NASKAH POP SANDIWARA SUNDA

CUPID COPID COPED

Karya : Tomi k k
 BABAK 1

ADEGAN DI MIMITIAN VISUAL BANG TIGOR JEUNG ANAK BUAHNA NYOPET WARGA KAMPUNG
MOJANG,SABERES VISUAL ASUP KANA ADEGAN KANG UCE

KATEMPO KANG UCE KEUR HEHEOTAN D BURUAN IMAH TEU LILA ASUP ESIH PAMAJIKAN NA
KANG UCE

UCE

(Heheotan bari nempoan kandang manuk anu kosong)

ESIH

(Esih nempo ka si kang uce bari gogodeg) astagfirullah...akang ari akang keur naon? Kawas nu
gelo ngobrol jeung kandang manuk nu eweuh manukan

UCE

(ret uce nempo lalaunan ka handap) Esih....naha ari maneh, ngarewaskeun pisan, jeung so
nyaho pisan da manuk akang mah teu ka mamana aya tatadi ge didieu

ESIH

astagfirullah tuh da si jurig mah ngadon ngomong kanu lain lain,era siah loba pelajar dihareup
teh, yeuh akang da maksud esih mah lain manuk nu eta,manuk anu dina jero kandang

UCE

naha emang akang ngomongkeun manuk nu mana kitu? Akang oge da ngomongkeun manuk nu
na jero kandang,Esih weh anu pipikirana kamana wae

ESIH

Ahh gandeng siah uce,esih mah katipu kawin jeng didinya

UCE

Eh naha katipu naon Esih ku akang?aya oge akang nu katipu ku si abah

ESIH

Naha beut mamawa si abah ? Emangna si abah nipu naon ka didinya?

 UCE

Yeuh dengekeun esih,baheula pas akang jaman bobogohan keneh jeng didinya si abah ngaku
ngaku juragan tanah di ieu lembur,boga tanah dimamana,ai pek teh abah didinya mah tukang
judi slot

ESIH

ari sia jurig (kang uce digebukan) wawanian ngahina si abah, aya ge didinya nu nipu ka urang,
ngaku ngaku kenal jeung rizki pebian, ari pek teh eta mah si tarman tukang endog meri, maenya
aya rizki pebian mamawa endog meri, katipu aing mah....katipu siah uce (bari neunggeulan
uce,uce lumpat nyumput tukangeun tangkal)

TEU LILA TOROJOL SI UNEH

UNEH

assalamualaikum.....

UCE & ESIH

Wa alaikum salam

UNEH

(Uneh ngadadak cerik ka Esih) ceu abi basa tadi isuk ka copetan

ESIH

Astagfirallah kacopetan dimana ari uneh?

UNEH

Kan basa uneh rek ka salon tadi isuk,uneh teh papanggih jeung 2 jelema dijalan,tuluy nanya
alamat,bari nepak kana tak tak,tidinya teh uneh teu sadar nanaon,pas tempo na uneh sadar
nyaho nyaho tas,hp jeung loket uneh geus euweuh, jelema anu 2 eta ge geus ngaleungit (uneh
cerik deui)

UCE

Wah...ilmu gundam eta mah

ESIH

gandeng siah uce,lain gundam tapi gendam,gundam mah pilem robot

 UCE

Tah eta maksud akang oge

ESIH

Geus gandeng uce......Uneh, Ari ciri ciri jelema anu 2 an eta apal keneh teu?

UNEH

Rarasaan mah apal ceu,pokona sa inget uneh mah 2 an eta teh......jelema

UCE

(Ambek ka uneh) Nya enya jelema atuh uneh,maenya bangkong

ESIH

Gandeng siah uce,montong dipake herey batur keur carita teh

UNEH

Heueuh sia teh uce

UCE

Uneh...!?

UNEH

Eh punteun kang

ESIH

Geus...geus....jadi kumaha atuh ayeuna uneh

UNEH

Astagfirallah,euceu....uneh teh hilap ta acan ngadamel cai kangge euceu sareung akang,karunya
ece sareung akang atos namu ta acan dipasian cai, sakedap nya uneh ngadamel cai heula
kabumi(uneh rek asup ka imah kang uce)

UCE

Uneh rek kamana? Ieu mah imah kuring

 ESIH

enya ari uneh jugjug rek ka imah kuring

UCE

ari uneh kunaon lieur?

ESIH

nya ari uneh lieur ?

