St.

Peter’s Academy
Polangui, Albay

MODYUL SA FILIPINO GRADE-2

Name of Student: _____________________________________ Date Submitted: ___________

Quarter: 2nd
Paksa: Ang Batong Sagabal
Kaantasan ng Pang-uri

Layunin:
 Nakagagamit ng mga pahiwatig upang malaman ang kahulugan ng mga salita
 Nasasagot ang mga tanong tungkol sa binasang akda
 Natutukoy ang kaantasan ng pang-uri sa pangungusap
 Nakapaglalarawan ng mga bagay, tao, pangyayari, at lugar
 Nakasusulat sa kabit-kabit na paraan na may tamang laki at layo sa isa’t isa ang mga
salita

Introduksyon

Ang bato ay mahalaga at may maraming gamit tulad ng sa pagtatayo ng matitibay na

bahay, gusali, at kalsada. Ginagamit din itong pandekorasyon sa mga bahay. Ngunit alam mo
bang mayroon ding mga batong napakamahal at nagkakahalaga ng milyong dolyar? Ang mga
ito’y ang mga diyamante na itinuturing na pinakamatigas na mineralsa buong mundo.
(Pinagyamang Pluma-2)

Kaantasan ng Pang-uri
*Lantay- Pang-uring panlarawan sa katangian ng iisang pangngalan o panghalip. Walang
paghahambing sa katangian sa kaantasang ito.
Halimbawa: Masaya ang hari nang may magsasakang nagtanggal sa bato.

*Pahambing- Pang-uring naghahambing ng dalawang pangngalan.

Halimbawa: Mas masipag ang magsasaka kaysa sa mga pinunong naunang dumaan.
Magkasinsaya ang hari at ang magsasaka sa nangyari

*Pasukdol- Pag-uring naghahambing ng higit sa dalawang pangngalan. Gumagamit ito ng mga

salitang ubod ng, hari ng, saksakan ng, pag-uulit ng pang-uri, at iba pa.
Halimbawa: Pinakamasaya sa lahat ang magsasaka dahil nakatulong siya sa kanyang bayan.

Mga Gawain

 Simulan Natin
 Payabungin Natin A at B
 Sagutin Natin A at B
 Madali Lang Iyan
 Subukin Pa Natin
 Tiyakin Na Natin
 Isulat Natin
 Reference: Pinagyamang Pluma-2

 Paggawa ng journal: Isulat sa isang pirasong papel

 “Sa dinami-dami ng mamamayang nakakita sa bato, tanging ang magsasaka lang ang
nagmalasakit na tanggalin ang sagabal na ito. Ikaw, paano mo maipapakitang mahal
moa ng ating bansa at may malasakit ka rito?”
Pagpapalwak ng Kaalaman

Panuto: Kilalanin ang kaantasan ng mga pang-uring nakasalungguhit sa bawat pangungusap.

Bilugan ang titik ng tamang sagot.

1. Ang magkakaibigan ay mabait sa isa’t isa.

a. lantay b. pahambing c. pasukdol

2. Ubod ng sipag ang batang si Nelson.

a. lantay b. pahambing c. pasukdol

3. Mas masarap manirahan sa probinsya kaysa sa siyudad.

a. lantay b. pahambing c. pasukdol

4. Pinakamatanda si Nito sa lahat ng magkakapatid.

a. lantay b. pahambing c. pasukdol

5. Saksakan ng tapang ang alaga kong asong si Tagpi.

a. lantay b. pahambing c. pasukdol

6. Magsinsipag ang magkapatid.

a. lantay b. pahambing c. pasukdol

7. Malabo ang mata ni Lolo Isko.

a. lantay b. pahambing c. pasukdol

8. Magkasingtangkad ang dalawang magkaibigan.

a. lantay b. pahambing c. pasukdol

9. Masayang masaya ang lahat nang dumating ang kanilang hinihintay.

a. lantay b. pahambing c. pasukdol

10. Mabilis magsulat si Anna sa pisara.

a. lantay b. pahambing c. pasukdol