PAGSASALING – WIKA: KAHALAGAHAN SA KURSONG

SIKOLOHIYA AT AKADEMIKONG PERPORMANS

NG MGA MAG-AARAL
INTRODUKSYON

Mahalaga ang pagsasalin sa pagpapayaman ng kulturang Filipino. Daan ito upang

makilala ang mga dakilang bagay mula sa mga banyaga tungo sa ating wika at kultura, at sa

pagpapayaman ng pagpapakahulugan sa isang teksto mula sa sinaunang panahon tungo sa iba’t

ibang yugto ng pagtanggap ng isang lipunan. Sa pagsasalin ay isa sa mga gawaing kinakailangan

ng halos lahat ng larangan at gawain ng tao. Sa mga guro, napakahalaga nitong matutunan

sapagkat responsibilidad nilang ituro ang mga babasahin o aralin lalo na kung ito ay nasa

Wikang Ingles at nararapat lamang nilang isalin ito sa Wikang Filipino upang maging malinaw at

maintindihan nang lubos ng mga mag-aaral. Sa pag-aaral ng Sikolohiya, nalilinang ang

pagkatuto sa pakikipagkapwa-tao at napapag-aralan ang iba’t ibang salik na nakakaapekto sa

pag-iisip at pakikipagkomunikasyon ng indibidwal. Ang kursong Sikolohiya ay naglalaman ng

napakaraming salita o terminolohiya na mahirap unawain ng mag-aaral kung hindi ito isasalin sa

Wikang Filipino. May posibilidad na mapag-iwanan sila sa klase o hindi kaya naman ay hindi

sila malinawan sa mga talakayan kung hindi nila lubos na maintindihan ang mga salita o

terminilohiyang ginagamit. Malaki ang tungkulin na ginagampanan ng pagsasalin wika sa pag-

aaral ng mga mag-aaral. Napakahalagang malaman ang tamang salin ng isang salita upang ito ay

mabigyang halaga at importansya.

Ayon kay Dela Fuentes (2014) sa artikulong “Kahalagahan ng pagsasalingwika”, ang

pagsasaling wika ay nakakatulong upang isulong ang ating ekonomiya dahil kaakibat ng

pagsasaling wika ang ating wika, teknolohiya, agham, at medisina. Madaling unawain ng

mamamayang Pilipino ang mga teksto kung ito ay maisasalin sa Wikang Filipino. Ang

pagsasaling wika ay nararapat na gamitin sa pag-aaral sapagkat ang mga napiling salita ay

walang katumbas sa Wikang Filipino. Maiintindihang mabuti ng mga Pilipino kung ang
gagamiting wika ay ang pansariling wika. Makakatulong ang pagsasaling wika upang mapaunlad

ang Wikang Filipino. Hindi lang ito basta proseso kundi ito rin ay isa sa mga dahilan kung bakit

napapagyabong at nalilinang ang kaalaman ng mga Pilipino sa pakikipagkomunikasyon at

pakikipagtalastasan. Inilahad rin ni Bautista (2017) na ang pagsasaling wika ay isang paraan ng

pagsulat kung saan isinusulat muli ang tesksto sa ibang wika batay sa gagamitin ng tagasalin

subalit hindi nawawala ang diwa ng orihinal nito. Mahalaga ang pagsasaling wika dahil

ginagamit ito sa pagpapalaganap ng kaalaman o kaisipang nakapaloob sa akda at pagpapakilala

sa mga bagong mambabasa ng isang akdang itinuturing na makabuluhan ng isa ilang tao. Ang

pagsasaling wika ay hindi lamang bahago ng pag-aara; sa mga prosesong nakapaloob sa

panitikan. Bagkus ito ay may malaking impluwensya sa ating kasaysayan. Sa madaling salita ang

pagsasaling wika ay paglilipat sa pinagsasalinang wika ng pinakamalapit na katumbas sa diwa at

estilo na nasa wikang isinasalin.