UCE

Gandeng Esih,nunutur akang ngomong wae

UNEH

Nya ari sia Esih

ESIH

Uneh!?

UNEH

Eh punteun ceu,kaceplosan,ceu punteunnya manawi teh ieu bumi na uneh,uneh mah da tadi
teh niat bade uih kabumi naha jadi los los kadieu nya, mangga ceu...mangga kang(uneh ngaleos
indit balik,esih jeung uce ngahuleung ningali uneh)

UCE

Naha ai uneh siga jelema owah,datang teu di ondang indit teu diantar

ESIH

puguh weh jalangkung,geus ah Esih rek neangan heula suluh ka jero leuweung,suluh di imah
geus tereh beak,nitip sangu bisi tutung,mun geus asak pang parinkeun kana wadah sangu

UCE

Enya sayang kuh cintakuh

(uneh ekspresi rujit ngadenge uce ngarayu bari asup ka jero imah mawa samping,tuluy kaluar
deui,pas uneh rek ka luar panggung digeroaan deui ku uce bari semu genit)

Esih....moal pang nyieunkeun kopi heula ieu teh?

 ESIH

(Semu kesel) Naon?kopi?aduh si kasep teh hoyong ngopi?mangga ku esih

dipangdamelkeun.....namung ngangge areng nya,kumargi kan kopi na teh seep ta acan tiasa
ngagaleh deui,kumargi kan silaing teu gawe,pagaweana nyoo manuk hungkul

UCE

astagfirallah meni kejam dirimu pada kakanda teh Esih

ESIH

Nya matakan ge gawe,tong ngurus manuk wae,meh bisa meli kopi jeung pabrik pabrikna,geus
ah Esih rek indit heula,bisi kaburu burit (Esih indit kaluar panggung,pas keur rek kaluar pisan
digeroan ku kang Uce)

UCE

Esih (esih malik ka kang uce), Assalamualaikum

ESIH

Wa alaikum salam

UCE

(Nyarita ka penonton) dasar pamajikan aneh, hobina teh nenggelan salaki,awas siah mun aya
kasempeutan dibales ku kuring,geus ah mumpung si esih keur ka leuweung urang rek mandi
heula,jadi pas mandi beres,sangu asak,langsung dahar,uhh...nikmatna hirup

(UCE ASUP KA JERO IMAH,TEU LILA ASUP AJUDAN BU KADES)

ANA JENG EBEL NYIEUN GIMIK SUKU KA TINCAK

ANA

(Bari sukuna nyeri) nanaonan ari maneh ana? Jugjug nincak suku urang.

EBEL

Kamu nanya....kamu bertanya tanya.....aarrrrrrrg (musik tiktokcepmek)

ANA

Heup...heup...heup, ari maneh nanaonan ebel? Tingali era ku penonton dasar korban tiktok sia
geus ayeuna mah eta tingali na google urang teh aya di mana
 EBEL

siap laksanakan( ngomong jeung hp) google

GOOGLE

iyaah ebel

ANA

dimanakah kita sekarang?

GOOGLE

Kamu nanya...kamu bertanya tanya.(asup musik tiktok cepmek)

ANA

Heup...heup...heup,ngges...ngges...ngges hp jeung nu bogana sarua gelona ges ayeuna mah

make hp urang we (ana ngaluarkeun hp na) google

GOOGLE

Iya ana?

ANA

Arurang teh ker aya d desa naon

GOOGLE

Kalian sedang di desa mojang

EBEL

ahhh gening arurang teh ker aya di desa mojang,ana cik tanyaken ka google sugan google mah
apaleun dimana lokasi dukun sakti

ANA

Okeh,google cik panagneangankeun lokasi dukun sakti

GOOGLE

Lokasi dukun sakti pergi ke arah barat terus belok ke kiri,belok kanan,ada pohon jambu nah
disituh lokasi dukun sakti
 ANA

tah bel,lokasi dukun sakti ges ka panggih

EBEL

tanyaken hela aya teu dukun sakti na di imah

ANA

okeh,google dukun saktina aya teu di imahna?

