BANGHAY NG PAGTUTURO SA FILIPINO 7

I. Layunin

A. Pamantayang Pangnilalaman

 Naipamamalas ng mag-aaral ang pag-unawa sa mga akdang pampanitikan ng

Luzon

B. Pamantayan sa Pagganap

 Naisasagawa ang pananaliksik ng mga Alamat, Mito o Kuwentong Bayan

partikular sa Luzon o sa rehiyon o lalawigang kinabibilangan

C. MELCS

 Nasusuri ang mga katangian ng mito,alamat, kuwentong -bayan, maikling

kuwento mula sa Luzon batay sa paksa, mga tauhan, tagpuan, kaisipan at mga
aspetong pangkultura (halimbawa: heograpiya, uri ng pamumuhay, at iba pa)

D. Mga Kasanayan sa Pagkatuto

Pagkatapos ng talakayan, ang mga mag-aaral ay inaasahang:

 Natutukoy ang kasalungat na salita

 Naibabahagi ang sariling saloobin kaugnay sa napanood na maikling kuwento
 Naitatanghal ang sariling kilos na gagawin bilang isa sa mga katutubo na
biniyayaan ng Bathala

II. Nilalaman : Panitikan – Isang Matandang Kuba sa Gabi ng Canao

Sanggunian: Pinagyamang Pluma 7 Alma M. Dayag Pahina 290-304 et. al.

Mga Kagamitan: Laptop, Lapel, Libro, Speaker, Kartolina

III.PAMAMARAAN (4 A’S)
Panimulang Gawain Panalangin
Pagbati
Pagtala ng Liban sa Klase
Pagbabalik-Aral Anong paksa ang ating tinalakay kahapon?
-PONEMANG SUPRASEGMENTAL
 Ano-ano ang 3 uri ng Ponemang Suprasegmental?
1.Intonasyon, Tono at Punto 2. Diin at Haba 3. Hinto o Antala
A. Aktibiti Pangganyak

Magbibigay ang guro ng gawain kung saan ito ay tatawagin na 4Pics

One Word. Ito ay gagawin sa pamamagitan ng pagpapakita ng mga
larawan at tutukuyin ng mga mag-aaral kung saan pumapatungkol
ito.

-Igorot
-Pagdiriwang
- Bathala
- Sayawan
-Kantahan

Gawain 1: PAYABUNGIN NATIN (pahina 293-294)

Piliin ang kasalungat ng salitang nakasulat nang madiin sa

pangungusap. Bilugan ang titik ng tamang sagot.

1. Hinabol ng kabataan ang mailap na baboy-ramo na iaalay sa

gagawing pagdiriwang ng canao.
a. maamo b. maliksi
c. mabagsik d. mabagal
2. Maraming pangyayari ang nanikit sa kaniyang utak magsimula ang
pagdiriwang ng canao.
a. nawala b. nakasama
c. nagpaliwanag d. bumulong
3. Dumapo ang isang ibong nabighani sa kakinanganng punong
tumubo.
a. nasilaw b. naligaw
c. natakot d. napagod
4. Nabuwal sa kanilang harapan ang puno ng ginto.
a. naglaho b. bumagsak
c. tumindig d. naputol
5. Biglang dumaluhong ang mga tao sa nakitang pataas nang pataas
na gintong puno
a. mabilis sumugod b. sumipa ng malakas
c. tumakbo papalayo d. sumampa nang mabilis
 Gawain 2: Panoood (Isang Matandang Kuba sa Gabi ng Canao)

Magpapanood ang guro sa mga mag-aaral ng isang video ng maikling

kuwentong “Isang Matandang Kuba sa Gabi ng Canao”

Pagtalakay

Tatalakayin ng guro ang mahahalagang kaisipan kaugnay sa

napanood na maikling kuwento.

Ang canao ay isang ritwal o seremonyang ginagawa sa isang

pagtitipon. Ang paraan ng pagdiriwang nito ay nakabatay sa pangkat
na gumagawa nito. Ilan sa mga pangkat-etnikong nagsasagawa ng
canao ay ang mga Kankana-ey, Kalinga, Igorot at iba pa. Ito ay
ginagawa para sa masasayang selebrasyongaya ng pasasalamat sa
masaganang ani, pasasalamat sa pagkakagamot, pagbibinyag, pag-
aasawa, at iba pa. Ngunit, hindi rito natatapos ang gamit nito.
Maaarin rin itong gawin sa malulungkot na pangyayari gaya ng lamay.

