipang "bago ang iba ako muna" at "paano naman ako?"

● Ang dalawang pag-iisip sa sarili na "bago ang iba ako muna" at "paano naman ako" ay
mga tanong tungkol sa pangangailangan at pangangalaga. Bagama't iba ang mga
pangangailangan, mahalagang maunawaan na ang ugnayan sa pagitan ng dalawang
aspeto ng ito ng pangangalaga sa sarili at pangangalaga sa iba ay mahalaga sa
pangmatagalang kagalingan at kalusugan ng isang tao. Ito ay hindi lamang
pagkamakasarili ito ay mahalagang maunawaan ang iyong sariling mga
pangangailangan at tumuon sa iyong ganap na kalusugan at kagalingan.

e. Diwang burgis at Diwang masa

● Ang ‘‘diwang burgis‘‘ ay maaaring ituring na pagpapahayag ng mga ideya, pananaw, at
interes. Sa kabilang banda, ang ‘‘diwang masa‘‘ ay tumutukoy sa mga damdamin,
pananaw, at karanasan. Sa Pag-unawa sa mga perspektibo ng ito ay nagbibigay daan
sa mas malalim at makatarungan na pagsusuri ng mga isyu sa lipunan.
f. Kulturang Pera-pera
● Sa pagkakaroon ng kulturang pera-pera ay isang imahe o kalakaran na ang halaga ng
isang tao o isang bagay ay nakadepende at madalas nasusukat sa yaman o pera. Sa
kulturang ito nawawalang bisa ang pagkakapantay-pantay sa lipunan, sa oportunidad,
edukasyon at iba pang pangangailangan ng isang mamamayan. Sa pagkakaroon ng
sapat na kaalaman at pagpapahalaga maiiwasan ang kinagisnang kultura ng pera-pera.

g. Ugali ng "Pagkahayop"
● Ang ugaling pagka hayop ay mailalarawan sa ugaling asal ng isang tao na hindi tama, o
hindi maayos. Maaaring ito ay tumutukoy sa hindi maayos na asal, pagiging marahas na
pagtugon sa mga sitwasyon. Ang ganitong uri ng ugali ay maaaring maging sanhi ng
hindi pagkakaintindihan at hindi maayos na ugnayan sa lipunan. Kailangan baguhin at
ayusin upang magkaroon ng pagbabago at pag-unlad.

h. Kamalayang makabansa
● Ang kamalayang makabansa ay naglalarawan ng pagmamahal, at pag-aalaga sa
sariling bansa. Ito rin ay isang pag-unawa at pagpapahalaga sa kasaysayan, kultura,
tradisyon. Ang kamalayang makabansa ay mahalaga sa pagpapalaganap ng
pagkakaisa at pagkakakilanlan sa loob ng isang lipunan. Sa ganitong paraan kailangan
ng pagkakaisa at malasakit sa bansa. Kailangan ito ay nagbibigay ng identidad at
nag-uugnay sa iba't ibang sektor ng lipunan tungo sa pangkalahatang pag-unlad at
kaginhawaan.

i. Nagtuturuan sa kasalanan
● Ang "nagtuturuan sa kasalanan" sa lipunan ay isang pag-uugali na may epekto. Ito ay
maaaring magpahayag ng mga negatibong ugali at kawalan ng responsibilidad sa iba't
ibang antas ng lipunan. Sa pagkakaroon ng responsibilidad sa pag-ako ng kasalanan,
masosolusyunan nito ang isang problemang kinakaharap.

5.Ano ano ang mga dapat itama sa ating mga nakasignan?

5.1 Mga ugali, asal, atityud, beheybyor.
● Ang asal o pa uugali ng isang tao ay maaring magkaroon ng epekto sa personal,
karanasan at iba pa. Hindi man mabilis at madaling itama ngunit kaya itong baguhin at
ayusin upang mapabuti ang asal at ugali. Una narito ang pagkakaroon ng respeto sa
kapwa, sa pagpapakita ng respeto at paggalang sa ibang tao kahit may iba't iba ang
opinyon o pananaw ang isang tao nangangailangan pa rin ito ng respeto.

6. PAGKILATIS NG KAISIPAN pumili ng isa at bigyan ng katwiran ang napili

6.1. Manatiling Agrikultural na Bansa o Maging tuluyang Industriyal.

● Ang manatiling agrikultural na bansa, ang pilipinas ay mayaman sa agrikultura, marami
sa ating mamamayan ay ito ang pangunahing kabuhayan sa mga rural na lugar ang
agrikultura ang pangunahing pinagkakakitaan at nagbibigay serbisyo lalo na sa mga
probinsya. Bukod sa pinagkukunan ito ng kabuhayan, ang ating bansa ay may natural
 na yaman katulad ng mga ilog, fertile na lupa at ibang likas na yaman. Mas mainam na
manatiling agrikultural na bansa dahil isa ang ating bansa sa tropical climate na
nagbibigay daan upang maraming uri ang maaring itanim. Ang ating bansa ay may
mataas na antay upang makapag tanim katulad ng prutas, gulay, palay at iba pang
produktong agrikultural. Gayunpaman, kahit gaano kayaman ang ating bansa at may
kakayahan magtanim kinakailangan padin ng suporta na nanggagaling sa ating sektor
ng pamahalaan dahil nagkaroon ng hamon tulad ng kawalan o kulang sa kagamitan,
kahirapan, at mga natural na kalamidad na maaaring makaapekto sa produksiyon. Ang
pagpapabuti sa sektor ng agrikultura, kasabay ng tamang suporta mula sa gobyerno at
iba pang sektor, ay mahalaga para sa pangmatagalang kaunlaran ng bansa. Lubos na
magyayabong ang ating agrikultura hindi na kailangan mag importe kung kaya naman
natin gawin at gumawa.

