Mother of Good Counsel Seminary

Senior High School Department

Unisite subdivision, Del Pilar, City of San Fernando, Pampanga, Philippines

Fundamentals of Faith
Francisco, Renz Ashley S. Rev. Fr. Dudley T. Villanueva
sWhat is the impact of cruzada in Pampanga so far?
“Kasalpantayanan, miunlad milablab, ing pamikalugud agad linaganap.”
Iting cruzadang mayayaus a PENITENCIA Y CARIDAD, pakalulu at
remedio king lalawigan Capampangan, ngana pin mengamanung +Bishop
Guerrero+ “Here in Pampanga, there is much piety but little charity.” wa
mapangadi ita pero angga namu ba karin? Nanu bai ng parasan ning pamangadi?
Ita ing meging yamut ning cruzada, ing dumalo la ring mi-indu, karing
miyayaliuang balen, sitio, barangay ban mamie grasya at pakalulu. Tutung marakal
ing meging pamagbayu, marakal la ring meging debotos, magrosaryu, magkanta
miyayaliuang malagung dalit para king Virgen, mangumpisal, at syempre ing Santa
Misa, karin ku ikit na ding Capampangan, malugud la king Virgen, tuneng balayan
malagud kang Maria, balayan a malugud king Dios! Uling karing lamak a
mipapamie karing barangay, karing pakakalulu, ing metung karing parasan ning
cruzada. Ding tau, mitipun la anting metung a pamilya king lugal bang
manalangin, at iti e megbayu, adyang mika pandemia pa, mas lalu lang menalangin
adya mang ere adalo karing Parokya ra, penamdaman da ing lunus at kapaldanan
karing mi-indu. Pauli da reting mal a imahen, ikit da ring tau na king kapamilatan
ning makapakung Guinu, penamdaman da na kayabe re ing Apung Guinu king
pamagkasakit da, ing Guinu manantabe ya karela, at inga lang anggang lugud na at
pakalulu karing tau. Antimurin ing gamat ning Nuan a Virgen, mangadi ya, at nasa
na ita, uling king kapamilatan na, mas lalu na ka tamung ilapit king anak na, at ela
makasara nune makabuklat la, nasa na na etamu, maging maymut, maging
mapamie, magdake grasya, wa man tutu yang mengapmu king grasya at iti, dadake
na kekatamung anak na, buri na maging makanyan tamu rin karing kapara tamung
tau. Oyan pu siguru ding meging sangkan aniya ding Capampangan, ing karelang
kasalpantayanan, ing karelang pamikalugud ali mu king kilub ning karelang pibale-
bale, nune king karelang komunidad mu rin. Tutung makapagmulala iti.
King kekaban ning panaun, e mibayu ing lugud tamu karing mi-indu, e mu
sa karin mayayari, nune migunam tamu rin, mangumpisal, simba, sumaup king
nanu mang agyu tamu, lalu na karing pakakalulu, oyan ing tune cruzada, ating
parasan, ating payintungulan.