Sa pag-aaral na inilahad ni Rodel (2013), kailangan ding may mga proyekto at gawain

upang lalo pang mapaunlad ang pagsasaling-wika. Ang ilan sa mga proyektong binanggit niya ay

ang pagsasalin ng mga teksbuk na lubhang mahalaga sa pagkatuto ng mga estudyante sa bawat

kurso, pagsasalin sa mga akdang teknikal sa larangan ng agham, matematika, agham panlipunan

at ekonomiya, pagpapalakas ng pagsasalin bilang isang aralin o disiplina at pagpapalimbag ng

mga dyornal sa pagsasalin. Ang pagsasaling wika ay isang larang at sining na dapat pag-ukulan

ng nararapat na pansin, kaya marapat lamang na alamin ang mga salik na nakapaloob dito.

Ayon sa Republic Act 10533 o mas kilala bilang “Enhanced Basic Education”, nasasaad

ang paggamit ng Mother tounge mula kindergarten hanggang sa ikatlong baiting ng elementarya

sa pagtuturo. Sinusuhayan ito ng hindi iilang aral na mas epektibo ang bata sa pag-aaral ng

sekondaryang wika kapag mas nauna niyang natutuhan ang wikang kaniyang nauunawaan o ang
kanyang Mother tounge. Sa ganitong paraan mas nauunawaan, napapadali at napapalawak ang

kaalaman ng mga mag-aaral kung ang salita ay isasalin sa lenggwaheng kaniyang kinagisnan.

Ang pangunahing layunin ng pananaliksik na ito ay malaman ang kahalagahan ng

pagsasaling-wika at epekto nito sa akademikong perpormans ng mga mag-aaral. Layunin rin nito

na magbigay ng dagdag na impormasyon ukol sa pananaliksik at malaman kung nakakatulong ba

ang pagsasaling-wika sa pag-aaral ng mga mag-aaral sa kursong Sikolohiya. Bilang panimulang

haka, mayroong direktang ugnayan ang pagsasaling-wika sa akademikong perpormans ng mga

mag-aaral. Masasabing mayroong epekto ang pagsasaling-wika sa akademikong perpormans ng

mga mag-aaral sa kursong Sikolohiya. Masasabing nakatutulong ito upang mas maunawaan ng

mga mag-aaral ang mga pinag-aaralan sa kursong ito at mas nagiging malawak ang kanilang

pang-unawa at pagpapahalaga sa Wikang Filipino.

Ang pag-aaral na ito ay naglalayong makahanap ng mga epekto upang maging gabay ng

mananaliksik para mabigyang kasagutan ang pananaliksik na pinamagatang “Pagsasaling-wika:

Kahalagahan sa kursong Sikolohiya at Akademikong Perpormans ng mga Mag-aaral”.

Sa makatuwid, ang mananaliksik ay gumawa ng mga katanugan na naglalayong masagot

ng mga napiling respondente.

1. Ano ang kahalagahan ng pagsasaling-wika sa kursong Sikolohiya?

2. Ano ang epekto ng pagsasaling-wika sa akademikong perpormans ng mga mag-aaral?

3. Paano nakatutulong ang pagsasaling-wika sa akademikong perpormans ng mga mag-aaral sa

kursong sikolohiya?
KONSEPTWAL NA BALANGKAS

INPUT PROSESO AWTPUT

Alamin ang Pagsasagawa ng Pagbibigay ng
kahalagahan ng interbyu at alternatibong
pagsasaling-wika sa pagbibigay ng mga solusyon.
pagkatuto ng mga talatanungan na
mag-aaral. Pagbibigay ng
sasagutan ng mga
konklusiyon at
napiling respondent.
malaman kung
nakakatulong ba ang
Epekto ng
pagsasalin wika sa
pagsasaling-wika sa Pag-oorganisa at akademikong
akademikong pag-aanalisa ng mga perpormans ng mga
perpormans ng mga datos. mag-aaral.
mag-aaral.

