Bakit mahalaga ang kaalaman tungkol sa sinaunang kabihasnang
Pilipino bilang pundasyon sa pagsusuri at pagtatatasa ng bansa sa kasalukuyan?
Ang mga pangyayari sa nakaraan ay may napakalaking bahagi sa mga kaganapan
sa ating kasalukuyan. Ito ang pinagmulan ng mga bagay-bagay na ating nakikita at natatamasa sa panahon ngayon. Kahit ito ay noong sinaunang kabihasnan pa man, ito ay may matibay na pagkakaugnay sa mga nagaganap sa kasalukuyang panahon. Kaya naman napakahalagang magkaroon ng kaalaman tungkol sa mga pangyayari sa nakaraan lalo na sa ating mga sinaunang kabihasnan. Maraming aral na kaakibat ang mga pangyayaring ito na maaari nating magamit sa ating mga nararanasan sa kasalukuyan at pati na sa mga mararanasan natin sa hinaharap. Maaari tayong matuto mula sa kanilang mga pagkakamali noong kanilang panahon at maiwasang magawa ang mga pagkakamaling iyon. Mayroon ngang kasabihan na nagsasabing ang sinumang hindi marunong lumingon sa kanyang pinanggalingan ay hindi makakarating sa kanyang paroroonan. Sa aking palagay, ang ibig sabihin lamang ng kasabihang ito ay hangga’t hindi natututo ang tao mula sa mga aral ng nakaraan, patuloy siyang makukulong dito at hindi siya kailanman makakarating sa kanyang gustong patunguhan. Ang ating bansa ay humaharap sa napakaraming isyung panlipunan sa kasalukuyan at ang karamihan dito ay maaari sanang maiwasan kung atin lamang pinahahalagahan ang mga pangyayari sa nakaraan. Isang halimbawa niyan ay ang kawalan ng pagkakaisa ng buong bansa na maaari nating mahalintulad sa buhay ng mga Pilipino sa mga sinaunang kabihasnan. Kaya naman napakahalagang magkaroon ng kaalaman tungkol sa mga kaganapan noong sinaunang panahon sapagkat magagamit natin ito bilang pundasyon sa pagsusuri ng mga kaganapan sa ating bansa sa panahon ngayon at sa pagharap sa mga magiging kalagayan ng ating lipunan sa mga susunod pang panahon.