Counselling pe tura hriat ngai zualte:

Thiam taka counselling pe thei tur hian thil thiam ngai neuh neuh a awm nual a. Tha taka counselling pe thei
tur chuan counsellor-in he’ng thiam ngaite hi a thiam ngei tur a ni. Counselling hi thil hriat damlo te hnenah
hlan chhawn tawp a ni lo a. Uluk taka tih ngai a ni a.

Thusawi Ngaihthlak Thiam:

Counselling pe tur chuan mi thusawi lo ngaihthlak thiam hi thil pawimawh tak a ni. Tha taka counsellor-in
client a ngaihthlak hian, client chuan ngaihsak hlawh a ni tih a inhre thei a. Hei hian counselling chu a ti sawt-
in client leh a counsellor inkar ah inrintawnna a awm tir thei. Client thusawi ngaihthlak lai hian counsellor-in
a client mita en hi a pawimawh hle bawk. Counselling pek laiin, ngaihtuahna la peng tu thil a awm chuan,
hmun dang daih a dah bo ni se, chu chuan counselling boruak a siamtha sawt dawn a ni. Mit kher a in en
pawimawhna chhan chu, counsellor in a client ah rilru zawng zawng a pe thei zawk dawn a ni. Chutiang
vekin, a hun taka lu han buk nghauh nghauh nachang hriat hi a tha bawk, hei hian chu client hnenah chuan a
thusawi leh amah kan ngaihsak a ni tih a hriattir dawn a ni. Client lama kan lu kan thlek a, kan buk nghauh
nghauh leh client nen a kan inkawm hian boruak a siam zangkhai nge a tirit zawk ngaihtuah tel a tha.
Counselling pek laiin a tihna hmun ah vei kual chhen tur a nilo a, a chhan chu client rilru a lak pen theih vang
a ni. Bakah, counselling neih mek ah rilru a pek that theih dawn loh vang a ni. Client ngaihthlak kha
tawngkam awm miahlo a inbiak pawhna chi khat a ni a. Counsellor-in hmel nelawm a putin, thinlung taka
inpawhin counselling a kalpui theih phah thin a. Counselling pek laiin uluk taka ngaihthlak thiam hian
inrintawnna a pian tir thei a; chu bak ah, client te kha in hawng sawt in an rilru a an thil pai/thil vei te pawh
ngampa takin an rawn phawrhchhuak thei a, an thinlung sukthlek dan pawh counsellor hmuh theih turin a
pholang ngam thin; chu chuan counselling chu rawn ti sawt in, counsellor in client chungchang pawimawh a
hriat theih phah dawn a ni.

Midangte dinhmuna in dah thiamna:

Counsellor-in mi dangte dinhmuna amah indah chhin dan a thiam chuan, eng tin nge an rilru sukthlek dan, eng
tin nge thil an thlir a, eng dinhmunah nge an din tih a hriatthiam theihna’n a pawimawh em em a. Heta
chhinchhiah ngai chu, ‘empathy’ leh ‘sympathy’ hi thil inang lo an ni tih hi. Empathy chu mi dangte
dinhmunah mahni indin tira, an rilru awm dan tur hriatthiamsak hi a ni a. Sympathy hi chu counsellor in client
te chunga ngilneihna a lantir a, hlut thiam leh kawm tawk a thiam hi a ni mai.

Hei vang tak hian counsellor chuan counselling a tihin mi khawngaih leh mi hmakhua a ngaihsak in-an lohna
hi an hriat chian a ngai hle. Mi hriatthiamna hi a awm ngawt lo a. Counsellor-in hriatthiamna a neih chuan
client nen thuk zawkin an inpawh thei anga, chu chuan a client tan chuan thahnem a ngaihna a tizual sauh
dawn a ni. Mi dinhmun hriat thiamna tih hian client awm anga va awm tur tihna leh an tih ang tih ve tur tihna
a ni lo a. Client ngaihsak tih-lan dan tur chu—tawngkam leh chetzia in a lantir theih a, an thusawi tawngkam
dang deuh hlek hmanga han chhui letpui a, an thinlung insukthlek vel dan tur han ngaihtuah chian leh an thil
sawi tum ni-a han hriat han chhui chiansakte hi a ni.
Mi dang biak pawh thiam:

Mi chi hrang hrang tha taka kawm thiam tur chuan counsellor-te tan hian tawngkam dik hman thiam hi a
pawimawh em em a. An client-te an kawma thil an zawhna te, zawh dan tur dik tak a zawh te a client
nungchang uluk takin an lo chhinchhiah a. Client pawhin nuam an ti thin hle bawk a ni.

Inkungkaihna siam thiam:

Counsellor te’na an thiam ngai chu mi hrang hrang te nena inkungkaihna tha siam thiam hi a pawimawh hle a,
mi chi hrang hran, a bikin thalai te, naupangte leh nu leh pa te. Counselling inpek chhung hi a chang chuan a
thlaa thla tel te a ni thei a. Chutiangah chuan counsellor hian tluang taka counselling a pek theihna’n a client-
te nen inpawhna tha a neih hi a pawimawh bawk a ni.

Harsatna chin fel thiamna:

Counsellor-te hian harsatna rawn awm te tha taka an chin fel thiam a ngai a. An client-te’n hma an sawn ngei
theihna turin thil tih dan tur kawng te an lo hriat lawk a, an hman tangkai thiam a ngai bawk. Harsatna chin fel
dana mi’n an lo hman tangkai thin te tam tak a awm a, counselling a tih tawh thin atang pawhin tam tak chu a
inzir belh zel thei ve thin a ni.

Chhut chhuah thiam:

Counsellor tana thil hriat ngai chu an harsatna neih thil dang atanga chhui chhuah thiam hi a ni a. Chu chuan
counsellor chu a client enkawl lai harsatna neih chhan te, counselling pek a ngaihna chhan te a chhuitir thiam
ngei ang.