Booklet

Ipinapakita ng ilustrasiyon ang prosesong daraanan ng pananaliksik sa pamamagitan ng

pagpapakita ng input-process-output model.

Ang illustrasiyon ay naglalahad ng iba’t ibang aspeto upang makumpleto ang

isinasagawang pananaliksik. Ang inputs na ginamit ng mananaliksik ay naglalaman ng mga

paglalahad ng layunin ng pananaliksik. Aalamin ang kahalagahan ng pagsasaling-wika sa

pagkatuto ng mga mag-aaral sa pamamagitan ng sabey at interbyu. Kapag natukoy na ang

kahalagahan at epekto ng pagsasaling-wika sa akademikong perpormans ng mga mag-aaral,

handa na ito para sa pag-aanalisa.

 Ipinapakita naman sa proseso ang pagkalap ng mga datos sa pamamagitan ng sarbey at

interbyu. Ipinapakita rin dito ang pagproseso ng nakalap na datos. Ang mga makakalap na datos

ay dadaan sa mabuting pag-aanalisa at pagsusuri ng mananaliksik.

Sa awtput magaganap ang pagbibigay ng konklusiyon at pagsasagot sa mga tanong na

inihanda bago pa mag-umpisa ang pangangalap ng datos. Ang mananaliksik ay bubuo ng

rekomendasyon sa pagtatapos ng pananaliksik. Aalamin din ng mananaliksik kung nakakatulong

nga ba ang pagsasaling-wika sa akademikong perpormans ng mga mag-aaral sa kursong

sikolohiya. Magkakaroon rin ng paggawa ng isang malikhaing booklet kung saan naglalaman ito

ng mga salita o parirala na nakalagay ang mga salitang may kaugnayan sa kursong Sikolohiya na

nakasalin na sa Wikang Filipino. Sa ganitong paraan matutulungan ang mga mag-aaral unawain

at malaman ang mga salitang hindi nila lubos na maintidihan.

BALANGKAS TEORETIKAL

Sa teoryang iskema, ayon kay (Pearson, 1987) ang teoryang iskema ay ang proseso ng

pag-uugnay ng mga kaalaman sa pagkabuo ng mahahalagang salik sa pag-unawa. Ayon naman

kina (Pearson at Sapiro, 1987) ang lahat ng ating naranasan at natutuhan ay nakagalak sa isipan

at maayos na nakalahad sa kategorya. Ang iskemang ito ay nadaragdagan, nililinang, nagbabago,

at nagpapa-unlad. Inilarawan ni (Rumelhart, 1977) ang iskemata bilang “building blocks of

cognition” na ginagamit sa proseso ng pagbibigay-interpretasyon sa mga datos, sa pagkuha ng

mga impormasyon mula sa alaala, sa pag-oorganisa ng mga layunin sa paggamit ng mga

resorses, at kontrolin ang daloy ng mga proseso.

 METODOLOHIYA

A. DISENYO NG PANANALIKSIK

Ang pag-aaral na ito ay Eksperementasyon at nasa anyong Deskriptib-Kwantitatib. Ito ay

kwantitatib sapagkat sinusukat nito ang estatistika ng kahalagahan at epekto ng pagsasaling-wika

sa akademikong perpormans ng mga piling mag-aaral na mula sa unang taon sa kolehiyo, sa

kursong AB Psychology ng Mindoro State University - Calapan City Campus at deskriptibo

dahil nakasaad dito kung paano makapagbigay tugon sa mga tanong na may kinalaman at

kunektado sa pag-aaral na ito.

Upang maisakatuparan ang pananaliksik na ito, gumamit ang mananaliksik ng sarbey o

talatanungan sa paraang masasagot ang kanilang mga katanungan at upang makakalap ng mga

datos na magiging impormasyon na makakatulong sa pag-aaral na isinagawa.