Ngayon, ang canao ay hindi na masyadong isinasagawa o kung

mayroon mang gumagawa nito ay hindi na gaya ng dating magarbo
at detalyado.

B. Analisis Ang mga mag-aaral ay sasagutin ang mga nakahandang katanungan

kaugnay ng paksa sa pamamagitan ng Estratehiyang I’m Passing This
Question To My Classmate (pahina 300-301)

Mga Tanong:

1.Sino ang pangunahing tauhan sa kuwento? Ilarawan ang kanyang

katangian
2. Ano ang dahilan at nagpadaos ng canao si Lufo-o at ang kanyang
pamilya?
3. Paano nila pinaaghandaan ang nasabing pagdiriwang?
4. Paano ipinagdiwang ng pamilya ni Lifu-o ang canao?
5. Ano ang naging gantimpala sa kanila ni Bathala sa kanilang
isinagawang pagdiriwang? Ano ang kinahinatnan ng gantimpalang
ito?
 6. Kung ikaw ang nasa kalagayan ni Lifu-o o isa sa kanilang mga
kasama, ano ang gagawin mo upang maiwasan ang nangyari sa
gantimpala na kanila sanang natanggap
7. Anong isang kahulugan ng nabanggit sa akda na simula sa araw na
iyon ay pahihirapan muna ng tao ang sa isang ginto? Nangyari bai to
sa kasalukuyan?
8. Anong pangunahing aral ang naging hatid ng maiklng kuwento sa
iyong buhay?

C. Abstraksyon Bakit hindi mabuting maghangad nang labis lalo na sa kayamanan?

Paano maiiwasan ang bagay na ito?
D. Aplikasyon Pagsasatao

Kung ikaw ay isa sa mga katutubong gaya nina Lifu-o at kaniyang mga
kasamahan na biniyayaan ng matandang kuba ng isang puno ng
ginto, ano ang gagawin mo? Susundin mo ba ang bilin ng matanda na
huwag galawin ang puno kundi ang bunga lamang nito o susuwayin
mo pang makakuha ng mas maraming ginto?
IV. Pagtataya Lagyan ng bilang 1 hanggang 10 ang patlang upang mapagsunod-
sunod ang mga pangyayaring naganap sa akda. (pahina 302)

____ 1. Bago nagawang dumapo ng isang ibong nabighani sa

kakinangan ng kahoy ay nabuwal ang puno ng ginto.
____ 2. Dinumog ng mga tao ang puno ng ginto at ito ay kanilang
tinaga, tinapyas at pinagbali-bali
____ 3. Nag-alay ng karne ng baboy, mga awit, sayaw, malalakas na
tugtog, at panalangin ang mga katutubo para sa kanilang anito
____ 4. Nagpahanda ng tap-pey at fayassi Lifu-o sa kaniyang
dalagang anak na si Sabsafung.
____ 5. Nagpalagay ng taklob na kawa ang matandang kuba at
nagbilin ito sa mga katutubo hingil sa mangyayari pagkalipas ng
tatlong araw.
____ 6. Nagpasyang magdaos ng canao si Lifu-o sa kanyang tahanan
matapos makakita ng isang uwak sa gitna ng daan.
____ 7. Nagsalita ang matandang kuba at nagsabing dininig ni
Kabunian at bibiyayaan ng mga anito ang pagdiriwang ng canao ng
mga katutubo.
____ 8. Nang tuluyang bumagsak ang puno ay para itong aninong
pinawi ng makinang na liwanag ng araw.
____ 9. Narinig ni Lufo-o ang isang bulong o hanging nagsasabing
bago sila makakuha ng ginto ay huhukayin muna nila ito.
____ 10. Unti-unting nagkalamat ang kawa pagdating ng takdang
araw at ito ay naging punong ginto.

V. Pagninilay
A. Bilang ng mga mag-
aaral na nakakuhang
 80% sa pagtataya
B. Bilang ng mga mag-
aaral na
nagangailangan ng
remediation
C. Alin ang estratehiyang
panturo ang
nakatulong ng lubos?
Paano?
D. Alin ang estratehiyang
panturo ang
nakatulong ng lubos?
Paano?