GOOGLE

maaf,dukun saktinya sudah meninggal

ANA&EBEL

(Ana dan ebel kesel) euuhhhh, teu baleg siah google

TEU LILA KANG UCE KALUAR TI JERO IMAH GES BERES MANDI,KATEMPO KU SI ANA

ANA

bel,itu aya warga kampung dieu hayu urang tanyaken weh k si eta sugan apaleun dimana dukun
sakti

EBEL

hayu

ANA&EBEL NGADATANGAN KANG UCE

EBEL

excusme

ANA

montong make bahasa inggris sateh,ges cicing ku urang weh (ka kang uce) permisi,nepangkeun
nami abi ana

EBEL

Nami abi ebel

 ANA&EBEL

kami anabel

UCE

urang teu paduli (uce indit ka bale bale)

ANA&EBEL SILIH PELONG TULUY SILIH MERE KODE JANG NGADEKETAN SI KANG UCE DEUI

ANA

permisi kang,urang duaan teh nuju milari dukun sakti, sugan akang aya ka wawuhan

EBEL

tah mun akang boga ka wawuhan bakal di bere hp ieu jang depe ngke mun urang duaan geus
bisa panggih jeung eta dukun bakal di bere hadiah ratusan juta rupiah

UCE

(Uce kabita kana tawaran eta) penonton akhirna urang bakal jadi jelema benghar jeng ka
beneran urang bakalan nuntasken dendam urang ka si esih (uce nyamperkeun ka ajudan) hei
maraneh,urang apal dimana lokasi dukun sakti eta ,. Ku urang bakal dibejaan asal hp eta
kadieuken hela (ebel miken hp na,sedengken si uce atoh menang hp anyar)

ANA

Tah hp na geus dibikeun ayeuna geura tunjukeun dimana lokasi dukuna?

UCE

Siap,jadi kieu di kampung ieu aya dukun sakti pisan,bisa nyageurkeun sagala panyakit,hobina
teh sok ulin kajero leuweung jeung boga sifat rendah hati pisan,manehna mah embung ngaku
jadi dukun sakti,hiji hijina cara meh ngaku kudu di gebugan heula

EBEL

wow very very amazing

ANA

Terus ayeuna dukuna dimana?

UCE
 ayeuna keur aya di jero leuweung

EBEL

hayu atuh ana jangan banyak lama,urang buru buru panggihan si dukun bisi kaburu ngalengit

ANA

hayu

ANA&EBEL

Permisi,kami pamit pergi

ANA&EBEL INDIT KALUAR PANGGUNG,SEDENGKEUN KANG UCE NYONYO'O HP ANYARNA TEU

LILA ASUP COPED NGAHIPNOTIS UCE,TULUY HP NA DICOKOT KU COPET,COPET INDIT KALUAR
PANGGUNG

UCE

Coped...!!!

UCE NGUDAK COPED KALUAR PANGGUNG

BABAK 2

ADEGAN PASOSORE REK ASUP KA MAGHRIB,KATEMPO ESIH KEUR NGALAAN SULUH

ESIH

( nyanyi lagam dangdut angka satu - caca handika)

Ngala suluh sorangan....ngangkut suluh sorangan.....balik oge sorangan

Sagala ku sorangan....(eren nyanyi)

Penonton....nasib jadi awewe wonder woman mah kieu,kudu bisa sagala ku sorangan,rek
ngandelkeun salaki,lain andelkeuneun lalaki jiga kitu mah,pagawean sapopoe nyo'o manuk,tara
pisan gawe (nempo ka langit) aeh geuningan teu karasa geus rek burit deui,kudu gancang
gancang balik ieu mah,bisi kaburu poek dijalana (luak lieuk) penonton,jaba ceunah mah tempat
ieu teh angkeur mun geus liwat maghrib,euceu pamit heula weh nya (esih rek kaluar panggung
tp ngadadak lampu poek,tuluy kadenge sora anu ceurik) astagfirallah,saha eta nu ceurik,sorana
 mah asa leubah ditu (esih ngadeketan kana sora ceurik,teu lila katempo awewe make baju
bodas keur ceurik dijuru,esih nempo awewe eta reuwas kacida tuluy ngajorowok)

ESIH

jurig...!!! (Esih lumpat balik deui ka panggung dituturkeun ku neng dini,bari sarua gogorowokan
jurig)

ESIH JEUNG NENG DINI NGADON NYARUMPUT BARI SILIH TUNJUK JURIG,TEU LILA ASUP JANG
DARMAN, PAS ASUP JANG DARMAN ESIH JEUNG NENG DINI NUNJUK KA JANG DARMAN BARI
NGAGOROWOK JURIG BARI NYUMPUT

JANG DARMAN

heup....heup....Neng nanaonan nyumput sagala?ieu akang

ESIH

Jang Darman?

