Yamashtakam from Narasimhapurana

యమాష్టకం నరసింహపురాణే

Document Information

Text title : yamAShTakam 2 narasiMhapurANe

File name : yamAShTakamNP.itx

Category : aShTaka, purana, stotra, deities_misc

Location : doc_deities_misc

Proofread by : Singanallur Ganesan singanallur at gmail.com

Translated by : https://archive.org/details/NarsimhaPuranGitapress

Description-comments : Narasimhapurana adhyAya 9

Latest update : June 6, 2013

Send corrections to : sanskrit@cheerful.com

This text is prepared by volunteers and is to be used for personal study and research. The
file is not to be copied or reposted without permission, for promotion of any website or
individuals or for commercial purpose.

Please help to maintain respect for volunteer spirit.

Please note that proofreading is done using Devanagari version and other language/scripts
are generated using sanscript.

September 14, 2022

sanskritdocuments.org
 Yamashtakam from Narasimhapurana

యమాష్టకం నరసింహపురాణే

శ్రీవ్యాస ఉవాచ –
స్వపురుషమభివీక్ష్య పాశహస్తం వదతి యమః కిల తస్య కర్ణమూలే ।
పరిహర మధుసూదనప్రపన్నాన్ ప్రభురహమన్యనృణాం న వైష్ణవానామ్ ॥ ౧॥
అహమమరగణార్చితేన ధాత్రా యమ ఇతి లోకహితాహితే నియుక్తః ।
హరిగురువిముఖాన్ ప్రశాస్మి మర్త్యాన్ హరిచరణప్రణతాన్నమస్కరోమి ॥ ౨॥
సుగతిమభిలషామి వాసుదేవాదహమపి భాగవతే స్థితాన్తరాత్మా ।
మధువధవశగోఽస్మి న స్వతన్త్రః ప్రభవతి సంయమనే మమాపి కృష్ణః ॥ ౩॥
భగవతి విముఖస్య నాస్తి సిద్ధిర్విషమమృతం భవతీతి నేదమస్తి ।
వర్షశతమపీహ పచ్యమానం వ్రజతి న కాఞ్చనతామయః కదాచిత్ ॥ ౪॥
నహి శశికలుషచ్ఛవిః కదాచిద్విరమతి నో రవితాముపైతి చన్ద్రః ।
భగవతి చ హరావనన్యచేతా భృశమలినోఽపి విరాజతే మనుష్యః ॥ ౫॥
మహదపి సువిచార్య లోకతత్త్వం భగవదుపాస్తిమృతే న సిద్ధిరస్తి ।
సురగురుసుదృఢప్రసాదదౌ తౌ హరిచరణౌ స్మరతాపవర్గహేతోః ॥ ౬॥
శుభమిదముపలభ్య మానుషత్వం సుకృతశతేన వృథేన్ద్రియార్థహేతోః ।
రమయతి కురుతే న మోక్షమార్గం దహయతి చన్దనమాశు భస్మహేతోః ॥ ౭॥
ముకులితకరకుడ్మలైః సురేన్ద్రైః సతతనమస్కృతపాదపఙ్కజో యః ।
అవిహతగతయే సనాతనాయ జగతి జనిం హరతే నమోఽగ్రజాయ ॥ ౮॥
యమాష్టకమిదం పుణ్యం పఠతే యః శ‍ృణోతి వా ।
ముచ్యతే సర్వపాపేభ్యో విష్ణులోకం స గచ్ఛతి ॥ ౯॥
ఇతీదముక్తం యమవాక్యముత్తమం మయాధునా తే హరిభక్తివర్ద్ధనమ్ ।
పునః ప్రవక్ష్యామి పురాతనీం కథాం భృగోస్తు పౌత్రేణ చ యా పురా కృతా
॥ ౧౦॥

1
 యమాష్టకం నరసింహపురాణే

ఇతి శ్రీనరసింహపురాణే యమాష్టకనామ నవమోఽధ్యాయః ॥ ౯॥

Narasimhapurana adhyAya 9
https://archive.org/details/NarsimhaPuranGitapress

Proofread by Singanallur Ganesan singanallur at gmail.com

Yamashtakam from Narasimhapurana

pdf was typeset on September 14, 2022

Please send corrections to sanskrit@cheerful.com

2 sanskritdocuments.org