6.2. Patuloy na mangutang sa WB,IMF,ADB, at iba pang pinansyal na institution

● Walang mali kung patuloy sa pag utang sa sektor ng WB (world bank), IMF (International
Monetary Fund) at ADB (Asian Development Bank) kung nasusunod ang kondisyon o
kasunduan na tinatawag nating “loan agreement”. Sa aking palagay maaring
magpatuloy sa pag-utang sa pandaigdigang institusyon kung kaya ang responsibilidad
at pagsunod sa kasunduan o kondisyon na itinakda, Mainam na alamin o pag aralan
muna ang mga kondisyon o termino bago pumasok o mangutang sa pandaigdigang
institusyon dahil kung hindi kaya ang responsibilidad wag na mangutang.

6.3. Alin sa mga ito ang pipiliin mong isulong:

“ONE TOWN ONE PRODUCT”

“FILIPINO FIRST POLICY”
“MIGRASYONG OFW”
“ONE CHILD POLICY”
“DEATH PENALTY FOR HEINOUS CRIMINALS”

● Sa aking palagay, mas gugustuhin ko isulong ang “Death Penalty for Heinous Criminals”
sa panahon ngayon na talamak ang patayan at pang-agrabyado. Mahirap man ito
isulong dahil ito ay isang kontrobersyal na usapin na nangangailangan ng balanseng
desisyon para sa katarungan at paggalang sa karapatang pantao. Naniniwala ako na ito
ay isang paraan para sa katarungan, lalo kung ito ay humaharap sa malalang krimen.
Ang ideyang ito ay babala na rin sa mga masasamang tao at gumagawa ng krimen.
Ngunit ang pagpataw ng death penalty ay may kaukulang paglabag sa karapatang
pantao na ang prinsipyo ay ang bawat tao ay may karapatang mabuhay.

Mahalagang isaalang-alang ang lahat ng aspeto ng isyung ito, kabilang ang epekto nito
sa lipunan, sistema ng hudisyal, at mga aspetong moral. Sa pagpataw ng parusang
kamatayan. Ang isyung ito ay maaaring maging bahagi ng isang mas malalim na debate
sa lipunan, ngunit kung personal na opinyon ang kinakailangan para saken naniniwala
ako sa “kung walang awa ang mga kriminal sa pagkitil ng buhay, bakit pa sila bibigyan
 ng karapatan mabuhay” sa mundong ito karapatan ng lahat mabuhay pero kung aalisin
ito ng mga taong walang awa, walang prinsipyo bakit hindi natin ipatikim sa kanila ang
bagay na nagawa nila.

● 7. Magsulat ng isang sanaysay hinggil sa paksang:

Ang bukas na gusto ko (The future I want)

● Ang bukas na gusto ko para sa aking bansang sinilangan ay magkaroon ng pag-unlad at

isang bansang mapayapa. Ang pag-unlad na mula sa sektor ng edukasyon na
nagbibigay ng oportunidad para sa lahat magkaroon ng mahusay at maayos na sistema
para sa edukasyon. Pag unlad hindi lamang sa ekonomiya kundi ang pag-unlad at
pagbibigay oportunidad at pagbibigay benepisyo sa lipunan. Pagkalinga sa ating likas na
yaman para sa kaginhawaan at kaunlaran. Pagkakaroon ng kapayapaan, pagtataguyod
ng pamahalaan sa pagkakaisa, transparency sa lahat ng batas at tapat na paglilingkod
ay lubos na dapat isinusulong.
● Sa aking pansariling kagustuhan para sa kinabukasan ay ang pagsusulong ng aking
pangarap at mithiin, maayos na kalusugan at pangangatawan, at maayos na relasyon sa
pamilya. Nais kong isulong sa aking sarili ang pangarap ko sa bilang isang artist kung
saan layunin ko ang ipakita ang aking talento sa sining. Mahirap man ito dahil sa ating
bansa unti-unti ng nakakalimutan ang sining at kultura, kaya hanggad ko sa susunod na
bukas ay maipamalas at ipagmalaki ko ang sining at pangarap na aking minimithi.
Gayunpaman, nais ko rin ang kaayusan sa aking pangangatawan at kalusugan. Hindi ko
magagawa ang mga bagay na aking minimithi kung ang aking kalusugan ay mapag
iwanan. Nais kong mapabuti at maging masigla upang maisakatuparan ko ang aking
mithiin. At panghuli ang mithiin ko para bukas ay para sa pamilya, pangarap na
magkaroon ng maayos na pamilya, at malalim na personal na koneksyon na nagmula sa
puso. Lahat ng ito ay aking mithiin para sa bayan at para sa sarili, layunin ko ay paglago
at kapayapaan na nagmumula sa aking puso.