JANG DARMAN

Ceu Esih?nuju naon didieu ceu?

ESIH

Eceu mah bieu geus neangan suluh jang,tuluy rek balik,tp teu lila eceu teh ngadenge sora
ceurik,pas eceu teang sora eta,eceu papanggih jeung jurig eta jang (bari nunjuk ka si neng dini)

NENG DINI

Sanes jurig abi mah ceu

JANG DARMAN

Enya ceu,eta mah Dini murangkalih na bu kades (ka dini) Neng,kadieu (neng nyamperkeun
Darman) nepangkeun ieu ceu Esih tatangga akang

DINI JEUNG CEU ESIH TULUY SALAMAN

ESIH
 Neng,ai neng nanaonan atuh ceurik ditempat angker kieu?

NENG DINI

Sataacana abi Hampura ceu,tos nyieun eceu reuwas,abi ceurik teh kusabab abi alim
dijodohkeun jeung bandar jengkol pilihana si mamah ceu,abi mah hoyong nikahna sareung kang
darman

ESIH

Darman? (Esih nempo darman tuluy nempo dini) Cieh...cieh...darman boga kabogoh oge
akhirna (ka neng dini) yeuh neng,eceu mah apal pisan basa jang darman leutik keneh,masih olo
leho bari jeung sok ceurik wae budak teh (esih bari seuseurian)

JANG DARMAN

Atos atuh ceu,pan eta mah basa kuring leutik keneh,ayeuna mah kuring geus gede jeung
perkasa

ESIH

heueuh ayeuna mah ujang teh geus gede deui nya teu karasa,tuluy kumaha atuh masalah
percintaan maraneh duaan ayeuna?

NENG DINI

Masalah perjodohan mah samentara tiasa neng hindari ceu,kamari sa acan neng kabur ti
imah,neng teh pura pura geuring,teu bisa ngomong,jadi si mamah ngundurkeun lamaran si
bandar jengkol, neupi ka neng sehat,tapi neng moal bisa lila pura pura geuring ceu,pasti
kapanggih

JANG DARMAN

Nya ceu mun bisa mah euceu bantuan urang duaan,neangan cara ameh perjodohan si neng ka
bandar jengkol teh dibatalkeun

ESIH

Oh kitu nya,kela eceu berpikir heula (ngomong dina hate) sigana urang kudu nulungan karunya
soalna

NENG DINI

Enya tulungan atuh ceu (ngomong dina jero hate)

 ESIH

Enya kela ieu ge keur mikir carana (ngomong dina jero hate)

NENG DINI

Ayo ceu,eceu pasti bisa (ngomong dina jero hate)

ESIH

Enya kela tong di gurunggusuh atuh (ngomong dina jero hate)

JANG DARMAN

Geus atuh ngbrolna tong dijero hate,ngobrol langsung weh da padeukeut (ngomong dina jero
hate)

ESIH

Eh...geus...geus ngadon arasup kana pikiran obrolan teh,oke eceu akan membantu kalian
berdua, carana kieu

NENG DINI

Astagfirallah akang,itu siga aya nu kadieu,dedegana mah siga ajudana si mamah,akang hayu urg
nyumput

JANG DARMAN

Ajudan si mamah?naha bisa datang ka tempat ieu?ceu pokona eceu kudu nulungannya,urg
duaan rek nyumput heula,ke mun ajudana geus areuweuh urang ngbrol deui

ESIH

heueuh atuh sok geura nyarumput heula,eceu rek pura-pura jadi tangkal meh teu kapanggih

JANG DARMAN JEUNG NENG DINI TULUY INDIT NEANGAN TEMPAT

PANYUMPUTAN,SEDENGKEUN ESIH NYAPERTIKEUN TANGKAL MEH TEU KANYAHOAN KU DUA
AJUDAN ETA,TEU LILA DATANG AJUDAN KA TEMPAT ESIH CICING

ANA

Bel,tingali sigana dukun sakti teh eta

 EBEL

Nya yakin pisan sigana mah eta,boa manehna keur tapa eta teh

ANA

Hayu atuh urg gebukan ayeuna mumpung manehna keur tapa

EBEL

Kela ulah maen gebuk wae,bisi salah sasaran kita teh,mending urang tanya heula

ANA

Heueuh sok tanya atuh ku maneh

EBEL

Oke (ebel nanya ka esih) hey,saha anjeun?