B. INSTRUMENTO NG PANANALIKSIK

Ang mananaliksik ay masusing nag-isip ng mga maaaring maging katanungan na

naaayon sa pananaliksik na ito upang gayon ay naaayon rin ang mga makakaalaap na

impormasyon ng mananaliksik. Ang pagsasagawa ng sarbey o talatanungan ay naglalaman ng

mga katanungan hinggil sa kahalagahan ng pagsasaling-wika at ang epekto nito sa akademikong

perpormans ng mga mag-aaral.

Pinagkunan ng mananaliksik ng mga kasagutan ang ipinamahaging talatanungan sa mga

respondente upang maging basehan ng mga datos at interpretasyon ukol sa resulta ng nasabing

pag-aaral.

Upang masiguro ang mga impormasyong nakalap ay nagsagawa ang mananaliksik ng

mga di-pormal na pakikipanayam sa ilang respondente kaugnay ang resulta ng kanilang

pagsasagot sa mga talatanungan. Ito ay upang masiguro ng mananaliksik ang katumpakan ng

resulta ng kanilang pagsasagot.

C. TRITMENT NG MGA DATOS

Ang nakalap na datos ay susuriin upang mas mapadali ang pagtataya rito. Gumamit ang

mananalikisk ng Impact Assesment upang ipresenta ang mga datos. Ito ang napili ng

mananaliksik na pamamaraan sapagkat madaling maintindihan ang mga datos at mailalahad ang

mga epekto ng pagsasalin wika sa akademikong perpormans ng mga mag-aaral, positibo man ito

o negatibo. Sa pagsasagawa nito, gumamit ang mananaliksik ng standardized na instrument o

bumuo ng kustomisadong instrumento para mailahad ang naturang impak.

Upang makuha ang bahagdan o porsyento ng mga sagot sa talatanungan, ang

mananaliksik ay gumamit ng datos at porsyento. Ipinapakita sa ibaba ang pormula na

makakatulong sa pagsusuri ng datos.

KNR
P ( % )= X 100
N

Kung saan:

P (%) = Porsyento

KNR = Kabuuang bilang ng mga kasagutan

N = Kabuuang bilang ng mga respondente

100 = Konstante

Ang pormulang ito ay makakatulong sa pagsusuri upang mapadali ang pag-iinterpreta ng

mga datos na nakalap ng mga mananaliksik sap ag-aaral na isinagawa.

SANGGUNIAN:

Bautista M. (2017). Pagsasaling wika. https://www.slideshare.net/kazekage15/pagsasaling-wika

Dela Fuentes. (2014, October 23). Kahalagahan ng Pagsasalin wika.

http:/udyong.gov.ph/teachers-corner/5650-kahalagahan-ng-pagsasaling-wika

Pearson & Sapiro. (1987). Filipino. https://pdfcoffee.com/ang-kabisaan-sa-pagsasaling-wika-ng-

wikang-filipino-sa-wikang-ingles-ng-mga-estudyante-ng-ika-10-baitang-ng-holy-angel-school-

of-caloocan-inc-pdf

Rodel G. (2013). Kasanayan ng mga Mag-aaral sa Pagsasalin ng mga Talatanungan para sa

Pananaliksik. https://www.studocu.com/es-mx/document/southern-luzon-state-university/

mathematics/pagpapataas-ng-kasanayan-sa-pagsasalin-ng-wikang-ingles-sa filipino/20175413?

fbclid=IwAR1RUKYcGoJZ9lglVSXvAhN_Qa8ABDAs_Mumv6lkQLftu8VJ7wICFTwt2SQ

Rumelhart. (1977). Metakognitibong pagbasa.

https://www.coursehero.com/file/46208327/metakognitibong-pagbasapptx/?fbclid=IwAR2-

raNReAKtApoYfuZTnFVBDZQLP_hzI_4CWUnOT7kzLd62QsN63Thdh3M