"Kabataang Mamamahayag, Nagpakitang Husay sa First Congressional District
Schools Press Conference"
Ni: Kerstel H. Silano Umarangkada sa unang pagkakataon ang inaabangang laban, ang First Congressional District Schools Press Conference na ginanap sa Manolo Fortich National High School noong ika-19 ng Enero, 2024 na nilahukan ng mga Kabataang mamamahayag mula sa lungsod ng Manolo Fortich, Libona, Talakag, Baungon at Malitbog. Ayon kay dating Kongresista sa unang Distrito ng Bukidnon na si Gng. Malou Acosta-Alba na ang malawakang pagbabasa ay maging daan sa pag-unlad ng komunidad alinsunod sa kanilang ipinatupad na programang “Mission ALBA-Advocacy for Literacy Building and Acceleration”. Dahil dito, nabigyan ng pag-asa at kumpyansa ang mga kalahok sa iba’t ibang kategorya ng pagsulat. Kabilang sa mga kategorya ng laban ay pagsulat ng lathalain, balitang pampalakasan, pagsulat ng editorial, pagsulat ng balita, pagguhit sa editorial, broadcasting at ang punakabago sa lahat ang online publishing. Dumalo sa patuntunan ang mga kahanga-hangang pinuno ng Dibisyon ng Bukidnon. Kabilang dito ang Public Schools District Supervisor, Dr. Neil A. Improgo at mga batiking mga guro na magsisilbing hurado sa bawat larangan. Hinihikayat ang mga kabataang mamamahayag na maging tagapagdala ng katotohanan at naaayon sa panahon ang pagbabalita. Ang programa ay winakasan sa pamamagitan ng paghayag ng mga nagwagi sa patimpalak. Isang malaking karangalan ang nakamit ng isa sa mga mag-aaral ng Kalugmanan Elementary School na si Kerstel H. Silano na nagwagi sa ikalawang pwesto sa pagsulat ng balita.