ESIH

Abi tangkal

EBEL

Tabgkal?mun kitu mah Abi cak cak

ANA

Ebel...!!! maneh mah ngadon dihereykeun,dieu heula.Tuh kan,bener ceuk si akang nu tadi
panggih,dukun sakti sok tara daek ngaku,hayu urang gebuk weh,tapi mun digebuk tihareup
pasti kapanggih

EBEL

Tenang,serahkan sama ebel (Ebel ngadeketan ka esih bari pura pura) duh na teu kuat hayang
kahampangan euy,sigana mun kahampangan dina tangkal eta,ngeunaheun

ESIH NU REK DI KIIHAN KU EBEL NGORENJAT

 ESIH

Ehh...rek naon siah,ngadon rek ngiihan kuring

EBEL

Eh naha aya tangkal bisa pindah,na hayu buru urang eksekusi

ANA

Hayu...!!!

ESIH DIGEBUKAN KU ANA&EEBEL

ESIH

Heup heup naha maraneh jugjug nenggelan kuring

EBEL

Eceu dukun sakti kan?

ESIH

Dukun sakti?kuring mah lain dukun sakti

ANA

Bel eksekusi lagi

ESIH DIGEBUKAN DEUI

Heup heup nya nya kuring dukun sakti

EBEL

Nah kitu atuh ceu,jadi kan kita tidak harus ada pertumpahan darah

ANA

Lantaran eceu geus ngaku jadi dukun sakti,hayu milu urang duaan ka imah bu kades,jang
nyageurkeun panyakit budakna,mun eceu bisa nyageurkeun budakna bu kades,eceu bakalan
menang imbalan hadiah duit ratusan juta

ESIH
 duit ratusan juta?loba pisan eta mah,kela (dina jero hate)aduh padahal kuring lain dukun,tapi
nempo hadiahna ratusan juta mah,bae ah kuring rek pura pura jadi dukun sakti,jaba pasiena
teh budakna bu kades?kan budakna bu kades mah si neng dini,sedengkeun si neng dini mah
apanan ngan pura pura geuring,atuh gampang ieu mah nyageurkeuna (ka ajudan) oke hayu urg
ka imahna bu kades

ANA,EBEL & ESIH KALUAR PANGGUNG,TEU LILA ASUP DARMAN JEUNG DINI

DINI

Akang tadi ngadangu obrolan ajudan si mamah jeung ceu esih?

DARMAN

Ngadangu neng,ayeuna mah neng kudu buru buru balik ka imah sa acan ajudan mamah neng
jeung ceu esih nepi,ke si ceu esih bakalan ngabantuan,tenang ke akang pantau ti jarak jauh

DINI

Nya atuh kang mun kitu mah dini uih heula nya,doakaeun mudah mudahan si mamah bakal bisa
ngarubah rencana perjodohoan ieu

DARMAN

Aamiin neng,sok geura uih ayeuna mah hati hati dijalana

DINI

Muhun kang

DINI JEUNG DARMAN KALUAR PANGGUNG

BABAK 3
 DI BURUAN IMAHNA BU KADES,KATEMPO ONAH ART NA BU KADES KEUR NEMPOAN HP,TEU
LILA NENG DINI TOROJOL,NENG DINI NU NEMPO ONAH DIBURUAN IMAH BURU BURU
NYUMPUT TULUY NEANGAN JALAN ASUP KA IMAH SANGKAN ONAH TEU NEMPOEUN

ONAH

(Onah maca warta dina hp) Pemerintah menyudahi ppkm diseluruh wilayah,alhamdulilah tah
geuning akhirna teror si copid teh berakhir juga,penonton meski copid geus ngalengit tapi tetep
arurang kudu ngajaga kabersihan ameh teu gampang kaserang panyakit,(onah heuay tunduh)
ah kamana si nyonya teh,eta si bu kades wayah kieu can aya balik wae ka imah,nya nggeus
ayeuna mah,ngenahna bari nungguan,kuring sare heula sakedeng (onah sare dina korsi)

TEU LILA TI ONAH SARE,BU KADES BALIK TULUY NEMPO KA SI ONAH ANU KEUR SARE,BARI
KEUKEUTEUYEUPAN BU KADES NGAREUWASKEUN ONAH

BUKADES

Onah....!!!!

ONAH LANGSUNG HUDANG BARI GOGOWOROKAN TULUY NYUMPUT

ONAH

Sok siah gelut jeung aing siah..!!!

BU KADES

Astagfirallah kacida si onah,maenya sageulis geulis kieu di ajak gelut (bu kades nyamperkeun
deui ka tempat onah nyumput) Onah...!!!

ONAH

Aeh geuningan juragan,sugan onah teh musuh, punteun juragan

BU KADES
 Makana,tong loba nonton film kungfu,jadi kitu sagala nu katempo teh disangka jurig,geus
ayeuna mah urang siap siap,kan si neng teh isuk patepang tahun,urang siapkeun sagalana,meh
si neng teh bagja bahagia

ONAH

Aeh nya juragan,neng teh ulang tahunnya,pokona doa ti onah mah neng sing katampi iman
islamna

BU KADES

Aamiin....eh siah Onah,kamana wae doa teh,emangna si neng teh geus maot,lain kitu doa na

ONAH

Aeh punteun juragan,onah salah doa,pokona mah DBD kangge neng

BU KADES

Onah...!!!naon los los kana DBD, DBD mah singkatana demam berdarah maneh teh onah,lain
DBD tapi HBD happy birthday,geus ah capruk wae,kumaha si neng geus cageur?geus daekeun
kaluar kamar?

ONAH

Ta acan juragan,neng masih mengurung diri dikamar terus, sigana mah panyawat neng teh
masih sapertos kamari juragan,alim wae tuang

BU KADES

Aduh kumaha nya si neng teh,sugan dua ajudan nu ku kuring kirim jang neangan dukun sakti
berhasil.

ONAH

Aamiin juragan

TIKAJAUHAN KADENGE SORA MA WET ANU KEUR NYAREKAN INCUNA

MA WET
 Ceuk ema oge naon,tong loba teuing dahar es jadi geuring covid sia teh (ma wet asup
panggung) isuk isuk dahar es,berang dahar es,peuting dahar es

BU KADES

Ma...!!??

MA WET

Gandeng tukang es

QILA

(Ceurik) ma itu mah bu kades

MA WET

Aeh,hampura bu kades,manawi kuring teh tukang es

ONAH

Nya sugan onah oge ieu teh tukang es

BU KADES

Onah,cicing maneh teh (ngomong ka ma wet) nya teu nanaon ma,aya naon ma?magrib kieu
ambek ambekan

MA WET

Ieu bu kades,tah si qila incu ema,ti saprak ngadaharan es wae jadi geuring flu batuk,awakna
panas,sigana ieu mah gejala covid bukades

ONAH

covid???alah siah juragan,onah kudu nyumput dimana?

BU KADES

Astagfirallah onah,ngadon rek nyumput,cicing onah (ka ma wet) tong heula menyimpulkan
kadinya ma,bisi weh emang si neng qila mah teu damang biasa gara gara seer teuing tuang es

QILA

Bu kades,ema mah emang kitu,trauma pisan kana nu namina covid teh,di bumi ge bade
panyawat naon wae pasti weh di sebut na covid
 ONAH

Aduh bu kades onah ngadadak nyeuri suku

Ma wet

Tah covid oge siah

ONAH

Aduh nyeuri hulu oge

Ma wet

Astagfirallah covid parah eta mah

ONAH

nyeuri huntu

MA WET

Covid

ONAH

Rorombeheun

MA WET

Covid

ONAH

Nyeuri kelek

MA WET

Covid

BU KADES

Onahh...!!?? Ngadon di jieun herey,cicing

ONAH

Punteun juragan,da resep atuh,sagala panyawat disangkana covid ku ma wet mah

 MA WET

Covid...covid....covid

QILA

Tuh bu kades,saleresna mah ema abi teh stress gara gara covid nu atos merenggut nyawa
carogena,aki abi bu kades,aki teh di vonis covid,padahal geuring na teh ambeyen hungkul,duka
kumaha aki abi tiasa maot,da keluarga oge teu kenging ka lebet ruang karantina

ONAH

(Ceurik)

BU KADES

Geus onah tong sedih kitu

ONAH

Onah mah sanes ceurik ku caritana si qila juragan,tapi gara gara suku katincak

BU KADES

Euhh...teu baleg maneh mah,sok tara serius nanaon teh

ONAH

.punteun juragan

QILA

Nya atos atuh juragan pami kitu mah abi pamit uih heula,ieu bade nyandak ema enggal enggal
kabumi,tos waktosna tuang obat

BU KADES

Muhun atuh neng,sing ati ati dijalana nya,hawatos tos magrib

QILA

Muhun bu kades,hatur nuhun,marangga

BU KADES & ONAH

Mangga
 QILA

Hayu ma urang uih

MA WET

Covid....covid...covid

QILA & MA KALUAR PANGGUNG TEU LILA ASUP ANA,EBEL, JEUNG ESIH KA PANGGUNG

ANA & EBEL

Lapor juragan kami sudah menemukan dukun sakti

ESIH

Leres juragan nepangkeun kuring dukun sakti mantraguna,sagala panyawat tiasa ku abi di
sembuhkan

BU KADES

Alhamdulilah tah geuning anu diantos antos teh parantos dongkap,onah bawa neng
kadieu,ameh dipariksa ku ieu dukun,sakalian mawa deui bangku

ONAH

Muhun juragan

ONAH ASUP KA JERO IMAH

IBU KADES

Mangga ceu dukun calik heula sambil ngantosan murangkalih abi kadieu

ANA & EBEL

 Siap juragan

ANA & EBEL TELENYENG DIUK DINA BANGKU, BU KADES NU NEMPO KAJADIAN ETA KESEL

JURAGAN

Ana...ebel...lain maraneh anu diuk teh,maksud kuring teh itu dukun sakti na

ANA & EBEL

Aduh punteun juragan (ana & ebel mawa dukun sakti sina diuk dina bangku)

BU KADES

Sateacana hapunteun ceu dukun,simkuring narima semah na diluar,da mun di lebet bumi
mah,nju pabalatak

ESIH

Teu sawios juragan raoseun diluar ge tiis

ONAH ASUP KAPANGGUNG DI TUTURKEUN KU NENG DINI

ONAH

Juragan ieu neng dini

BU KADES

Kadieu geulis,calik didieu

SABOT NENG DINI REK DIUK,ESIH BURU BURU NYAMPERKEUN NENG DINI,TULUY NARIK KA SISI
PANGGUNG BARI NGAHAREWOS

ESIH
Neng tenang ku eceu dibantuan sangkan neng jadi jeung kang darman,neng mah nya nya weh
mun ku eceu ditanya oke

NENG DINI

Oke ceu

ESIH

(Ngadadak pura pura mariksa si neng dini) wah...wah...aura negatif na gede pisan ieu
mah,bahaya....bahaya, hayu neng diuk heula

NENG DINI & ESIH DIUK

ESIH

Punteun juragan nembe abi ngadadak ningal aura negatif di neng dini makana ku abi langsung
di piceun si aura negatif na,supados henteu menyebar ka arurang sadayana

IBU KADES

Wah...hebat pisan,teu salah maneh ana...ebel mawa dukun sakti nu ieu mah

ANA

Ana tea

EBEL

ebel tea

ANA & EBEL

Anabel...!?!?

BU KADES

Tuluy kumaha ceu dukun?

ESIH

Sakedap juragan urang pariksa sumber panyakitna timana

 ESIH PURA PURA MARIKSA SI NENG

ESIH

Neng,mun karasa panas jeung nyeuri unggeuk nya

NENG DINI UNGGEUK

ESIH

(Nunjuk kana hulu) ieu karasa panas teu? ( neng dini ngoyagkeun sirah ) nu ieu nyeuri teu
(nunjuk kana suku, neng dini ngoyagkeun sirah deui) hmmmm....nu ieu panas teu (neng dini
ngaluarkeun ekspresi nyeuri jeung panas,Esih ngagorowok bari atoh) Tah,kapanggih siah
sumber panyakitna

BU KADES

Astagfirallah,si neng kaserang panyakit jantung ceu dukun?

ESIH

Lain panyakit jantung juragan,si neng kaserang panyakit hate alias cinta

BU KADES

Maksadna si neng teh keur jatuh cinta?

ESIH

Leres pisan bu kades,tenang panyawat kieu mah kudu dicageurkeun ku jin piaraan
kuring,nyaeta jin cupid,bu kades apal cupid? (BU KADES NGOYAGKEUN HULU NA DEUI) Cupid
teh dina sajarahna mah dewa cinta,urusan cinta pasti beres ku cupid mah,kela kuring geroan
heula jin cupid na

ONAH
 Alah siah juragan,onah nyandak heula cai sa ember nya

BU KADES

Jang naon maneh teh onah?

ONAH

Ngabanjur eta dukun,bisi kasurupan

BU KADES

Lain kasurupan ieu mah onah,tapi keur ngubaran

ESIH PURA PURA KA ASUPAN JIN CUPID

ESIH

Garandeng maraneh (KABEH NGADADAK REUWAS,ESIH NUNJUK KA ONAH) maneh elizabeth

gandeng

ONAH

ngaran abi mah onah sanes elizabeth

BU KADES

ssstttt onah

ESIH

Maneh bu kades nya,indungna awewe ieu

BU KADES

Sumuhun ceu dukun

ESIH

Aing lain dukun,aing jin cupid

EBEL
 Aing maung

ONAH

Aing cucurut

BU KADES

Ebel....onah nanaonan ai maraneh,ngadon ngagandengan,arasup kaditu ka jero imah,ana bawa

si ebel jeung si onah kajarero imah

ANA

Siap juragan....hayu ebel...hayu onah

ANA...EBEL...ONAH ASUP KA JERO IMAH

ESIH

Heh,bu kades maneh tong wawanian maksa si neng kawin jeung bandar jengkol

BU KADES

Hah,naha bisa apal soal perjodohan eta?

ESIH

Kuring kan jin cupid,jadi bisa apal kana sagala masalah cinta,jadi mun si neng hayang
cageur,jodohkeun si neng jeung lalaki nu ngarana darman

BU KADES

Darman?saha darman teh?

JANG DARMAN ASUP KA PANGGUNG

DARMAN
 Abi nu namina darman

NENG NU NINGALI DARMAN DATANG TULUY LUMPAT NYAMPERKEUN DARMAN

BU KADES

Neng...!!!

BU KADES NYAMPERKEUN NENG JEUNG DARMAN,ESIH NU NEMPO ETA BURU BURU NARIK BU
KADES KA SISI ANU LAIN

ESIH

Juragan tenang heula,hayu mending calalik heula,hayu neng....jang (kabeh dariuk,teu lila
kadenge sora ma wet covid covid na)

MA WET

Covid...covid...covid (nempo ka esih) Esih?naha aya esih daidieu?

BU KADES

Esih?saha esih teh ma?

MA WET

Ieu bu kades,esih masih keneh dulur ema ieu mah

BU KADES

Dulur ma wet?ieu mah dukun sakti

MA WET

(Seuri) dukun timana bu kades,si esih mah nempo jurig ge sieuneun,sapopoe na ge tukang
ngalaan suluh
 BU KADES

Astagfirallah jadi dukun palsu ieu teh?Ana....ebell...!!!

ANA & EBEL ASUP KAPANGGUNG

ANA & EBEL

Siap juragan

BU KADES

Ieu bawa si dukun palsu ka kantor polisi

ANA & EBEL

Siap juragan

NENG DINI

Stop...!!! Ana ebel lepaskeun ceu esih

BU KADES

Neng,akhirna neng tiasa nyarios oge

NENG DINI

Mamah,abi salami ieu teh ngan pura pura teu nyarios,kusabab neng alim dijodokeun jeung
bandar jengkol pilihan mamah,

BU KADES

Neng

NENG DINI

trus ceu esih teu salah mah

BU KADES

Neng

NENG DINI
 ceu esih mah dipiwarang ku neng jang ngabantuan neng saangkan perjodohan ieu
dibatalkeun,da neng mah hoyong nikahna jeung kang darman

BU KADES

Neng...!!!makana dangukeun heula mamah geura,neng soal perjodoan mah ku mamah ge tos
dibatalkeun ti saprak neng teu damang,mamah ge apal neng sakit gara gara perjodoan
eta,mamah sadar kapentingan anak mamah leuwih penting daripada egois na mamah

NENG DINI

Jadi mamah nga restuan hubungan abi jeung kang darman?

BU KADES

Nya enya atuh neng,jaba darman ganteng kieu,mamah mah satuju pisan (kabeh Alhamdulilah)

ASUP COPED

COPED

Assalamualaikum,,Selamat malam maaf mengganggu jadi begini,apakah saudari saudari

sekalian tau alamat ini?

ESIH

Kela kang,bu kades janteun abi bebas atuh

BU KADES

Muhun ceu,eceu bebas, sabab berkat jin cupid masalah keluarga kuring jadi beres

ESIH

Yesss...Cupid tea (ebel bersin)

MA WET

Copid
LUMPAT UNEH JEUNG UCE KA JERO PANGGUNG BARI NEMPO KA COPET

UNEH & UCE

COPET...!!!

TAMAT